ISAIAH 30
30
Pwo eng' Pororyet ne ngelelyon
1Pwo eng' lagok che ngelel, mwaei Kamuktaindet ne Toroor,
che tilei ng'aleek, ama eng' anee;
ak che tuchegei, ama eng' kabuusennyu,
si kobiit kotes tengekto eng' tengekto;
2che ng'eetos kochorchingei Misiri,
ama teebena;
che igimitegei kimnateetap Pharaoh,
ak komong' urwetap Misiri.
3Egu anyun kimnateetap Pharaoh kalilaneng'wong',
ak koek kamang'unet ne omang'u urwetap Misiri, toiyeng'wong'.
4Amu mi pounikyik Zoan,
ak kagobwa tononjinikyik Hanes.
5Ililandos tugul
agobo piik che ma imuuchi konyoorunee kiy,
che ma toreteet, anan ko kelunet,
ago egu kalilanet ak chotisyet.
6Maonateet agobo tyong'ik che po murot tai.
Punei emetap nyalilda ak ng'wanindo,
ole punu ng'etundo ne kotoy, ak ne kirgit,
ereneet ak ereneet ne tirireni, ne uu maat,
ibe mogornatosyekwak tigigoigap moegap sigirok,
ak koibe konoraikwak ukwegap tambeesik,
koipchin piik che ma nyoorunee kiy.
7Amu puch toretetap Misiri, ma tilei kiy,
ki aguure anyun ineendet
Rahab ne tebyei kosiisei.
Piik che ngelelik
8Ui anyun nguno, sirchi kiy ne kisire eng' tainnywa,
ak isirchi bukuit,
si kobunji peetuusyek che pwoonei
koek paornateet ne po koigeny ak koigeny.
9Amu icheeget ko piik che ngelel,
lagok che po lembeita,
lagok che ma chamei kogas
ng'atuutyetap Kamuktaindet ne Toroor;
10che mwachin keerik koleenji, “Amogeer”;
ak koleenji maotik, Amomaotenwech tuguuk che po iman,
omwaiwech tuguuk che tangus,
omaoten kaberberisyosyek,
11oistegei eng' ooreet, omaste eng' ooreet,
ogoochi Ineendet ne Tiliil ne po Israel kosiis eng' tainnyo.
12Mwaei anyun Ineendet ne Tiliil ne po Israel ko uu ni, kole,
Amu osase ng'olyoondoni,
ak omang'u sastaet ak kamaaset,
ak otiegei chooto;
13ko uu nooto anyun kergeitu tengegito eng' okweek
ak ole kigong'eer ole neegit kobutok,
ne kogotoorgei eng' inaatut ne kooi, ne luulei kochokyin.
14Ak kotui ko uu ye kituei tereetap cheptereniot,
ne tuatui koma riiree;
kot koma kenyooru rokyet
ne ki ibe maat eng' kapkoima,
anan kerame peek eng' keriinget.
15Amu komwa Kiptaiyat Kamuktaindet ne Toroor, Ineendet ne Tiliil ne po Israel, kole,
“Kisarwok ye oweege ak omuuny;
egu kimnateeng'wong' siisek ak kamang'unet.”
Ago ma ocham,
16ak ki omwa ole,
“Achicha! Ki mwee paraisisyek;”
ko uu nooto omweei anyun;
ak ki ole, “Kilaanye che chepchep;”
chepchebitu anyun ak icheek che onok.
17Mwee eliphuut agenge kereetap kong' ne po agenge;
omwee ngo keraak kong' muutu,
agoi kebagaaktak oige keetit ne kooi ne mi tulweet parak,
oige penderet ne mi tulweet parak.
18Igenok anyun Kamuktaindet ne Toroor,
si kobiit koboorwok myeeindo,
ak koek anyun ineendet ne itoroorot,
si kobiit koriirenak.
Amu Kamuktaindet ne Toroor ko Kamuktaindetap kirwooget;
iberuurotin tugul che igeni ineendet.
