1 KORINTOEK 4
4
Poisyetap che kiyooktoi
1Ingoitech anyun chii kole ki kiboitinigap Kristo, ak riibiik che po ung'ootigap Kamuktaindet. 2Eng' yuto anyun kogeny, kemage riibiik keele koek chii age tugul ne kiyani. 3Ago kiit ne ming'in miising' eng' anee ale ogina okweek, anan eng' kirwoogetap chii: ee, ma kinegei aneege. 4Amu mangenjigei kiy: ago ma kiityina imanda eng' nooto: ago ineendet ne kina ko Kiptaiyat. 5Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.
6Nguno anyun che kitupche, kaayai tuguuchu koek kayaniet eng' anee ak Apolo agobo okweek; si kobiit oneetenechkei acheek si mosiir tuguuk che sirootin; si ma menegei chii agobo chii age, kotil let chiito age. 7Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?
8Oo nyiitootiin, kooegu mogore, koobou ama kimi: ee, achame ale obou, si kobiit kebou agacheek kobootok. 9Amu, aleen, ki kondaech Kamuktaindet acheek che kiyooktoi keegu che po let eng' tugul, ko uu piik che ki kirwookyi kobek, amu kigeyaech keegu che kigeerei eng' ng'wony, ak eng' malaikaisyek, ak eng' piik. 10Ki che perberen acheek amu Kristo, ago oo utaatiin eng' Kristo; kinyalulyotin acheek, ago oo kiimeen; otinye teegisto okweek, ago ma teechech chii. 11Agot sainiito ketinye rubeet ak melelda ak kimi aach ngor ak kiluiluchech, ama ki tinyei ole ki menye; 12#Poi 18.3 ak kibirtoigei, keboisyee eunekyok: ye king'emwech kuut, kiberuur; ye kiuseech, kemuitoi; 13ye kimwaitaenech yaityo, kigoigoi: kiyaech kegergeitu ak pusagaryegap ng'wony, tuguuk che kibuktoi che kilaktoi, agoi nguno.
Katigonet ne punu kwanda
14Ma sire tuguuchu ale si olilanse, ago si atigoonok ko uu lagokyuk che achame. 15Nga ndotinye riibiik eliphuusyek taman eng' Kristo, ko motinye kwanisyek che chaang': amu ki asichok eng' Kristo Jeso eng' logoiywek che myach.
16 # 1Kor 11.1; Phlp 3.17 Nooto anyun asoomok ale oegu kasupiikyuk. 17Kaayokwok anyun Timoteo amu ng'olyoondoniito, ne ineendet ko lakweennyu ne achame ak iyani, eng' Kiptaiyat, ne nyoonei kabwaatwok ortinwekyuk che mi eng' Kristo, ko uu ye aneetoti komosta age tugul eng' kaniset age tugul.
18Mendos alak anyun, koleen abeere manyonjinok. 19Ago neegit Anyoonjok, ngo cham Kiptaiyat; ak aguiye, ma ng'olyootap icheek che meniotin, ago kamugennywa. 20Amu laitornatetap Kamuktaindet koma eng' ng'olyoot, ago eng' kamuget. 21Nee ne omache anyun? Anyoonjok ak kirokto, anan eng' chamyet ak muguleldap talasyet?
Currently Selected:
1 KORINTOEK 4: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
1 KORINTOEK 4
4
Poisyetap che kiyooktoi
1Ingoitech anyun chii kole ki kiboitinigap Kristo, ak riibiik che po ung'ootigap Kamuktaindet. 2Eng' yuto anyun kogeny, kemage riibiik keele koek chii age tugul ne kiyani. 3Ago kiit ne ming'in miising' eng' anee ale ogina okweek, anan eng' kirwoogetap chii: ee, ma kinegei aneege. 4Amu mangenjigei kiy: ago ma kiityina imanda eng' nooto: ago ineendet ne kina ko Kiptaiyat. 5Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.
6Nguno anyun che kitupche, kaayai tuguuchu koek kayaniet eng' anee ak Apolo agobo okweek; si kobiit oneetenechkei acheek si mosiir tuguuk che sirootin; si ma menegei chii agobo chii age, kotil let chiito age. 7Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?
8Oo nyiitootiin, kooegu mogore, koobou ama kimi: ee, achame ale obou, si kobiit kebou agacheek kobootok. 9Amu, aleen, ki kondaech Kamuktaindet acheek che kiyooktoi keegu che po let eng' tugul, ko uu piik che ki kirwookyi kobek, amu kigeyaech keegu che kigeerei eng' ng'wony, ak eng' malaikaisyek, ak eng' piik. 10Ki che perberen acheek amu Kristo, ago oo utaatiin eng' Kristo; kinyalulyotin acheek, ago oo kiimeen; otinye teegisto okweek, ago ma teechech chii. 11Agot sainiito ketinye rubeet ak melelda ak kimi aach ngor ak kiluiluchech, ama ki tinyei ole ki menye; 12#Poi 18.3 ak kibirtoigei, keboisyee eunekyok: ye king'emwech kuut, kiberuur; ye kiuseech, kemuitoi; 13ye kimwaitaenech yaityo, kigoigoi: kiyaech kegergeitu ak pusagaryegap ng'wony, tuguuk che kibuktoi che kilaktoi, agoi nguno.
Katigonet ne punu kwanda
14Ma sire tuguuchu ale si olilanse, ago si atigoonok ko uu lagokyuk che achame. 15Nga ndotinye riibiik eliphuusyek taman eng' Kristo, ko motinye kwanisyek che chaang': amu ki asichok eng' Kristo Jeso eng' logoiywek che myach.
16 # 1Kor 11.1; Phlp 3.17 Nooto anyun asoomok ale oegu kasupiikyuk. 17Kaayokwok anyun Timoteo amu ng'olyoondoniito, ne ineendet ko lakweennyu ne achame ak iyani, eng' Kiptaiyat, ne nyoonei kabwaatwok ortinwekyuk che mi eng' Kristo, ko uu ye aneetoti komosta age tugul eng' kaniset age tugul.
18Mendos alak anyun, koleen abeere manyonjinok. 19Ago neegit Anyoonjok, ngo cham Kiptaiyat; ak aguiye, ma ng'olyootap icheek che meniotin, ago kamugennywa. 20Amu laitornatetap Kamuktaindet koma eng' ng'olyoot, ago eng' kamuget. 21Nee ne omache anyun? Anyoonjok ak kirokto, anan eng' chamyet ak muguleldap talasyet?
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019