ISAIAH 7
7
Isaiah ak Laitoryat Ahaz
1 # 2Lai 16.5; 2A.Pet 28.5-6 Eng' peetuusyegap Ahaz weeriitap Jotham, weeriitap Uzziah, laitoryatap Judah, kotogosta Rezin laitoryatap Syria, ak Pekah weeriitap Remaliah, laitoryatap Israel koba koleen kobookyi Jerusalem; ago ma imuuch koterteer. 2Ye kingo kas kootap Daudi keele kogonamgei Syria ak Ephraim ko ki potan muguleldo ne po Ahaz ak mugulelwegap piikyik ko uu ye itumdumi usoonet keetiigap timiin.
3Ki mwachi anyun `Kamuktaindet ne Toroor Isaiah koleenji, ui anyun otuiye ak Ahaz, inyee ak Shear-jashup weeriing'ung', otuiyechi ole igeesunegei kererchetap tamboiyot ne po meto, ne mi ooreet ne oo ne po kooretap mwetindet, 4ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah. 5Amu kagochaamin Syria kobooto Ephraim ak weeriitap Remaliah, koleenjigei, 6ongetogoste kebarge ak Judah, ak kinyalil ak keluuljige, si kinde nooto weeriitap Tabeel koek laitoryat, 7kamwa ko uu ni Kiptaiyat Kamuktaindet ne Toroor, kole
ma tononi niito,
ama yaaksei.
8Amu metitap Syria ko Damasko,
ak metitap Damasko ko Rezin.
(Ye tomo kogeskei kenyiisyek tamanwogik lo ak muut, ko tonaksei Ephraim si ma ko pororyet.)
9Metitap Ephraim ko Samaria,
ak metitap Samaria ko weeriitap Remaliah.
Ngot ko moyan,
koma koi ogimegitu.
Kaboorunet agobo Immanuel
10Ki ng'alaalji `Kamuktaindet ne Toroor Ahaz kogeny koleenji, 11“Soom Kamuktaindet ne Toroor Kamuktaindeng'wong' kaboorunet; soom agot ngo miitei rireet, anan ngot komi parak miising'.” 12Ago ki mwa Ahaz kole, “Ma soome, amatyeme Kamuktaindet ne Toroor.” 13Ak ki mwa Isaiah kole, “Ogas anyun, ee kootap Daudi! Tos kiit ne ming'in eng' okweek ogoochi piik kong'etyo, kot ogoochi Kamuktaindennyu kong'et agine? 14#Mat 1.23 Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel. 15Amei ineendet mwaitap cheego ak kumyat, ye kagonai koeesyo yaityet, ak kolewen ne myee. 16Amu kotom konai lakweet koeesyo ne ya, ak kolewen ne myee, kemetoi emet ne iweche laitorinikyik tuwai. 17Ibun Kamuktaindet ne Toroor, kobooto piiguk, ak kootap kwandang'ung', peetuusyek che tomo kobiit, kobooch peetuut ne ki istoegei `Ephraim Judah; nooto laitoryatap Assyria.”
18Ak eng' peetuunooto koititenji Kamuktaindet ne Toroor kalyang'ik che mi tabanwek che looen che po ainoosyegap Misiri, ak koititenji segemik che mi emetap Assyria. 19Si kobwa, yeityo komuuny tugul eng' atebwosyek che ki koek surkwen, ak eng' ole ki kobetak eng' rwandosyek, ak eng' katok tugul, ak eng' ola tugul ole kiyagisye.
20Inemu metit Kamuktaindet ne Toroor eng' peetuunooto eng' rotweet ne ki alei, ne mi komoswegap aineet pitoniin, kobooto laitoryatap Assyria, inemu metit ak koroorigap keelyek, ak konem kogeny tamnet kogees.
21Eng' peetuunooto, koyagi `chiito rooryat ak keechiirek aeng'; 22tuun amei ineendet mwaitap cheego amu tuun koonu icheeget cheego che chaang', amu tuun amei age tugul ne kang'et eng' emet, mwaitap cheego ak kumyat.
23Ak tuun piitu eng' peetuunooto katook che rutei piich ak che toorei piich eng' komosta age tugul, eng' ole ki mi keetiigap sabibuk eliphuut agenge che yamegei kamanuutyennyi ak fedhaisyek eliphuut. 24Wendi chiito olooto kotinyei kipchabonik ak kwanget, amu egu emonooto tugul katook che rutei piich ak che toorei piich. 25Moriikyini peetuunooto tuloonook tugul che mengeechen che ki kibat, amu oiywei katook che rutei piich ak che toorei piich, ago egu ole kiyage tuuga, ak ole tyechei keechiirek.
