POISYONIGAP CHE KIYOKTOI 19
19
Paulo eng' Epheso
1Ak ye kita komi Apolo Korinto, ko kagobun Paulo emet kween, koit Epheso ak konyoor kasubik. 2Ki leenji icheek, “Tos ki otaach Kabuuset ne Tiliil ye kingo yan?” Koleenji, “Achicha, tomo agot kegas ngo miitei Kabuuset ne Tiliil.” 3Ak ki leenji, “Ki kibatisanjok nee anyun?” Ak ki le, “Ki kibatisanjech kabatisanetap Johana.” 4#Mat 3.11; Mar 1.4; 7-8; Luk 3.4,16; Jhn 1.26-27 Kole Paulo, “Ki ibatisanis Johana eng' kabatisanetap siguunet, koleenjin piik kanyool koyan ineendet ne isubu ineendet, nooto ko Jeso.” 5Ye kingo kas niito, kibatisan icheek eng' kainetap Kiptaiyat Jeso. 6Ak ye kingo kagogonoor `Paulo eunekyik icheeget, konyonji anyun `Kabuuset ne Tiliil icheek, ak ki ng'alaal eng' kutusweek che teerchiin, ak koamda. 7Ak ki olo po taman ak aeng' pichooto tugul.
8Ki wo sinagogit oriit ak kong'alaal eng' nyiganateet eng' arawek somok, kong'alaali ak kolomei agobo tuguuk che po laitornatetap Kamuktaindet. 9Ago ye kingo uegitu mugulelwegap alak ak kobistoe, ak komwaei ne ya agobo Oranooto eng' taitap tuiyet, kwo eng' ole mi icheek, ak kotabaan kasubik, kong'alaaljin peetuut age tugul eng' sukulitap Turano. 10Ki yaak ko uu nooto eng' kenyiisyek aeng'; kot kogas ng'olyootap Kiptaiyat tugul che ki menyei Asia, Yahudik kobooto Yunanik.
Koamdoi Paulo eng' kimnateet eng' Epheso
11Ak ki yai Kamuktaindet poisyonigap kimnateet che teer eng' eunegap Paulo: 12kot keipchi che myandos kitambaok ak angook che kiga kotiiny poortanyi, ak ki istogei myanwogik eng' pichooto, ak ki manda tamirmirik che yaacheen eng' icheek. 13Ak ki toi Yahudik alage che ki ombenoti, che kileen koon oik, komwa kainetap Kiptaiyat Jeso eng' icheeget che ki tinyei tamirmirik che yaacheen, koleen, “Ayosyewok eng' Jeso ne amdoi Paulo.” 14Ak ki mi weeriik tisabu che po Skeba, ineendet Yahudyot, tisiindet ne oo, che ki yai ng'olyoondoniito. 15Ak ki wolji tamirmiryet ne ya icheek, koleenji, “Angen Jeso, ak angen Paulo; ago okweek ko oo ng'oo?” 16Ak kitorombenji chiichooto ki tinyei tamirmiryet ne ya icheek, ak konenet icheek, ak koterteer, kot komwei komanda eng' koyooto aach ngor ko kagiguoten. 17Ak kinaak niito eng' tugul, Yahudik kobooto Yunanik, che ki menyei Epheso; ak kinyoor kaiyweisyet icheek tugul, ak kinyoor teegisto kainetap Kiptaiyat Jeso. 18Ki pwa ak icheek che chaang' che ki iyan, kong'aanyei ak koboortoi poisyonikwak. 19Ki ip anyun bukuisyekwak `piik che chaang' eng' icheek che kiyaei ng'oorset, ak kobeel eng' taitap pichooto tugul; ak kiit kamanuutyennywa, konyoor kole ki itei fedhaisyek eliphuusyek konom. 20Kotesak ko uu nooto anyun ng'olyootap Kiptaiyat eng' kimnateet ak koterteer.
