1 Kirinti 14
14
Asu Wane Zonomgo Kisi Maep Similerop Raikene
1Ŋine wet maep marat kaikei wane sorin borin okane togolekei. So qom ŋine ewekki Asuŋo kine kine korop damo qe ŋibonmaike, eya wane sorin gekei, eya mo kisi maep kine rara wane damo maniŋa biŋek ŋine ma more, ewekeu paki Kaisale wane don togoleka ra qelaŋangei. 2Mane eŋe kisi maep don wet ŋoro buŋ kuneŋine maneo rayake, eŋe ra more ŋei mi edanmaike, midaka. Eŋe Kaisale olatmaike, onoka wane ŋei maneŋo don iwa mi detmaike. Eŋe Asu wane zonomŋo qebinkaki don sane wele ra wakonmaike. 3Ŋo mane eŋe Kaisale wane kisi maep don rayake eŋe ra more ŋei naŋ qeoniyake, so ma togole one more wet pesek okanoniyake. 4Ŋei kisi maep don kuneŋine maneo rayake eŋe eŋine wetineka weku ma togolekayake, ŋo mane eŋe Kaisale wane kisi maep don kine rayake eŋe doku tau tau magu qesiŋone ma togole oniyake.
5Na ŋine koropŋo don kuneŋino kait qotot raikei wane simin nanmaike, ŋo ŋine koropŋo Kaisale wane kisi maep don kine raikei yemo zok manerop simin nan lukmaike. Ŋei mane eŋe Kaisale wane kisi maep don rayake eyaŋo manerop suwaine okanmaike, paki don mane eŋe don ŋoro buŋ kuneŋine kait qotot maneo don rayake eŋe yuwan kamaike. So don kuneŋine kait qotot maneo don rayake, eŋe ra more ŋado kine maine mainge ŋei ŋerep magu edangi eŋe dere more eya wane wele mageu menageyake. 6Eso kimakopne, eya wane iwa ŋinano umore don kuneŋine kait qotot natne yewao kisi maep ŋidanikaleo, daleo ŋine qesiŋ ŋunbe koto ŋino kesiyake? Mida. Na Kaisaleŋo don sane natne sikan nange yewa ŋidanikaleo me, kisi maep wane dereret qeirop, me kisi maep wane kine natne ŋidane more ŋibon okanbe, yemo maine koto ŋinane wele okaniyake. Na don kuneŋine kait qotot mi raikale, na don tingoine, didiwo eyao maine rawe desikei!
7Eso gegeene midaine kine kine tewine, mulup so gitakaki puwane qeu aroine tingo arokki eŋet wetne didiwo desikene. Aroine kine kine arokki daleo detnom lotkeyake? 8So ŋei mane oŋo biuga puwangi aroine suwaineka didiwo mi arokeyakeo, maŋo baŋ dere more kawali qeyakane aboŋ maulukeyake? 9Ŋine yaleka. Ŋine don kuneŋine kait qetot mane ŋei ŋerep mi detmami yewaoka kisi maep kaweunerop raikeiwo, ŋei ŋerep eŋe ŋine onoka wane ramami, eya kine daleo desikei? Ŋinane don ŋineŋo yaup ari mida leleyake. 10Don kine kine loutne kepe baŋem yewao pa arimaike. Maneŋo kine midaine mi pamaike, korop kineropka pa waremaike. 11Ŋo na ŋei maneŋo don mane raki, don wane kine mi dere qelaŋane ŋaŋaemaileo, yemo na ŋei yewa wane detpe eŋe naŋane kimane mida, eŋe baŋ ŋei tego mane okaniyake, so eŋe yaleka naŋane detki na eŋane kimaine mida, na ŋei tego mane okanikale. 12Ŋinano kine yewaka pamaike, ŋine Asu wane zonom maikei wane zok ra okanmami, eya maine, so kine kine natnane mida, kisi maepŋo doku tau tau magu keu ŋino wakonluke payakane, ŋine urataine togogole soringe mau eya wane bakom damo moriyanine ŋinano wele wakone, doku tau tau magu qesiŋkaki, suwa wayake.
