1 Kirinti 12
12
Asuŋo Urata Kine Kine Damo Mamaike
1Kimakop, iwa yemo Asuŋo ŋinane wet maep kine kine damo qemaike, eya wane kine ŋaŋaekei wane ŋidanbe detpi. 2Ŋine mo detmami, mokaka ŋine qelaŋ gekoi, naso yewao lopio donene mi raraine me gegeene midaine, edo tebaŋunbi eŋano ari gekoi. 3Eya wane, ŋine iwa yale desikei. Mane eŋe Kaisale wane Asuŋo eŋerop geki paki don olatki, eŋe Yesu wane eŋetine maine mi ra matali more sowa kutino mosiyake. So mane eŋe Asu Koboboine midaine geyakeŋo maine mi rayake, “Yesu eŋe Waom.”
4Kisi maep urata wane kine, mane mane pamaike, ŋo Asu yemo weku gemaike, oŋo damo qe ŋebon okanmaike. 5Kisi maep wane urata kine kine maikenane numaine loutne pamaike, ŋo urata welaine yemo Waom weku gemaike. 6Kisi maep wane urata maikenane, masi kine kineine loutne pamaike, ŋo masi welaine yemo Kaisale weku gemaike. Oŋo zonom ma wakone ŋebon okanmaike. 7Asu eŋe kisi maepko geuluke more korop qesiŋ onikenane, ŋei welaine welaine zonomine mapoke ŋebon okanmaike. 8Asuŋo ŋei mane dereret mangi kisi maep kine qeirop detluke more rayake, so mane eŋe Asu yewaŋoka zonom mangi kisi maep kine maket more rayake. 9Mane eŋe Asuŋoka qesiŋkaki mali malip korop geyake, mane eŋe Asu yewaŋoka zonom mangi zomarop ebuki menaŋgei. 10Asuŋo ŋei mane masi kine kine togole mayakane zonom ma wakone maniyake, so mane eŋe Kaisale wane don ra qelaŋaniyakane wetine malotkeyake, so mane eŋe Asu maine so asu borikine eya wane kine detkayakane zonom maniyake. Mane eŋe don kine kine kuneŋine kait qotot mi dereretne rayakane wetine ma qelaŋaniyake, mane eŋe don kine kine kuneŋine kait qotot mi dereretne dere main geyakane zonom qesiŋ kayake. 11Kine kine iwa korop yemo Asu weku, oŋomka ma okan waremaike. Eŋe eŋine wetinane detluke more ŋei welaine welaine damoene qe more kine kine mapoke ebon okanmaike.
Solaze Weku Qelit Dokoine Loutne
12Ŋei ŋene solazeŋo weku, ŋo solazane qelit qeqe yemo welaine welaine qelit qekamami, pakimo sola wane urata mamakoune loutneŋo qeturage weku okanmaike, Kristo wane magu eŋe sola weku yale, sisine koune loutne, eŋe siluŋ loutne, ŋo qeturageu sola weku okanmaike. 13Numa weku yewaka, ŋene korop Asu weku yewaŋoka kisi maepko doku tau taune magu qeturaŋ-ŋongi, sola weku okangone, Yuda me Grik, qelit ŋei me yaup similane gegine, ŋene korop Asu weku ŋebongi ma more, eyaŋo qedugu-ŋongi weku okangone.
14Pakimo sola eŋe weku mida, eŋe sisinekoune loutne. 15Kiyeŋo iwa yale rayake, “Na mete midakaka, eya wane na sola wane sisine mida,” Yale ra more daleo sola qeliŋka eŋineka geyake, rayakeo, eyaŋo kitatka maki eŋe sola mi qeliŋ kayake. 16So ket eŋe iwa yale rayake, “Na de midakaka, eya wane na sola wane sisine midaka.” Yale rayakeo, eŋe daleo sola qeliŋka more eŋineka bonep geyake, eyaŋo kitatka maki eŋe sola mi qeliŋ kayake. 17Eso sola eŋe korop deka okaniyakeo, eŋe daleo don detkirap? So eŋe ketka korop okaniyakeo, eŋe daleo qoune detki rap? 18Sola eŋe yale midakaka. Kaisaleŋo sola wane sisine natne eŋe korop urataene bonep bonep detluke more qelit mama urata maikeiwane ra biraon wareke. 19Sola wane sisine nat korop eŋe kineene wekuka okangera, yemo sola mane mi pakirap. Midakaka! 20Iwa mo yale mida, sola eŋe sisine nat koune qelit qeqe loutne pamaike, ŋo solaŋo yemo weku.