Chemargeet eng' Epheso
21Kingo pata anyun tuguuchuuto, komach Paulo eng' muguleldonyi kwo Jerusalem, ko kagobun Makedonia ak Akaia, koleen, “Ye kaawe olooto, ko kanyool ageer Rome agine.” 22Ye kingo kagoyookto aeng' eng' icheek che kiboisyechin ineendet koba Makedonia, Timoteo ak Erasto, kota kotebi ineendet eng' Asia ne matya.
23Ak king'eet polateet ne oo eng' peetuusyechooto agobo Oranooto; 24Chiito age ne kiguure Demetrios ko ki kitang'indet ne po fedha, ne ki itanyi kanamonik che po fedha che po Artemi, ne ki ipchin tuguuk che chaang' kitang'ik. 25Ki iyum chuuto kibagenge, kobooto piik che ki tinyei poisyet ne uu nooto, ak koleenji, “Murenju, ongen okweek ole, punu mogornatennyo poisyoni. 26Ogeere ak ogase ole, ma eng' Epheso kityo ago neegit Asia tugul, kagochuut piik che chaang' Paulo-iniito, ak koweechi, koleenjin chooto ki kiyae eunek koma kamuktaik. 27Ma keele kityo piitu pichiindap sasisyet ne kisasei poisyennyo; ago kiiti keele ma kiy hekaluutap kamuktain ne oo ne kobogoryot Artemi, ak keistoe ineendet teegistanyi ne koilasu Asia tugul kobooto ng'wony.”
28Ye kingo kas niito, konereekso inne ak kobolyo kole, “Oo Artemi ne po Ephesoek!” 29Ak konyi anyun nganaseet polateet; ak korwai kibagenge ye mi ureryet, ko kagonam Gaio ak Aristarko, piigap Makedonia che kibendoti ak Paulo. 30Ak ye kimachei kwo Paulo oriit ole mi piik, koma kochamji kasubik. 31Ak ki iyookto ng'olyoot piik alage che eecheen che po Asia, amu ki choronokyik, si mat kogoitogei kwo ye mi ureryet oriit. 32Kiboldos anyun alage, komwaei ni, komwaei alage kiit age; amu ki piit polateet eng' tuiyet, ak ki ma kongen che chaang' kiit ne ki igoochi kotuiyo. 33Ak ki imut Aleksanda komong' eng' tuiyet, kogoito `Yahudik ineendet. Ak ki iboorchi `Aleksanda pichooto eng' euut, ak kimachei kosargei eng' pichooto. 34Ago ye kingo nai kole ineendet ko Yahudyot, kobolyo tugul eng' kutit agenge, eng' olo po saisyek aeng', koleen, “Oo Artemi ne po Ephesoek!” 35Kingo kagomwachi siriindetap nganaseet tuiyet kosiisyo, kole, “Okweek piigap Epheso, tos mi ng'oo ne ma ingen kole nganaseetap Ephesoek ko riibindetap hekaluutap Artemi ne oo, ak kanamwet ne ki ibut kobunu parak? 36Ak ngo ma kimuuchi ketiiyo agobo tuguuchu, ko kanyool osisye, matosartae ng'olyoo. 37Amu kaomutu pichu, che ma reenyei hekalutap kamuktaindet ama chubei kamuktaindennyo ne kobogoryo. 38Ngo tinyei anyun Demetrios ak musogik che mi kobooto ineendet, ng'olyoo agobo chii, ko yaatatin kapkirwoogutik, ak miitei pounik: ingorwookyin anyun icheegei. 39Ago ngo cheeng' okweek ng'olyoo agobo tuguuk alak, ko tuun kilititi eng' tuiyet ne cham komi. 40Amu mi pichiindo ne tos kirwookwech agobo polateet ne po rani, amu ma mi kito ne po: ak ma kimuuchi ketetu kiy agobo tuiyoni.” 41Ak kingo kagomwa ko uu nooto, kotyakta tuiyet.