13Ŋei don kuneŋine kait qotot maneo kisi maep kine rayake, eŋe Kaisale meŋenkaki oŋo qesiŋkaki kisi maep kine detluke more ŋei ŋerep mainge edaniyake. 14Na don kuneŋine kait qotot maneo meŋen kaikaleo, yemo wet ŋoro buŋ kune ŋine meŋen kaikale, ŋo wetneŋo kine dere mi okanikale. 15Eya wane na daleo okanbe rap? Na baŋ ŋoro buŋŋo meŋenkaki wetneŋo weneŋ yaleka detluke, aŋaneŋo baŋ ra qelaŋanikale. So na baŋ Asuneŋo eŋet kitoki, wetneŋo yaleka detluke aŋaneŋo kitokale. 16Ge Kaisale meŋenkanom paki, Asuŋoneŋoka ora ma wakanom, ŋei mane eŋe geŋane don ŋaŋaeyake, paki ŋei yewa eŋe daleo mainge Kaisale meŋenka, asuŋoneŋo ora meŋen kamaine, eya wane qesiŋgane rayake, “I, weleka!” Onoka wane ge don ramaine so Kaisale ora mawa kamaine eya wane numaine eŋe mi detmaike. 17Welekatne, geŋane meŋe meŋen ŋoneŋo Kaisale mawakam paki, olatkene eya maine. Ŋo siluŋ ŋei mane yewa eŋe mi qesiŋ kaluke ma togolekaki wele marat kamaike.
18Na kisi maep don kine kine kuneŋino kait qotot rawe paki, natne ŋine korop yuwan ŋunwaremaile, eya wane na Kaisale meŋenka more mawa kamaile. 19Ŋo na doku tau tau magu lewa lewago don mete mane (5 ka) edanikalane wetneŋo nanmaike, yemo na yale okanbe paki, ŋei ŋerep natne kisi maep don kito edanbe, eŋe maine detpirap, so don kuneŋine kait qetot maneo kisi maep kiroine don ten tausen rara, eya mo yeine!
Kisi Maep Aukenane Medep Nigatne Eŋane Rokop Mi Okanikene
20Kimakop, kisi maep wane wet dereret ŋineŋo medep nigatne eŋane wet misuk wetkekei, borikinane yemo wet dereret ŋineŋo medep nigatne eŋane wet dereret yale wetkekei. Ŋo kisi maep wane yemo wet ŋineŋo ŋei suwaine eŋane wet yale wetkekei. 21Kaisale wane ekapko don iwa yale qeqine,
“Na ŋei lobo so ŋei don kine mane naŋane Yuda magu keuwo biraonbe naŋane kine ra qelaŋan onikei, Waomŋo ramaike. Na baŋ ŋei lobo eŋane pieno motpe don edanikei. Ŋo siluŋ, eŋe baŋ naŋane don detpi wele mi okaniyake.”
22Eso masi so don kuneŋine kait qotot maneo rara eyaŋo yemo qelaŋ eŋane biŋek okanmaike, doku tau taune eŋane biŋek mi okanmaike, Ŋo Kaisale wane kisi maep don rara masi, eyaŋo yemo doku tau taune eŋane biŋek, qelaŋ eŋane biŋek mi okanmaike.
23Eso doku tau tau magu koropŋo lewage more, don kuneŋine kait qotot kine mane kine mane raikeiwo, Ŋei natne mi detmami, me qelaŋ ŋei natne sari metkeiwo, yemo eŋe raikei, ŋine qelaŋ okanmami me? 24Ŋo ŋine korop Kaisale wane don kisi maep ra qelaŋane metpi, ŋei qelaŋ mane me ŋei yauwine mane eŋe ŋinano umore kisi maep yewa korop desiyake, detki, yewaŋo qomino kito more, wetinane kine korop qe wakonmaike. 25Eso kotino don korop motkeki pamaike, yewa ra wakon wareyake, paki eŋe umiket more Kaisale meŋenkaki paki ora mawaka more rayake, “I welekatne, Kaisale eŋe iwa ŋinerop gemaike!”
