2 Korinti 3
3
Aposolo Eŋe Zipa Zipap Muselane Urata Ŋei
1Ŋene ŋine ma pese ŋunikenane, don yaline koso kiyekmaine me? Me ŋei natneŋo okanmami, yale okane ŋinano lotke more ma pese qe pese kibi mane sikan-ŋunmaineme? Me ŋido ŋene mane qe ŋebonmami me? 2Yale midaka, ekapze yemo ŋine. So kibi eya yemo kotoŋino mo qeqine, ŋei koropŋo ka more dapo rapotne. 3Ŋene ŋinano urata maŋem, ŋine Kristo wane ekap okangoi, eya wane kine didiwo pamaike, so ekap eya tideŋo mi qeqine, eyamo Kaisale wisika gege, eŋane Asuŋo qeke, tape yauwine wesiŋo mamaine yewao mida, ŋei kotoo qeke.
4Wet wisika don yaline yemo Kristo wane ra more Kaisale detluk kaŋem pa ŋebonmaike. 5Urata welemane ŋene ŋenzo ŋine wakonmaike, yale ra wetke okangenane zonom mane mi pa ŋebonmaike, kine kine okanŋem mena menaŋ yemo Kaisale wano ŋineka korop. 6Kaisaleŋo ma ewek-ŋongi, tako rakot muselane urataine mamaine, eyamo rara togon donba kibiwo qeqine eya wane urata midaka, eyamo Asu wane urata. Rara togon donba kibiwo qeqine, eyaŋo seuseu tebakaki sari okanmaike, ŋo Asuŋo yemo gege ŋebon okanmaike.
7Rara Togon Don sogine eyamo wesiwo kibi qepoke qeqine, eya seuseu wane don kisi rara, ŋo siluŋ urata eyaŋo qelaŋane midaine mi pake. Eya wane Mose wane de kaitino Kaisale wane qelaŋanŋo zok rokopke paki, Israeli ŋei eŋe deene maine mi pore kakoi. So zonom qelaŋan yalineŋo matkine papaine mida. 8Rara togon don soginane zonom so qelaŋan yalinepake. Pakimo daleo Kisi Maep musele, Asu wane don kisi rara, eŋe zonom qelaŋane midaine payake? Midakaka! 9Mida midaine eya wane don kisiine sogine rara, eya wane urataineŋo so zonom qelaŋan eya mo ketkele, ŋo sot midaine oka okan wane don kisi rara, eya wane urataŋo zonom qelaŋaneya zok manerop wawaine. 10Urata soginane zonom so qelaŋane yemo, urata musele eya wane qelaŋan suwaineŋo qe katkaki, eŋe ŋaŋae okanmaike. 11Urata sogineŋo mi pa togole payake. I, Midakaka! Eŋe baŋ mida leleyake, ŋo qelaŋan suwaine sarike, eyaŋo yemo Kaisale wane qelaŋaninerop, eya ŋene mo detmaine, so urata museleŋo yemo zok manerop Kaisale wane qelaŋan weneŋ baŋ manerop pa ariyake.
12Ŋenane wetzeŋo yale pamaike, eya wane urata qom ewekka ma okanmaine. 13Ŋene Mose yale mida, eŋe Israel ŋei edo qelaŋan siu siukine eya paki, kaikei wane raki paki, de kaitine motkeke. Paki, Israel ŋei eŋe qelaŋan, eya mi kau mida lele more siuke arike. 14Pakiso, wetene welekatne siuke togolekane Kisi Maep tako rakot sogineŋo kaweunerop okange pamaike. Eya wane naso iwao eŋe Kisi Maep sogine dapore more kine mi detluk okanmami. Kawet yewa yaup mi masikaniyake, weku Kristo wano takotkeu oŋo maki ma sikaniyake. 15Eŋe naso iwao yaleka Mose wane Don so kibi yewa dapotmami kop wetene kawet yewaŋo qekatke okanmaike. 16Ŋo eŋe wetene mainge more Waom wano kitomami, naso yewao kawet yewa siwore biraon okanmaike. 17So na Pauloŋo ramaile, Waom Yesu so Asu ere kine etne wekuka, eya wane Asu eŋe kine kine maneŋo ŋei eya mi pisekayake, midakaka, eŋe ululuŋ geyake. 18Pakimo, ŋene korop kinekine maneŋo de kaitze mi kawetkemaike, ŋene Mose yale mida, Waom wane zonom qelaŋanineŋo ŋenano qelaŋangi ŋedo oŋa ae aek wikin yale qe maingeŋem kimakopze eŋano arimaike, pakimo eyaŋo naso baŋem mainŋongi, Waom eŋine kait toqaine yale okanmaine, Waom eŋe Asu eya wane yalewa okan okanmaike.
