1 Timoti 6
6
Qelit Qeqe Eŋane Don
1Qelit gege, eŋe korop ŋei waom kopene eŋane detpi waki eweene kito more, aŋaene teweke qelitene bororom qekei, yale okanonbi, eŋano ŋine qelaŋ ŋei natneŋo Kaisale wane eŋetine misuk detpi kesiyake, so doku tautau magu ŋenze kito ŋebo ŋebon eŋane misuk detpi kesiyake. 2So ŋei waom kopze natne eŋe doku tautau, so mali malip korop, ŋene kima maine okan nagu okanmaine, qelit qeqe ŋei eŋe yale rau paki, ŋei waom kopene misuk ma ket biraonikei, eŋe iwa yale desikei, ŋei waomkopze eŋe doku tautau magu, eŋe kimakopze, ŋo uratazane lewine qoleŋon okanmami, qelit ŋei eŋe yale rau paki, qelitene wet pesekko ge more qe ebonikei.
Wesi Aboŋ Wane Bailalaŋ Zok Mi Okangenane Girem Don
3Ŋei mane eŋe don iwa qeyau more, don kuneŋine mane ŋei kito edaniyake, eŋe Waomze Yesu kristo wane don welekatne so ŋenze numa koboboine, yewa qaisikka more ŋadekkamaike. 4Ŋei yaline eŋe wet qelaŋ okangi paki, solaine mawayake, so kinekine wane kine mane mi dere more, don yauyaup ra ariki, yewaŋo bailalaŋine okaniyake paki, eya wane sori sorin, so don ŋaba okangi, yewaŋo tebakaki, qaisik qaisik don, kobu edo edo, mabaik mabaik don so det worik yewa wakon okanmaike. 5Paki, eŋe naso baŋem don busu au okanmami, ŋei yaline eŋe wet dereretene qelaŋine okangi, eŋe don wele yewa mane mi malipka ge okanmami paki, eŋe iwa yale wetke okanmami, Kaisale wane don so tanik manik yewaŋo tebakaki, wesi aboŋ gorop okangene, yale det okanmami.
6Welekatne, ŋei mane eŋe Kaisale wane don tewekki paki, eŋane numa koboine mogasiyake, eŋe Waomŋo mi ŋaŋaekayake eŋe wet maep okankaki, wet pesek desiyake. 7Ŋene nagakopze eŋane ŋateno ŋine wakon okanmaine, naso yewao wesi aboŋzerop kepeo wakon okanmaine me? Midakaka! Me baŋ gemage, kepe qeliŋgene naso yewao wesi aboŋ weneŋ ma arikene me? I midakaka! 8Eya wane ŋene ŋara soep so takot laplap mane pa eboniyakeo, yemo maine rokopzo ma gekene. 9Wesi aboŋ suwaine koaŋgei, ŋei ŋerep yewa eŋe borikinane liwe liweko waket warekei, paki, kinekine yauwinane bailalaŋ okane, eya wane wetene suwaine motpi paki, qelaŋ so ŋet korop yewa wane simileŋo ŋei ŋerep yewa waraŋongi ket ware, seuseu wane suba bano waketpi enguwareyake. 10Wesi aboŋ wane simileŋo borikine kinekine eya wane ekiine okanmaike, ŋei ŋerep natne wesi aboŋ wane simile zok dere mageu, yewaŋo waraŋongi, mali malipene qeliŋka wareu paki, qom borik wikile suwaine zok maratkakoi.
Gege Togon Marat Kaikenane Sorin Gekene
11Ŋo Kaisale wane ŋei, ge kinekine yaline ŋadekka warekene, paki dere qeka midaine, ŋei wele, mali malip korop, wet maep korop, togole togolerop, so wet pesek korop okanikenane sorin borin okanikene. 12Paki, mali malip wane gege urata mauluke maikene, ma more gege togon marat kaikene, ge gege yewa marat kaikenane Kaisaleŋo gora newan gange, so ge goŋom yale okanikenane, ŋei lewa lewago ra togolenom detkoi. 13Kaisale, yeye kinekine korop eŋane gege ma wakon okan mageyake, eŋane kaitko so Yesu Kristo, Pontias Pailat wane kaitko don welekatne ra togole golat lukewe, 14ge Kaisale wane don yewa mauluke warekanom, matali qetali midaine so ma sigileu diine midaine, libeka pamageki, naso Waomze Kristo Yesu lotkeyake. 15Kristo lotkeyakane naso, yemo mo Kaisale oŋom ka motke, naso yewa bomileki, Kaisale mosop welaine so ware ware weku, ŋei waom eŋane, ŋei waom so waom eŋane Waom, oŋomka Kristo talekaki didiwo wakoniyake. 16Eŋe bonepine seuseuine midaine qelaŋan koto gemaike, qelaŋan yewa ŋei maneŋo mi marat kayake, so ŋei maneŋo mane mi kakoi, so ŋei maneŋo mi kayake, eŋano bakom mawa mawa so zonom papa togon pa ariyake! O, Weleka.