Currently Selected:
POISYONIGAP CHE KIYOKTOI 19: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
POISYONIGAP CHE KIYOKTOI 19
19
Paulo eng' Epheso
1Ak ye kita komi Apolo Korinto, ko kagobun Paulo emet kween, koit Epheso ak konyoor kasubik. 2Ki leenji icheek, “Tos ki otaach Kabuuset ne Tiliil ye kingo yan?” Koleenji, “Achicha, tomo agot kegas ngo miitei Kabuuset ne Tiliil.” 3Ak ki leenji, “Ki kibatisanjok nee anyun?” Ak ki le, “Ki kibatisanjech kabatisanetap Johana.” 4#Mat 3.11; Mar 1.4; 7-8; Luk 3.4,16; Jhn 1.26-27 Kole Paulo, “Ki ibatisanis Johana eng' kabatisanetap siguunet, koleenjin piik kanyool koyan ineendet ne isubu ineendet, nooto ko Jeso.” 5Ye kingo kas niito, kibatisan icheek eng' kainetap Kiptaiyat Jeso. 6Ak ye kingo kagogonoor `Paulo eunekyik icheeget, konyonji anyun `Kabuuset ne Tiliil icheek, ak ki ng'alaal eng' kutusweek che teerchiin, ak koamda. 7Ak ki olo po taman ak aeng' pichooto tugul.
8Ki wo sinagogit oriit ak kong'alaal eng' nyiganateet eng' arawek somok, kong'alaali ak kolomei agobo tuguuk che po laitornatetap Kamuktaindet. 9Ago ye kingo uegitu mugulelwegap alak ak kobistoe, ak komwaei ne ya agobo Oranooto eng' taitap tuiyet, kwo eng' ole mi icheek, ak kotabaan kasubik, kong'alaaljin peetuut age tugul eng' sukulitap Turano. 10Ki yaak ko uu nooto eng' kenyiisyek aeng'; kot kogas ng'olyootap Kiptaiyat tugul che ki menyei Asia, Yahudik kobooto Yunanik.
Koamdoi Paulo eng' kimnateet eng' Epheso
11Ak ki yai Kamuktaindet poisyonigap kimnateet che teer eng' eunegap Paulo: 12kot keipchi che myandos kitambaok ak angook che kiga kotiiny poortanyi, ak ki istogei myanwogik eng' pichooto, ak ki manda tamirmirik che yaacheen eng' icheek. 13Ak ki toi Yahudik alage che ki ombenoti, che kileen koon oik, komwa kainetap Kiptaiyat Jeso eng' icheeget che ki tinyei tamirmirik che yaacheen, koleen, “Ayosyewok eng' Jeso ne amdoi Paulo.” 14Ak ki mi weeriik tisabu che po Skeba, ineendet Yahudyot, tisiindet ne oo, che ki yai ng'olyoondoniito. 15Ak ki wolji tamirmiryet ne ya icheek, koleenji, “Angen Jeso, ak angen Paulo; ago okweek ko oo ng'oo?” 16Ak kitorombenji chiichooto ki tinyei tamirmiryet ne ya icheek, ak konenet icheek, ak koterteer, kot komwei komanda eng' koyooto aach ngor ko kagiguoten. 17Ak kinaak niito eng' tugul, Yahudik kobooto Yunanik, che ki menyei Epheso; ak kinyoor kaiyweisyet icheek tugul, ak kinyoor teegisto kainetap Kiptaiyat Jeso. 18Ki pwa ak icheek che chaang' che ki iyan, kong'aanyei ak koboortoi poisyonikwak. 19Ki ip anyun bukuisyekwak `piik che chaang' eng' icheek che kiyaei ng'oorset, ak kobeel eng' taitap pichooto tugul; ak kiit kamanuutyennywa, konyoor kole ki itei fedhaisyek eliphuusyek konom. 20Kotesak ko uu nooto anyun ng'olyootap Kiptaiyat eng' kimnateet ak koterteer.
