ISAIAH 38
38
Myandap Hezekiah
(2Lai 20:1-11; 2A.Pet 32:24-26)
1Kimyan Hezekiah eng' peetuusyechooto kot ko neegit kome. Ak ki nyo ole mi ineendet Isaiah maotyot weeriitap Amos, ak koleenji ineendet, “Mwaei Kamuktaindet ne Toroor kole, rarchi keet piigap koong'ung'; amu imee, mesabe.”
2Kowelel anyun Hezekiah togeennyi kogeer inaat, ak kosa Kamuktaindet ne Toroor, 3kole, ee Kamuktaindet ne Toroor, asaain ale, ibwaat ole ki atepte eng' imanda eng' taing'ung' ak eng' muguleldo ne ititaat, ak ki ayai ne myee eng' taing'ung'. Ak ki riir Hezekiah eng' ng'wanindo.
4Konyonji anyun `ng'olyootap Kamuktaindet ne Toroor Isaiah koleenji, 5“Ui mwachi Hezekiah ileenji, mwaei Kamuktaindet ne Toroor, Kamuktaindetap Daudi kwandang'ung' kole, kaagas saaeng'ung', kaageer peeguk po kong': keero, atesyini peetuusyeguk kenyiisyek taman ak muut. 6Ak asaruun kobooto nganasani eng' eunegap laitoryatap Assyria: ak ariibe nganasani. 7Ak egu ni kaboorunet eng' inyee ne punu Kamuktaindet ne Toroor, keele yaei Kamuktaindet ne Toroor kii kagomwa: 8Keero, aweechi urwet ne po tilutik ne kagorekta kobooto asiista eng' kiit ne kirogendoe saisyek, ne po Ahaz, koweek kwo let tilutik taman. Kotogos anyun asiista tilutik taman eng' kioto kirogendoisye ne kagagorektae.”
9Chu ng'aleek che kisir Hezekiah laitoryatap Judah, ye kiga komyan kot kosap eng' myandanyi.
10Ki amwa ale, eng' kwenutap peetuusyekyuk
ko kanyool awo;
achute kurgeetap kererit,
eng' peetuusyekyuk che ng'etunotiin.
11Ki amwa ale, ma ageere Kamuktaindet ne Toroor,
ineendet Kamuktaindet ne Toroor eng' emetap piik che saptos.
Ma ageere chiito kogeny kobooto che menyei ng'wony.
12Kageisto meng'ootennyu,
kageibena ko uu emait ne po mestowot.
Ki amaman saboondanyu ko uu ye mamanisyei chiito ne nabisyei;
istoa eng' keetit ne kinabisye;
iigeswa kobooch peet agoi kemoi.
13Ki asiis kot koeech;
iirye kawekyuk tugul ko uu ng'etundo;
iigeswa kobooch peet agoi kemoi.
14Ki atwegu anyun ko uu kibiswet anan cheptalamyat,
ki ariir ko uu cheptuget. Ki anyal parak kot koimenitu konyekyuk; ee Kamuktaindet ne Toroor, anyalili, egu ne riiba.
15Amwae nee anyun?
Ki ng'alaalwo, ak ki koyai ineendet kosulda:
Ki kobetena rwoon amu ng'wanindap saboondanyu.
16Ee Kiptaiyat, saptos piik eng' tuguuchuuto,
ak miitei saboondap saboondanyu tuguuchooto tugul.
Inyaa anyun, ak igoono asap.
17Keero, ki anyooru ng'wanindo ne oo agobo kalyennyu;
ago ki isaru saboondanyu komang'une keriingetap ng'emisyet,
amu ki iwiirte tengekwogikyuk koba let.
18Amu ma imuuchi kererit kolasun,
ma imuuchi meet kobwaatin.
Ma imuuchi komong' imandang'ung' icheeget che choorchingei keriinget.
19Ilasun che saptos, ee che saptos, ko uu ye alasun ra.
Iboorchin `kwanisyek lagok imandang'ung'.
20Choboot Kamuktaindet ne Toroor kosarwo,
kityeni anyun tyenwogikyuk eng' kibugandinigap inoik eng'
peetuusyek tugul che po sabeennyo eng' kootap Kamuktaindet ne Toroor.
21Kiga komwa Isaiah kole, “Ingoip logoegap mogoonik che inurotin, ak konuge ole mi ondiryet, si kosap.” 22Kiga mwa Hezekiah kole, “Nee kaboorunet ne iboorwo kole atogostoi kootap Kamuktaindet ne Toroor?”
