ISAIAH 5
5
Kalewenetap mbareetap sabibuk ne mayiei
1 # Mat 21.33; Mar 12.1; Luk 20.9 Ngatyenji chamanennyu
tyendo ne po chamyet agobo mbareennyi ne po sabibuk:
Ki tinyei chamanennyu mbareetap sabibuk
eng' tulweet ne ming'in ne akwai miising'.
2Ki pal keriinget koyieme ak koisto koik eng' yooto,
ak komiinji keetiik che korooron che po sabibuk,
ak koteech teekseet ne kooi eng' kwenut,
ak kobal kogeny ole kitue sabibuk eng' yooto.
Kileen imuuchi koi sabibuk,
ago ki ii sabibuk che po timiin.
3Ara anyun, okweek che omenye Jerusalem,
ak okweek piigap Judah,
asaok ale orwookwo ak mbareennyu ne po sabibuk.
4Nee ne kita ta keyaei ne siirei eng' mbareennyu ne po sabibuk,
ne ma ayai?
Amu nee anyun, ye kinga leen yiei sabibuk,
koi sabibuk che yaacheen?
5“Ak nguno anyun amwaiwok kiit ne aitoi mbareennyu ne po sabibuk.
Aistoi ng'otwennyi,
si keam.
Abute irimennyi,
si ketyech.
6Ametoi keng'em,
si ma kesabori ama kesemberi;
ago piitos katook che rutei piich ak che toorei piich.
Ang'ate kogeny poolik
si mata korobonji.”
7Mbareetap sabibuk ne po Kamuktaindet ne Toroor ne po lugoosyek
ko kootap Israel,
ak keetinnyi ne iboiboi ineendet
ko piigap Judah.
Ki igen kirwooget,
ago ki keer tumdaetap korotiik;
ki igen imanda,
ago ki kas riirek.
8Pwo eng' icheek che ituitos kooriik,
ak kotesei mbareenik,
kot koma komi poroindo,
ak kemetok omeny okweegei
eng' kwenutap emet!
9Mwaei Kamuktaindet ne Toroor ne po lugoosyek, agase eng' itiikyuk kole:
“Iman, kuberi kooriik che chaang',
agot kooriik che eecheen che korooron, koma menyei chii.
10Amu yiei ekaisyek tamanu che po mbareetap sabibuk, debeinik aeng',
ak kooi kesweegap kiloinik pogol agenge, kiloinik taman.”
11Pwo eng' icheek che ng'eetos karon miising',
kocheeng'at maiyek;
che eeisei agoi kemoi kween,
kot kobogityo miising'!
12Mi eng' igoorwekwak ketubet ak kibugandet,
sugutit ne ming'in ak ndurerut, ak maiyek.
Ago ma iiti icheek poisyetap Kamuktaindet ne Toroor
anan kobwaat poisyonigap eunekyik.
13Kigeluul anyun piikyuk,
amu kibetyi naet.
Piikwak che konyitotiin ko parei rubeet,
ak tuiyennywa ko parei melelda.
14Nooto anyun, ki kobarait ye mi che ki kobek,
ak kigoseng'eng' ne ma aechin ak kiy;
choorchingei olooto che teegisootin che po Jerusalem ak chaang'indonywa,
ak kogeny choorchingei olooto etunatennywa kobooto ineendet ne igasegei eng' kwenunnywa.
15Kinyeroti chiito ne nyeraat, ak kiming'ini chiito ne oo,
ak ki abuchi konyegap icheeget che ieetegei.
16Ago itoroorot Kamuktaindet ne Toroor ne po lugoosyek eng' kirwoogetap imanda,
ak Kamuktaindet ne Tiliil koboortoigei kole itabaanat eng' imanda.
17Yeityo koagetyo aaregap kechir ko uu eng' ole cham koagete,
ak koam toek ole ki kometo che akwaen.
18Pwo eng' icheek che ichuutune ng'oogisto poroonik che po puch,
ak kochuutu tengekto ko uu eng' rogoetap chepkichutit,
19che mwaei kole, “Ingochaakta ineendet,
kochokyi poisyennyi,
si kobiit kegeer.
Ingorik konyo kirwoogetap Ineendet ne Tiliil ne po Israel,
si kobiit kenai!”
20Pwo eng' icheek che kuure `yaityet myeeindo,
ak koguure `myeeindo yaityet,
che igeere `mesundeito lapkeiyet,
ak kogeere `lapkeiyet mesundeito;
che igeere `ng'wanindo anyinyindo,
ak kogeere `anyinyindo ng'wanindo!