19Amu menyei `piik Zion eng' Jerusalem, ma iriiree kogeny. Iboorun iman myeeindo ye kas riireguk; ye kas kowolun. 20Nganda koonok Kiptaiyat amitwogigap nyalilda ak peegap usiisyet, koma keunyei Kanetindeng'ung' agoi, ago keerei konyeguk Kanetindeng'ung'. 21Ak ye komaste obe eutap tai, anan ye komaste obe murot kaataam, ogas anyun ng'olyoot ne mi let eng' okweek, ne mwaei kole, “Ooreet ni, oba orani.” 22Ak omurwon kiit ne ki kiliige kanamoniguk che po fedha che ki kiwai, kobooto che ki kiliige kanamoniguk che po thahabu che ki kitany. Iwirtoi ko uu kiit ne mi simdo; ileenjini, “Istegei eng' yu!” 23Ak koyook ineendet ropta ne po kesweguk, si kobiit igolse; ak kogoonok amitwogik che punu ruroteetap emet, ak koneryo ak kochang'a. Tuun agete kiyagiik ole paraa eng' peetuunooto. 24Amei eiik ak icheek ak moegap sigirok che ibatisyei, amitwogik che ki kichop ak kegonor koanyinyitu. 25Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen. 26Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.
Ng'emisyet ne nyoonjin Assyria
27Ogeero, punu kainetap Kamuktaindet ne Toroor ole loo,
lalei eng' nereegekyik, ak eng' iyeto ne oo ne togostoi;
nyiitaat kutinnyi nyitatet,
ak uu ng'elyeptanyi maat ne peelsei;
28ak uu kabusennyi kereruut ne mi peek che ing'irtogei,
che itei kaatit,
si kobiit kochuchugan pororyosyek eng' kipchuchugetap ng'emisyet,
ak kirate kutusweegap piik karnet ne imaasi.
29Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.
30Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta. 31Amu kitonatoni piigap Syria eng' tweguunetap Kamuktaindet ne Toroor, ne pirei eng' kirokto. 32Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi. 33Amu kigechop Topet #30:33 Topet: ko ‘Ole lalei.’ kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.
Currently Selected:
ISAIAH 30: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 30
30
Pwo eng' Pororyet ne ngelelyon
1Pwo eng' lagok che ngelel, mwaei Kamuktaindet ne Toroor,
che tilei ng'aleek, ama eng' anee;
ak che tuchegei, ama eng' kabuusennyu,
si kobiit kotes tengekto eng' tengekto;
2che ng'eetos kochorchingei Misiri,
ama teebena;
che igimitegei kimnateetap Pharaoh,
ak komong' urwetap Misiri.
3Egu anyun kimnateetap Pharaoh kalilaneng'wong',
ak koek kamang'unet ne omang'u urwetap Misiri, toiyeng'wong'.
4Amu mi pounikyik Zoan,
ak kagobwa tononjinikyik Hanes.
5Ililandos tugul
agobo piik che ma imuuchi konyoorunee kiy,
che ma toreteet, anan ko kelunet,
ago egu kalilanet ak chotisyet.
6Maonateet agobo tyong'ik che po murot tai.
Punei emetap nyalilda ak ng'wanindo,
ole punu ng'etundo ne kotoy, ak ne kirgit,
ereneet ak ereneet ne tirireni, ne uu maat,
ibe mogornatosyekwak tigigoigap moegap sigirok,
ak koibe konoraikwak ukwegap tambeesik,
koipchin piik che ma nyoorunee kiy.
7Amu puch toretetap Misiri, ma tilei kiy,
ki aguure anyun ineendet
Rahab ne tebyei kosiisei.
Piik che ngelelik
8Ui anyun nguno, sirchi kiy ne kisire eng' tainnywa,
ak isirchi bukuit,
si kobunji peetuusyek che pwoonei
koek paornateet ne po koigeny ak koigeny.
9Amu icheeget ko piik che ngelel,
lagok che po lembeita,
lagok che ma chamei kogas
ng'atuutyetap Kamuktaindet ne Toroor;
10che mwachin keerik koleenji, “Amogeer”;
ak koleenji maotik, Amomaotenwech tuguuk che po iman,
omwaiwech tuguuk che tangus,
omaoten kaberberisyosyek,
11oistegei eng' ooreet, omaste eng' ooreet,
ogoochi Ineendet ne Tiliil ne po Israel kosiis eng' tainnyo.
