San Marcos 4
4
Ni kaꞌan jioniꞌni Jesús ja jaꞌa in tee siagua ndikin tata
1Ni kejaꞌa tuku Jesús inka jichi kaxtnoꞌo ya nuu ñayiu yuꞌu ndute mar. Te ni ka kututu kuakuaꞌa ñayiu nuu oo ya, te ja siun kuaꞌa ndevaꞌa ñayiu ka kuu, guaa ni kaa ya nuu in barco ja inee nuu ndute mar, te yun ni jinkoo ya, te ndiꞌi ñayiu ka oo yuꞌu ndute yun. 2Yun te ni kaxtnoꞌo ya kuaꞌa tnoꞌo jin maꞌñu sagua tnoꞌo jioniꞌni, te nuu kaxtnoꞌo ya jiñaꞌa ya:
3―Vi konini ni yaꞌa: In kiuu ni kee in tee kuaꞌan ja siagua de ndikin tata. 4Te nuu siagua de yun, sava ndikin tata yun ni junkuei yuꞌu ichi, te ni kikuei tisala, te ni ka jaa ti. 5Te sava ni jinkuei nuu ñuꞌu yuu, nuu tu na ñuꞌu oo guaꞌa, te vi yachi ni ni jite, chi tu ni jinkisaꞌu kokin ñuꞌu. 6Su nuu ni jinonta nikandii, te ni teñuꞌu ña, te ja siun tu niꞌi yoꞌo, te ni yichi. 7Te sava ndikin tata yun ni junkuei nuu tnu iñu, te ni ka jaꞌnu tnu iñu yun, te ni ka chikati ña, te tu ni kuvaꞌa. 8Su sava ka ndikin tata yun, ni junkuei nuu ñuꞌu guaꞌa, ñuꞌu kokin. Ni jite te ni jaꞌnu, te ni kuvaꞌa vii ndevaꞌa. Sava ni kee oko uxi ja invaa ndikin tata, te sava uni xiko, vi sava in ciento ja invaa ni ndikin tata ―jiñaꞌa ya.
9Yun te jiñaꞌa ya:
―Na in oo soꞌo ja konini, te na konini.
Ni kaxtnoꞌo Jesús naxa kei tnoꞌo jioniꞌni yun
10Yun te nuu ni ndiꞌi ñayiu ni ka ndandute, te ni ka ndoo maa ni Jesús jin sava ka ñayiu ka oo yatni jin ya vi ndi uxi uu tee ka skuaꞌa jin ya, te ni ka jikan tnoꞌo ña de naxa kei tnoꞌo jioniꞌni ja ni kaꞌan ya yun. 11Te jiñaꞌa ya:
―Nuu maa ni, chi kaxtnoꞌo kaji san tnoꞌo yiyuꞌu naxa tatnuni ia Dios. Su ñayiu tu ka oo nuu tatnuni ya, chi ndiꞌi ni kaꞌan san jin tnoꞌo jioniꞌni, 12nagua ja visi ka ndiaꞌi, su ma vi kuni ja vi niꞌi. Te visi ka nini, su ma vi jinkuiꞌnu ini, nagua ja ma vi ndatnaꞌu ini ja kuakaꞌnu ini ia Dios yika kuechi.