21Eso eya wane deŋo mete maine mi olale rayake, “Ge midaine na maine gekale.” Me lewetŋo kiye maine mi etane rayake, “Ŋire midaine na maine naeka gekale!” 22Eya midakaka, ŋene solazane sisine natne koune eŋane kaŋem zonomene midaine okanmaike, eŋe midaine solaŋoka zonominerop maine mi geyake. 23So solazane sisinekoune eŋane detŋem ketkele okan okanmaike, eya takot laplapŋo kibi manerop mauluke ebu okanmaine, so solaze sisine natne maine mida gamuinerop, yewa ŋene mauluke kawet-on okanmaine. 24Ŋo solaze sisine natne korop mayakatne, eya mo yaup tingo qeliŋonŋem urataene ma okanmami. Kaisale oŋom solaze sisine eya korop weku yale mawareke. Solaze sisine natne ketkele, eŋe urata manerop wawaine ra ebonge. 25Solazeŋo mi wiri more sisine nat nat okane, eŋe korop wekuwoka qeturage qelit qeqe maine okangei wane eŋe yale okange. 26Eya wane sola wane sisine mane eŋe wikile desiyakeo, sola sisine natne eŋe koropŋo wikile desikei, me sisine nat mane eŋe eŋetine mawakayakeo, sisine nat nat korop eŋe bakom kito warekei.
Kisi Maep Wane Urata Mama Ŋei Kine Kine Gemaine
27Iwa yemo ŋine korop Kristo wane sola okanmami, eso weku weku yemo solainane sisine nat nat korop okanmami. 28Doku tau tau magu eŋano Kaisaleŋo ŋei iwa yale biraonge. Lewine aposolo, ŋado propet, yewaŋo kito ebo ebon, eya wane ŋadino masi mama wane ŋei zonomgorop, so zomarop ebuwi menaŋgei wane ŋei zonom gorop, so ŋei setene pelekakatne, zoma kubet korop qesiŋongei wane ŋei, so ware ware urata kine kine warekei wane ŋei, so don kuneŋine rara eya wane ŋei, yale biraonge. 29Eŋe korop aposoloka gemami me? Eŋe korop propetka gemami me? Eŋe korop kito ebo ebon ka gemami me? Eŋe korop masi togole mama wane zonomgorop gemami me? 30Eŋe koropŋo zomarop ebuwi menaŋgei wane zonom gorop gemami me? Eŋe koropŋo don kine kine kuneŋine maine raikei? Eŋe koropŋo don kuneŋine raraine maine maingekei me? Eyaŋo midakaka! 31Ŋo ŋine siluŋ kisi maep wane damo maniŋa wele suwaine maikei wane yemo togole more sorin borin okanikei.
Pakimo, noŋo eya wane numa mayakakatne iwa baŋ sikanŋunbe gesokkei.
Currently Selected:
1 Kirinti 12: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Kirinti 12
12
Asuŋo Urata Kine Kine Damo Mamaike
1Kimakop, iwa yemo Asuŋo ŋinane wet maep kine kine damo qemaike, eya wane kine ŋaŋaekei wane ŋidanbe detpi. 2Ŋine mo detmami, mokaka ŋine qelaŋ gekoi, naso yewao lopio donene mi raraine me gegeene midaine, edo tebaŋunbi eŋano ari gekoi. 3Eya wane, ŋine iwa yale desikei. Mane eŋe Kaisale wane Asuŋo eŋerop geki paki don olatki, eŋe Yesu wane eŋetine maine mi ra matali more sowa kutino mosiyake. So mane eŋe Asu Koboboine midaine geyakeŋo maine mi rayake, “Yesu eŋe Waom.”
4Kisi maep urata wane kine, mane mane pamaike, ŋo Asu yemo weku gemaike, oŋo damo qe ŋebon okanmaike. 5Kisi maep wane urata kine kine maikenane numaine loutne pamaike, ŋo urata welaine yemo Waom weku gemaike. 6Kisi maep wane urata maikenane, masi kine kineine loutne pamaike, ŋo masi welaine yemo Kaisale weku gemaike. Oŋo zonom ma wakone ŋebon okanmaike. 7Asu eŋe kisi maepko geuluke more korop qesiŋ onikenane, ŋei welaine welaine zonomine mapoke ŋebon okanmaike. 8Asuŋo ŋei mane dereret mangi kisi maep kine qeirop detluke more rayake, so mane eŋe Asu yewaŋoka zonom mangi kisi maep kine maket more rayake. 9Mane eŋe Asuŋoka qesiŋkaki mali malip korop geyake, mane eŋe Asu yewaŋoka zonom mangi zomarop ebuki menaŋgei. 10Asuŋo ŋei mane masi kine kine togole mayakane zonom ma wakone maniyake, so mane eŋe Kaisale wane don ra qelaŋaniyakane wetine malotkeyake, so mane eŋe Asu maine so asu borikine eya wane kine detkayakane zonom maniyake. Mane eŋe don kine kine kuneŋine kait qotot mi dereretne rayakane wetine ma qelaŋaniyake, mane eŋe don kine kine kuneŋine kait qotot mi dereretne dere main geyakane zonom qesiŋ kayake. 11Kine kine iwa korop yemo Asu weku, oŋomka ma okan waremaike. Eŋe eŋine wetinane detluke more ŋei welaine welaine damoene qe more kine kine mapoke ebon okanmaike.
