ISAIAH 1
1
1 # 2Lai 15.1-7; 15.32-16.20; 18.1-20.21; 2A.Pet 26.1-23; 27.1-9; 28.1-27; 29.1-32.33 Ng'ang'utyet ne ki ityi Isaiah weeriitap Amos, ne ki keer agobo Judah ak Jerusalem, eng' peetuusyegap Uzziah, Jotham, Ahaz ak Hezekiah, laitorinigap Judah.
Tengektap Judah ak pirennyi
2Ogas, ee kipsengwet! Oep iit, inyee ng'wony!
Amu kagotwek Kamuktaindet ne Toroor, kole:
Ki aguu ak ki aneet lagok,
ago ki kongelelja.
3Ingen eito chiitap ko po,
ak kongen sigiryet piutap kiptaiyandennyi;
ago ma naei Israel,
ama ibwaati piikyuk.
4Pwo! Pororyet ne yaei tengekto,
piik che laei yaityet,
iyoteetap yaigap yaityet,
lagok che yaei ng'emisyet!
Ki kometo Kamuktaindet ne Toroor,
Ki kogas Ineendet ne Tiliil ne po Israel,
ki kotoiyegei kochuchuigei.
5Amu nee si kota kebirok,
kot obistoe miising' kosiir?
Myani metit komugul,
ki kotanui muguleldo komugul.
6Ma mi ole sabei
kobooch keldebesyet agoi metit;
ago tinyei mook ak kaneerutik,
ak mook che inenderi;
ma kiuun, ama kirat,
ama kinuur eng' mwaita.
7Kigoguber emeng'wong',
ki kebeel nganasookwok;
ibookyin toek emeng'wong' ogeere,
kogoguber, ko uu ne kogong'em toek.
8Kigebagaakta cheptap Zion
ko uu keryet eng' mbareetap sabibuk,
ko uu keryet eng' mbareetap ingweek,
ko uu nganaseet ne kiyiem puunik.
9 # Tau 19.24; Rom 9.29 Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising',
ta kiga kiwoongwech ko uu Sodom ak Gomorah.
10Ogas ng'olyootap Kamuktaindet ne Toroor,
okweek pounigap Sodom!
Oepchi iit ng'atuutyetap Kamuktaindennyo,
okweek piigap Gomorah!
11 # Amo 5.21-22 Tilei nee eng' anee chaang'indap tiseiywekwok?
Mwaei Kamuktaindet ne Toroor.
Kigonyia kagoochinoik che po peelset che po mengichik,
ak sunetigap tuuga che pootin;
ama paibaitune korotiigap kiruugik,
anan ko che po aaregap keechiir,
anan ko che po kwesik.
12Ye obwa tainnyu osaa,
ko ng'oo ne kimagenak kiito, si otyechatyech seremusyekyuk?
13Amatata oibu kagoochinoik che ma tilei kiy;
aweche nyamdutik che kibeelei.
Ma amuuchi amuita agobo igoorwegap arawet ne kaleel ak sabato,
ak kuursetap tuiyosyek - yaitwogichooto, kobooto tuiyetap kaming'inetapkei.
14Wechei saboondanyu
arawekwok che kaleel ak igoorwekwok che ki king'at.
Inyalila tuguuchooto;
kaang'et eng' laetap tuguuchooto.
15Ye oiite eunekwok,
aung'enok konyekyuk.
Agot ye osaa eng' saautik che chaang', koma kase;
nyiitaat eunekwok korotiik.
16Ounge, otiliilgei;
oiste yaityetap poisyonikwok eng' tainnyu;
osisye, amatata oyai yaityet,
17oneetkei oyai ne myee!
Ocheeng' kirwooget,
otoret che kisastoe,
obesyechi ng'aleek ne ma tinyei sigiik,
ong'alaaldochi mosoget.
18“Obwa anyun, keng'alaal,”
mwaei Kamuktaindet ne Toroor.
“Agot ngo piriireen tengekwogikwok,
koleelagitu ko uu pooldet ne leel;
agot ngo piriireen miising',
koigeitu koroorigap keechiirek.
19Ngot ochame ak ogase iit,
oame anyun akwaindap emet.