13Te jiñaꞌa ya:
―Nuu ja tu ka jinkuiꞌnu ini ni tnoꞌo jioniꞌni ja kaꞌan san yaꞌa, ¿te naxa vi jinkuiꞌnu ini ni sava ka tnoꞌo jioniꞌni ja kaꞌan san? 14Tee siagua ndikin tata yun kuu tee xtutenuu tnoꞌo ia Dios. 15Te ndikin tata ja ni jite yuꞌu ichi, ka kuu ñayiu ka nini tnoꞌo ia Dios, su nuu kuee ka ja ka nini, te jaꞌan Tachi, te xtajioo tnoꞌo ia Dios ja ni jite ini anu ñayiu yun. 16Te ndikin tata ja ni jite nuu ñuꞌu yuu ka kuu ñayiu ka nini tnoꞌo ia Dios, te vi sii ini kuiti ka jantaꞌui. 17Su masu kunu oo yoꞌo, te joo ni, te yichi. Yun ka kuu ñayiu ka kujioo nuu ichi ia Dios, nuu vaji tnundoꞌo axi ka sondikin ña jin ja jaꞌa tnoꞌo ya. 18Te ndikin tata ja ni jite nuu tnu iñu ka kuu ñayiu ka nini tnoꞌo ia Dios, 19su ka ndiꞌni ndevaꞌi ja oo ñuyiu yaꞌa, te xndaꞌu ña ja vi kuu kuikai, vi ka jioꞌi ja ndiꞌi ni ja vi konevaꞌi. Te ndiꞌi yaꞌa kiuu ini anu ñayiu yaꞌa, te chikati tnoꞌo ia Dios, te tu jandetu ja kuja tnoꞌo ya ini anui. 20Te ndikin tata ja ni jite nuu ñuꞌu guaꞌa, ka kuu ñayiu ka nini tnoꞌo ia Dios, te ka jantaꞌui, te ka jijai nuu tnoꞌo ya. Te ñayiu yaꞌa ka kuu na kuinio in ndikin tata ja kee oko uxi vi sava uni xiko vi sava in ciento ja invaa ni ndikin tata yun ―jiñaꞌa ya.
Ni kaxtnoꞌo Jesús ja jaꞌa in lámpara
21Te suni jiñaꞌa Jesús:
―¿A ka nee ñayiu in lámpara ja vi saꞌi chii jatnu axi chii jito? ¿A masu koxnee sukun lámpara yun nagua ja koyeꞌe? 22Chi tu na in guaa oo yuꞌu ja ma tuu ndijin, te ni in ja yiyuꞌu ja ma vi kuni ñayiu, chi ndiꞌi ndatuu ndijin, te vi kuni. 23Te nuu ja ndee ñayiu ka oo soꞌo ja vi konini, te na vi konini ―jiñaꞌa ya.
24Te suni jiñaꞌa ya:
―Vi kondiaꞌa ni na tnoꞌo ka nini ni, chi naxa ka chikuaꞌa maa ni, te suni saa ni ndachikuaꞌa ia Dios nuu ni, te taa kuaꞌa ka ya nuu maa ni ja ka nini ni tnoꞌo ya. 25Chi na in nevaꞌa, te kuñaꞌa ka ya, su na in tu nagua nevaꞌa, chi vi ndee joo luluu ja nevaꞌi, ndakindee ya ―jiñaꞌa ya.
Ni kaxtnoꞌo Jesús naxa saꞌa in yuku ja jaꞌnu ni maa
26Te suni jiñaꞌa Jesús:
―Nuu tatnuni ia Dios kuu inuu jin in triu ja jakin in tee. 27Yun te kixin de tnoꞌo jakuaa, te ndakoo de tnoꞌo neꞌe in kiuu in kiuu, te ni yaꞌa kiuu vi jakuaa, te ni jite triu yun, te ni jaꞌnu, te ni tu jini de naxa ni kuu. 28Chi kuvaꞌa ni maa ñuꞌu yun, xtnañuꞌu ka kuu yuku, yun te kii yoko, te saa chiꞌi chitu maa triu yun. 29Te nuu kuaan triu yun, te ka jaꞌnde, chi ja ni jino maa kiuu ja teꞌnde ―jiñaꞌa ya.
