2 Korinti 13
13
Pauloŋo Korinti Ŋei Sotene Ma Wesakkei Wane Edange
1Iwa yemo atak karewe ŋinano u ŋunikale. Na u lotkewe, ŋene Waom wane don me ekapŋo ramaike, eya wane rokop ŋei etke me karewe ŋo ŋei mane wane sotinane don kine kine eya ra ma zakan okane qesi qesiŋo rau koboeyake. 2Ŋei alakane borikine makoi, so ŋei natne ŋine korop, na atak etke ŋinano uwe geŋem paki, masi daleo ŋado ŋinano makale, eya wane girem don ŋidangole. Girem don yewaka koso siluŋ iwa abaran gewe paki iwa yale ramaile, na koso ŋinano manerop ukaleo, yemo borikine mama ŋei yewa na mi sese onikale. 3Naŋane kotono don motki ra okanmaile, Kristo, eŋane zonom wakongi kaikei wane ra okanmami, wane kaikei. Kristo eŋe urataine ŋinano pelelekatne Midakaka, zonominerop ŋei sot turuŋinerop mi sese ŋuniyake. 4Onoka wane, alakan yewa mo welekatne eŋe pelekki kibeŋ qabego qeu seukke, wane iwa yemo Kaisale wane zonomgo wisikae wiyeke zonominerop gemaike, ŋene yaleka eŋerop makatake ge more pelek okanmaine, ŋo siluŋ koso ŋene ŋinerop weku gemaine, eya wane Kaisale wane zonomgo ŋene baŋ eŋerop weneŋ zonom gorop gekene.
Girem Don
5Ŋine mali malip korop ge okanmami me mida, eya wane koto ŋine liwekka kau paki, kine ma wakone more ŋine ŋidomka kine ŋine liwekka more detlukkei, Yesu Kristoŋo koto ŋino gemaike, yewa ŋine mi detmami me? Mi gemaikeo yemo, solaŋoka doku tau taune raikene eya mo mi kopkemaike. 6Ŋene liwe liwek eyaŋo mi yuwan-ŋonge, eya wane kine ŋine baŋ ka detkaikei, na det maile. 7Ŋene Kaisale meŋen kamaine, oŋo qesiŋŋungi, ŋine masi qotkoine mane mi okanikei. Ŋene ŋonbi Kisi Maep me peyam ŋei wele okangene me mida, ŋene eya wane mi ra okanmaine, ŋine Kisi Maep don tewekeu wele okaniyakane, weku ra okanmaine. 8Eya wane, ŋene yalineŋo Kisi Maep don wele yewa ŋaba maine mi okankaikene, ŋo siluŋ kima okankaikene, eyaka weku pamaike. 9Ŋene zonom zuwage geŋem, ŋine zonom gorop gekei yemo, ŋene qomze menageyake. So ra makoboe qekoboe okan-ŋunbe, ŋine koto ŋine sauke mauluk, bile sot midaine okane gekei wane, Waom meŋenka okanmaine. 10Eya wane, na iwa abaranka gewe paki, mo don iwa lewine qe ŋibonmaile, yemo na ŋinano ukaleo na Waomŋo urata wane zonom ninge, eya wane gereune okan ŋunikalane mali malip ŋine ma togole more girem don qe ŋibonmaile, Waomŋo zonom ninge, yewaŋo matali ŋunikalane mida, kito qesiŋ okan ŋunikalane ninge, eya wane na mi ukale mali malip ŋine mau togoleki geu, na baŋ sariwe paki, don gereune mi ŋidangale.
Mosop Don
11Kimakopne don rawe qoeki, iwa yale rawe, “Kaiwe maine” ŋine numa ŋine maulukeu paki wet menago doku tau tau magu wele so togogole okane gekei, ŋine naŋane don dere more koto ŋine sauke mauluk okane wet wekuka more gekei, ŋine wet weku okane warenagu more peyamgo geu, wet maep Kaisale eŋe peyam welaineŋo ŋinerop geyake.
12Ŋine Kisi Maepko lulu zam zam au warekei, yewaŋo Kaisale wane ŋei ŋerep wele. 13Kaisale wane Kisi Maep ŋei eŋe korop ŋine “kaiwe maine,” ŋibonmami.
14Waom Yesu Kristo wano ŋine wet menaŋ, Kaisale wane wet maep, so Asu Koboboinane kima wet maep eyaŋo ŋinano pa wareyake, O weleka!
