Mal 2
2
Nteme òkup inyi ebi ngwugwa
1“Enyi ebi ngwugwa, nteme keyi ìkup inyi enyi. 2Emi, Okumugwem Ogwukaan̄ Inyọn̄ mè Ijọn̄ nkitumu ibe, ire enyi kpegban̄ utọn̄ inyi emi, kpetumu si ifieek me ejit kinyi ibe ke enyi mênyi erieen̄ n̄a umin, emi mâfieek otu inyi enyi, ugbana geelek mwuukbe lek igbana enyi môkana ogbo. Me atikọ, mwuuk lek ifieek otu inyi enyi, mije, enyi kpekaan̄ me ejit imimin erieen̄ n̄a.
3“Kpọ, mânisulu ebi owot iman kinyi osusut mije kinyi. Mâkpulu ifin anam ngwugwa ijọk kinyi cha ichiọọk ikana enyi me isi, mênenikpulu enyi melek ifin cha me lek isa isi ifiin̄. 4Mgbọ ya, enyi mêneniriọọn̄ ibe ke îre emi nnyi enyi ntaba-ubọk-me-utọn̄ keyi, inyi inyan̄a-ibot eyi nnyan̄abe melek kè Libai ikije inyi isi. Emi Okumugwem Ogwukaan̄ Inyọn̄ mè Ijọn̄ ntumu. 5Inyan̄a-ibot n̄a ya, ǹnyan̄a melek kè Libai. Îre inyan̄a-ibot eyi ugwem mè esuuk. Nnyi si ọmọ ugwem mè esuuk. Îre si inyan̄a-ibot eyi ulibi. Ọmọ înyi si emi ulibi, mè itet ukpook me lek erieen̄ n̄a. 6Ata ijejeen̄ ke îkijeen̄, ìkakijeen̄ ijo ijejeen̄ geege. Ọmọ îluk ugwem melek n̄a me esuuk mè unen, mè isa si me ikeya irọ inyi owuwa ebi ene etele ijo ugwem kiban̄.
7“Mije, ikọ òbokinan̄a me otu ogwu ngwugwa isibi ìre ikọ òbokijeen̄ ene ubọk ebesa iriọọn̄ Awaji, ebi ene si ebekinu me lek kan̄ inibọkọ nteme. Bak me lek, ogwu ngwugwa ìre ogwu etip eyi Okumugwem Ogwukaan̄ Inyọn̄ mè Ijọn̄. 8Eyi kinyi, enyi mîra ijit oniin̄ n̄a, mè isa me ijejeen̄ kinyi irọ inyi owuwa ene enan̄a erọn̄. Enyi mîra ifiat inyan̄a-ibot nnyan̄abe melek kè Libai. Emi Okumugwem Ogwukaan̄ Inyọn̄ mè Ijọn̄ ntumu. 9Mije keya, emi si, nra irọ inyi ebi ene ekekpọ enyi esiki chieen̄, mè esip itet enyi me isi ebi ene, bak me lek, enyi kpeyaka ikije me oniin̄ n̄a, enyi si mîkigobo ene isi me lek isusun̄ ikan.”
10Ìre eji otutuuk kpere bọn ute ge? Ìre ìkafat ìre Awaji yaage orom eji otutuuk ene? Keke orọ eji kpekirọ atikọ me lek ebi melek kiji? Sa me ikeya, eji mîfiat inyan̄a-ibot ebi nte nte kiji.
11Ebi Juda kpeyaka igbe utoon̄-ejit me isi Awaji. Ema mîrọ mbuban inu me ido Ijeren mè ama Jeruselem. Ebi Juda mîchaka mbuban me lek Uwu Mbuban Okumugwem ya, eyi Okumugwem omabe. Ema mîsi ido ebibaan̄ ebi ìkitọbọ ebum inyi ofifi awaji me lek nwa. 12Ogwu geelek òrọrọn̄ ikan keyi, mè ikigwa ngwugwa inyi Okumugwem Ogwukaan̄ Inyọn̄ mè Ijọn̄, ene geelek îrebe, kè Okumugwem ifieek ọmọ isan̄a me otu ifuk ebi Ijeren.
