Pilipi 2
2
Wet Weku Ge More Mauluk Mauluk Okannagukene
1Ŋine Kristoŋo gege-ŋine so wet dereret-ŋine mo maki togolemami mane? Me eŋe ŋinane simile dere more maki, wet pesek so wet menaŋ gorop gemami me? Ŋine Asu weneŋ kima okanka more eŋane gege wane kotino waketluke gemami me? Ŋine wetŋineŋo kimakop-ŋine kait qototne eŋerop aeke more ŋidomka wet maep so qom borik det nagu okanmami me? 2Eso yalewa yemo ŋine masi tanik mayakatne okanikei, ŋine yemo wet dereretŋine wekuka magekei, so numa tanikŋine weku mogareluke, kima natne eŋane weneŋ simin-ŋuniyake, paki wet wekuka gekei, eya yemo naŋane qomno wet pesek so oi bakom manerop wakoniyake 3Ŋine ŋinŋine mawa-nagu more me ŋine eŋet biŋek-ŋineŋo wayakane misuk desikei. Midakaka! Ŋine ŋinŋine eŋet biŋek maket bira-nagu more kimakop-ŋine eŋane eŋet me masi tanikŋo ŋinane kait masi me tanik eya edom yuwan-ŋune bile so mayakakatne okangei wane desikei. 4Ŋine ŋinŋine yeye kine kine bonep eyaka misuk warekakei, ŋei kimakop-ŋine natne eŋane yeye kine kine-ene eya weneŋ warekakei, so qesiŋonbi geulukkei.
Yesuŋo Numa Gesoke Ŋebonge Eyaka Gesokkene
5Ŋine wet dereretŋine wekuka magekei, yemo Kristo Yesuŋo wet dereret mageke, eyaka magekei,
6Eŋe naso baŋem qeli kotino Kaisale wane kine so tanik manik eya mageke, ŋo eŋe siluŋ gegeine eya mi ma walukke so Kaisale yuwan kayakane mi wetkeke. 7Eya okani-yakane, turuŋine yemo eŋe eŋine wet bonep-inane eya korop qeliŋka wareke, pakiso eŋe ŋei yauwine yale okangi paki, qelit medep yauwine okange, eŋe ŋei yale okange, so eŋe ŋei kait toqa ma more kepeo wakonge. 8Eŋe ketkele geki paki, ŋei yauwine yale aŋa tewe tewek wane numa gesoke, Kaisale wane don mogare ari mage eya wane seukke, eŋine seuseuine eyamo kibeŋ qabeŋ kutno qeu seukke. 9Kine eya wane Kaisaleŋo eŋe ma wiye more zok manerop weti qeliwo bira-kake, paki eŋet kakapa suwaine mange, eyaŋo eŋet natne korop yuwanka-waremaike. 10Eso eya wane ewine kito more eŋet Yesu orake, yeye kine kine gege enerop korop, qeli kotino aŋelo, so kepe kutno ŋei magu, so ŋei seuseune qei kepe bano gemami, eŋe baŋ korop wawetene qeu paki umi kesikei, so eŋane bango so eŋane deinoka pa wareyake. 11So eŋe baŋ korop aŋaene suwaineka aŋage raikei, Yesu Kristo eŋe Waom, so eŋe Kaisale Magak ora mawaka more maine eŋet biŋek suwaine manikei.
Kepeo Ŋei Eŋane Keuwo Kiwa Yale Qelaŋangene
12Eso, kima maepkopne, na ŋinerop gekole, naso eyao ŋine naso baŋem aŋane teweke gekoi, eya wane rokopka ukude naso iwao na biraŋune ari kiroine gewe, ŋine aŋane teweke gekoi, yale waka gekei, eyaŋo manerop wele okanmaike. Waom eŋe mo ŋibuke, eya wane ŋine takotke more mapi mapit ŋinane wele marat-kakei wane, kaet so zonom ore ore weneŋ urata togoleka mau paki, wele marat-kakei. 13Onoka wane, Kaisale eŋe naso baŋem ŋinane koto ŋino urata ma okanmaike, ŋine ma ewek-ŋungi, ewekeu paki, aŋaine teweke eŋine simile mogare urata makei wane.
