AMDOINDET 3
3
Kasartap kiit age tugul
1Mi kasartap kiy age tugul,
ak mi peetuutap ng'olyoot age tugul eng' kururetap kipsengwet.
2Peetuut ne kisige chii ak peetuut ne meei chii;
peetuut ne kiminsei ak peetuut ne kitutu chooto kiga kimin;
3peetuut ne kibarisye ak peetuut ne kinyaise;
peetuut ne kibutisyei, ak peetuut ne kiteekse;
4peetuut ne ki riirtos ak peetuut ne kiroritos;
peetuut ne kiteitos ak peetuut ne kiurereni;
5peetuut ne ki wiirtoi koik ak peetuut ne kiyumi koik;
peetuut ne kitoroochegei ak peetuut ne ma kitoroochegei;
6peetuut ne ki cheeng'sei ak peetuut ne kibeeti;
peetuut ne kigonori ak peetuut ne kimetoi;
7peetuut ne kigereeri ak peetuut ne kinabisye;
peetuut ne kisistos ak peetuut ne ki ng'alaaldos;
8peetuut ne ki chamisye ak peetuut ne kiwegisye;
peetuut ne po lugeet ak peetuut ne po kaalyeet.
9Nee keljinet ne nyooru ineendet ne poisyei eng' nooto pirtochingei? 10Ki ageer poisyet ne Ki kogoochi `Kamuktaindet weeriigap piik kotigone. 11Ki koyai kiy age tugul kogararanit eng' peetuunnyi: ak ki inde mugulelwekwak kabwaatetap koigeny, ago nganda uu nooto, koma imuuch konai chiito poisyet ne ki koyai Kamuktaindet kobooch taunet agoi kagesunet. 12Angen ale ma mi kiit ne myee eng' icheek kosiir koboiboitu, ak koyai ne myee kotee kosaptos. 13Ak kogeny konunetap Kamuktaindet konyaaljin chii age tugul koamis, koeeiso ak kobaibait eng' tuguuk che myach eng' pirtoennyi pogei tugul.
14Angen ale, punjin koigeny kiy age tugul ne yaei Kamuktaindet. Ma kimuuchi ketesyi kiy anan keistoe kiy. Ki koyai Kamuktaindet, si koywei `piik ineendet. 15No miitei, ko ki kobiit; ak no ta kobiitu, ko ki kobiit; ak kocheeng'ei kogeny Kamuktaindet no ki kosiirto.
16Ki ageer anyun kogeny eng' kurereetap asiista ale mi yaityet kapkirwooget, ak komi yaityet ye mi imanda. 17Ki amwa eng' muguleldanyu ale, “Tuun irwookyin `Kamuktaindet piik che po iman ak che yaach. Amu mi peetuut ne po ng'olyoot age tugul, ak ne po poisyet age tugul.” 18Ki amwa eng' muguleldanyu ale, po weeriigap piik ng'olyoondoni, si kobiit kotyem Kamuktaindet icheek, ak kogeergei icheeget kole uu tyong'ik. 19Amu kiit ne nyooru weeriigap piik konyooru tyong'ik, nyooru kiit agenge tugul. Ko uu ye meei age, ko uu nooto, meei age agine; ee, tinyei tugul kabuuset agenge, ama tinyei chiito etunateet kosiir tyong'ik, amu puch tugul. 20Pegu tugul ak kobendi komosta agenge. Po tugul ng'ung'unyek ak ketyingei tugul ng'ung'unyek. 21Ng'oo ne ingen ngo wendi saboondap chiito parak ak ngo wendi ng'wony oriit ne po tyondo? 22Ki ageer anyun ale, ma mi kiy ne myee, kosiir kobaibait chiito eng' poisyonikyik. Amu nooto kebebertanyi. Amu ng'oo ne weechi kogeny ineendet kogeer tuguuk che piitu let?
