Titus 1
1
1Paulo, na Kaisale wane qelit ŋei so Yesu Kristo wane aposolo, na matok nange paki, biranangi sarikole, yemo Kaisaleŋo ŋei ŋerep magukoune matokonge, yewa eŋane mali malip qesiŋ kawe ma togolekei wane, so iwen onbe don wele Kaisale wane numa don eyaŋo kito ebonge, yewa wane kine detlukkei. 2Eya wane kutno simileŋo gege togon waraŋkaki sariyake, Kaisale eŋe isiine midaineŋo mokaka naso qei bano kiyek kiyekino, gege iwa eya biŋek qe ŋebonge. 3Eso nasoine motke, yewao eŋine don kisi yewa ra qelaŋange, donine yewa eya naŋane kutno motke, eso noŋo Kaisale ma mena menaŋze, eŋane aŋaine teweke more, don kisiine yewa ra qelaŋanbe suwa arimaike.
4Titus na kibi qe ginmaile, ge giponne welekatne, ŋere mali malipse weku pamaike.
Kaisale Magak so Kristo Yesu erane mena menaŋŋo wet menaŋ so peyam maine giniyake.
Titusŋo Krete Siyao Urata Make
5Na Krete siyao bira gangole gemaine, yemo urata natne mi mamaine, pamaike yewa mauluke more, numaino mot warekenane, so matko matko doku tautau magu eŋane ware ware biraone arikenane biragane sarikole. Naŋane don numa golale sikan gangole, eya mo detluk waremaine. 6Ware ware bira kaikene, ŋei yewa eŋe sotine midaine, eŋe ŋanomine weku, so dokoine eŋe mali malip korop, so wetneŋo zuba wet mi mageyake, me aŋa bira wiraine midaine, yaline biraonikene. 7Eŋe Kaisale wane urata wareka okanmaike, doku tautau magu, yewa eŋane ware ware yewa eŋe sotine midaine. Eŋe wawaine misuk okaniyake, me sot osi osi misuk okaniyake, me doku togole zok misuk ne gege, me kawali misuk qeyake, me wesi aboŋ wane bailalaŋ misuk okaniyake. 8Eŋe ŋei mat maneo ŋine sariu kima ebu more mauluk oniyake, so eŋe tanik manik maine eya wane simile kayake. Eŋe dereret mayakatne yewaka mogasiyake, eŋe gegeine koboboine geki paki, Kaisale wane tanik manik yewa mogare ariyake, so eŋe wetinane sawe geyake. 9Eŋe Kaisale wane kisi maep don kito manbi paki, numaine ma togole mangoi, yewa togogole malipka okorayake. Numa yaleoken okangi paki, eŋe maine eweke more ŋei natne don wele yewaŋo wetene ma togoleyake. Paki ŋei natne don wele qe ŋabaka okanmami, eŋane sotene yalewaka sikanongi kau ebu kesiyake.
Krete Siyao Isi Ŋei Loutne Gekoi
10Yewao, ŋei loutne eŋe ŋabaine okanbi paki, ŋei natne don wele midaine rara so isiyenerop gemami, so Yuda ŋei natne wetneŋ eŋano ŋine doku taukoi, edo yale okanmami. 11Ŋei yaline eŋane aŋaene ma wonge more donene ma walukkene, onoka wane, ŋei yaline eŋe wesi aboŋ maikei wane rau paki, masi tanik gamuinerop mi oka okane, yewa okane more, ŋei korop enŋene so rem qiyekopene matali one more kito ebonmami. 12Krete ŋei enŋeno ŋine propet, ŋei wet dereret suwaine mane, oŋo iwa yale rake, “Krete ŋei eŋe isiene matkine, osom zubaine borikine, so eŋe ŋara ŋat qeqe neu paki, taboŋ gege.” 13Eso eŋe don yewa rake yemo wele, kine yalinane ge don togoleka edane ra wetonikene, pakiso, eŋe mali malipene libeka maine ma gekei. 14Paki eŋe Yuda ŋei eŋane don kinekine wele midaine, yewa kiroine misuk malipka gekei, so ŋei natne kepe iwa wane ramatok don mogare gemami, eŋe kisi maep don wele ŋadek kakoi, eŋane Yuda wane ra matok don yewa misuk desikei. 15Ŋei kotoene libeka gemami, eŋano kinekine korop libeka ŋoka pamaike, ŋo borikineŋo maki kotoene sigileke so mali malipene midaine okangoi, eŋano kinekine mane libekaka mi pamaike, onoka wane, eŋane dereretene so kotoene mo korop sigilewareke, eya wane. 16Eŋe pieneŋo raikei, “Ŋene Kaisale wane kine detmaine,” yale ra okane mamaeneŋo yemo bisop onmaike, eŋe mado madoŋine so don qeqe, eŋe urata kinekine maine, yewa mane mama wane rokop midakaka.