14Ŋine yeye kine kine makei, eyamo bororomgo geu paki, ŋaba qepok so busu don so aŋa soraŋine midaine geu paki makei. 15Yale okanbi paki, ŋine maine sot midaine so wet qelaŋan gorop; libe qotqole, Kaisale wane ŋerep medep koboboine yale okane more, borikine kepeo so ŋei borikine-enerop eŋane keuwo gekei, so Waom wane don togogole gegeinerop eya magekei paki, ŋine eŋane keueno serekin edo qeliwo lawe qelaŋan-eneŋo motpi qagagae pamaike, yale ŋinane qelaŋanŋo eŋane keueno lawe qelaŋane payake. 16Ŋine gege wane donmaine eya malipkau paki, eyaka dere okanikei. Ŋine yale okangeiwo, yemo na kinerop eya wane rawe paki, Kristo lotkeyake, naso yewao na ŋinane baŋ detpe wayake, onoka wane, eyaŋo baŋ sikanŋoni-yake, yemo naŋane zonom so urata makole, eya wele midaine mi okange.
17Ŋinane mali malipŋine yemo Kaisale wane wet pesek so soe soep okanmaike Ŋo naŋane eŋe na yalewaka detmaile, na weŋemne ŋinane mali malipŋine togole-yakane ra more qakkale, eŋe Kaisale wane wet pesek so soe soep okaniyake, na eya wane yemo zok manerop wet pesek so oi bakom suwaine ŋinerop weneŋ okanikale. 18Rokop yalewaka ŋine wet pesek desikei, so narop weneŋ qeturage batne okanikene.
Timoti Wane Don
19Na Waom Yesu detluk kamailane, oŋo detki, na baŋ eweke more Timoti talekawe imdaka ŋinano uyake, paki na maine ŋinane don kisi eya detpe, qomne menage-yake so eyaŋo matogole naniyake. 20Eŋe wekuŋo narop wet ama-nagumaite, so ŋei maneŋo Timoti yale eyamo mida, so eŋe welekatne numa daleo maratka more ŋine mapit ŋuniyakane ŋinane wetŋine suwaine wetke gemaike. 21Ŋei natne yemo eŋe enŋene yeye kine kine-eneka don urata so dereret urata ma okanmami, ŋo eŋe yemo Yesu Kristo wane urata ma more, eyaŋo suwa ariyakane don me dereret urata ma simileine manerop detmaike. 22So ŋine ŋidom Timoti gege-inane kine mo detmami, eŋe so na ŋere mame gipon yale okane don maine so kisi maep don wane rate paki, urata qeturage ŋetsarek ma okanmaite. 23Eso na naewo kine kine qeingeki, dale me dale wakoniyake, eya baŋ detlukewe paki, eŋe talekawe esatka ŋinano uyakane wetkemaile. 24So na Waom detlukka-maile, wane oŋom detnangi, eweke more mi azoŋgi, na noŋom ŋinano sarikale, yale detmaile.
Epaproditus Wane Don
25So na mane wetkewe maine okanmaike, yemo kimaze Epaproditus, koso mainge birakawe ŋinano uyake, eŋe naŋane wazano urata weneŋ mayakatne mamaike, so kawali weneŋ qeyakane, so eŋe ŋinane qelit qe more urata mapit naniyake, ra more ŋidom talekau naŋano sarike. 26Eŋe ŋinane korop dere qeka okane more ŋuniyakane zok kamaike, so ŋine eŋane dere qeka okanikei wane eŋe qomine zok umare-maike, yemo onoka wane, eŋe zoma kaki ŋine don kisiine mo detkoi, eya wane. 27Welekatne eŋe momomde zomakake, paki eŋe seuke-yakane rokop okange, ŋo Kaisaleŋo yemo eŋane qom borik make, so eŋaneka mi make, midaka, eŋe naŋane qom borik weneŋ make, paki qom borik suwaineŋo naŋane kutnoka wa more mi ki pelek-naniyakane wetkeke. 28Wane na ŋinano tale-kawe uyakane zok nanmaike, u lotkeki ŋine eŋe kau paki, wetŋine manerop baŋ peseyake, eso naŋane dere qeka eyamo baŋ mida leleyake. 29Eya wane u lotkeki, ŋine korop wetŋine peseki, Waom wane rau paki, kima okankakei, ŋei suwaine eŋe yale korop eŋane ewe kito kito okanikei. 30Onoka wane, eŋe Kristo wane urata wane raki paki, gegeine qikka more seuke-yakane okange, ŋine ŋidomka maine mi qesiŋnane makoi, ŋine eŋe urata mangoi, eya wane eŋe qesiŋ-naniyake ra, yale okange, so eŋe eŋinane ra more yale mi okange, eya wane eŋe koso zoma qe papka more urataine naso iwao weneŋ mamaike.