Ŋene Kepe Aboŋ Wane Wetze Zok Mi Payake
17Ŋei kepe iwa wane aboŋ suwaine pa ebonmaike, eŋe edannom solaene mi mawa nagu more, kinekine yauwinane detpi, yewaŋo lopeŋene okangi, yewao mi gesoke togole okorakei, midakaka! Kaisale eŋe moriyan ma wakone ŋebongi nema okan okanmaine, eŋano kito gesoke togole okorakei. 18Edannom, ŋei aboŋene suwaine eŋe urata mauluke maikei, ma more eya wane weleine mayakatne maratkaikei, paki qom ewek, okane more wet peseko kimakopeene natne mapoke ebonikei, yale okanbi paki, wet pesek desikei. 19Numa yalewaoken okanbi paki, nago nagon mane papa togon yewa maratka more, eya wane weleine ŋado okanikei, paki eŋe baŋ ŋado maine gege wele yewa marat kaikei.
Timoti Wane Girem Don
20O Timoti, ge Kaisaleŋo urata ginge, yewa mauluke warekanom paki magekene, don sinoine wele midaine so isi don, ŋei natneŋo mage okan okanmami, yewa ŋadek kaikene, eŋe isi don yewa mage more, iwa yale ra okanmami iwa, “don dereret” yewa yemo Kaisale wane tanik manik eya wane ŋabaine okanmaike. 21Ŋei natne eŋe ra okanmami, “Ŋene dereretze weneŋ,” yale ra more Kaisale wane don wele, mali malip wane numa yewa qeligeu siukke.
Kaisale wane mosopŋo ŋinano korop pa wareyake, o, weleka.
Currently Selected:
1 Timoti 6: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Timoti 6
6
Qelit Qeqe Eŋane Don
1Qelit gege, eŋe korop ŋei waom kopene eŋane detpi waki eweene kito more, aŋaene teweke qelitene bororom qekei, yale okanonbi, eŋano ŋine qelaŋ ŋei natneŋo Kaisale wane eŋetine misuk detpi kesiyake, so doku tautau magu ŋenze kito ŋebo ŋebon eŋane misuk detpi kesiyake. 2So ŋei waom kopze natne eŋe doku tautau, so mali malip korop, ŋene kima maine okan nagu okanmaine, qelit qeqe ŋei eŋe yale rau paki, ŋei waom kopene misuk ma ket biraonikei, eŋe iwa yale desikei, ŋei waomkopze eŋe doku tautau magu, eŋe kimakopze, ŋo uratazane lewine qoleŋon okanmami, qelit ŋei eŋe yale rau paki, qelitene wet pesekko ge more qe ebonikei.
Wesi Aboŋ Wane Bailalaŋ Zok Mi Okangenane Girem Don
3Ŋei mane eŋe don iwa qeyau more, don kuneŋine mane ŋei kito edaniyake, eŋe Waomze Yesu kristo wane don welekatne so ŋenze numa koboboine, yewa qaisikka more ŋadekkamaike. 4Ŋei yaline eŋe wet qelaŋ okangi paki, solaine mawayake, so kinekine wane kine mane mi dere more, don yauyaup ra ariki, yewaŋo bailalaŋine okaniyake paki, eya wane sori sorin, so don ŋaba okangi, yewaŋo tebakaki, qaisik qaisik don, kobu edo edo, mabaik mabaik don so det worik yewa wakon okanmaike. 5Paki, eŋe naso baŋem don busu au okanmami, ŋei yaline eŋe wet dereretene qelaŋine okangi, eŋe don wele yewa mane mi malipka ge okanmami paki, eŋe iwa yale wetke okanmami, Kaisale wane don so tanik manik yewaŋo tebakaki, wesi aboŋ gorop okangene, yale det okanmami.