Ni kaxtnoꞌo Jesús naxa saꞌa in ndikin yuku stancia
30Te suni jiñaꞌa Jesús:
―¿Nagua kuu in ja vi skintnaꞌa inuo jin nuu tatnuni ia Dios, axi na tnoꞌo kuu ja vi skintnaꞌa inuo? 31Kuu na kuinio in ndikin yuku stancia ja ka skute nuu ñuꞌu ja kuu in ndikin luluu ka saa nuu ndiꞌi ndikin ja ka jitu nuu ñuꞌu. 32Su nuu ja ni ka jakin, te jaꞌnu vi kuu naꞌnu ka saa nuu ndiꞌi yuku kuii, te ka kuu naꞌnu ndaꞌa ja vi ndee tisala te kuu vi koo ti kati tnu ―jiñaꞌa ya.
33Te kuaꞌa tnoꞌo jioniꞌni ni kaxtnoꞌo Jesús nuu ñayiu, na kuinio tnoꞌo yaꞌa na kuu naxa kentakuei mai ja ka jinkuiꞌnu ini. 34Te ndiꞌi tnoꞌo ni okaꞌan jioniꞌni ya ja ni okaxtnoꞌo ya nuu ñayiu. Su nuu ka oo ni maa ya jin tee ka skuaꞌa jin ya, te ni ondakaxtnoꞌo ndiꞌi ya.
Ni junkani Jesús tikacha vi ola ndute mar
35Te nuu ni kunee kiuu yun, te jiñaꞌa ya nuu tee ka skuaꞌa jin ya:
―Na vi yaꞌo inka jioo ndute mar.
36Yun te ni ka ndakuantaꞌu de nuu ñayiu kuaꞌa yun, te ni kekuei de nuu barco nuu ja inee Jesús, te kuaꞌankuei de jin ya, te suni ka jata ndikin ña sava ka barco kuaꞌankuei jin de. 37Su ni jinkiꞌi in tikacha niꞌi ndevaꞌa nuu ndute yun, te ni ndonta sukun ndevaꞌa ola ndute yun ja ni kee de ndee nuu barco, te machitu de nuu barco yun. 38Te Jesús, chi ni yaꞌa ya ichi yata barco yun, te yun ni kixin ya siki in saꞌun tikani, te ni ka xndoto ña de jin ya, te ka jiñaꞌa de:
―Mastru, ¿a tu ndiꞌni ni ja makekueio nuu ndute yaꞌa ja vi nao? ―ka jiñaꞌa de.
39Yun te ni ndakoo ya, te ni kuxeen ya nuu tachi yiꞌi yun, te jiñaꞌa ya nuu ndute mar yun:
―Kasi yuꞌu, koo titiꞌi.
Te ni jinkuiin tachi yun, te na in kuiti ni kuu. 40Yun te jiñaꞌa Jesús:
―¿Nau ja ni ka yuꞌu ndevaꞌa ni? ¿A vini tu ka kandija ni ja skaku niꞌnu ña san? ―jiñaꞌa ya.
41Su ni ka yuꞌu ndevaꞌa de, te ka ndatnoꞌo tnaꞌa de:
―¿Na in kuu tee yaꞌa ja vi ndee tikacha vi ndute mar, te ka jantnoꞌo ña jin de? ―ka kachi de.