20Ago ngot oeesye ak ongelelse,
kebarenok rotwetap chok.”
Amu kagomwa niito kutitap Kamuktaindet ne Toroor.
21Kaegundo ano chepkugoniot nganaseet ne ko po iman,
ne kotinyei kirwooget ne po iman!
Komenyei imanda nganasanooto,
ago nguno komi rumiik.
22Kigoigei silingisyeguk michikyigek che kigenendoe silingisyek,
kigeburukto divaiguk peek.
23Ngelelik pouniguk,
ak ko choronogap chooriik.
Chamei age tugul asoya,
ak kosuboti tuguuk che kigeerchin.
Ma ibesyechin ne ma tinyei sigiik,
ama ki ipchin icheek ng'aleegap mosoget.
24Mwaei anyun Kiptaiyat, Kamuktaindet ne Toroor ne po lugoosyek,
Ineendet Ne po Kamuktaet ne po Israel, kole
haa, aroong'jini nereegekyuk icheek che wecho,
ak ayooktochigei mugetuut eng' puunikyuk.
25Atokyinin eunnyu,
ak aunde simdang'ung',
ak aiste murwoonindang'ung' tugul.
26Aweegu kirwoogiguk ko uu eng' tai,
ak aweegu kotigoniguk ko uu eng' tai.
Ye ibata nooto keguurenen Nganaseetap Imanda,
nganaseet ne kiyani.
27Tuun kityaachi Zion eng' kirwooget,
ak kityaache eng' imanda piikyik che sigu.
28Ago tuun king'emei tuwai,
pistoik ak kiptengeginik eng' peetuut agenge,
ak tuun kigeesu che metoi Kamuktaindet ne Toroor.
29Amu ililandos icheek amu keetiik che ki omache,
ak kiteweerak agobo mbareenik che ki olewen.
30Amu oigeitu keetit ne yaamdos sogekyik,
ak mbareet ne ma tinyei peek.
31Ak koigei che kiimeen katanisyek che arurendos,
ak koigei poisyennyi maat ne iteri;
ak kolalyo tuwai,
ama piitu ne imisi.
Currently Selected:
ISAIAH 1: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ISAIAH 1
1
1 # 2Lai 15.1-7; 15.32-16.20; 18.1-20.21; 2A.Pet 26.1-23; 27.1-9; 28.1-27; 29.1-32.33 Ng'ang'utyet ne ki ityi Isaiah weeriitap Amos, ne ki keer agobo Judah ak Jerusalem, eng' peetuusyegap Uzziah, Jotham, Ahaz ak Hezekiah, laitorinigap Judah.
Tengektap Judah ak pirennyi
2Ogas, ee kipsengwet! Oep iit, inyee ng'wony!
Amu kagotwek Kamuktaindet ne Toroor, kole:
Ki aguu ak ki aneet lagok,
ago ki kongelelja.
3Ingen eito chiitap ko po,
ak kongen sigiryet piutap kiptaiyandennyi;
ago ma naei Israel,
ama ibwaati piikyuk.
4Pwo! Pororyet ne yaei tengekto,
piik che laei yaityet,
iyoteetap yaigap yaityet,
lagok che yaei ng'emisyet!
Ki kometo Kamuktaindet ne Toroor,
Ki kogas Ineendet ne Tiliil ne po Israel,
ki kotoiyegei kochuchuigei.
5Amu nee si kota kebirok,
kot obistoe miising' kosiir?
Myani metit komugul,
ki kotanui muguleldo komugul.
6Ma mi ole sabei
kobooch keldebesyet agoi metit;
ago tinyei mook ak kaneerutik,
ak mook che inenderi;
ma kiuun, ama kirat,
ama kinuur eng' mwaita.
7Kigoguber emeng'wong',
ki kebeel nganasookwok;
ibookyin toek emeng'wong' ogeere,
kogoguber, ko uu ne kogong'em toek.
8Kigebagaakta cheptap Zion
ko uu keryet eng' mbareetap sabibuk,
ko uu keryet eng' mbareetap ingweek,
ko uu nganaseet ne kiyiem puunik.
9 # Tau 19.24; Rom 9.29 Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising',
ta kiga kiwoongwech ko uu Sodom ak Gomorah.