13Ofifi inu enyi ekirọ ìre ikeyi: Enyi ekito ito, mè ikigwook mun̄ ito idek ntook Okumugwem. Enyi ekito ito, mè ikifieek ejit, mije, Okumugwem ìkayaka ìkaan̄ ulọk me lek ngwugwa kinyi, ìkayaka ìkibele ejit ìbọkọ inyinyi kinyi. 14Enyi mêkọt ido ibe, “Ìre keke ore ibot ikọ?” Ibot ikọ ìre ke Okumugwem îriọọn̄ ibe ke kpunu ogwu enerieen̄ geege me etete kinyi òkirọ atikọ melek nwa mgbọ ijija kan̄. Ogwu enenwaan̄ ya îkana ogwu ugbalek inyi owu, ire, owu òkayaka ìsun̄ inyan̄a-ibot kwun̄ melek kan̄.
15Ìre Okumugwem ìkafat ìrọ owu melek kan̄ ekana ge? Me akpalek melek ekwukwu, enyi ìre eyi kan̄.#2:15 Usem Iburu òkup me ere yi îyọt ikọkọt igobo itet. Keke orọ mè Awaji irọ enyi ekana ge? Îre mije ìkiweek ibe enyi enekaan̄ bọn ebi ìbere bọn Awaji. Eya orọ, ìgbala chieen̄ ìkpọ ugwem kinyi. Owu ogwu enerieen̄, kirọ atikọ melek nwa kwun̄, ogwu owu odobe mgbọ nsabọn irieen̄ kwun̄.
16Okumugwem, Awaji ebi Ijeren ibe, “Iyayaak olom mè nwa, emi ǹchacha igo! Ǹkamama si ogwu enerieen̄ ogwu inu afa okanabe ofọnti îkitap ichit lek. Emi Okumugwem Ogwukaan̄ Inyọn̄ mè Ijọn̄ ntumu. Eya orọ, ìgwuun̄ chieen̄ ìkpọ ugwem kinyi, mè ìkirọ atikọ me etete kinyi, olom mè nwa.”
Usen oyerebet òkinu
17Enyi mîsa ikọ otu kinyi irọ inyi lek iwọ Okumugwem, mè ikido ibe, “Mọmọ ubọk eji esabe irọ inyi lek iwọ Okumugwem?”
Îre me lek enyi ekitumu ibe, “Okumugwem ìkimọnọ otutuuk ebi ìkirọ ijo inu kubọk ebi ata ife, ema ke îkima.” Melek si, enyi ekitumu si ibe, “Mọmọ Awaji unen oyerebet ya?”
Currently Selected:
Mal 2: ANNa
Highlight
Share
Copy
Want to have your highlights saved across all your devices? Sign up or sign in
© The Nigeria Bible Translation Trust, 2013
Mal 2
2
Nteme òkup inyi ebi ngwugwa
1“Enyi ebi ngwugwa, nteme keyi ìkup inyi enyi. 2Emi, Okumugwem Ogwukaan̄ Inyọn̄ mè Ijọn̄ nkitumu ibe, ire enyi kpegban̄ utọn̄ inyi emi, kpetumu si ifieek me ejit kinyi ibe ke enyi mênyi erieen̄ n̄a umin, emi mâfieek otu inyi enyi, ugbana geelek mwuukbe lek igbana enyi môkana ogbo. Me atikọ, mwuuk lek ifieek otu inyi enyi, mije, enyi kpekaan̄ me ejit imimin erieen̄ n̄a.
3“Kpọ, mânisulu ebi owot iman kinyi osusut mije kinyi. Mâkpulu ifin anam ngwugwa ijọk kinyi cha ichiọọk ikana enyi me isi, mênenikpulu enyi melek ifin cha me lek isa isi ifiin̄. 4Mgbọ ya, enyi mêneniriọọn̄ ibe ke îre emi nnyi enyi ntaba-ubọk-me-utọn̄ keyi, inyi inyan̄a-ibot eyi nnyan̄abe melek kè Libai ikije inyi isi. Emi Okumugwem Ogwukaan̄ Inyọn̄ mè Ijọn̄ ntumu. 5Inyan̄a-ibot n̄a ya, ǹnyan̄a melek kè Libai. Îre inyan̄a-ibot eyi ugwem mè esuuk. Nnyi si ọmọ ugwem mè esuuk. Îre si inyan̄a-ibot eyi ulibi. Ọmọ înyi si emi ulibi, mè itet ukpook me lek erieen̄ n̄a. 6Ata ijejeen̄ ke îkijeen̄, ìkakijeen̄ ijo ijejeen̄ geege. Ọmọ îluk ugwem melek n̄a me esuuk mè unen, mè isa si me ikeya irọ inyi owuwa ebi ene etele ijo ugwem kiban̄.