Currently Selected:
2 Korinti 3: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
2 Korinti 3
3
Aposolo Eŋe Zipa Zipap Muselane Urata Ŋei
1Ŋene ŋine ma pese ŋunikenane, don yaline koso kiyekmaine me? Me ŋei natneŋo okanmami, yale okane ŋinano lotke more ma pese qe pese kibi mane sikan-ŋunmaineme? Me ŋido ŋene mane qe ŋebonmami me? 2Yale midaka, ekapze yemo ŋine. So kibi eya yemo kotoŋino mo qeqine, ŋei koropŋo ka more dapo rapotne. 3Ŋene ŋinano urata maŋem, ŋine Kristo wane ekap okangoi, eya wane kine didiwo pamaike, so ekap eya tideŋo mi qeqine, eyamo Kaisale wisika gege, eŋane Asuŋo qeke, tape yauwine wesiŋo mamaine yewao mida, ŋei kotoo qeke.
4Wet wisika don yaline yemo Kristo wane ra more Kaisale detluk kaŋem pa ŋebonmaike. 5Urata welemane ŋene ŋenzo ŋine wakonmaike, yale ra wetke okangenane zonom mane mi pa ŋebonmaike, kine kine okanŋem mena menaŋ yemo Kaisale wano ŋineka korop. 6Kaisaleŋo ma ewek-ŋongi, tako rakot muselane urataine mamaine, eyamo rara togon donba kibiwo qeqine eya wane urata midaka, eyamo Asu wane urata. Rara togon donba kibiwo qeqine, eyaŋo seuseu tebakaki sari okanmaike, ŋo Asuŋo yemo gege ŋebon okanmaike.
7Rara Togon Don sogine eyamo wesiwo kibi qepoke qeqine, eya seuseu wane don kisi rara, ŋo siluŋ urata eyaŋo qelaŋane midaine mi pake. Eya wane Mose wane de kaitino Kaisale wane qelaŋanŋo zok rokopke paki, Israeli ŋei eŋe deene maine mi pore kakoi. So zonom qelaŋan yalineŋo matkine papaine mida. 8Rara togon don soginane zonom so qelaŋan yalinepake. Pakimo daleo Kisi Maep musele, Asu wane don kisi rara, eŋe zonom qelaŋane midaine payake? Midakaka! 9Mida midaine eya wane don kisiine sogine rara, eya wane urataineŋo so zonom qelaŋan eya mo ketkele, ŋo sot midaine oka okan wane don kisi rara, eya wane urataŋo zonom qelaŋaneya zok manerop wawaine. 10Urata soginane zonom so qelaŋane yemo, urata musele eya wane qelaŋan suwaineŋo qe katkaki, eŋe ŋaŋae okanmaike. 11Urata sogineŋo mi pa togole payake. I, Midakaka! Eŋe baŋ mida leleyake, ŋo qelaŋan suwaine sarike, eyaŋo yemo Kaisale wane qelaŋaninerop, eya ŋene mo detmaine, so urata museleŋo yemo zok manerop Kaisale wane qelaŋan weneŋ baŋ manerop pa ariyake.
12Ŋenane wetzeŋo yale pamaike, eya wane urata qom ewekka ma okanmaine. 13Ŋene Mose yale mida, eŋe Israel ŋei edo qelaŋan siu siukine eya paki, kaikei wane raki paki, de kaitine motkeke. Paki, Israel ŋei eŋe qelaŋan, eya mi kau mida lele more siuke arike. 14Pakiso, wetene welekatne siuke togolekane Kisi Maep tako rakot sogineŋo kaweunerop okange pamaike. Eya wane naso iwao eŋe Kisi Maep sogine dapore more kine mi detluk okanmami. Kawet yewa yaup mi masikaniyake, weku Kristo wano takotkeu oŋo maki ma sikaniyake. 15Eŋe naso iwao yaleka Mose wane Don so kibi yewa dapotmami kop wetene kawet yewaŋo qekatke okanmaike. 16Ŋo eŋe wetene mainge more Waom wano kitomami, naso yewao kawet yewa siwore biraon okanmaike. 17So na Pauloŋo ramaile, Waom Yesu so Asu ere kine etne wekuka, eya wane Asu eŋe kine kine maneŋo ŋei eya mi pisekayake, midakaka, eŋe ululuŋ geyake. 18Pakimo, ŋene korop kinekine maneŋo de kaitze mi kawetkemaike, ŋene Mose yale mida, Waom wane zonom qelaŋanineŋo ŋenano qelaŋangi ŋedo oŋa ae aek wikin yale qe maingeŋem kimakopze eŋano arimaike, pakimo eyaŋo naso baŋem mainŋongi, Waom eŋine kait toqaine yale okanmaine, Waom eŋe Asu eya wane yalewa okan okanmaike.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.