Kisi Maep Wane Lewaŋgenane Kotozo Kele Bau Wawa Midaine Gekene
26Kimakopne, eya wane daleo okanikei? Ŋine sari lewaŋgei naso yewao urata ŋineropka korop sari lewageu menageyake, mane eŋe eŋet meŋe meŋen ma sariyake, mane eŋe kisi maep kito ŋida ŋidan ma sariyake, mane eŋe kisi maep kine rara ma sariyake, mane eŋe kisi maep don kuneŋine kait qotot maneo rara ma sariyake, so mane eŋe kisi maep don kune ŋine kait qotot maneo dere mai main ma sariyake. Yeye kine kine iwa korop okanbi doku tau tau magu ma togole ŋuniyake. 27Ŋo ŋei natneŋo kisi maep don kuneŋine kait qotot maneo raikei wane okane, yemo loutneŋo mi raikei, Ŋei etke me kareweŋo raikei. Mane raki qoeki mane rayake, qoeki mane. Eso maneŋo don remi, yewa mainge ŋidaniyake. 28Ŋo don mai main ŋei mane yewa mi metki zuwage more ŋei don kuneŋine kait qotot maneo lewa lewaŋ yewao rara, eya mo yeine qeligeyake, pakiso, eŋineka bonepine Kaisale olasiyake. 29Ŋei etke me kareweŋo Kaisale wane don kisi raikei, eso natne eŋe don ramami, yewa mazakanikei. 30Ŋo mane eŋe lewa lewago metki, Kaisaleŋo wetino don mane mosiyakeo, yemo ŋei alakane okora don ramaike, eŋe maine qelige mesiyake. 31Ŋine koropŋo Kaisale wane don kisi maine weku weku mane ra qeliŋgi koso mane, eŋe qeliŋgi koso mane. Yale okanbi ŋei ŋerep eŋe kisi maeprop okane eweke togolekei. 32Kaisale wane kisi maep don ra qelaŋan ŋei eŋe don raraene wareka lukeu paki enŋene naso kisi maep don maine raikei. 33Onoka wane, Kaisale eŋe matali qetali welaine midaka, eŋe peyam welaine. So urataine eya koboboine ma okanmaike, ŋene yaleka kima weku urataze qeturage maikenane, Kaisaleŋo siminkamaike.
34Doku tau tau magu korop eŋe Bakom mawa mawa okanikei, naso yewao, ŋerep eŋe doku tau tau magu lewa lewago donene midaine mesikei. Eŋe don maine mi raikei, eŋe ketkele, Mose wane Ramatok don Numaŋo ramaike, eya wane kop gekei. 35Ŋo eŋe don mane wane kine desikei wane raikeiwo, yemo eŋe mateno ŋaokopene maine qeson ongei. Ŋerep mane eŋe magu lewa lewago don raki, gamu gamu-inerop okangi mi menageyake, eya masi maine mida.
36Me Kaisale wane kisi maep don eya ŋinano mikepka wakonge me? Me ŋine wekuŋo Kaisale wane don detkamami, ŋo natne mo mida me? 37Ŋinano ŋine maneŋo eŋinane detki, eŋe ŋei bile mayakatne okangi so, Kaisale wane don ra qelaŋaniyake, me eŋinane detki eŋe Asurop okaniyakeo, eŋe don qe ŋibonmaile iwa Waom wane don yale detlukeyake. 38Ŋo mane eŋe don iwaŋo kima mi mayakeo, ŋei yewa eŋe yaleka Waomŋo kima mi okankayake.
39Eya wane, kimakopne, ŋine kisi maep kine detluke raulukkei wane sorin borin okanikei, Ŋo kisi maep don kuneŋine kait qotot maneo rara, eya wane numa leŋ leŋ mi okanikei. 40Ŋo ŋine urata korop tegok luke modare more mau menaŋgi paki wakone, koboine kisi maep qelaŋaninerop okane paulukeyake.
