AMDOINDET 10
10
Kalewenaik alak agobo sabeet
1Ko uu ye puldos mwanik che anyiny che po ng'amotyot amu kalyang'ik che pekyin,
ko ng'emei perberyo kitigin utaatyet ak teegisto.
2Mi muguleldap chiito ne utaat eunnyi ne po tai;
ago mi muguleldap ne perber eunnyi ne po kaataam.
3Ye wendoti ne perber eng' ooreet, kobetyi `ng'omnateet ineendet
ak koboorchinoti chiito age tugul kole perber ineendet.
4Ngot ityin nereegegap pounindet, ko metwagei eng' yetang'ung' ye kemi,
amu tisei talasyet tengekwogik che eecheen.
5Mi yaityet ne ki ageer eng' kurereetap asiista, ne uu lelutyet ne punu pounindet: 6kindoi perberyo komoswek che torooreen, ak tebyei mogoreek eng' ole po ng'wony. 7Ki ageer otwogik kolaanyei paraisisyek ak kobunei keelyek pounik ko uu otwogik eng' ng'wony.
8 # T.Kal 7.15; Kale 26.27 Ineendet ne palei keriinget kobutyin yooto,
ak age tugul ne putei ng'ootweet kosusei ereneet.
9Iberchin koik chii age tugul ne waei,
imuuchi kokwer kwendet ineendet ne petei.
10Ngo ng'utum aiywet, ama lit chii,
ko kanyool kobirtogei ne ebei,
ago myee utaatyet eng' kandochinet.
11Ngot kosusiis ereneet kotom kigaigai,
koma ko tilei kiy kagaigaet.
12Myachen ng'aleegap chiito ne utaat;
ago luguegei kutitap chiito ne perber.
13Perperyo taunetap ng'aleegap ne perber,
ak kagesunetap ng'alaalennyi ko iywek che ng'emisyei.
14Tesei kogeny ne perber ng'aleek.
Ma naei chii kiit ne piitu;
ak ng'oo ne mwachin ineendet tuguuk che piitu let eng' ineendet?
15Poisyetap che perber kogoochin age tugul eng' icheeget kong'et,
amu ma naei ineendet ole wetitoi nganaseet.
16Pwo eng' inyee, ee emet, ye ta ko ming'in laitoryandeng'ung'
ak ye amisyei pouniguk kota ko karon!
17Ibaibai inyee, ee emet, ye laitoryandeng'ung' ko weeriigap piik che taagunotiin
ye amisyei pouniguk eng' sait ne nyolu,
si kogimegitu, ama eng' pogitet!
18Kabuisei paragutap koot amu chorirnatetap chiito;
robonu koot amu chorirnatet.
19Kiyaei igoorto agobo roryot,
iboiboi divaik saboondo,
ak imuuchi robiinik koyai tuguuk tugul.
20Amesas laitoryat, agot eng' kabwaatutiguk;
anan isas mogoryot eng' koong'ung' ne irue,
amu imuuch koip toriit ng'olyoot,
ak komuuch komwaita `che tinyei kebebaik ng'aleek.
Currently Selected:
AMDOINDET 10: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
AMDOINDET 10
10
Kalewenaik alak agobo sabeet
1Ko uu ye puldos mwanik che anyiny che po ng'amotyot amu kalyang'ik che pekyin,
ko ng'emei perberyo kitigin utaatyet ak teegisto.
2Mi muguleldap chiito ne utaat eunnyi ne po tai;
ago mi muguleldap ne perber eunnyi ne po kaataam.
3Ye wendoti ne perber eng' ooreet, kobetyi `ng'omnateet ineendet
ak koboorchinoti chiito age tugul kole perber ineendet.
4Ngot ityin nereegegap pounindet, ko metwagei eng' yetang'ung' ye kemi,
amu tisei talasyet tengekwogik che eecheen.
5Mi yaityet ne ki ageer eng' kurereetap asiista, ne uu lelutyet ne punu pounindet: 6kindoi perberyo komoswek che torooreen, ak tebyei mogoreek eng' ole po ng'wony. 7Ki ageer otwogik kolaanyei paraisisyek ak kobunei keelyek pounik ko uu otwogik eng' ng'wony.
8 # T.Kal 7.15; Kale 26.27 Ineendet ne palei keriinget kobutyin yooto,
ak age tugul ne putei ng'ootweet kosusei ereneet.
9Iberchin koik chii age tugul ne waei,
imuuchi kokwer kwendet ineendet ne petei.
10Ngo ng'utum aiywet, ama lit chii,
ko kanyool kobirtogei ne ebei,
ago myee utaatyet eng' kandochinet.
11Ngot kosusiis ereneet kotom kigaigai,
koma ko tilei kiy kagaigaet.
12Myachen ng'aleegap chiito ne utaat;
ago luguegei kutitap chiito ne perber.
13Perperyo taunetap ng'aleegap ne perber,
ak kagesunetap ng'alaalennyi ko iywek che ng'emisyei.
14Tesei kogeny ne perber ng'aleek.
Ma naei chii kiit ne piitu;
ak ng'oo ne mwachin ineendet tuguuk che piitu let eng' ineendet?
15Poisyetap che perber kogoochin age tugul eng' icheeget kong'et,
amu ma naei ineendet ole wetitoi nganaseet.
16Pwo eng' inyee, ee emet, ye ta ko ming'in laitoryandeng'ung'
ak ye amisyei pouniguk kota ko karon!
17Ibaibai inyee, ee emet, ye laitoryandeng'ung' ko weeriigap piik che taagunotiin
ye amisyei pouniguk eng' sait ne nyolu,
si kogimegitu, ama eng' pogitet!
18Kabuisei paragutap koot amu chorirnatetap chiito;
robonu koot amu chorirnatet.
19Kiyaei igoorto agobo roryot,
iboiboi divaik saboondo,
ak imuuchi robiinik koyai tuguuk tugul.
20Amesas laitoryat, agot eng' kabwaatutiguk;
anan isas mogoryot eng' koong'ung' ne irue,
amu imuuch koip toriit ng'olyoot,
ak komuuch komwaita `che tinyei kebebaik ng'aleek.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019