Dosị́ éyị́~e Ledre gɨ ro bụ́kụ bɨ Dosị́ éyị́ e ní
Ledre gɨ ro bụ́kụ bɨ Dosị́ éyị́ e ní
Tónóne gɨ sɨmɨ kápita 1-11 bụ́kụ ba uku ledre gɨ ro dosị́ éyị́ e za mbá. Uku ledre gɨ ro ledre bɨ Lomo otoogụ do sogo káṇgá ba kɨ́ éyị́ ga bɨ sɨmɨné ní mbá, kɨ́ngaya ꞌyịmaꞌdí e bɨ oto yée káa do ngére e do éyị́ e za mbá ní. Bụ́kụ ba uku kpá ledre gɨ ro lúyú ledre kɨ́ ꞌdoꞌdó ogụnɨ́ do sogo káṇgá káa be ꞌdi. Zɨ́a kpá úku ledre gɨ ro ngíti géyị tara e kɨ́ ngíti géyị sị́ do ꞌyị e ogụnɨ́ káa be ꞌdi, kɨ́ káa zɨ́ bɨ Lomo gelé Abarayáma gɨ sɨmɨ kúfú bɨ Yụ́da ní kɨ́ bulúndu bulúndu née zɨ́ye ídíye ꞌyị ga bɨ kɨ́ ledreyé owóowó ní gɨ ro zɨ́ne ꞌdódo rokoꞌbụné zɨ́ye gɨ ro zɨ́ye ꞌdódotátá a zɨ́ ngíti géyị ꞌyị e.
Kápita 12-50 uku ledre gɨ ro Abarayáma kɨ́ ꞌyị ꞌbɨ ꞌbe ené e kpá kɨ́ ledre gɨ ro owụ́ ꞌbɨ ené Isáka kpá kɨ́ ledre owụ́ ꞌbɨ Isáka Yakóbo kɨ́ ledre owụ́ ꞌbɨ ené Yakóbo kɨ́ owụ́ ga bɨ ꞌbɨ Yakóbo sokó doa gbre ní, kɨ́ngaya gɨ ro Yoséfa. Bụ́kụ ba uku ledre kpá gɨ ro káa zɨ́ bɨ Lomo ndịsị lúrú bi kacɨ́ ꞌyị ené ga bɨ kɨ́ ledreyé owóowó ní, abú nɨyí lá ꞌyị e ca dongará tụ́ꞌdụ́ ꞌyị ga bɨ ndịsịnɨ́ óto úndru bɨcayi lomo ní. Uku kpá ledre gɨ ro káa zɨ́ bɨ Lomo ndịsị óto komoné gɨ ro zɨ́ ꞌyị ené e ndị́sị óto úndruné zɨ́ye ndị́sịyé méngị ledre bɨ nɨ óto née zɨ́ne ídíne owóowó do komo ꞌyị e mbá ní.
Bụ́kụ ba, kɨ́ Ólụ́ógụ kɨ́ Lévị e kɨ́ Ólo ꞌyị e, nda kɨ́ Gbre lorụ, Yụ́da e ndịsịnɨ́ ndólo yée “Lorụ e” togụ́ wá, “Lorụ ꞌbɨ Mụ́sa.”
Currently Selected:
Dosị́ éyị́~e Ledre gɨ ro bụ́kụ bɨ Dosị́ éyị́ e ní: bdh
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.