Proverbios 9
9
Kana ña tnoꞌo ndichi vi tnoꞌo vasa
1Ni saꞌa tnoꞌo ndichi in veꞌe maa,
te ni ndaskutu vii uja siꞌin ndee.
2Ni jaꞌni kiti ja saꞌa in viko,
te ni savaꞌa vinu,
vi ni ndasaꞌa tuaꞌa nuu vi kaa xtaa.
3Yun te ni tetniuu suchi siꞌi ja ka jinokuechi nuu ndee nuu sukun ka ñuu yun
ja ka kana jai.
4Te ka jiñaꞌi: “Maa ni ja tu ka jini ni naxa vi saꞌa ni, neꞌekuei ni yaꞌa”.
Te nuu ñayiu tu ka jinkuiꞌnu ini, ka jiñaꞌi:
5“Neꞌekuei ni te vi kaa ni xtaa,
te vi koꞌo ni vinu ja ni savaꞌa san.
6Vi xndendoo ni ja tu ka jini tu ka kuu ni jian, te vi koteku ni.
Vi kaka ni ichi ja vi jinkuiꞌnu ini ni”, ka jiñaꞌi.
7Te na in ndakanu ichi ndaa ña jin ñayiu saꞌa kuasun jin inka ñayiu,
te niꞌi ja vi kaneꞌe ña jin.
Te na in kuxeen nuu ñayiu saꞌa jakueꞌe,
te niꞌi ja vi skexiko ña jin.
8Ma kuxeen ron nuu ñayiu kuasun ini, nagua ja ma skexiko ñai jin ron,
su kuxeen nuu ñayiu ndichi, te kokaꞌan too ñai jin ron.
9Kanu ichi ñayiu ndichi, te na kuu ndichi ka mai,
te kaxtnoꞌo nuu ñayiu ndaa, te na kuni guaꞌa ka mai.
10Chi jayuꞌu niꞌnuo Jitoꞌo kuu nuu kejaꞌa ja kuu ndichio,
te ja jinio ja ia ii kuu Dios, kuu ja jinkuiꞌnu inio.
11Chi jin maꞌñu sagua maa rin ja kuu rin tnoꞌo ndichi, te koo ron kuaꞌa ka kiuu,
vi ndakaya ka kuia ja koteku ron.
12Te nuu ja ndichi ron, te tnoꞌo ndichi yun chituu ña jin maa ron,
su nuu ja saꞌa kuasun ron jin inka ñayiu, te tniuyaꞌu maa ron jin ja saꞌa ron yun.
13Te tnoꞌo vasa kuu na kuinio in ñasiꞌi ja kana kuaꞌan kana vaa ña,
in ñaꞌa tu jini nagua kuu, vi tu jini saꞌun ña nagua saꞌa ña.
14Te junkoo ña in nuu tei yuyeꞌe ña,
in nuu sukun ka maa ñuu yun.
15Te kana ña jin tee ka jika ichi yun,
ja ka jika de ichi maa de.
16Te jiñaꞌa ña: “Maa ni ja ka kuu ni tee tu ka jini naxa vi saꞌa,
neꞌekuei ni yaꞌa”.
Te nuu tee ja tu ka jinkuiꞌnu ini, jiñaꞌa ña:
17“Vixin ndia jiꞌi ndute ja suꞌo,
te asin ndia jaa xtaa ja jaa yuꞌo”, jiñaꞌa ña.
18Su tu ka jini de ja yun ka oo ndiyi,
te tee ja ni kiukuei nuu oo ñaꞌa yun
ka oo de ndee nuu kunu ka nuu andeya.
Currently Selected:
Proverbios 9: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