Currently Selected:
2 Korinti 13: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
2 Korinti 13
13
Pauloŋo Korinti Ŋei Sotene Ma Wesakkei Wane Edange
1Iwa yemo atak karewe ŋinano u ŋunikale. Na u lotkewe, ŋene Waom wane don me ekapŋo ramaike, eya wane rokop ŋei etke me karewe ŋo ŋei mane wane sotinane don kine kine eya ra ma zakan okane qesi qesiŋo rau koboeyake. 2Ŋei alakane borikine makoi, so ŋei natne ŋine korop, na atak etke ŋinano uwe geŋem paki, masi daleo ŋado ŋinano makale, eya wane girem don ŋidangole. Girem don yewaka koso siluŋ iwa abaran gewe paki iwa yale ramaile, na koso ŋinano manerop ukaleo, yemo borikine mama ŋei yewa na mi sese onikale. 3Naŋane kotono don motki ra okanmaile, Kristo, eŋane zonom wakongi kaikei wane ra okanmami, wane kaikei. Kristo eŋe urataine ŋinano pelelekatne Midakaka, zonominerop ŋei sot turuŋinerop mi sese ŋuniyake. 4Onoka wane, alakan yewa mo welekatne eŋe pelekki kibeŋ qabego qeu seukke, wane iwa yemo Kaisale wane zonomgo wisikae wiyeke zonominerop gemaike, ŋene yaleka eŋerop makatake ge more pelek okanmaine, ŋo siluŋ koso ŋene ŋinerop weku gemaine, eya wane Kaisale wane zonomgo ŋene baŋ eŋerop weneŋ zonom gorop gekene.
Girem Don
5Ŋine mali malip korop ge okanmami me mida, eya wane koto ŋine liwekka kau paki, kine ma wakone more ŋine ŋidomka kine ŋine liwekka more detlukkei, Yesu Kristoŋo koto ŋino gemaike, yewa ŋine mi detmami me? Mi gemaikeo yemo, solaŋoka doku tau taune raikene eya mo mi kopkemaike. 6Ŋene liwe liwek eyaŋo mi yuwan-ŋonge, eya wane kine ŋine baŋ ka detkaikei, na det maile. 7Ŋene Kaisale meŋen kamaine, oŋo qesiŋŋungi, ŋine masi qotkoine mane mi okanikei. Ŋene ŋonbi Kisi Maep me peyam ŋei wele okangene me mida, ŋene eya wane mi ra okanmaine, ŋine Kisi Maep don tewekeu wele okaniyakane, weku ra okanmaine. 8Eya wane, ŋene yalineŋo Kisi Maep don wele yewa ŋaba maine mi okankaikene, ŋo siluŋ kima okankaikene, eyaka weku pamaike. 9Ŋene zonom zuwage geŋem, ŋine zonom gorop gekei yemo, ŋene qomze menageyake. So ra makoboe qekoboe okan-ŋunbe, ŋine koto ŋine sauke mauluk, bile sot midaine okane gekei wane, Waom meŋenka okanmaine. 10Eya wane, na iwa abaranka gewe paki, mo don iwa lewine qe ŋibonmaile, yemo na ŋinano ukaleo na Waomŋo urata wane zonom ninge, eya wane gereune okan ŋunikalane mali malip ŋine ma togole more girem don qe ŋibonmaile, Waomŋo zonom ninge, yewaŋo matali ŋunikalane mida, kito qesiŋ okan ŋunikalane ninge, eya wane na mi ukale mali malip ŋine mau togoleki geu, na baŋ sariwe paki, don gereune mi ŋidangale.
Mosop Don
11Kimakopne don rawe qoeki, iwa yale rawe, “Kaiwe maine” ŋine numa ŋine maulukeu paki wet menago doku tau tau magu wele so togogole okane gekei, ŋine naŋane don dere more koto ŋine sauke mauluk okane wet wekuka more gekei, ŋine wet weku okane warenagu more peyamgo geu, wet maep Kaisale eŋe peyam welaineŋo ŋinerop geyake.
12Ŋine Kisi Maepko lulu zam zam au warekei, yewaŋo Kaisale wane ŋei ŋerep wele. 13Kaisale wane Kisi Maep ŋei eŋe korop ŋine “kaiwe maine,” ŋibonmami.
14Waom Yesu Kristo wano ŋine wet menaŋ, Kaisale wane wet maep, so Asu Koboboinane kima wet maep eyaŋo ŋinano pa wareyake, O weleka!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.