7“Mije, ikọ òbokinan̄a me otu ogwu ngwugwa isibi ìre ikọ òbokijeen̄ ene ubọk ebesa iriọọn̄ Awaji, ebi ene si ebekinu me lek kan̄ inibọkọ nteme. Bak me lek, ogwu ngwugwa ìre ogwu etip eyi Okumugwem Ogwukaan̄ Inyọn̄ mè Ijọn̄. 8Eyi kinyi, enyi mîra ijit oniin̄ n̄a, mè isa me ijejeen̄ kinyi irọ inyi owuwa ene enan̄a erọn̄. Enyi mîra ifiat inyan̄a-ibot nnyan̄abe melek kè Libai. Emi Okumugwem Ogwukaan̄ Inyọn̄ mè Ijọn̄ ntumu. 9Mije keya, emi si, nra irọ inyi ebi ene ekekpọ enyi esiki chieen̄, mè esip itet enyi me isi ebi ene, bak me lek, enyi kpeyaka ikije me oniin̄ n̄a, enyi si mîkigobo ene isi me lek isusun̄ ikan.”
10Ìre eji otutuuk kpere bọn ute ge? Ìre ìkafat ìre Awaji yaage orom eji otutuuk ene? Keke orọ eji kpekirọ atikọ me lek ebi melek kiji? Sa me ikeya, eji mîfiat inyan̄a-ibot ebi nte nte kiji.
11Ebi Juda kpeyaka igbe utoon̄-ejit me isi Awaji. Ema mîrọ mbuban inu me ido Ijeren mè ama Jeruselem. Ebi Juda mîchaka mbuban me lek Uwu Mbuban Okumugwem ya, eyi Okumugwem omabe. Ema mîsi ido ebibaan̄ ebi ìkitọbọ ebum inyi ofifi awaji me lek nwa. 12Ogwu geelek òrọrọn̄ ikan keyi, mè ikigwa ngwugwa inyi Okumugwem Ogwukaan̄ Inyọn̄ mè Ijọn̄, ene geelek îrebe, kè Okumugwem ifieek ọmọ isan̄a me otu ifuk ebi Ijeren.
13Ofifi inu enyi ekirọ ìre ikeyi: Enyi ekito ito, mè ikigwook mun̄ ito idek ntook Okumugwem. Enyi ekito ito, mè ikifieek ejit, mije, Okumugwem ìkayaka ìkaan̄ ulọk me lek ngwugwa kinyi, ìkayaka ìkibele ejit ìbọkọ inyinyi kinyi. 14Enyi mêkọt ido ibe, “Ìre keke ore ibot ikọ?” Ibot ikọ ìre ke Okumugwem îriọọn̄ ibe ke kpunu ogwu enerieen̄ geege me etete kinyi òkirọ atikọ melek nwa mgbọ ijija kan̄. Ogwu enenwaan̄ ya îkana ogwu ugbalek inyi owu, ire, owu òkayaka ìsun̄ inyan̄a-ibot kwun̄ melek kan̄.
15Ìre Okumugwem ìkafat ìrọ owu melek kan̄ ekana ge? Me akpalek melek ekwukwu, enyi ìre eyi kan̄.#2:15 Usem Iburu òkup me ere yi îyọt ikọkọt igobo itet. Keke orọ mè Awaji irọ enyi ekana ge? Îre mije ìkiweek ibe enyi enekaan̄ bọn ebi ìbere bọn Awaji. Eya orọ, ìgbala chieen̄ ìkpọ ugwem kinyi. Owu ogwu enerieen̄, kirọ atikọ melek nwa kwun̄, ogwu owu odobe mgbọ nsabọn irieen̄ kwun̄.
16Okumugwem, Awaji ebi Ijeren ibe, “Iyayaak olom mè nwa, emi ǹchacha igo! Ǹkamama si ogwu enerieen̄ ogwu inu afa okanabe ofọnti îkitap ichit lek. Emi Okumugwem Ogwukaan̄ Inyọn̄ mè Ijọn̄ ntumu. Eya orọ, ìgwuun̄ chieen̄ ìkpọ ugwem kinyi, mè ìkirọ atikọ me etete kinyi, olom mè nwa.”
Usen oyerebet òkinu
17Enyi mîsa ikọ otu kinyi irọ inyi lek iwọ Okumugwem, mè ikido ibe, “Mọmọ ubọk eji esabe irọ inyi lek iwọ Okumugwem?”
Îre me lek enyi ekitumu ibe, “Okumugwem ìkimọnọ otutuuk ebi ìkirọ ijo inu kubọk ebi ata ife, ema ke îkima.” Melek si, enyi ekitumu si ibe, “Mọmọ Awaji unen oyerebet ya?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Nigeria Bible Translation Trust, 2013