Currently Selected:
1 Kirinti 14: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Kirinti 14
14
Asu Wane Zonomgo Kisi Maep Similerop Raikene
1Ŋine wet maep marat kaikei wane sorin borin okane togolekei. So qom ŋine ewekki Asuŋo kine kine korop damo qe ŋibonmaike, eya wane sorin gekei, eya mo kisi maep kine rara wane damo maniŋa biŋek ŋine ma more, ewekeu paki Kaisale wane don togoleka ra qelaŋangei. 2Mane eŋe kisi maep don wet ŋoro buŋ kuneŋine maneo rayake, eŋe ra more ŋei mi edanmaike, midaka. Eŋe Kaisale olatmaike, onoka wane ŋei maneŋo don iwa mi detmaike. Eŋe Asu wane zonomŋo qebinkaki don sane wele ra wakonmaike. 3Ŋo mane eŋe Kaisale wane kisi maep don rayake eŋe ra more ŋei naŋ qeoniyake, so ma togole one more wet pesek okanoniyake. 4Ŋei kisi maep don kuneŋine maneo rayake eŋe eŋine wetineka weku ma togolekayake, ŋo mane eŋe Kaisale wane kisi maep don kine rayake eŋe doku tau tau magu qesiŋone ma togole oniyake.
5Na ŋine koropŋo don kuneŋino kait qotot raikei wane simin nanmaike, ŋo ŋine koropŋo Kaisale wane kisi maep don kine raikei yemo zok manerop simin nan lukmaike. Ŋei mane eŋe Kaisale wane kisi maep don rayake eyaŋo manerop suwaine okanmaike, paki don mane eŋe don ŋoro buŋ kuneŋine kait qotot maneo don rayake eŋe yuwan kamaike. So don kuneŋine kait qotot maneo don rayake, eŋe ra more ŋado kine maine mainge ŋei ŋerep magu edangi eŋe dere more eya wane wele mageu menageyake. 6Eso kimakopne, eya wane iwa ŋinano umore don kuneŋine kait qotot natne yewao kisi maep ŋidanikaleo, daleo ŋine qesiŋ ŋunbe koto ŋino kesiyake? Mida. Na Kaisaleŋo don sane natne sikan nange yewa ŋidanikaleo me, kisi maep wane dereret qeirop, me kisi maep wane kine natne ŋidane more ŋibon okanbe, yemo maine koto ŋinane wele okaniyake. Na don kuneŋine kait qotot mi raikale, na don tingoine, didiwo eyao maine rawe desikei!
7Eso gegeene midaine kine kine tewine, mulup so gitakaki puwane qeu aroine tingo arokki eŋet wetne didiwo desikene. Aroine kine kine arokki daleo detnom lotkeyake? 8So ŋei mane oŋo biuga puwangi aroine suwaineka didiwo mi arokeyakeo, maŋo baŋ dere more kawali qeyakane aboŋ maulukeyake? 9Ŋine yaleka. Ŋine don kuneŋine kait qetot mane ŋei ŋerep mi detmami yewaoka kisi maep kaweunerop raikeiwo, ŋei ŋerep eŋe ŋine onoka wane ramami, eya kine daleo desikei? Ŋinane don ŋineŋo yaup ari mida leleyake. 10Don kine kine loutne kepe baŋem yewao pa arimaike. Maneŋo kine midaine mi pamaike, korop kineropka pa waremaike. 11Ŋo na ŋei maneŋo don mane raki, don wane kine mi dere qelaŋane ŋaŋaemaileo, yemo na ŋei yewa wane detpe eŋe naŋane kimane mida, eŋe baŋ ŋei tego mane okaniyake, so eŋe yaleka naŋane detki na eŋane kimaine mida, na ŋei tego mane okanikale. 12Ŋinano kine yewaka pamaike, ŋine Asu wane zonom maikei wane zok ra okanmami, eya maine, so kine kine natnane mida, kisi maepŋo doku tau tau magu keu ŋino wakonluke payakane, ŋine urataine togogole soringe mau eya wane bakom damo moriyanine ŋinano wele wakone, doku tau tau magu qesiŋkaki, suwa wayake.