Currently Selected:
San Marcos 4: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
San Marcos 4
4
Ni kaꞌan jioniꞌni Jesús ja jaꞌa in tee siagua ndikin tata
1Ni kejaꞌa tuku Jesús inka jichi kaxtnoꞌo ya nuu ñayiu yuꞌu ndute mar. Te ni ka kututu kuakuaꞌa ñayiu nuu oo ya, te ja siun kuaꞌa ndevaꞌa ñayiu ka kuu, guaa ni kaa ya nuu in barco ja inee nuu ndute mar, te yun ni jinkoo ya, te ndiꞌi ñayiu ka oo yuꞌu ndute yun. 2Yun te ni kaxtnoꞌo ya kuaꞌa tnoꞌo jin maꞌñu sagua tnoꞌo jioniꞌni, te nuu kaxtnoꞌo ya jiñaꞌa ya:
3―Vi konini ni yaꞌa: In kiuu ni kee in tee kuaꞌan ja siagua de ndikin tata. 4Te nuu siagua de yun, sava ndikin tata yun ni junkuei yuꞌu ichi, te ni kikuei tisala, te ni ka jaa ti. 5Te sava ni jinkuei nuu ñuꞌu yuu, nuu tu na ñuꞌu oo guaꞌa, te vi yachi ni ni jite, chi tu ni jinkisaꞌu kokin ñuꞌu. 6Su nuu ni jinonta nikandii, te ni teñuꞌu ña, te ja siun tu niꞌi yoꞌo, te ni yichi. 7Te sava ndikin tata yun ni junkuei nuu tnu iñu, te ni ka jaꞌnu tnu iñu yun, te ni ka chikati ña, te tu ni kuvaꞌa. 8Su sava ka ndikin tata yun, ni junkuei nuu ñuꞌu guaꞌa, ñuꞌu kokin. Ni jite te ni jaꞌnu, te ni kuvaꞌa vii ndevaꞌa. Sava ni kee oko uxi ja invaa ndikin tata, te sava uni xiko, vi sava in ciento ja invaa ni ndikin tata ―jiñaꞌa ya.
9Yun te jiñaꞌa ya:
―Na in oo soꞌo ja konini, te na konini.
Ni kaxtnoꞌo Jesús naxa kei tnoꞌo jioniꞌni yun
10Yun te nuu ni ndiꞌi ñayiu ni ka ndandute, te ni ka ndoo maa ni Jesús jin sava ka ñayiu ka oo yatni jin ya vi ndi uxi uu tee ka skuaꞌa jin ya, te ni ka jikan tnoꞌo ña de naxa kei tnoꞌo jioniꞌni ja ni kaꞌan ya yun. 11Te jiñaꞌa ya:
―Nuu maa ni, chi kaxtnoꞌo kaji san tnoꞌo yiyuꞌu naxa tatnuni ia Dios. Su ñayiu tu ka oo nuu tatnuni ya, chi ndiꞌi ni kaꞌan san jin tnoꞌo jioniꞌni, 12nagua ja visi ka ndiaꞌi, su ma vi kuni ja vi niꞌi. Te visi ka nini, su ma vi jinkuiꞌnu ini, nagua ja ma vi ndatnaꞌu ini ja kuakaꞌnu ini ia Dios yika kuechi.
13Te jiñaꞌa ya:
―Nuu ja tu ka jinkuiꞌnu ini ni tnoꞌo jioniꞌni ja kaꞌan san yaꞌa, ¿te naxa vi jinkuiꞌnu ini ni sava ka tnoꞌo jioniꞌni ja kaꞌan san? 14Tee siagua ndikin tata yun kuu tee xtutenuu tnoꞌo ia Dios. 15Te ndikin tata ja ni jite yuꞌu ichi, ka kuu ñayiu ka nini tnoꞌo ia Dios, su nuu kuee ka ja ka nini, te jaꞌan Tachi, te xtajioo tnoꞌo ia Dios ja ni jite ini anu ñayiu yun. 16Te ndikin tata ja ni jite nuu ñuꞌu yuu ka kuu ñayiu ka nini tnoꞌo ia Dios, te vi sii ini kuiti ka jantaꞌui. 17Su masu kunu oo yoꞌo, te joo ni, te yichi. Yun ka kuu ñayiu ka kujioo nuu ichi ia Dios, nuu vaji tnundoꞌo axi ka sondikin ña jin ja jaꞌa tnoꞌo ya. 18Te ndikin tata ja ni jite nuu tnu iñu ka kuu ñayiu ka nini tnoꞌo ia Dios, 19su ka ndiꞌni ndevaꞌi ja oo ñuyiu yaꞌa, te xndaꞌu ña ja vi kuu kuikai, vi ka jioꞌi ja ndiꞌi ni ja vi konevaꞌi. Te ndiꞌi yaꞌa kiuu ini anu ñayiu yaꞌa, te chikati tnoꞌo ia Dios, te tu jandetu ja kuja tnoꞌo ya ini anui. 20Te ndikin tata ja ni jite nuu ñuꞌu guaꞌa, ka kuu ñayiu ka nini tnoꞌo ia Dios, te ka jantaꞌui, te ka jijai nuu tnoꞌo ya. Te ñayiu yaꞌa ka kuu na kuinio in ndikin tata ja kee oko uxi vi sava uni xiko vi sava in ciento ja invaa ni ndikin tata yun ―jiñaꞌa ya.
