Salmos 130
130
Na vi kondetu kaꞌnuo Jitoꞌo Dios
Yaa ka jita ñayiu nuu mavindanui Jerusalén
1Visi ja oo san ndee kunu kunu nuu tnundoꞌo,
te ndakakuneꞌe ña san jin ni, vi Jitoꞌo san.
2Te konini ni tnoꞌo kaꞌan san.
Tanundaꞌa ni konini guaꞌa ni joo tnoꞌo jikantaꞌu san nuu ni, vi Jitoꞌo san.
3Nuu ja na saꞌa ni kuenta yika kuechi ñayiu,
te tu na in kuu ja koo nuu ni.
4Su maa ni, chi jakaꞌnu ini ni yika kuechi ñayiu,
yun guaa ka nee yiñuꞌi nuu ni.
5Ndetu kaꞌnu san Jitoꞌo Dios jin ndiꞌi san jin anu san,
te kukanu ini san tnoꞌo kaꞌan ya.
6Ndetu kaꞌnu ka san Jitoꞌo Dios
saa nagua ka ndetu ñayiu ka jito ñuu ja tuu inka kiuu.
Ndetu ka maa san saa nagua ka ndetu ñayiu ka jito ñuu ja tuu inka kiuu.
7Saa vi kondetu kaꞌnu maa ni, ñayiu Israel, jin Jitoꞌo Dios,
chi siun ni kundaꞌu ini ña ya jin ni,
te nuu maa ya oo ndiꞌi ja ndatau ña ya nuu yika kuechi ni.
8Te maa ya ndatau ña jin ñayiu Israel nuu ndiꞌi yika kuechi.
Currently Selected:
Salmos 130: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
