POISYONIGAP CHE KIYOKTOI 4
4
Petero ak Johana eng' kapkirwook
1Kingo ta kong'alaaljin `Petero ak Johana piik, kobwonji icheeget `tisiik ak kiptaiyatap Hekaluut ak Sadukaik, 2kotinyei nereegek amu ki ineet piik ak koamda eng' Jeso ng'eetyeetap che ki pek. 3Ak ki nam icheeget ak kotoorchi korgoreet agoi mutai amu kiga koimen. 4Ago ki iyan che chaang' eng' icheek che ki kas ng'olyoot; ak ki ek koitetap murenik olo po eliphuusyek muut.
5Ak eng' peetuut ne ki isubi nooto koyumgei pounik ak poisyek ak siriik eng' Jerusalem; 6ak Anas tisiindet ne oo, ak Caiaphas, ak Johana, ak Aleksanda, ak tugul che po ooreetap tisiindet ne oo. 7Ak kingo kagonde icheek kwenunnywa, koteebe kole, “Nee kamuget ne koyae ni, anan eng' kainetap ng'oo?”
8Kingo nyi anyun Petero Kabuuset ne Tiliil, koleenji icheek, “Okweek pounigap piik ak poisyek, 9ngemachei keginenech rani agobo poisyet ne myee ne ko ki yachi chiito ne nyalulat, ole ko kisaapto chiichito; 10ingonaak anyun eng' okweek tugul, ak eng' piik tugul che po Israel ole chiichi tononi eng' taing'wong', ko kagosap eng' kainetap Jeso Kristo ne po Nazareth, ne ki ogartaat okweek, ne ki ing'eet Kamuktaindet eng' che ki pek. 11#T.Kal 118.22 Jeso niito ko
‘koita ne ki osas okweek teegik,
ne kiga kiyai koek metitap luuita.’
12Ama mi yetunet eng' chiito age, amu ma mi kainet age eng' kurereetap kipsengwet, ne ki kigoochi piik, ne kanyool kesaruunenech.”
13Kingo keer `icheek nyiganatetap Petero ak Johana, ak konai kole piich che ma ineetatin ama che taagunotiin, kokwong'yo ak konai kole ki cham komi kobooto Jeso. 14Kingo keer chiito ne kogisoop kotononi kobooto icheek, ko mata komuuch komwa kiy agobo nooto. 15Ago ye kingo kagong'at icheek komanda eng' kapkirwook, kong'alaal icheegei, 16kole, “Ki itoi nee pichu? Amu naat eng' piik tugul che menyei Jerusalem keele koyaak iman eng' icheek kwang'utyet ne oo, ama kimuuchi ketiiye. 17Ago si mata koiyestaat eng' kwenutap piik, konyolu keger kong' icheek, si mata kong'alaalji chii age tugul eng' kainaniito kogeny.”
18Ara ki kuur icheek ak kong'at koleenji amatata kong'alaal anan koneetis agot kitigin eng' kainetap Jeso. 19Ago ki wolji `Petero ak `Johana icheek koleenji, “Orwooch okweek ngot ngo myee eng' taitap Kamuktaindet kegasak iit kosiir Kamuktaindet. 20Amu ma kimuuchi kesisye kobatee kemwa tuguuk che ki kegeer ak che kigegas.” 21Kingo kagoger kong' icheek kogeny, kounda icheek koba, ko mata konyoor ng'olyoot ne irwookyine, amu piik; amu kiitoroor piik tugul Kamuktaindet agobo nooto koyaak. 22Amu kisiirei artam kenyiisyegap chiichooto kiyaak eng' ineendet kwang'utyoniito po kasaabet.
Saaetap kayanik
23Ak kingo kageunda, koba ole mi piikwak, ak komwaita tugul che kamwachi tisiik che eecheen ak poisyek. 24#Kom 20.11; Neh 9.6; T.Kal 146.6 Kingo kas icheek komwachi Kamuktaindet eng' kutit ne oo eng' kabwaatet agenge, koleenji, “Ee Kiptaiyat, inyee ne ki iyai kipsengwet ak ng'wony ak araraita, ak tugul che mi olooto, 25#T.Kal 2.1-2 ne ki imwa eng' Kabuuset ne Tiliil eng' kutitap kwandanyo Daudi kiboityondeng'ung', ile,
‘Kilya si kobolyo Pororyosyek,
ak kobwaatoti piik tuguuk che ma namegei ak kiy?