21Pwo eng' icheek che indogei kole ki utaatiin,
ak kogeerei koleen ng'ulaatiin!
22Pwo eng' icheek che koroomen koee divaik,
ak murenik che kiimeen che puruchi maiyek.
23Che iityin imanda kiptengekyot agobo asoya,
ak korebe imanda chiito ne po iman!
24Nooto anyun, ko uu ye peelei liplibenetap maat mobeek,
ak ko uu ye igeesu liplibenetap maat susweek che yamyotiin,
ko uu nooto kergeitu tigitikwak ak nunateet,
ak kotogosta taaptokwak ko uu temburyek;
amu ki koeesyo ng'atuutigap Kamuktaindet ne Toroor ne po lugoosyek,
ak kosas ng'olyootap Ineendet ne Tiliil ne po Israel.
25Ki nereekyi kot anyun `Kamuktaindet ne Toroor piikyik,
ak ki iyogoito eunnyi kogirinda icheek, ak kobir,
kibotanso tuloonook che mengeechen,
ak ki ek muuswekwak pusagaryek eng' kwenutap ortinwek.
Nganda uu nooto, koma istogei nereegekyik,
ago ta kochuulat eunnyi kora.
26Ak konamji ineendet parak songolyet koboorchi pororyo ne loo,
ak koititenji icheek kobwa eng' ole poochin ng'wony,
ak kobwa korwou, kochogu.
27Ma piitu eng' icheek ne ng'etei anan ko ne ibuti;
ama mi ne inuuchi anan ne ruei;
ama kitustusi pireneet ne rategei,
ama ng'etei tapsinietap kweonikwak.
28Ng'atiben kipchabonikwak,
ak ko riigotin kwangokwak tugul;
kirogendoi keelyegap paraisisyekwak koik che uueen,
ak uu tirookwak kipchurchuryet.
29Uu porisenennywa ne po ng'etundo,
porisendos ko uu parnotigap ng'etuunyik;
porisendos ak konam chooto kagonam,
ak komut kochamegei,
ama piitu chii ne saru.
30Ak komororchi icheek eng' peetuunooto ko uu mororetap nyanjet.
Ak ngo keer chii emet,
ogeero, mi mesundeito ak pichiindo,
ak koimenit lapkeiyet eng' polikyik.
Currently Selected:
ISAIAH 5: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 5
5
Kalewenetap mbareetap sabibuk ne mayiei
1 # Mat 21.33; Mar 12.1; Luk 20.9 Ngatyenji chamanennyu
tyendo ne po chamyet agobo mbareennyi ne po sabibuk:
Ki tinyei chamanennyu mbareetap sabibuk
eng' tulweet ne ming'in ne akwai miising'.
2Ki pal keriinget koyieme ak koisto koik eng' yooto,
ak komiinji keetiik che korooron che po sabibuk,
ak koteech teekseet ne kooi eng' kwenut,
ak kobal kogeny ole kitue sabibuk eng' yooto.
Kileen imuuchi koi sabibuk,
ago ki ii sabibuk che po timiin.
3Ara anyun, okweek che omenye Jerusalem,
ak okweek piigap Judah,
asaok ale orwookwo ak mbareennyu ne po sabibuk.
4Nee ne kita ta keyaei ne siirei eng' mbareennyu ne po sabibuk,
ne ma ayai?
Amu nee anyun, ye kinga leen yiei sabibuk,
koi sabibuk che yaacheen?
5“Ak nguno anyun amwaiwok kiit ne aitoi mbareennyu ne po sabibuk.
Aistoi ng'otwennyi,
si keam.
Abute irimennyi,
si ketyech.
6Ametoi keng'em,
si ma kesabori ama kesemberi;
ago piitos katook che rutei piich ak che toorei piich.
Ang'ate kogeny poolik
si mata korobonji.”
7Mbareetap sabibuk ne po Kamuktaindet ne Toroor ne po lugoosyek
ko kootap Israel,
ak keetinnyi ne iboiboi ineendet
ko piigap Judah.
Ki igen kirwooget,
ago ki keer tumdaetap korotiik;
ki igen imanda,
ago ki kas riirek.
8Pwo eng' icheek che ituitos kooriik,
ak kotesei mbareenik,
kot koma komi poroindo,
ak kemetok omeny okweegei
eng' kwenutap emet!
9Mwaei Kamuktaindet ne Toroor ne po lugoosyek, agase eng' itiikyuk kole:
“Iman, kuberi kooriik che chaang',
agot kooriik che eecheen che korooron, koma menyei chii.