Currently Selected:
Pilipi 2: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Pilipi 2
2
Wet Weku Ge More Mauluk Mauluk Okannagukene
1Ŋine Kristoŋo gege-ŋine so wet dereret-ŋine mo maki togolemami mane? Me eŋe ŋinane simile dere more maki, wet pesek so wet menaŋ gorop gemami me? Ŋine Asu weneŋ kima okanka more eŋane gege wane kotino waketluke gemami me? Ŋine wetŋineŋo kimakop-ŋine kait qototne eŋerop aeke more ŋidomka wet maep so qom borik det nagu okanmami me? 2Eso yalewa yemo ŋine masi tanik mayakatne okanikei, ŋine yemo wet dereretŋine wekuka magekei, so numa tanikŋine weku mogareluke, kima natne eŋane weneŋ simin-ŋuniyake, paki wet wekuka gekei, eya yemo naŋane qomno wet pesek so oi bakom manerop wakoniyake 3Ŋine ŋinŋine mawa-nagu more me ŋine eŋet biŋek-ŋineŋo wayakane misuk desikei. Midakaka! Ŋine ŋinŋine eŋet biŋek maket bira-nagu more kimakop-ŋine eŋane eŋet me masi tanikŋo ŋinane kait masi me tanik eya edom yuwan-ŋune bile so mayakakatne okangei wane desikei. 4Ŋine ŋinŋine yeye kine kine bonep eyaka misuk warekakei, ŋei kimakop-ŋine natne eŋane yeye kine kine-ene eya weneŋ warekakei, so qesiŋonbi geulukkei.
Yesuŋo Numa Gesoke Ŋebonge Eyaka Gesokkene
5Ŋine wet dereretŋine wekuka magekei, yemo Kristo Yesuŋo wet dereret mageke, eyaka magekei,
6Eŋe naso baŋem qeli kotino Kaisale wane kine so tanik manik eya mageke, ŋo eŋe siluŋ gegeine eya mi ma walukke so Kaisale yuwan kayakane mi wetkeke. 7Eya okani-yakane, turuŋine yemo eŋe eŋine wet bonep-inane eya korop qeliŋka wareke, pakiso eŋe ŋei yauwine yale okangi paki, qelit medep yauwine okange, eŋe ŋei yale okange, so eŋe ŋei kait toqa ma more kepeo wakonge. 8Eŋe ketkele geki paki, ŋei yauwine yale aŋa tewe tewek wane numa gesoke, Kaisale wane don mogare ari mage eya wane seukke, eŋine seuseuine eyamo kibeŋ qabeŋ kutno qeu seukke. 9Kine eya wane Kaisaleŋo eŋe ma wiye more zok manerop weti qeliwo bira-kake, paki eŋet kakapa suwaine mange, eyaŋo eŋet natne korop yuwanka-waremaike. 10Eso eya wane ewine kito more eŋet Yesu orake, yeye kine kine gege enerop korop, qeli kotino aŋelo, so kepe kutno ŋei magu, so ŋei seuseune qei kepe bano gemami, eŋe baŋ korop wawetene qeu paki umi kesikei, so eŋane bango so eŋane deinoka pa wareyake. 11So eŋe baŋ korop aŋaene suwaineka aŋage raikei, Yesu Kristo eŋe Waom, so eŋe Kaisale Magak ora mawaka more maine eŋet biŋek suwaine manikei.
Kepeo Ŋei Eŋane Keuwo Kiwa Yale Qelaŋangene
12Eso, kima maepkopne, na ŋinerop gekole, naso eyao ŋine naso baŋem aŋane teweke gekoi, eya wane rokopka ukude naso iwao na biraŋune ari kiroine gewe, ŋine aŋane teweke gekoi, yale waka gekei, eyaŋo manerop wele okanmaike. Waom eŋe mo ŋibuke, eya wane ŋine takotke more mapi mapit ŋinane wele marat-kakei wane, kaet so zonom ore ore weneŋ urata togoleka mau paki, wele marat-kakei. 13Onoka wane, Kaisale eŋe naso baŋem ŋinane koto ŋino urata ma okanmaike, ŋine ma ewek-ŋungi, ewekeu paki, aŋaine teweke eŋine simile mogare urata makei wane.