26Kitetegei laitorinigap ng'wony,
ak koyumgei pounik,
agobo Kiptaiyat, ak Kristo nenyi.’
27 # Mat 27.1-2; Mar 15.1; Luk 23.1,7-11; Jhn 18.28-29 Amu iman kituitos eng' nganasani Herod ak Pontio Pilato agine kobooto Pororyosyek ak piigap Israel, kole kogirinda Kiboityondeng'ung' ne Tiliil Jeso, ne ki iil, 28si koyai kiit age tugul ne kisip kong'at eung'ung' ak ng'omnateng'ung' kole kosulda. 29Ak nguno anyun, Kiptaiyat, keer kertaennywa po kong': ak igoochi otwogiguk komwa ng'olyoondeng'ung' eng' nyiganateet tugul, 30ye iitoi inyee eung'ung' isoobi piik; si koyaak kaboorunoik ak kwang'utik eng' kainetap Kiboityondeng'ung' ne Tiliil, nooto ko Jeso.”
31Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.
Kotoretigei kayanik
32 # Poi 2.44-45 Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul. 33Ak kibaoryan che kiyooktoi eng' kimnateet ne oo agobo ng'eetyetap Kiptaiyat Jeso, ak ki tebee myeeindo ne oo icheek tugul. 34Amu ki ma komi agot agenge eng' kwenunnywa ne kibanani kiy, amu tugul che ki tinyei korotinwek anan kooriik, ko ki alda ak koip tuguuk che kiga aldae kobwa 35konde keelyegap che kiyooktoi; ak ki kipchechi chii age tugul ne ki nyalili.
36Ki mi Lawindet, chiito ne kisalu Cyprus, nooto Joseph, ne kitoochi che kiyooktoi kainet ne po aeng' koguure Barnaba (ne ye kiweech ko “Weeriitap kagaigaet”), ne ki alda mbareet ne ki tinyei, 37ak ki ip silingisyek konde keelyegap che kiyooktoi.
Currently Selected:
POISYONIGAP CHE KIYOKTOI 4: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
POISYONIGAP CHE KIYOKTOI 4
4
Petero ak Johana eng' kapkirwook
1Kingo ta kong'alaaljin `Petero ak Johana piik, kobwonji icheeget `tisiik ak kiptaiyatap Hekaluut ak Sadukaik, 2kotinyei nereegek amu ki ineet piik ak koamda eng' Jeso ng'eetyeetap che ki pek. 3Ak ki nam icheeget ak kotoorchi korgoreet agoi mutai amu kiga koimen. 4Ago ki iyan che chaang' eng' icheek che ki kas ng'olyoot; ak ki ek koitetap murenik olo po eliphuusyek muut.
5Ak eng' peetuut ne ki isubi nooto koyumgei pounik ak poisyek ak siriik eng' Jerusalem; 6ak Anas tisiindet ne oo, ak Caiaphas, ak Johana, ak Aleksanda, ak tugul che po ooreetap tisiindet ne oo. 7Ak kingo kagonde icheek kwenunnywa, koteebe kole, “Nee kamuget ne koyae ni, anan eng' kainetap ng'oo?”
8Kingo nyi anyun Petero Kabuuset ne Tiliil, koleenji icheek, “Okweek pounigap piik ak poisyek, 9ngemachei keginenech rani agobo poisyet ne myee ne ko ki yachi chiito ne nyalulat, ole ko kisaapto chiichito; 10ingonaak anyun eng' okweek tugul, ak eng' piik tugul che po Israel ole chiichi tononi eng' taing'wong', ko kagosap eng' kainetap Jeso Kristo ne po Nazareth, ne ki ogartaat okweek, ne ki ing'eet Kamuktaindet eng' che ki pek. 11#T.Kal 118.22 Jeso niito ko
‘koita ne ki osas okweek teegik,
ne kiga kiyai koek metitap luuita.’
12Ama mi yetunet eng' chiito age, amu ma mi kainet age eng' kurereetap kipsengwet, ne ki kigoochi piik, ne kanyool kesaruunenech.”