Currently Selected:
ISAIAH 38: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 38
38
Myandap Hezekiah
(2Lai 20:1-11; 2A.Pet 32:24-26)
1Kimyan Hezekiah eng' peetuusyechooto kot ko neegit kome. Ak ki nyo ole mi ineendet Isaiah maotyot weeriitap Amos, ak koleenji ineendet, “Mwaei Kamuktaindet ne Toroor kole, rarchi keet piigap koong'ung'; amu imee, mesabe.”
2Kowelel anyun Hezekiah togeennyi kogeer inaat, ak kosa Kamuktaindet ne Toroor, 3kole, ee Kamuktaindet ne Toroor, asaain ale, ibwaat ole ki atepte eng' imanda eng' taing'ung' ak eng' muguleldo ne ititaat, ak ki ayai ne myee eng' taing'ung'. Ak ki riir Hezekiah eng' ng'wanindo.
4Konyonji anyun `ng'olyootap Kamuktaindet ne Toroor Isaiah koleenji, 5“Ui mwachi Hezekiah ileenji, mwaei Kamuktaindet ne Toroor, Kamuktaindetap Daudi kwandang'ung' kole, kaagas saaeng'ung', kaageer peeguk po kong': keero, atesyini peetuusyeguk kenyiisyek taman ak muut. 6Ak asaruun kobooto nganasani eng' eunegap laitoryatap Assyria: ak ariibe nganasani. 7Ak egu ni kaboorunet eng' inyee ne punu Kamuktaindet ne Toroor, keele yaei Kamuktaindet ne Toroor kii kagomwa: 8Keero, aweechi urwet ne po tilutik ne kagorekta kobooto asiista eng' kiit ne kirogendoe saisyek, ne po Ahaz, koweek kwo let tilutik taman. Kotogos anyun asiista tilutik taman eng' kioto kirogendoisye ne kagagorektae.”
9Chu ng'aleek che kisir Hezekiah laitoryatap Judah, ye kiga komyan kot kosap eng' myandanyi.
10Ki amwa ale, eng' kwenutap peetuusyekyuk
ko kanyool awo;
achute kurgeetap kererit,
eng' peetuusyekyuk che ng'etunotiin.
11Ki amwa ale, ma ageere Kamuktaindet ne Toroor,
ineendet Kamuktaindet ne Toroor eng' emetap piik che saptos.
Ma ageere chiito kogeny kobooto che menyei ng'wony.
12Kageisto meng'ootennyu,
kageibena ko uu emait ne po mestowot.
Ki amaman saboondanyu ko uu ye mamanisyei chiito ne nabisyei;
istoa eng' keetit ne kinabisye;
iigeswa kobooch peet agoi kemoi.
13Ki asiis kot koeech;
iirye kawekyuk tugul ko uu ng'etundo;
iigeswa kobooch peet agoi kemoi.
14Ki atwegu anyun ko uu kibiswet anan cheptalamyat,
ki ariir ko uu cheptuget. Ki anyal parak kot koimenitu konyekyuk; ee Kamuktaindet ne Toroor, anyalili, egu ne riiba.
15Amwae nee anyun?
Ki ng'alaalwo, ak ki koyai ineendet kosulda:
Ki kobetena rwoon amu ng'wanindap saboondanyu.
16Ee Kiptaiyat, saptos piik eng' tuguuchuuto,
ak miitei saboondap saboondanyu tuguuchooto tugul.
Inyaa anyun, ak igoono asap.
17Keero, ki anyooru ng'wanindo ne oo agobo kalyennyu;
ago ki isaru saboondanyu komang'une keriingetap ng'emisyet,
amu ki iwiirte tengekwogikyuk koba let.
18Amu ma imuuchi kererit kolasun,
ma imuuchi meet kobwaatin.
Ma imuuchi komong' imandang'ung' icheeget che choorchingei keriinget.
19Ilasun che saptos, ee che saptos, ko uu ye alasun ra.
Iboorchin `kwanisyek lagok imandang'ung'.
20Choboot Kamuktaindet ne Toroor kosarwo,
kityeni anyun tyenwogikyuk eng' kibugandinigap inoik eng'
peetuusyek tugul che po sabeennyo eng' kootap Kamuktaindet ne Toroor.
21Kiga komwa Isaiah kole, “Ingoip logoegap mogoonik che inurotin, ak konuge ole mi ondiryet, si kosap.” 22Kiga mwa Hezekiah kole, “Nee kaboorunet ne iboorwo kole atogostoi kootap Kamuktaindet ne Toroor?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019