Proverbios 30
30
Tnoꞌo jaꞌvi ni kaꞌan Agur
1Yaꞌa kuu tnoꞌo jaꞌvi ni kaꞌan Agur, seyii Jaqué, nuu ni ndakani de tnoꞌo ia Dios nuu Itiel vi nuu Ucal, nuu jiñaꞌa de:
2Jandaa ndija ja in tee vasa ka kuu san saa sava ka ñayiu,
chi ni ja tu jinkuiꞌnu ini san nagua ka jinkuiꞌnu ini ñayiu.
3Ni tu ni kutuaꞌa san tnoꞌo ndichi,
te ni tu jini saꞌun san naxa oo ia Dios.
4¿Chi na in ni kaa ndee andivi, te ni ndajiokuiin?
¿Axi na in ni jasi tachi nuu yiꞌi in nuu tikoko ndaꞌi?
¿Axi na in ni tniutuu ndute in nuu saꞌuin?
¿Axi na in ni tatnuni ndenu yituu jaꞌa ñuyiu?
¿Naxa nani ya, vi naxa nani seꞌe ya, nuu ja jini ni?
5Ndiꞌi tnoꞌo ia Dios kukanu inio ja skunkuu ya,
te jito ña maa ya jin ñayiu ka kukanu ini ya.
6Ma ndaxtaa ndaxtuu ka ni tnoꞌo ya,
kana saa kuxeen ya nuu ni, te kokuu ni in ñayiu tnoꞌo nuu ya.
7Maa ni uu ja jikan san nuu ni, vi Dios,
te taa ni ama ka ja kuu san:
8Xtajioo ni tnoꞌo tnoꞌo vi tnoꞌo laꞌla ja kaꞌan san,
te ma saꞌa ni ja kokuu kuika san, ni ma kokuu ndaꞌu san,
chi taa ni nani ja kokaa san in kiuu in kiuu.
9Chi kana saa konevaꞌa kuaꞌa san, te kujioo san nuu ni,
te kachi san: “¿Na in kuu Jitoꞌo?”
Axi kokuu ndaꞌu san, te vatuni suꞌu san,
te kaneꞌe san jin ni, vi Dios.
Jiñaꞌa de nuu ia Dios.
10Ma kaneꞌe ni jin ñayiu jinokuechi jin nuu jitoꞌi,
kana saa xtau tniaꞌa ñai jin ni, te tnaꞌa ni tnundoꞌo.
11Ka oo ñayiu ja ka kaneꞌi jin tatai,
te tu ka kaꞌan vii ka kaꞌan vaꞌi jin nanai.
12Ka oo ñayiu ka ndakani ini ja ka oo vii ndevaꞌa mai,
su ni ja tu ka ndasavii mai jin jakueꞌe ka saꞌi.
13Ka oo ñayiu ka kaꞌan ja vi mai ka kuu naꞌnu ka,
te ka saꞌa teyii mai nuu ka ndiaꞌi sava ka ñayiu.
14Ka oo ñayiu ja vi na kuinio yuchi kani ka kuu noꞌi,
te vi na kuinio yuchi ndugua ka kuu noꞌo yosoi,
nagua ja vi kokoi ñayiu ka kundaꞌu vi ñayiu tu nagua ka nevaꞌa saꞌun nuu ñuyiu yaꞌa.
15In tindaku nevaꞌa ti uu sesiꞌi ti, ja maa ni ka jini ti ka jikan ti: “Taa ni, taa ni”, ka kachi ti.
Te ka oo uni ja tu saꞌun ka ndenuu ini,
te ja kuu kuun, chi tu saꞌun na ama kaꞌan: “Ja ni kuu ni”.
16Te suu ka kuu: Yau ñaña, vi in ñasiꞌi ja tu jinkuꞌun luluu,
vi ñundeꞌi ja tu ndenuu ini jin ndute,
vi ñuꞌu ja tu jinkuiin ja kai.
17Ñayiu ja skexiko tatai,
te tu jantnoꞌi tnoꞌo kaꞌan nanai,
na vi tau tikaka nduchi nui,
te na vi kaa ña chioko.
18Ka oo uni ja tu jinkuiꞌnu ini san,
te ja kuu kuun, chi ni ja tu jini saꞌun san, te suu ka kuu yaꞌa:
19Naxa ka ndagua yaꞌa naꞌnu andivi,
vi naxa ka jika koo nuu kava,
vi naxa ka jika barco nuu ndute mar,
vi naxa ka jika suchi yii jin suchi siꞌi kuechi.
20Ñasiꞌi skindee yii, chi suaꞌa saꞌa ña:
saꞌa ña kuechi ñuyiu jin inka teyii, te jichi vii ña,
te kaꞌan ña: “Tu saꞌun na jakueꞌe saꞌa san”.