10Ogas ng'olyootap Kamuktaindet ne Toroor,
okweek pounigap Sodom!
Oepchi iit ng'atuutyetap Kamuktaindennyo,
okweek piigap Gomorah!
11 # Amo 5.21-22 Tilei nee eng' anee chaang'indap tiseiywekwok?
Mwaei Kamuktaindet ne Toroor.
Kigonyia kagoochinoik che po peelset che po mengichik,
ak sunetigap tuuga che pootin;
ama paibaitune korotiigap kiruugik,
anan ko che po aaregap keechiir,
anan ko che po kwesik.
12Ye obwa tainnyu osaa,
ko ng'oo ne kimagenak kiito, si otyechatyech seremusyekyuk?
13Amatata oibu kagoochinoik che ma tilei kiy;
aweche nyamdutik che kibeelei.
Ma amuuchi amuita agobo igoorwegap arawet ne kaleel ak sabato,
ak kuursetap tuiyosyek - yaitwogichooto, kobooto tuiyetap kaming'inetapkei.
14Wechei saboondanyu
arawekwok che kaleel ak igoorwekwok che ki king'at.
Inyalila tuguuchooto;
kaang'et eng' laetap tuguuchooto.
15Ye oiite eunekwok,
aung'enok konyekyuk.
Agot ye osaa eng' saautik che chaang', koma kase;
nyiitaat eunekwok korotiik.
16Ounge, otiliilgei;
oiste yaityetap poisyonikwok eng' tainnyu;
osisye, amatata oyai yaityet,
17oneetkei oyai ne myee!
Ocheeng' kirwooget,
otoret che kisastoe,
obesyechi ng'aleek ne ma tinyei sigiik,
ong'alaaldochi mosoget.
18“Obwa anyun, keng'alaal,”
mwaei Kamuktaindet ne Toroor.
“Agot ngo piriireen tengekwogikwok,
koleelagitu ko uu pooldet ne leel;
agot ngo piriireen miising',
koigeitu koroorigap keechiirek.
19Ngot ochame ak ogase iit,
oame anyun akwaindap emet.
20Ago ngot oeesye ak ongelelse,
kebarenok rotwetap chok.”
Amu kagomwa niito kutitap Kamuktaindet ne Toroor.
21Kaegundo ano chepkugoniot nganaseet ne ko po iman,
ne kotinyei kirwooget ne po iman!
Komenyei imanda nganasanooto,
ago nguno komi rumiik.
22Kigoigei silingisyeguk michikyigek che kigenendoe silingisyek,
kigeburukto divaiguk peek.
23Ngelelik pouniguk,
ak ko choronogap chooriik.
Chamei age tugul asoya,
ak kosuboti tuguuk che kigeerchin.
Ma ibesyechin ne ma tinyei sigiik,
ama ki ipchin icheek ng'aleegap mosoget.
24Mwaei anyun Kiptaiyat, Kamuktaindet ne Toroor ne po lugoosyek,
Ineendet Ne po Kamuktaet ne po Israel, kole
haa, aroong'jini nereegekyuk icheek che wecho,
ak ayooktochigei mugetuut eng' puunikyuk.
25Atokyinin eunnyu,
ak aunde simdang'ung',
ak aiste murwoonindang'ung' tugul.
26Aweegu kirwoogiguk ko uu eng' tai,
ak aweegu kotigoniguk ko uu eng' tai.
Ye ibata nooto keguurenen Nganaseetap Imanda,
nganaseet ne kiyani.
27Tuun kityaachi Zion eng' kirwooget,
ak kityaache eng' imanda piikyik che sigu.
28Ago tuun king'emei tuwai,
pistoik ak kiptengeginik eng' peetuut agenge,
ak tuun kigeesu che metoi Kamuktaindet ne Toroor.
29Amu ililandos icheek amu keetiik che ki omache,
ak kiteweerak agobo mbareenik che ki olewen.
30Amu oigeitu keetit ne yaamdos sogekyik,
ak mbareet ne ma tinyei peek.
31Ak koigei che kiimeen katanisyek che arurendos,
ak koigei poisyennyi maat ne iteri;
ak kolalyo tuwai,
ama piitu ne imisi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019