14Ŋine yeye kine kine makei, eyamo bororomgo geu paki, ŋaba qepok so busu don so aŋa soraŋine midaine geu paki makei. 15Yale okanbi paki, ŋine maine sot midaine so wet qelaŋan gorop; libe qotqole, Kaisale wane ŋerep medep koboboine yale okane more, borikine kepeo so ŋei borikine-enerop eŋane keuwo gekei, so Waom wane don togogole gegeinerop eya magekei paki, ŋine eŋane keueno serekin edo qeliwo lawe qelaŋan-eneŋo motpi qagagae pamaike, yale ŋinane qelaŋanŋo eŋane keueno lawe qelaŋane payake. 16Ŋine gege wane donmaine eya malipkau paki, eyaka dere okanikei. Ŋine yale okangeiwo, yemo na kinerop eya wane rawe paki, Kristo lotkeyake, naso yewao na ŋinane baŋ detpe wayake, onoka wane, eyaŋo baŋ sikanŋoni-yake, yemo naŋane zonom so urata makole, eya wele midaine mi okange.
17Ŋinane mali malipŋine yemo Kaisale wane wet pesek so soe soep okanmaike Ŋo naŋane eŋe na yalewaka detmaile, na weŋemne ŋinane mali malipŋine togole-yakane ra more qakkale, eŋe Kaisale wane wet pesek so soe soep okaniyake, na eya wane yemo zok manerop wet pesek so oi bakom suwaine ŋinerop weneŋ okanikale. 18Rokop yalewaka ŋine wet pesek desikei, so narop weneŋ qeturage batne okanikene.
Timoti Wane Don
19Na Waom Yesu detluk kamailane, oŋo detki, na baŋ eweke more Timoti talekawe imdaka ŋinano uyake, paki na maine ŋinane don kisi eya detpe, qomne menage-yake so eyaŋo matogole naniyake. 20Eŋe wekuŋo narop wet ama-nagumaite, so ŋei maneŋo Timoti yale eyamo mida, so eŋe welekatne numa daleo maratka more ŋine mapit ŋuniyakane ŋinane wetŋine suwaine wetke gemaike. 21Ŋei natne yemo eŋe enŋene yeye kine kine-eneka don urata so dereret urata ma okanmami, ŋo eŋe yemo Yesu Kristo wane urata ma more, eyaŋo suwa ariyakane don me dereret urata ma simileine manerop detmaike. 22So ŋine ŋidom Timoti gege-inane kine mo detmami, eŋe so na ŋere mame gipon yale okane don maine so kisi maep don wane rate paki, urata qeturage ŋetsarek ma okanmaite. 23Eso na naewo kine kine qeingeki, dale me dale wakoniyake, eya baŋ detlukewe paki, eŋe talekawe esatka ŋinano uyakane wetkemaile. 24So na Waom detlukka-maile, wane oŋom detnangi, eweke more mi azoŋgi, na noŋom ŋinano sarikale, yale detmaile.
Epaproditus Wane Don
25So na mane wetkewe maine okanmaike, yemo kimaze Epaproditus, koso mainge birakawe ŋinano uyake, eŋe naŋane wazano urata weneŋ mayakatne mamaike, so kawali weneŋ qeyakane, so eŋe ŋinane qelit qe more urata mapit naniyake, ra more ŋidom talekau naŋano sarike. 26Eŋe ŋinane korop dere qeka okane more ŋuniyakane zok kamaike, so ŋine eŋane dere qeka okanikei wane eŋe qomine zok umare-maike, yemo onoka wane, eŋe zoma kaki ŋine don kisiine mo detkoi, eya wane. 27Welekatne eŋe momomde zomakake, paki eŋe seuke-yakane rokop okange, ŋo Kaisaleŋo yemo eŋane qom borik make, so eŋaneka mi make, midaka, eŋe naŋane qom borik weneŋ make, paki qom borik suwaineŋo naŋane kutnoka wa more mi ki pelek-naniyakane wetkeke. 28Wane na ŋinano tale-kawe uyakane zok nanmaike, u lotkeki ŋine eŋe kau paki, wetŋine manerop baŋ peseyake, eso naŋane dere qeka eyamo baŋ mida leleyake. 29Eya wane u lotkeki, ŋine korop wetŋine peseki, Waom wane rau paki, kima okankakei, ŋei suwaine eŋe yale korop eŋane ewe kito kito okanikei. 30Onoka wane, eŋe Kristo wane urata wane raki paki, gegeine qikka more seuke-yakane okange, ŋine ŋidomka maine mi qesiŋnane makoi, ŋine eŋe urata mangoi, eya wane eŋe qesiŋ-naniyake ra, yale okange, so eŋe eŋinane ra more yale mi okange, eya wane eŋe koso zoma qe papka more urataine naso iwao weneŋ mamaike.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.