Salmos 10
10
Vi ndakuatuo nuu ia Dios ja na skaku niꞌnu ña ya nuu ndaꞌa ñayiu kueꞌe
1¿Nau ja kuu jika ni,
te tayuꞌu nuu ni nuu tnaꞌa ndevaꞌa san tnundoꞌo, vi Jitoꞌo san?
2Te kuu teyii ndevaꞌa ñayiu kueꞌe ja sondikin ñai jin ñayiu ndaꞌu,
te skanakau ñai nuu jakueꞌe saꞌi yun.
3Ñayiu kueꞌe, chi kuu teyii jin ja ndioo ini ja konevaꞌi,
te kaꞌan vii kaꞌan vaꞌi jin ñayiu ja jioꞌo ndevaꞌi xuꞌun, te skexikoi Jitoꞌo.
4Ñayiu kueꞌe, chi ninu ndevaꞌa nei nui, te tu ndandukui ia Dios,
te ndakani ini ja tu na Dios oo.
5Te ndiꞌi ni ja saꞌi kee guaꞌa jin,
su tniuu ndaa ja saꞌa ni, vi Dios, chi jika ndevaꞌa oo nui,
te skexikoi ndiꞌi ni ñayiu ka nee uꞌu tnaꞌa jin.
6Te ndakani ini jin anui: “Tu na in, te saꞌa ja kanakauo,
te ni ma tnaꞌa saꞌuon tnundoꞌo”, kachi.
7Te ninoꞌo ni xtau tniaꞌi ñayiu vi kaꞌan tnoꞌi vi ndakani kueꞌe ini,
vi kaꞌan neꞌe kaꞌan yichi.
8Te tayuꞌu nui taka ñuu kueli, te yun ndetu yuꞌi ja kaꞌni ñayiu tu na kuechi,
te ndiaꞌa yuꞌi ñayiu tu ka nee ini.
9Te ndee in nuu yuꞌu neni yuꞌi ñayiu tu nee tu kuu ini, na kuinio ndikaꞌa,
nagua ja kakuiko ñai, te skanakau ñai nuu ndaꞌi.
10Te jinkuindei vi ndututui nuu ñuꞌu,
te kuaꞌa ñayiu tu ka nee ini ka kanakau nuu ndaꞌi.
11Te ndakani ini ñayiu kueꞌe yun jin anui: “Ni ndunaa ini ña Dios jin ñayiu yun,
ni jasi ya nuu ya, te tu ndiaꞌa saꞌun ya nagua saꞌo”, kachi.
12Ndakoo ni, vi Jitoꞌo, te ndoneꞌe ndaꞌa ni siki ñayiu kueꞌe yun,
te ma ndunaa ini ni ñayiu ndaꞌu ka tnaꞌa tnundoꞌo, vi Dios.
13Chi ka skexiko ña ñayiu kueꞌe jin ni, vi Dios,
te ka ndakani ini jin anui ja ma tetniuu ni tnundoꞌo siki jin jakueꞌe ka saꞌi.
14Su maa ni, chi ndiaꞌa guaꞌa ni jakueꞌe vi janeꞌe jayichi ka saꞌa ñayiu yun,
te saꞌa ndaa ni jin ndaꞌa ni, chi ka ndajatnaꞌa ña ñayiu ni ka tnaꞌa tnundoꞌo jin ni,
te in niꞌnu in sagua ni ja jaꞌa laꞌu kueli.
15Kindee ni jandakui ñayiu kueꞌe, te ndakantnoꞌo ni jakueꞌe ka saꞌi
vi guaa ndee kundee ni xnaa ndiꞌi ni.
16Maa Jitoꞌo kuu rey, ia oo nikuii nikani,
te nuu ñuu ya vi naa ñayiu tu ka kandija ña jin ya.
17Nini maa ni, vi Jitoꞌo san, tnoꞌo ka kaꞌan ñayiu ndaꞌu nuu ka ndakuatui nuu ni,
te ndakuñaꞌa maa ni tnoꞌo ndee ini, vi konini guaꞌa ni nuu ka jikantaꞌui nuu ni.
18Saꞌa ndaa ni ja jaꞌa laꞌu vi ja jaꞌa ñayiu ka tnaꞌa tnundoꞌo,
nagua ja ma vi kosiuꞌu ndevaꞌa ka ña ñayiu ni ka kuvaꞌa jin ñuyaka.
Currently Selected:
Salmos 10: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