6Welekatne, ŋei mane eŋe Kaisale wane don tewekki paki, eŋane numa koboine mogasiyake, eŋe Waomŋo mi ŋaŋaekayake eŋe wet maep okankaki, wet pesek desiyake. 7Ŋene nagakopze eŋane ŋateno ŋine wakon okanmaine, naso yewao wesi aboŋzerop kepeo wakon okanmaine me? Midakaka! Me baŋ gemage, kepe qeliŋgene naso yewao wesi aboŋ weneŋ ma arikene me? I midakaka! 8Eya wane ŋene ŋara soep so takot laplap mane pa eboniyakeo, yemo maine rokopzo ma gekene. 9Wesi aboŋ suwaine koaŋgei, ŋei ŋerep yewa eŋe borikinane liwe liweko waket warekei, paki, kinekine yauwinane bailalaŋ okane, eya wane wetene suwaine motpi paki, qelaŋ so ŋet korop yewa wane simileŋo ŋei ŋerep yewa waraŋongi ket ware, seuseu wane suba bano waketpi enguwareyake. 10Wesi aboŋ wane simileŋo borikine kinekine eya wane ekiine okanmaike, ŋei ŋerep natne wesi aboŋ wane simile zok dere mageu, yewaŋo waraŋongi, mali malipene qeliŋka wareu paki, qom borik wikile suwaine zok maratkakoi.
Gege Togon Marat Kaikenane Sorin Gekene
11Ŋo Kaisale wane ŋei, ge kinekine yaline ŋadekka warekene, paki dere qeka midaine, ŋei wele, mali malip korop, wet maep korop, togole togolerop, so wet pesek korop okanikenane sorin borin okanikene. 12Paki, mali malip wane gege urata mauluke maikene, ma more gege togon marat kaikene, ge gege yewa marat kaikenane Kaisaleŋo gora newan gange, so ge goŋom yale okanikenane, ŋei lewa lewago ra togolenom detkoi. 13Kaisale, yeye kinekine korop eŋane gege ma wakon okan mageyake, eŋane kaitko so Yesu Kristo, Pontias Pailat wane kaitko don welekatne ra togole golat lukewe, 14ge Kaisale wane don yewa mauluke warekanom, matali qetali midaine so ma sigileu diine midaine, libeka pamageki, naso Waomze Kristo Yesu lotkeyake. 15Kristo lotkeyakane naso, yemo mo Kaisale oŋom ka motke, naso yewa bomileki, Kaisale mosop welaine so ware ware weku, ŋei waom eŋane, ŋei waom so waom eŋane Waom, oŋomka Kristo talekaki didiwo wakoniyake. 16Eŋe bonepine seuseuine midaine qelaŋan koto gemaike, qelaŋan yewa ŋei maneŋo mi marat kayake, so ŋei maneŋo mane mi kakoi, so ŋei maneŋo mi kayake, eŋano bakom mawa mawa so zonom papa togon pa ariyake! O, Weleka.
Ŋene Kepe Aboŋ Wane Wetze Zok Mi Payake
17Ŋei kepe iwa wane aboŋ suwaine pa ebonmaike, eŋe edannom solaene mi mawa nagu more, kinekine yauwinane detpi, yewaŋo lopeŋene okangi, yewao mi gesoke togole okorakei, midakaka! Kaisale eŋe moriyan ma wakone ŋebongi nema okan okanmaine, eŋano kito gesoke togole okorakei. 18Edannom, ŋei aboŋene suwaine eŋe urata mauluke maikei, ma more eya wane weleine mayakatne maratkaikei, paki qom ewek, okane more wet peseko kimakopeene natne mapoke ebonikei, yale okanbi paki, wet pesek desikei. 19Numa yalewaoken okanbi paki, nago nagon mane papa togon yewa maratka more, eya wane weleine ŋado okanikei, paki eŋe baŋ ŋado maine gege wele yewa marat kaikei.
Timoti Wane Girem Don
20O Timoti, ge Kaisaleŋo urata ginge, yewa mauluke warekanom paki magekene, don sinoine wele midaine so isi don, ŋei natneŋo mage okan okanmami, yewa ŋadek kaikene, eŋe isi don yewa mage more, iwa yale ra okanmami iwa, “don dereret” yewa yemo Kaisale wane tanik manik eya wane ŋabaine okanmaike. 21Ŋei natne eŋe ra okanmami, “Ŋene dereretze weneŋ,” yale ra more Kaisale wane don wele, mali malip wane numa yewa qeligeu siukke.
Kaisale wane mosopŋo ŋinano korop pa wareyake, o, weleka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.