ROMANIK 12
12
Sabeet ne leel eng' Kristo
1Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu. 2Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.
3Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet. 4#1Kor 12.12 Amu agot ko uu ye ki tinyei kebeberwek che chaang' eng' poorto agenge, ama tinyei kebeberwek tugul poisyet agenge: 5ko uu nooto eng' acheek che ki chaang', kiborto agenge eng' Kristo, ak ki kebeberta age tugul ne po age. 6#1Kor 12.4-11 Ak ketinye konunoik che teerchiin ko uu myeeindo ne kigegoonech, ngo maonateet, ko ongeamde ko uu ole tee kayanennyo; 7anan poisyet, ongigoochigei poisyennyo; anan ineendet ne ineetisyei, kochuljigei kaneetisyennyi; 8anan ineendet ne iteitoi, kochuljige kateitaennyi: ineendet ne igoitoi, kogoito eng' aiyebindo; ineendet ne pou, koboi kochuljigei; ineendet ne rireegei, koriiregei eng' poiboiyet.
9Ingoek chamyet ne ma tinyei ng'aalseet. Wech miising' nooto ya; onamge ak ne myee. 10Ochamyee eng' chamyet ne uu ne po tupchosyek; ingoiit chiito age chiito age kosiir ineendet eng' teegisto; 11eng' kagiiletapkei amochoriren; ogiilgei miising' eng' mugulelwekwok, oote Kiptaiyat; 12oboiboitu eng' kamang'unet; omuitoi eng' nyalilda; ogiiljigei saaet kotugul; 13otoret che tiliileen eng' tuguuk che pononi; oaiyebitu eng' toek.
14 # Mat 5.44; Luk 6.28 Oberuur che usook; oberuur, amochup. 15Oboiboitu kobooto che poiboi; oriirye kobooto che riirtos. 16#Kale 3.7 Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.
17Amoyaakyi chii yaityo eng' yaityo. Ibwaat tuguuk che po teegisto eng' taitap piik tugul. 18Ngo mugaksei eng' okweek, otebi ak piik tugul eng' kaalyeet. 19#NKNg'a 32.35 Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.” 20#Kale 25.21-22 “Ngo am rubeet punyondeng'ung', ibai; ngo am melel, inage koe; amu ye iyae ko uu nooto ko kerurukyi ng'etetyot metinnyi.” 21Ameng' koterteerin yaityet, ago iterteer yaityet eng' ne myee.
Currently Selected:
ROMANIK 12: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
ROMANIK 12
12
Sabeet ne leel eng' Kristo
1Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu. 2Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.
3Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet. 4#1Kor 12.12 Amu agot ko uu ye ki tinyei kebeberwek che chaang' eng' poorto agenge, ama tinyei kebeberwek tugul poisyet agenge: 5ko uu nooto eng' acheek che ki chaang', kiborto agenge eng' Kristo, ak ki kebeberta age tugul ne po age. 6#1Kor 12.4-11 Ak ketinye konunoik che teerchiin ko uu myeeindo ne kigegoonech, ngo maonateet, ko ongeamde ko uu ole tee kayanennyo; 7anan poisyet, ongigoochigei poisyennyo; anan ineendet ne ineetisyei, kochuljigei kaneetisyennyi; 8anan ineendet ne iteitoi, kochuljige kateitaennyi: ineendet ne igoitoi, kogoito eng' aiyebindo; ineendet ne pou, koboi kochuljigei; ineendet ne rireegei, koriiregei eng' poiboiyet.
9Ingoek chamyet ne ma tinyei ng'aalseet. Wech miising' nooto ya; onamge ak ne myee. 10Ochamyee eng' chamyet ne uu ne po tupchosyek; ingoiit chiito age chiito age kosiir ineendet eng' teegisto; 11eng' kagiiletapkei amochoriren; ogiilgei miising' eng' mugulelwekwok, oote Kiptaiyat; 12oboiboitu eng' kamang'unet; omuitoi eng' nyalilda; ogiiljigei saaet kotugul; 13otoret che tiliileen eng' tuguuk che pononi; oaiyebitu eng' toek.
14 # Mat 5.44; Luk 6.28 Oberuur che usook; oberuur, amochup. 15Oboiboitu kobooto che poiboi; oriirye kobooto che riirtos. 16#Kale 3.7 Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.
17Amoyaakyi chii yaityo eng' yaityo. Ibwaat tuguuk che po teegisto eng' taitap piik tugul. 18Ngo mugaksei eng' okweek, otebi ak piik tugul eng' kaalyeet. 19#NKNg'a 32.35 Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.” 20#Kale 25.21-22 “Ngo am rubeet punyondeng'ung', ibai; ngo am melel, inage koe; amu ye iyae ko uu nooto ko kerurukyi ng'etetyot metinnyi.” 21Ameng' koterteerin yaityet, ago iterteer yaityet eng' ne myee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019