Currently Selected:
ISAIAH 7: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 7
7
Isaiah ak Laitoryat Ahaz
1 # 2Lai 16.5; 2A.Pet 28.5-6 Eng' peetuusyegap Ahaz weeriitap Jotham, weeriitap Uzziah, laitoryatap Judah, kotogosta Rezin laitoryatap Syria, ak Pekah weeriitap Remaliah, laitoryatap Israel koba koleen kobookyi Jerusalem; ago ma imuuch koterteer. 2Ye kingo kas kootap Daudi keele kogonamgei Syria ak Ephraim ko ki potan muguleldo ne po Ahaz ak mugulelwegap piikyik ko uu ye itumdumi usoonet keetiigap timiin.
3Ki mwachi anyun `Kamuktaindet ne Toroor Isaiah koleenji, ui anyun otuiye ak Ahaz, inyee ak Shear-jashup weeriing'ung', otuiyechi ole igeesunegei kererchetap tamboiyot ne po meto, ne mi ooreet ne oo ne po kooretap mwetindet, 4ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah. 5Amu kagochaamin Syria kobooto Ephraim ak weeriitap Remaliah, koleenjigei, 6ongetogoste kebarge ak Judah, ak kinyalil ak keluuljige, si kinde nooto weeriitap Tabeel koek laitoryat, 7kamwa ko uu ni Kiptaiyat Kamuktaindet ne Toroor, kole
ma tononi niito,
ama yaaksei.
8Amu metitap Syria ko Damasko,
ak metitap Damasko ko Rezin.
(Ye tomo kogeskei kenyiisyek tamanwogik lo ak muut, ko tonaksei Ephraim si ma ko pororyet.)
9Metitap Ephraim ko Samaria,
ak metitap Samaria ko weeriitap Remaliah.
Ngot ko moyan,
koma koi ogimegitu.
Kaboorunet agobo Immanuel
10Ki ng'alaalji `Kamuktaindet ne Toroor Ahaz kogeny koleenji, 11“Soom Kamuktaindet ne Toroor Kamuktaindeng'wong' kaboorunet; soom agot ngo miitei rireet, anan ngot komi parak miising'.” 12Ago ki mwa Ahaz kole, “Ma soome, amatyeme Kamuktaindet ne Toroor.” 13Ak ki mwa Isaiah kole, “Ogas anyun, ee kootap Daudi! Tos kiit ne ming'in eng' okweek ogoochi piik kong'etyo, kot ogoochi Kamuktaindennyu kong'et agine? 14#Mat 1.23 Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel. 15Amei ineendet mwaitap cheego ak kumyat, ye kagonai koeesyo yaityet, ak kolewen ne myee. 16Amu kotom konai lakweet koeesyo ne ya, ak kolewen ne myee, kemetoi emet ne iweche laitorinikyik tuwai. 17Ibun Kamuktaindet ne Toroor, kobooto piiguk, ak kootap kwandang'ung', peetuusyek che tomo kobiit, kobooch peetuut ne ki istoegei `Ephraim Judah; nooto laitoryatap Assyria.”
18Ak eng' peetuunooto koititenji Kamuktaindet ne Toroor kalyang'ik che mi tabanwek che looen che po ainoosyegap Misiri, ak koititenji segemik che mi emetap Assyria. 19Si kobwa, yeityo komuuny tugul eng' atebwosyek che ki koek surkwen, ak eng' ole ki kobetak eng' rwandosyek, ak eng' katok tugul, ak eng' ola tugul ole kiyagisye.
20Inemu metit Kamuktaindet ne Toroor eng' peetuunooto eng' rotweet ne ki alei, ne mi komoswegap aineet pitoniin, kobooto laitoryatap Assyria, inemu metit ak koroorigap keelyek, ak konem kogeny tamnet kogees.
21Eng' peetuunooto, koyagi `chiito rooryat ak keechiirek aeng'; 22tuun amei ineendet mwaitap cheego amu tuun koonu icheeget cheego che chaang', amu tuun amei age tugul ne kang'et eng' emet, mwaitap cheego ak kumyat.
23Ak tuun piitu eng' peetuunooto katook che rutei piich ak che toorei piich eng' komosta age tugul, eng' ole ki mi keetiigap sabibuk eliphuut agenge che yamegei kamanuutyennyi ak fedhaisyek eliphuut. 24Wendi chiito olooto kotinyei kipchabonik ak kwanget, amu egu emonooto tugul katook che rutei piich ak che toorei piich. 25Moriikyini peetuunooto tuloonook tugul che mengeechen che ki kibat, amu oiywei katook che rutei piich ak che toorei piich, ago egu ole kiyage tuuga, ak ole tyechei keechiirek.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019