Currently Selected:
AMDOINDET 3: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
AMDOINDET 3
3
Kasartap kiit age tugul
1Mi kasartap kiy age tugul,
ak mi peetuutap ng'olyoot age tugul eng' kururetap kipsengwet.
2Peetuut ne kisige chii ak peetuut ne meei chii;
peetuut ne kiminsei ak peetuut ne kitutu chooto kiga kimin;
3peetuut ne kibarisye ak peetuut ne kinyaise;
peetuut ne kibutisyei, ak peetuut ne kiteekse;
4peetuut ne ki riirtos ak peetuut ne kiroritos;
peetuut ne kiteitos ak peetuut ne kiurereni;
5peetuut ne ki wiirtoi koik ak peetuut ne kiyumi koik;
peetuut ne kitoroochegei ak peetuut ne ma kitoroochegei;
6peetuut ne ki cheeng'sei ak peetuut ne kibeeti;
peetuut ne kigonori ak peetuut ne kimetoi;
7peetuut ne kigereeri ak peetuut ne kinabisye;
peetuut ne kisistos ak peetuut ne ki ng'alaaldos;
8peetuut ne ki chamisye ak peetuut ne kiwegisye;
peetuut ne po lugeet ak peetuut ne po kaalyeet.
9Nee keljinet ne nyooru ineendet ne poisyei eng' nooto pirtochingei? 10Ki ageer poisyet ne Ki kogoochi `Kamuktaindet weeriigap piik kotigone. 11Ki koyai kiy age tugul kogararanit eng' peetuunnyi: ak ki inde mugulelwekwak kabwaatetap koigeny, ago nganda uu nooto, koma imuuch konai chiito poisyet ne ki koyai Kamuktaindet kobooch taunet agoi kagesunet. 12Angen ale ma mi kiit ne myee eng' icheek kosiir koboiboitu, ak koyai ne myee kotee kosaptos. 13Ak kogeny konunetap Kamuktaindet konyaaljin chii age tugul koamis, koeeiso ak kobaibait eng' tuguuk che myach eng' pirtoennyi pogei tugul.
14Angen ale, punjin koigeny kiy age tugul ne yaei Kamuktaindet. Ma kimuuchi ketesyi kiy anan keistoe kiy. Ki koyai Kamuktaindet, si koywei `piik ineendet. 15No miitei, ko ki kobiit; ak no ta kobiitu, ko ki kobiit; ak kocheeng'ei kogeny Kamuktaindet no ki kosiirto.
16Ki ageer anyun kogeny eng' kurereetap asiista ale mi yaityet kapkirwooget, ak komi yaityet ye mi imanda. 17Ki amwa eng' muguleldanyu ale, “Tuun irwookyin `Kamuktaindet piik che po iman ak che yaach. Amu mi peetuut ne po ng'olyoot age tugul, ak ne po poisyet age tugul.” 18Ki amwa eng' muguleldanyu ale, po weeriigap piik ng'olyoondoni, si kobiit kotyem Kamuktaindet icheek, ak kogeergei icheeget kole uu tyong'ik. 19Amu kiit ne nyooru weeriigap piik konyooru tyong'ik, nyooru kiit agenge tugul. Ko uu ye meei age, ko uu nooto, meei age agine; ee, tinyei tugul kabuuset agenge, ama tinyei chiito etunateet kosiir tyong'ik, amu puch tugul. 20Pegu tugul ak kobendi komosta agenge. Po tugul ng'ung'unyek ak ketyingei tugul ng'ung'unyek. 21Ng'oo ne ingen ngo wendi saboondap chiito parak ak ngo wendi ng'wony oriit ne po tyondo? 22Ki ageer anyun ale, ma mi kiy ne myee, kosiir kobaibait chiito eng' poisyonikyik. Amu nooto kebebertanyi. Amu ng'oo ne weechi kogeny ineendet kogeer tuguuk che piitu let?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019