MATAYO 3
3
Johana Kabatisanindet
(Mar 1:1-8; Luk 3:1-18; Jhn1:19-28)
1Ki nyo eng' peetuusyechooto Johana kabatisanindet koamdaati eng' surkwen ne po Judea, 2#Mat 4.17; Mar 1.15 koleen, “Osigu, amu kagoriik pounatetap kipsengwet.” 3#Isa 40.3 Ni ineendet ne ki kamwa maotyot Isaiah kole,
“Tuugeetap chii ne kuursei eng' surkwen, koleen:
‘Ochop ooreetap Kiptaiyat,
olitiit ole punooti.’ ”
4 # 2Lai 1.8 Ki ilaachi Johana sambutap tambeesik, ak ki rategei pireneetap muito, ak amitwogikyik ko ki chereng'endet ak kumyatap timiin. 5Ki ng'etyo anyun piigap Jerusalem ak Judea komugul, ak komoswek tugul che neegitee Jordan koba ole mi ineendet, 6ak ki kibatisan icheek eng' aineet ne po Jordan, kong'aanyei tengekwogikwak.
7 # Mat 12.34; 23.33 Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei? 8Oii logoek che nyoljin siguunet. 9#Jhn 8.33 Amat obwaat ole, ‘Ki tinyei kwandanyo Abraham,’ amu amwaiwok ale, imuuchi Kamuktaindet kong'eetyi Abraham lagok eng' koichu. 10#Mat 7.19 Agot nguno ko kagiting'e aiywet tigitigap keetiik; kiebei keetit age tugul ne ma iyei logoek che myach ak kewiirchi ma. 11Abatisanook eng' peek agobo siguunet; ineendet ne isubwo ko tinyei kimnateet kosiiro, ma nyolu aipchinot kweonikyik. Ibatisanook ineendet eng' Kabuuset ne Tiliil ak maat. 12Tinyei eng' eunnyi keibennyi, ak kotiliili komyee rwanyut; ak koyumji nganuuk chogennyi, ak kobeele `meteteek maat ne ma imisoksei.”
Kabatisaneet ne po Jeso
(Mar 1:9-11; Luk 3:21-22)
13Ki nyo anyun Jeso kobunu Galilaya konyo Jordan ole mi Johana, si kibatisan. 14Ago kimachei Johana koeesyo, kole, “Kanyool ibatisana, ago kenyoonjo anee?” 15Ago ki wolji Jeso koleenji, “Cham nguno; amu kanyoljech eng' ooreet ne uu ni kigeesu imanda tugul.” Kocham anyun.
16Kingo kagibatisan Jeso, ye kigatogos kityo eng' peek, ogeero, ki yaatagis kipsengwet ak kogeer `ineendet Kabuusetap Kamuktaindet kochoorugei ko uu cheptuget ak kotonoon eng' paragunnyi. 17#Tau 22.2; T.Kal 2.7; Isa 42.1; Mat 12.18; 17.5; Mar 1.11; Luk 9.35 Ak ki mang'une tuugeet kipsengwet, kole, “Ni ko Weeriinnyu, chamanennyu, agasegei ineendet.”
Currently Selected:
MATAYO 3: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
MATAYO 3
3
Johana Kabatisanindet
(Mar 1:1-8; Luk 3:1-18; Jhn1:19-28)
1Ki nyo eng' peetuusyechooto Johana kabatisanindet koamdaati eng' surkwen ne po Judea, 2#Mat 4.17; Mar 1.15 koleen, “Osigu, amu kagoriik pounatetap kipsengwet.” 3#Isa 40.3 Ni ineendet ne ki kamwa maotyot Isaiah kole,
“Tuugeetap chii ne kuursei eng' surkwen, koleen:
‘Ochop ooreetap Kiptaiyat,
olitiit ole punooti.’ ”
4 # 2Lai 1.8 Ki ilaachi Johana sambutap tambeesik, ak ki rategei pireneetap muito, ak amitwogikyik ko ki chereng'endet ak kumyatap timiin. 5Ki ng'etyo anyun piigap Jerusalem ak Judea komugul, ak komoswek tugul che neegitee Jordan koba ole mi ineendet, 6ak ki kibatisan icheek eng' aineet ne po Jordan, kong'aanyei tengekwogikwak.
7 # Mat 12.34; 23.33 Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei? 8Oii logoek che nyoljin siguunet. 9#Jhn 8.33 Amat obwaat ole, ‘Ki tinyei kwandanyo Abraham,’ amu amwaiwok ale, imuuchi Kamuktaindet kong'eetyi Abraham lagok eng' koichu. 10#Mat 7.19 Agot nguno ko kagiting'e aiywet tigitigap keetiik; kiebei keetit age tugul ne ma iyei logoek che myach ak kewiirchi ma. 11Abatisanook eng' peek agobo siguunet; ineendet ne isubwo ko tinyei kimnateet kosiiro, ma nyolu aipchinot kweonikyik. Ibatisanook ineendet eng' Kabuuset ne Tiliil ak maat. 12Tinyei eng' eunnyi keibennyi, ak kotiliili komyee rwanyut; ak koyumji nganuuk chogennyi, ak kobeele `meteteek maat ne ma imisoksei.”
Kabatisaneet ne po Jeso
(Mar 1:9-11; Luk 3:21-22)
13Ki nyo anyun Jeso kobunu Galilaya konyo Jordan ole mi Johana, si kibatisan. 14Ago kimachei Johana koeesyo, kole, “Kanyool ibatisana, ago kenyoonjo anee?” 15Ago ki wolji Jeso koleenji, “Cham nguno; amu kanyoljech eng' ooreet ne uu ni kigeesu imanda tugul.” Kocham anyun.
16Kingo kagibatisan Jeso, ye kigatogos kityo eng' peek, ogeero, ki yaatagis kipsengwet ak kogeer `ineendet Kabuusetap Kamuktaindet kochoorugei ko uu cheptuget ak kotonoon eng' paragunnyi. 17#Tau 22.2; T.Kal 2.7; Isa 42.1; Mat 12.18; 17.5; Mar 1.11; Luk 9.35 Ak ki mang'une tuugeet kipsengwet, kole, “Ni ko Weeriinnyu, chamanennyu, agasegei ineendet.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019