13Ŋei don kuneŋine kait qotot maneo kisi maep kine rayake, eŋe Kaisale meŋenkaki oŋo qesiŋkaki kisi maep kine detluke more ŋei ŋerep mainge edaniyake. 14Na don kuneŋine kait qotot maneo meŋen kaikaleo, yemo wet ŋoro buŋ kune ŋine meŋen kaikale, ŋo wetneŋo kine dere mi okanikale. 15Eya wane na daleo okanbe rap? Na baŋ ŋoro buŋŋo meŋenkaki wetneŋo weneŋ yaleka detluke, aŋaneŋo baŋ ra qelaŋanikale. So na baŋ Asuneŋo eŋet kitoki, wetneŋo yaleka detluke aŋaneŋo kitokale. 16Ge Kaisale meŋenkanom paki, Asuŋoneŋoka ora ma wakanom, ŋei mane eŋe geŋane don ŋaŋaeyake, paki ŋei yewa eŋe daleo mainge Kaisale meŋenka, asuŋoneŋo ora meŋen kamaine, eya wane qesiŋgane rayake, “I, weleka!” Onoka wane ge don ramaine so Kaisale ora mawa kamaine eya wane numaine eŋe mi detmaike. 17Welekatne, geŋane meŋe meŋen ŋoneŋo Kaisale mawakam paki, olatkene eya maine. Ŋo siluŋ ŋei mane yewa eŋe mi qesiŋ kaluke ma togolekaki wele marat kamaike.
18Na kisi maep don kine kine kuneŋino kait qotot rawe paki, natne ŋine korop yuwan ŋunwaremaile, eya wane na Kaisale meŋenka more mawa kamaile. 19Ŋo na doku tau tau magu lewa lewago don mete mane (5 ka) edanikalane wetneŋo nanmaike, yemo na yale okanbe paki, ŋei ŋerep natne kisi maep don kito edanbe, eŋe maine detpirap, so don kuneŋine kait qetot maneo kisi maep kiroine don ten tausen rara, eya mo yeine!
Kisi Maep Aukenane Medep Nigatne Eŋane Rokop Mi Okanikene
20Kimakop, kisi maep wane wet dereret ŋineŋo medep nigatne eŋane wet misuk wetkekei, borikinane yemo wet dereret ŋineŋo medep nigatne eŋane wet dereret yale wetkekei. Ŋo kisi maep wane yemo wet ŋineŋo ŋei suwaine eŋane wet yale wetkekei. 21Kaisale wane ekapko don iwa yale qeqine,
“Na ŋei lobo so ŋei don kine mane naŋane Yuda magu keuwo biraonbe naŋane kine ra qelaŋan onikei, Waomŋo ramaike. Na baŋ ŋei lobo eŋane pieno motpe don edanikei. Ŋo siluŋ, eŋe baŋ naŋane don detpi wele mi okaniyake.”
22Eso masi so don kuneŋine kait qotot maneo rara eyaŋo yemo qelaŋ eŋane biŋek okanmaike, doku tau taune eŋane biŋek mi okanmaike, Ŋo Kaisale wane kisi maep don rara masi, eyaŋo yemo doku tau taune eŋane biŋek, qelaŋ eŋane biŋek mi okanmaike.
23Eso doku tau tau magu koropŋo lewage more, don kuneŋine kait qotot kine mane kine mane raikeiwo, Ŋei natne mi detmami, me qelaŋ ŋei natne sari metkeiwo, yemo eŋe raikei, ŋine qelaŋ okanmami me? 24Ŋo ŋine korop Kaisale wane don kisi maep ra qelaŋane metpi, ŋei qelaŋ mane me ŋei yauwine mane eŋe ŋinano umore kisi maep yewa korop desiyake, detki, yewaŋo qomino kito more, wetinane kine korop qe wakonmaike. 25Eso kotino don korop motkeki pamaike, yewa ra wakon wareyake, paki eŋe umiket more Kaisale meŋenkaki paki ora mawaka more rayake, “I welekatne, Kaisale eŋe iwa ŋinerop gemaike!”