10Amu yiei ekaisyek tamanu che po mbareetap sabibuk, debeinik aeng',
ak kooi kesweegap kiloinik pogol agenge, kiloinik taman.”
11Pwo eng' icheek che ng'eetos karon miising',
kocheeng'at maiyek;
che eeisei agoi kemoi kween,
kot kobogityo miising'!
12Mi eng' igoorwekwak ketubet ak kibugandet,
sugutit ne ming'in ak ndurerut, ak maiyek.
Ago ma iiti icheek poisyetap Kamuktaindet ne Toroor
anan kobwaat poisyonigap eunekyik.
13Kigeluul anyun piikyuk,
amu kibetyi naet.
Piikwak che konyitotiin ko parei rubeet,
ak tuiyennywa ko parei melelda.
14Nooto anyun, ki kobarait ye mi che ki kobek,
ak kigoseng'eng' ne ma aechin ak kiy;
choorchingei olooto che teegisootin che po Jerusalem ak chaang'indonywa,
ak kogeny choorchingei olooto etunatennywa kobooto ineendet ne igasegei eng' kwenunnywa.
15Kinyeroti chiito ne nyeraat, ak kiming'ini chiito ne oo,
ak ki abuchi konyegap icheeget che ieetegei.
16Ago itoroorot Kamuktaindet ne Toroor ne po lugoosyek eng' kirwoogetap imanda,
ak Kamuktaindet ne Tiliil koboortoigei kole itabaanat eng' imanda.
17Yeityo koagetyo aaregap kechir ko uu eng' ole cham koagete,
ak koam toek ole ki kometo che akwaen.
18Pwo eng' icheek che ichuutune ng'oogisto poroonik che po puch,
ak kochuutu tengekto ko uu eng' rogoetap chepkichutit,
19che mwaei kole, “Ingochaakta ineendet,
kochokyi poisyennyi,
si kobiit kegeer.
Ingorik konyo kirwoogetap Ineendet ne Tiliil ne po Israel,
si kobiit kenai!”
20Pwo eng' icheek che kuure `yaityet myeeindo,
ak koguure `myeeindo yaityet,
che igeere `mesundeito lapkeiyet,
ak kogeere `lapkeiyet mesundeito;
che igeere `ng'wanindo anyinyindo,
ak kogeere `anyinyindo ng'wanindo!
21Pwo eng' icheek che indogei kole ki utaatiin,
ak kogeerei koleen ng'ulaatiin!
22Pwo eng' icheek che koroomen koee divaik,
ak murenik che kiimeen che puruchi maiyek.
23Che iityin imanda kiptengekyot agobo asoya,
ak korebe imanda chiito ne po iman!
24Nooto anyun, ko uu ye peelei liplibenetap maat mobeek,
ak ko uu ye igeesu liplibenetap maat susweek che yamyotiin,
ko uu nooto kergeitu tigitikwak ak nunateet,
ak kotogosta taaptokwak ko uu temburyek;
amu ki koeesyo ng'atuutigap Kamuktaindet ne Toroor ne po lugoosyek,
ak kosas ng'olyootap Ineendet ne Tiliil ne po Israel.
25Ki nereekyi kot anyun `Kamuktaindet ne Toroor piikyik,
ak ki iyogoito eunnyi kogirinda icheek, ak kobir,
kibotanso tuloonook che mengeechen,
ak ki ek muuswekwak pusagaryek eng' kwenutap ortinwek.
Nganda uu nooto, koma istogei nereegekyik,
ago ta kochuulat eunnyi kora.
26Ak konamji ineendet parak songolyet koboorchi pororyo ne loo,
ak koititenji icheek kobwa eng' ole poochin ng'wony,
ak kobwa korwou, kochogu.
27Ma piitu eng' icheek ne ng'etei anan ko ne ibuti;
ama mi ne inuuchi anan ne ruei;
ama kitustusi pireneet ne rategei,
ama ng'etei tapsinietap kweonikwak.
28Ng'atiben kipchabonikwak,
ak ko riigotin kwangokwak tugul;
kirogendoi keelyegap paraisisyekwak koik che uueen,
ak uu tirookwak kipchurchuryet.
29Uu porisenennywa ne po ng'etundo,
porisendos ko uu parnotigap ng'etuunyik;
porisendos ak konam chooto kagonam,
ak komut kochamegei,
ama piitu chii ne saru.
30Ak komororchi icheek eng' peetuunooto ko uu mororetap nyanjet.
Ak ngo keer chii emet,
ogeero, mi mesundeito ak pichiindo,
ak koimenit lapkeiyet eng' polikyik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019