13Kingo keer `icheek nyiganatetap Petero ak Johana, ak konai kole piich che ma ineetatin ama che taagunotiin, kokwong'yo ak konai kole ki cham komi kobooto Jeso. 14Kingo keer chiito ne kogisoop kotononi kobooto icheek, ko mata komuuch komwa kiy agobo nooto. 15Ago ye kingo kagong'at icheek komanda eng' kapkirwook, kong'alaal icheegei, 16kole, “Ki itoi nee pichu? Amu naat eng' piik tugul che menyei Jerusalem keele koyaak iman eng' icheek kwang'utyet ne oo, ama kimuuchi ketiiye. 17Ago si mata koiyestaat eng' kwenutap piik, konyolu keger kong' icheek, si mata kong'alaalji chii age tugul eng' kainaniito kogeny.”
18Ara ki kuur icheek ak kong'at koleenji amatata kong'alaal anan koneetis agot kitigin eng' kainetap Jeso. 19Ago ki wolji `Petero ak `Johana icheek koleenji, “Orwooch okweek ngot ngo myee eng' taitap Kamuktaindet kegasak iit kosiir Kamuktaindet. 20Amu ma kimuuchi kesisye kobatee kemwa tuguuk che ki kegeer ak che kigegas.” 21Kingo kagoger kong' icheek kogeny, kounda icheek koba, ko mata konyoor ng'olyoot ne irwookyine, amu piik; amu kiitoroor piik tugul Kamuktaindet agobo nooto koyaak. 22Amu kisiirei artam kenyiisyegap chiichooto kiyaak eng' ineendet kwang'utyoniito po kasaabet.
Saaetap kayanik
23Ak kingo kageunda, koba ole mi piikwak, ak komwaita tugul che kamwachi tisiik che eecheen ak poisyek. 24#Kom 20.11; Neh 9.6; T.Kal 146.6 Kingo kas icheek komwachi Kamuktaindet eng' kutit ne oo eng' kabwaatet agenge, koleenji, “Ee Kiptaiyat, inyee ne ki iyai kipsengwet ak ng'wony ak araraita, ak tugul che mi olooto, 25#T.Kal 2.1-2 ne ki imwa eng' Kabuuset ne Tiliil eng' kutitap kwandanyo Daudi kiboityondeng'ung', ile,
‘Kilya si kobolyo Pororyosyek,
ak kobwaatoti piik tuguuk che ma namegei ak kiy?
26Kitetegei laitorinigap ng'wony,
ak koyumgei pounik,
agobo Kiptaiyat, ak Kristo nenyi.’
27 # Mat 27.1-2; Mar 15.1; Luk 23.1,7-11; Jhn 18.28-29 Amu iman kituitos eng' nganasani Herod ak Pontio Pilato agine kobooto Pororyosyek ak piigap Israel, kole kogirinda Kiboityondeng'ung' ne Tiliil Jeso, ne ki iil, 28si koyai kiit age tugul ne kisip kong'at eung'ung' ak ng'omnateng'ung' kole kosulda. 29Ak nguno anyun, Kiptaiyat, keer kertaennywa po kong': ak igoochi otwogiguk komwa ng'olyoondeng'ung' eng' nyiganateet tugul, 30ye iitoi inyee eung'ung' isoobi piik; si koyaak kaboorunoik ak kwang'utik eng' kainetap Kiboityondeng'ung' ne Tiliil, nooto ko Jeso.”
31Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.
Kotoretigei kayanik
32 # Poi 2.44-45 Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul. 33Ak kibaoryan che kiyooktoi eng' kimnateet ne oo agobo ng'eetyetap Kiptaiyat Jeso, ak ki tebee myeeindo ne oo icheek tugul. 34Amu ki ma komi agot agenge eng' kwenunnywa ne kibanani kiy, amu tugul che ki tinyei korotinwek anan kooriik, ko ki alda ak koip tuguuk che kiga aldae kobwa 35konde keelyegap che kiyooktoi; ak ki kipchechi chii age tugul ne ki nyalili.
36Ki mi Lawindet, chiito ne kisalu Cyprus, nooto Joseph, ne kitoochi che kiyooktoi kainet ne po aeng' koguure Barnaba (ne ye kiweech ko “Weeriitap kagaigaet”), ne ki alda mbareet ne ki tinyei, 37ak ki ip silingisyek konde keelyegap che kiyooktoi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019