12Mwaei anyun Ineendet ne Tiliil ne po Israel ko uu ni, kole,
Amu osase ng'olyoondoni,
ak omang'u sastaet ak kamaaset,
ak otiegei chooto;
13ko uu nooto anyun kergeitu tengegito eng' okweek
ak ole kigong'eer ole neegit kobutok,
ne kogotoorgei eng' inaatut ne kooi, ne luulei kochokyin.
14Ak kotui ko uu ye kituei tereetap cheptereniot,
ne tuatui koma riiree;
kot koma kenyooru rokyet
ne ki ibe maat eng' kapkoima,
anan kerame peek eng' keriinget.
15Amu komwa Kiptaiyat Kamuktaindet ne Toroor, Ineendet ne Tiliil ne po Israel, kole,
“Kisarwok ye oweege ak omuuny;
egu kimnateeng'wong' siisek ak kamang'unet.”
Ago ma ocham,
16ak ki omwa ole,
“Achicha! Ki mwee paraisisyek;”
ko uu nooto omweei anyun;
ak ki ole, “Kilaanye che chepchep;”
chepchebitu anyun ak icheek che onok.
17Mwee eliphuut agenge kereetap kong' ne po agenge;
omwee ngo keraak kong' muutu,
agoi kebagaaktak oige keetit ne kooi ne mi tulweet parak,
oige penderet ne mi tulweet parak.
18Igenok anyun Kamuktaindet ne Toroor,
si kobiit koboorwok myeeindo,
ak koek anyun ineendet ne itoroorot,
si kobiit koriirenak.
Amu Kamuktaindet ne Toroor ko Kamuktaindetap kirwooget;
iberuurotin tugul che igeni ineendet.
19Amu menyei `piik Zion eng' Jerusalem, ma iriiree kogeny. Iboorun iman myeeindo ye kas riireguk; ye kas kowolun. 20Nganda koonok Kiptaiyat amitwogigap nyalilda ak peegap usiisyet, koma keunyei Kanetindeng'ung' agoi, ago keerei konyeguk Kanetindeng'ung'. 21Ak ye komaste obe eutap tai, anan ye komaste obe murot kaataam, ogas anyun ng'olyoot ne mi let eng' okweek, ne mwaei kole, “Ooreet ni, oba orani.” 22Ak omurwon kiit ne ki kiliige kanamoniguk che po fedha che ki kiwai, kobooto che ki kiliige kanamoniguk che po thahabu che ki kitany. Iwirtoi ko uu kiit ne mi simdo; ileenjini, “Istegei eng' yu!” 23Ak koyook ineendet ropta ne po kesweguk, si kobiit igolse; ak kogoonok amitwogik che punu ruroteetap emet, ak koneryo ak kochang'a. Tuun agete kiyagiik ole paraa eng' peetuunooto. 24Amei eiik ak icheek ak moegap sigirok che ibatisyei, amitwogik che ki kichop ak kegonor koanyinyitu. 25Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen. 26Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.
Ng'emisyet ne nyoonjin Assyria
27Ogeero, punu kainetap Kamuktaindet ne Toroor ole loo,
lalei eng' nereegekyik, ak eng' iyeto ne oo ne togostoi;
nyiitaat kutinnyi nyitatet,
ak uu ng'elyeptanyi maat ne peelsei;
28ak uu kabusennyi kereruut ne mi peek che ing'irtogei,
che itei kaatit,
si kobiit kochuchugan pororyosyek eng' kipchuchugetap ng'emisyet,
ak kirate kutusweegap piik karnet ne imaasi.
29Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.
30Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta. 31Amu kitonatoni piigap Syria eng' tweguunetap Kamuktaindet ne Toroor, ne pirei eng' kirokto. 32Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi. 33Amu kigechop Topet #30:33 Topet: ko ‘Ole lalei.’ kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019