ISAIAH 46
46
Ole teerchindoi Kamuktaindet ak kanamonigap Babilon
1Abuksei Bel, ing'uruuksei Nebo; lae `tyong'ik ak `tuuga kanamonikwak: kagiyai koek mileet tuguuk che ki oiboti, ko uu lautyet eng' tyong'ik che ng'etyotiin. 2Ing'uruuksei ak ko abuksei tugul; amu ma imuuch kola lautyet, kiluulei icheeget. 3Oepcha iit, ee kootap Jakobo, ak tugul che ng'etunotiin che po kootap Israel, che ki ageseni kobooch ko kagisich, che ki kigeseni kobooch komi moo: 4Aa ineendet agoi osindo, ak agesenook agoi osich kalwalek: ki ayae, ak ageseni, ee ageseni, ak asaru. 5Orogendoa ng'oo, ak oaechinena ng'oo, ak oyaniena ng'oo si kobiit kegergeitu? 6Icheek che rong'u thahabu eng' lolet, ak kogere fedha ratilit, kosiirei kitang'indetap thahabu, ak koyae tuguuchooto kanamwet; ibutyin ng'wony icheek, ee, kutung'jin. 7Ibe tigikyyet, laei, ak koteepto eng' oldanyi, ak kotonon; ma keisto eng' komostanyi: ee, riirchin age kioto, ama imuuch kowol, anan kosar ineendet eng' nyalildanyi. 8Obwaat ni anyun, ak obartegei ole oo murenik: obwaatyige kogeny, ee okweek pistoichu. 9Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge; 10ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame: 11aguure toriityon ne amei panyeek eng' kong'asiis, aguure kirwoogindennyu kobun emet ne loo; ee, kaamwa, ak ayae kosulda; ki achop, ak ayai. 12Oepcha iit, okweek che oo nyigoonen, che oo looen eng' imanda: 13Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.
Currently Selected:
ISAIAH 46: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 46
46
Ole teerchindoi Kamuktaindet ak kanamonigap Babilon
1Abuksei Bel, ing'uruuksei Nebo; lae `tyong'ik ak `tuuga kanamonikwak: kagiyai koek mileet tuguuk che ki oiboti, ko uu lautyet eng' tyong'ik che ng'etyotiin. 2Ing'uruuksei ak ko abuksei tugul; amu ma imuuch kola lautyet, kiluulei icheeget. 3Oepcha iit, ee kootap Jakobo, ak tugul che ng'etunotiin che po kootap Israel, che ki ageseni kobooch ko kagisich, che ki kigeseni kobooch komi moo: 4Aa ineendet agoi osindo, ak agesenook agoi osich kalwalek: ki ayae, ak ageseni, ee ageseni, ak asaru. 5Orogendoa ng'oo, ak oaechinena ng'oo, ak oyaniena ng'oo si kobiit kegergeitu? 6Icheek che rong'u thahabu eng' lolet, ak kogere fedha ratilit, kosiirei kitang'indetap thahabu, ak koyae tuguuchooto kanamwet; ibutyin ng'wony icheek, ee, kutung'jin. 7Ibe tigikyyet, laei, ak koteepto eng' oldanyi, ak kotonon; ma keisto eng' komostanyi: ee, riirchin age kioto, ama imuuch kowol, anan kosar ineendet eng' nyalildanyi. 8Obwaat ni anyun, ak obartegei ole oo murenik: obwaatyige kogeny, ee okweek pistoichu. 9Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge; 10ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame: 11aguure toriityon ne amei panyeek eng' kong'asiis, aguure kirwoogindennyu kobun emet ne loo; ee, kaamwa, ak ayae kosulda; ki achop, ak ayai. 12Oepcha iit, okweek che oo nyigoonen, che oo looen eng' imanda: 13Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019