21Ka oo uni nuu ñayiu ka saꞌa ja vi suaꞌa niꞌi ñuyiu,
te ja kuu kuun, te ma kundee ka ini ñuyiu, te suu ka kuu:
22tee jinokuechi nuu kenta de ja kuu de rey,
vi ñayiu vasa nuu oo kuaꞌa ja kai,
23vi ñasiꞌi ka skexiko ñayiu ja ni niꞌi yii ña,
vi suchi siꞌi jinokuechi ja nukuiin nuu tniuu ñaꞌa xiin nuu jinokuechi.
24Ka oo kuun kiti kueli ja vi tu ka nanaꞌa ti ñuyiu,
su inu ndichi kaa ti saa ñayiu ndichi. Te suu ka kuu kiti yaꞌa:
25Chioko kueli, chi ka kuu ti in ñuu kaꞌnu ja tu ndakui,
su ka ndaxtutu kuaꞌa ti ja vi kokaa ti yoo kei;
26vi iso, chi ka kuu ti inka ñuu ja tu ndakui,
su ka saꞌa ti veꞌe ti neꞌu kava;
27vi tika langosta, chi visi tu na rey ti ja tatnuni,
su nuu ka ndagua ti, te yukun yukun kuaꞌankuei ti;
28vi tindoo, chi visi jin ndaꞌa nio te tnio ti,
su vi ndee veꞌe tniuu nuu oo rey, te ka oo ti.
29Ka oo uni kiti ja vii ndevaꞌa ka jika ti,
te ja kuu kuun, chi luu ndevaꞌa jika, te suu ka kuu yaꞌa:
30Ndikaꞌa kuu kiti ndakui ka nuu ndiꞌi kiti,
te ni ja tu jika yata ti nuu nani guaa kuu;
31vi liꞌi ja saꞌa teyii ti maa ti nuu jiondita ti,
vi chivatu nuu yoxnoꞌo ti nuu ndixiꞌu,
vi rey nuu yoxnoꞌo de nuu soldado de.
32Nuu ja tu ni ndakani guaꞌa ini ni,
te ja saꞌa teyii ni maa ni,
axi nuu ja ndakani ini ni ja saꞌa ni jakueꞌe,
te kasi yuꞌu ni.
33Chi ka jini ndao ja na in kagua xikui, te keneꞌi kesu,
te nuu ja kitui xnii, te kati niñi xnii,
te nuu ja skiti ini inka ñayiu, te vi kaxin tnaꞌi.
Currently Selected:
Proverbios 30: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Proverbios 30
30
Tnoꞌo jaꞌvi ni kaꞌan Agur
1Yaꞌa kuu tnoꞌo jaꞌvi ni kaꞌan Agur, seyii Jaqué, nuu ni ndakani de tnoꞌo ia Dios nuu Itiel vi nuu Ucal, nuu jiñaꞌa de:
2Jandaa ndija ja in tee vasa ka kuu san saa sava ka ñayiu,
chi ni ja tu jinkuiꞌnu ini san nagua ka jinkuiꞌnu ini ñayiu.
3Ni tu ni kutuaꞌa san tnoꞌo ndichi,
te ni tu jini saꞌun san naxa oo ia Dios.
4¿Chi na in ni kaa ndee andivi, te ni ndajiokuiin?
¿Axi na in ni jasi tachi nuu yiꞌi in nuu tikoko ndaꞌi?
¿Axi na in ni tniutuu ndute in nuu saꞌuin?
¿Axi na in ni tatnuni ndenu yituu jaꞌa ñuyiu?
¿Naxa nani ya, vi naxa nani seꞌe ya, nuu ja jini ni?
5Ndiꞌi tnoꞌo ia Dios kukanu inio ja skunkuu ya,
te jito ña maa ya jin ñayiu ka kukanu ini ya.
6Ma ndaxtaa ndaxtuu ka ni tnoꞌo ya,
kana saa kuxeen ya nuu ni, te kokuu ni in ñayiu tnoꞌo nuu ya.
7Maa ni uu ja jikan san nuu ni, vi Dios,
te taa ni ama ka ja kuu san:
8Xtajioo ni tnoꞌo tnoꞌo vi tnoꞌo laꞌla ja kaꞌan san,
te ma saꞌa ni ja kokuu kuika san, ni ma kokuu ndaꞌu san,
chi taa ni nani ja kokaa san in kiuu in kiuu.
9Chi kana saa konevaꞌa kuaꞌa san, te kujioo san nuu ni,
te kachi san: “¿Na in kuu Jitoꞌo?”
Axi kokuu ndaꞌu san, te vatuni suꞌu san,
te kaneꞌe san jin ni, vi Dios.
Jiñaꞌa de nuu ia Dios.
10Ma kaneꞌe ni jin ñayiu jinokuechi jin nuu jitoꞌi,
kana saa xtau tniaꞌa ñai jin ni, te tnaꞌa ni tnundoꞌo.