Chemargeet eng' Epheso
21Kingo pata anyun tuguuchuuto, komach Paulo eng' muguleldonyi kwo Jerusalem, ko kagobun Makedonia ak Akaia, koleen, “Ye kaawe olooto, ko kanyool ageer Rome agine.” 22Ye kingo kagoyookto aeng' eng' icheek che kiboisyechin ineendet koba Makedonia, Timoteo ak Erasto, kota kotebi ineendet eng' Asia ne matya.
23Ak king'eet polateet ne oo eng' peetuusyechooto agobo Oranooto; 24Chiito age ne kiguure Demetrios ko ki kitang'indet ne po fedha, ne ki itanyi kanamonik che po fedha che po Artemi, ne ki ipchin tuguuk che chaang' kitang'ik. 25Ki iyum chuuto kibagenge, kobooto piik che ki tinyei poisyet ne uu nooto, ak koleenji, “Murenju, ongen okweek ole, punu mogornatennyo poisyoni. 26Ogeere ak ogase ole, ma eng' Epheso kityo ago neegit Asia tugul, kagochuut piik che chaang' Paulo-iniito, ak koweechi, koleenjin chooto ki kiyae eunek koma kamuktaik. 27Ma keele kityo piitu pichiindap sasisyet ne kisasei poisyennyo; ago kiiti keele ma kiy hekaluutap kamuktain ne oo ne kobogoryot Artemi, ak keistoe ineendet teegistanyi ne koilasu Asia tugul kobooto ng'wony.”
28Ye kingo kas niito, konereekso inne ak kobolyo kole, “Oo Artemi ne po Ephesoek!” 29Ak konyi anyun nganaseet polateet; ak korwai kibagenge ye mi ureryet, ko kagonam Gaio ak Aristarko, piigap Makedonia che kibendoti ak Paulo. 30Ak ye kimachei kwo Paulo oriit ole mi piik, koma kochamji kasubik. 31Ak ki iyookto ng'olyoot piik alage che eecheen che po Asia, amu ki choronokyik, si mat kogoitogei kwo ye mi ureryet oriit. 32Kiboldos anyun alage, komwaei ni, komwaei alage kiit age; amu ki piit polateet eng' tuiyet, ak ki ma kongen che chaang' kiit ne ki igoochi kotuiyo. 33Ak ki imut Aleksanda komong' eng' tuiyet, kogoito `Yahudik ineendet. Ak ki iboorchi `Aleksanda pichooto eng' euut, ak kimachei kosargei eng' pichooto. 34Ago ye kingo nai kole ineendet ko Yahudyot, kobolyo tugul eng' kutit agenge, eng' olo po saisyek aeng', koleen, “Oo Artemi ne po Ephesoek!” 35Kingo kagomwachi siriindetap nganaseet tuiyet kosiisyo, kole, “Okweek piigap Epheso, tos mi ng'oo ne ma ingen kole nganaseetap Ephesoek ko riibindetap hekaluutap Artemi ne oo, ak kanamwet ne ki ibut kobunu parak? 36Ak ngo ma kimuuchi ketiiyo agobo tuguuchu, ko kanyool osisye, matosartae ng'olyoo. 37Amu kaomutu pichu, che ma reenyei hekalutap kamuktaindet ama chubei kamuktaindennyo ne kobogoryo. 38Ngo tinyei anyun Demetrios ak musogik che mi kobooto ineendet, ng'olyoo agobo chii, ko yaatatin kapkirwoogutik, ak miitei pounik: ingorwookyin anyun icheegei. 39Ago ngo cheeng' okweek ng'olyoo agobo tuguuk alak, ko tuun kilititi eng' tuiyet ne cham komi. 40Amu mi pichiindo ne tos kirwookwech agobo polateet ne po rani, amu ma mi kito ne po: ak ma kimuuchi ketetu kiy agobo tuiyoni.” 41Ak kingo kagomwa ko uu nooto, kotyakta tuiyet.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019