Solaze Weku Qelit Dokoine Loutne
12Ŋei ŋene solazeŋo weku, ŋo solazane qelit qeqe yemo welaine welaine qelit qekamami, pakimo sola wane urata mamakoune loutneŋo qeturage weku okanmaike, Kristo wane magu eŋe sola weku yale, sisine koune loutne, eŋe siluŋ loutne, ŋo qeturageu sola weku okanmaike. 13Numa weku yewaka, ŋene korop Asu weku yewaŋoka kisi maepko doku tau taune magu qeturaŋ-ŋongi, sola weku okangone, Yuda me Grik, qelit ŋei me yaup similane gegine, ŋene korop Asu weku ŋebongi ma more, eyaŋo qedugu-ŋongi weku okangone.
14Pakimo sola eŋe weku mida, eŋe sisinekoune loutne. 15Kiyeŋo iwa yale rayake, “Na mete midakaka, eya wane na sola wane sisine mida,” Yale ra more daleo sola qeliŋka eŋineka geyake, rayakeo, eyaŋo kitatka maki eŋe sola mi qeliŋ kayake. 16So ket eŋe iwa yale rayake, “Na de midakaka, eya wane na sola wane sisine midaka.” Yale rayakeo, eŋe daleo sola qeliŋka more eŋineka bonep geyake, eyaŋo kitatka maki eŋe sola mi qeliŋ kayake. 17Eso sola eŋe korop deka okaniyakeo, eŋe daleo don detkirap? So eŋe ketka korop okaniyakeo, eŋe daleo qoune detki rap? 18Sola eŋe yale midakaka. Kaisaleŋo sola wane sisine natne eŋe korop urataene bonep bonep detluke more qelit mama urata maikeiwane ra biraon wareke. 19Sola wane sisine nat korop eŋe kineene wekuka okangera, yemo sola mane mi pakirap. Midakaka! 20Iwa mo yale mida, sola eŋe sisine nat koune qelit qeqe loutne pamaike, ŋo solaŋo yemo weku.
21Eso eya wane deŋo mete maine mi olale rayake, “Ge midaine na maine gekale.” Me lewetŋo kiye maine mi etane rayake, “Ŋire midaine na maine naeka gekale!” 22Eya midakaka, ŋene solazane sisine natne koune eŋane kaŋem zonomene midaine okanmaike, eŋe midaine solaŋoka zonominerop maine mi geyake. 23So solazane sisinekoune eŋane detŋem ketkele okan okanmaike, eya takot laplapŋo kibi manerop mauluke ebu okanmaine, so solaze sisine natne maine mida gamuinerop, yewa ŋene mauluke kawet-on okanmaine. 24Ŋo solaze sisine natne korop mayakatne, eya mo yaup tingo qeliŋonŋem urataene ma okanmami. Kaisale oŋom solaze sisine eya korop weku yale mawareke. Solaze sisine natne ketkele, eŋe urata manerop wawaine ra ebonge. 25Solazeŋo mi wiri more sisine nat nat okane, eŋe korop wekuwoka qeturage qelit qeqe maine okangei wane eŋe yale okange. 26Eya wane sola wane sisine mane eŋe wikile desiyakeo, sola sisine natne eŋe koropŋo wikile desikei, me sisine nat mane eŋe eŋetine mawakayakeo, sisine nat nat korop eŋe bakom kito warekei.
Kisi Maep Wane Urata Mama Ŋei Kine Kine Gemaine
27Iwa yemo ŋine korop Kristo wane sola okanmami, eso weku weku yemo solainane sisine nat nat korop okanmami. 28Doku tau tau magu eŋano Kaisaleŋo ŋei iwa yale biraonge. Lewine aposolo, ŋado propet, yewaŋo kito ebo ebon, eya wane ŋadino masi mama wane ŋei zonomgorop, so zomarop ebuwi menaŋgei wane ŋei zonom gorop, so ŋei setene pelekakatne, zoma kubet korop qesiŋongei wane ŋei, so ware ware urata kine kine warekei wane ŋei, so don kuneŋine rara eya wane ŋei, yale biraonge. 29Eŋe korop aposoloka gemami me? Eŋe korop propetka gemami me? Eŋe korop kito ebo ebon ka gemami me? Eŋe korop masi togole mama wane zonomgorop gemami me? 30Eŋe koropŋo zomarop ebuwi menaŋgei wane zonom gorop gemami me? Eŋe koropŋo don kine kine kuneŋine maine raikei? Eŋe koropŋo don kuneŋine raraine maine maingekei me? Eyaŋo midakaka! 31Ŋo ŋine siluŋ kisi maep wane damo maniŋa wele suwaine maikei wane yemo togole more sorin borin okanikei.
Pakimo, noŋo eya wane numa mayakakatne iwa baŋ sikanŋunbe gesokkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.