11Ka oo ñayiu ja ka kaneꞌi jin tatai,
te tu ka kaꞌan vii ka kaꞌan vaꞌi jin nanai.
12Ka oo ñayiu ka ndakani ini ja ka oo vii ndevaꞌa mai,
su ni ja tu ka ndasavii mai jin jakueꞌe ka saꞌi.
13Ka oo ñayiu ka kaꞌan ja vi mai ka kuu naꞌnu ka,
te ka saꞌa teyii mai nuu ka ndiaꞌi sava ka ñayiu.
14Ka oo ñayiu ja vi na kuinio yuchi kani ka kuu noꞌi,
te vi na kuinio yuchi ndugua ka kuu noꞌo yosoi,
nagua ja vi kokoi ñayiu ka kundaꞌu vi ñayiu tu nagua ka nevaꞌa saꞌun nuu ñuyiu yaꞌa.
15In tindaku nevaꞌa ti uu sesiꞌi ti, ja maa ni ka jini ti ka jikan ti: “Taa ni, taa ni”, ka kachi ti.
Te ka oo uni ja tu saꞌun ka ndenuu ini,
te ja kuu kuun, chi tu saꞌun na ama kaꞌan: “Ja ni kuu ni”.
16Te suu ka kuu: Yau ñaña, vi in ñasiꞌi ja tu jinkuꞌun luluu,
vi ñundeꞌi ja tu ndenuu ini jin ndute,
vi ñuꞌu ja tu jinkuiin ja kai.
17Ñayiu ja skexiko tatai,
te tu jantnoꞌi tnoꞌo kaꞌan nanai,
na vi tau tikaka nduchi nui,
te na vi kaa ña chioko.
18Ka oo uni ja tu jinkuiꞌnu ini san,
te ja kuu kuun, chi ni ja tu jini saꞌun san, te suu ka kuu yaꞌa:
19Naxa ka ndagua yaꞌa naꞌnu andivi,
vi naxa ka jika koo nuu kava,
vi naxa ka jika barco nuu ndute mar,
vi naxa ka jika suchi yii jin suchi siꞌi kuechi.
20Ñasiꞌi skindee yii, chi suaꞌa saꞌa ña:
saꞌa ña kuechi ñuyiu jin inka teyii, te jichi vii ña,
te kaꞌan ña: “Tu saꞌun na jakueꞌe saꞌa san”.
21Ka oo uni nuu ñayiu ka saꞌa ja vi suaꞌa niꞌi ñuyiu,
te ja kuu kuun, te ma kundee ka ini ñuyiu, te suu ka kuu:
22tee jinokuechi nuu kenta de ja kuu de rey,
vi ñayiu vasa nuu oo kuaꞌa ja kai,
23vi ñasiꞌi ka skexiko ñayiu ja ni niꞌi yii ña,
vi suchi siꞌi jinokuechi ja nukuiin nuu tniuu ñaꞌa xiin nuu jinokuechi.
24Ka oo kuun kiti kueli ja vi tu ka nanaꞌa ti ñuyiu,
su inu ndichi kaa ti saa ñayiu ndichi. Te suu ka kuu kiti yaꞌa:
25Chioko kueli, chi ka kuu ti in ñuu kaꞌnu ja tu ndakui,
su ka ndaxtutu kuaꞌa ti ja vi kokaa ti yoo kei;
26vi iso, chi ka kuu ti inka ñuu ja tu ndakui,
su ka saꞌa ti veꞌe ti neꞌu kava;
27vi tika langosta, chi visi tu na rey ti ja tatnuni,
su nuu ka ndagua ti, te yukun yukun kuaꞌankuei ti;
28vi tindoo, chi visi jin ndaꞌa nio te tnio ti,
su vi ndee veꞌe tniuu nuu oo rey, te ka oo ti.
29Ka oo uni kiti ja vii ndevaꞌa ka jika ti,
te ja kuu kuun, chi luu ndevaꞌa jika, te suu ka kuu yaꞌa:
30Ndikaꞌa kuu kiti ndakui ka nuu ndiꞌi kiti,
te ni ja tu jika yata ti nuu nani guaa kuu;
31vi liꞌi ja saꞌa teyii ti maa ti nuu jiondita ti,
vi chivatu nuu yoxnoꞌo ti nuu ndixiꞌu,
vi rey nuu yoxnoꞌo de nuu soldado de.
32Nuu ja tu ni ndakani guaꞌa ini ni,
te ja saꞌa teyii ni maa ni,
axi nuu ja ndakani ini ni ja saꞌa ni jakueꞌe,
te kasi yuꞌu ni.
33Chi ka jini ndao ja na in kagua xikui, te keneꞌi kesu,
te nuu ja kitui xnii, te kati niñi xnii,
te nuu ja skiti ini inka ñayiu, te vi kaxin tnaꞌi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.