Kisi Maep Wane Lewaŋgenane Kotozo Kele Bau Wawa Midaine Gekene
26Kimakopne, eya wane daleo okanikei? Ŋine sari lewaŋgei naso yewao urata ŋineropka korop sari lewageu menageyake, mane eŋe eŋet meŋe meŋen ma sariyake, mane eŋe kisi maep kito ŋida ŋidan ma sariyake, mane eŋe kisi maep kine rara ma sariyake, mane eŋe kisi maep don kuneŋine kait qotot maneo rara ma sariyake, so mane eŋe kisi maep don kune ŋine kait qotot maneo dere mai main ma sariyake. Yeye kine kine iwa korop okanbi doku tau tau magu ma togole ŋuniyake. 27Ŋo ŋei natneŋo kisi maep don kuneŋine kait qotot maneo raikei wane okane, yemo loutneŋo mi raikei, Ŋei etke me kareweŋo raikei. Mane raki qoeki mane rayake, qoeki mane. Eso maneŋo don remi, yewa mainge ŋidaniyake. 28Ŋo don mai main ŋei mane yewa mi metki zuwage more ŋei don kuneŋine kait qotot maneo lewa lewaŋ yewao rara, eya mo yeine qeligeyake, pakiso, eŋineka bonepine Kaisale olasiyake. 29Ŋei etke me kareweŋo Kaisale wane don kisi raikei, eso natne eŋe don ramami, yewa mazakanikei. 30Ŋo mane eŋe lewa lewago metki, Kaisaleŋo wetino don mane mosiyakeo, yemo ŋei alakane okora don ramaike, eŋe maine qelige mesiyake. 31Ŋine koropŋo Kaisale wane don kisi maine weku weku mane ra qeliŋgi koso mane, eŋe qeliŋgi koso mane. Yale okanbi ŋei ŋerep eŋe kisi maeprop okane eweke togolekei. 32Kaisale wane kisi maep don ra qelaŋan ŋei eŋe don raraene wareka lukeu paki enŋene naso kisi maep don maine raikei. 33Onoka wane, Kaisale eŋe matali qetali welaine midaka, eŋe peyam welaine. So urataine eya koboboine ma okanmaike, ŋene yaleka kima weku urataze qeturage maikenane, Kaisaleŋo siminkamaike.
34Doku tau tau magu korop eŋe Bakom mawa mawa okanikei, naso yewao, ŋerep eŋe doku tau tau magu lewa lewago donene midaine mesikei. Eŋe don maine mi raikei, eŋe ketkele, Mose wane Ramatok don Numaŋo ramaike, eya wane kop gekei. 35Ŋo eŋe don mane wane kine desikei wane raikeiwo, yemo eŋe mateno ŋaokopene maine qeson ongei. Ŋerep mane eŋe magu lewa lewago don raki, gamu gamu-inerop okangi mi menageyake, eya masi maine mida.
36Me Kaisale wane kisi maep don eya ŋinano mikepka wakonge me? Me ŋine wekuŋo Kaisale wane don detkamami, ŋo natne mo mida me? 37Ŋinano ŋine maneŋo eŋinane detki, eŋe ŋei bile mayakatne okangi so, Kaisale wane don ra qelaŋaniyake, me eŋinane detki eŋe Asurop okaniyakeo, eŋe don qe ŋibonmaile iwa Waom wane don yale detlukeyake. 38Ŋo mane eŋe don iwaŋo kima mi mayakeo, ŋei yewa eŋe yaleka Waomŋo kima mi okankayake.
39Eya wane, kimakopne, ŋine kisi maep kine detluke raulukkei wane sorin borin okanikei, Ŋo kisi maep don kuneŋine kait qotot maneo rara, eya wane numa leŋ leŋ mi okanikei. 40Ŋo ŋine urata korop tegok luke modare more mau menaŋgi paki wakone, koboine kisi maep qelaŋaninerop okane paulukeyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.