Currently Selected:
Titus 1: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Titus 1
1
1Paulo, na Kaisale wane qelit ŋei so Yesu Kristo wane aposolo, na matok nange paki, biranangi sarikole, yemo Kaisaleŋo ŋei ŋerep magukoune matokonge, yewa eŋane mali malip qesiŋ kawe ma togolekei wane, so iwen onbe don wele Kaisale wane numa don eyaŋo kito ebonge, yewa wane kine detlukkei. 2Eya wane kutno simileŋo gege togon waraŋkaki sariyake, Kaisale eŋe isiine midaineŋo mokaka naso qei bano kiyek kiyekino, gege iwa eya biŋek qe ŋebonge. 3Eso nasoine motke, yewao eŋine don kisi yewa ra qelaŋange, donine yewa eya naŋane kutno motke, eso noŋo Kaisale ma mena menaŋze, eŋane aŋaine teweke more, don kisiine yewa ra qelaŋanbe suwa arimaike.
4Titus na kibi qe ginmaile, ge giponne welekatne, ŋere mali malipse weku pamaike.
Kaisale Magak so Kristo Yesu erane mena menaŋŋo wet menaŋ so peyam maine giniyake.
Titusŋo Krete Siyao Urata Make
5Na Krete siyao bira gangole gemaine, yemo urata natne mi mamaine, pamaike yewa mauluke more, numaino mot warekenane, so matko matko doku tautau magu eŋane ware ware biraone arikenane biragane sarikole. Naŋane don numa golale sikan gangole, eya mo detluk waremaine. 6Ware ware bira kaikene, ŋei yewa eŋe sotine midaine, eŋe ŋanomine weku, so dokoine eŋe mali malip korop, so wetneŋo zuba wet mi mageyake, me aŋa bira wiraine midaine, yaline biraonikene. 7Eŋe Kaisale wane urata wareka okanmaike, doku tautau magu, yewa eŋane ware ware yewa eŋe sotine midaine. Eŋe wawaine misuk okaniyake, me sot osi osi misuk okaniyake, me doku togole zok misuk ne gege, me kawali misuk qeyake, me wesi aboŋ wane bailalaŋ misuk okaniyake. 8Eŋe ŋei mat maneo ŋine sariu kima ebu more mauluk oniyake, so eŋe tanik manik maine eya wane simile kayake. Eŋe dereret mayakatne yewaka mogasiyake, eŋe gegeine koboboine geki paki, Kaisale wane tanik manik yewa mogare ariyake, so eŋe wetinane sawe geyake. 9Eŋe Kaisale wane kisi maep don kito manbi paki, numaine ma togole mangoi, yewa togogole malipka okorayake. Numa yaleoken okangi paki, eŋe maine eweke more ŋei natne don wele yewaŋo wetene ma togoleyake. Paki ŋei natne don wele qe ŋabaka okanmami, eŋane sotene yalewaka sikanongi kau ebu kesiyake.
Krete Siyao Isi Ŋei Loutne Gekoi
10Yewao, ŋei loutne eŋe ŋabaine okanbi paki, ŋei natne don wele midaine rara so isiyenerop gemami, so Yuda ŋei natne wetneŋ eŋano ŋine doku taukoi, edo yale okanmami. 11Ŋei yaline eŋane aŋaene ma wonge more donene ma walukkene, onoka wane, ŋei yaline eŋe wesi aboŋ maikei wane rau paki, masi tanik gamuinerop mi oka okane, yewa okane more, ŋei korop enŋene so rem qiyekopene matali one more kito ebonmami. 12Krete ŋei enŋeno ŋine propet, ŋei wet dereret suwaine mane, oŋo iwa yale rake, “Krete ŋei eŋe isiene matkine, osom zubaine borikine, so eŋe ŋara ŋat qeqe neu paki, taboŋ gege.” 13Eso eŋe don yewa rake yemo wele, kine yalinane ge don togoleka edane ra wetonikene, pakiso, eŋe mali malipene libeka maine ma gekei. 14Paki eŋe Yuda ŋei eŋane don kinekine wele midaine, yewa kiroine misuk malipka gekei, so ŋei natne kepe iwa wane ramatok don mogare gemami, eŋe kisi maep don wele ŋadek kakoi, eŋane Yuda wane ra matok don yewa misuk desikei. 15Ŋei kotoene libeka gemami, eŋano kinekine korop libeka ŋoka pamaike, ŋo borikineŋo maki kotoene sigileke so mali malipene midaine okangoi, eŋano kinekine mane libekaka mi pamaike, onoka wane, eŋane dereretene so kotoene mo korop sigilewareke, eya wane. 16Eŋe pieneŋo raikei, “Ŋene Kaisale wane kine detmaine,” yale ra okane mamaeneŋo yemo bisop onmaike, eŋe mado madoŋine so don qeqe, eŋe urata kinekine maine, yewa mane mama wane rokop midakaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.