Ni kaxtnoꞌo Jesús ja jaꞌa in lámpara
21Te suni jiñaꞌa Jesús:
―¿A ka nee ñayiu in lámpara ja vi saꞌi chii jatnu axi chii jito? ¿A masu koxnee sukun lámpara yun nagua ja koyeꞌe? 22Chi tu na in guaa oo yuꞌu ja ma tuu ndijin, te ni in ja yiyuꞌu ja ma vi kuni ñayiu, chi ndiꞌi ndatuu ndijin, te vi kuni. 23Te nuu ja ndee ñayiu ka oo soꞌo ja vi konini, te na vi konini ―jiñaꞌa ya.
24Te suni jiñaꞌa ya:
―Vi kondiaꞌa ni na tnoꞌo ka nini ni, chi naxa ka chikuaꞌa maa ni, te suni saa ni ndachikuaꞌa ia Dios nuu ni, te taa kuaꞌa ka ya nuu maa ni ja ka nini ni tnoꞌo ya. 25Chi na in nevaꞌa, te kuñaꞌa ka ya, su na in tu nagua nevaꞌa, chi vi ndee joo luluu ja nevaꞌi, ndakindee ya ―jiñaꞌa ya.
Ni kaxtnoꞌo Jesús naxa saꞌa in yuku ja jaꞌnu ni maa
26Te suni jiñaꞌa Jesús:
―Nuu tatnuni ia Dios kuu inuu jin in triu ja jakin in tee. 27Yun te kixin de tnoꞌo jakuaa, te ndakoo de tnoꞌo neꞌe in kiuu in kiuu, te ni yaꞌa kiuu vi jakuaa, te ni jite triu yun, te ni jaꞌnu, te ni tu jini de naxa ni kuu. 28Chi kuvaꞌa ni maa ñuꞌu yun, xtnañuꞌu ka kuu yuku, yun te kii yoko, te saa chiꞌi chitu maa triu yun. 29Te nuu kuaan triu yun, te ka jaꞌnde, chi ja ni jino maa kiuu ja teꞌnde ―jiñaꞌa ya.
Ni kaxtnoꞌo Jesús naxa saꞌa in ndikin yuku stancia
30Te suni jiñaꞌa Jesús:
―¿Nagua kuu in ja vi skintnaꞌa inuo jin nuu tatnuni ia Dios, axi na tnoꞌo kuu ja vi skintnaꞌa inuo? 31Kuu na kuinio in ndikin yuku stancia ja ka skute nuu ñuꞌu ja kuu in ndikin luluu ka saa nuu ndiꞌi ndikin ja ka jitu nuu ñuꞌu. 32Su nuu ja ni ka jakin, te jaꞌnu vi kuu naꞌnu ka saa nuu ndiꞌi yuku kuii, te ka kuu naꞌnu ndaꞌa ja vi ndee tisala te kuu vi koo ti kati tnu ―jiñaꞌa ya.
33Te kuaꞌa tnoꞌo jioniꞌni ni kaxtnoꞌo Jesús nuu ñayiu, na kuinio tnoꞌo yaꞌa na kuu naxa kentakuei mai ja ka jinkuiꞌnu ini. 34Te ndiꞌi tnoꞌo ni okaꞌan jioniꞌni ya ja ni okaxtnoꞌo ya nuu ñayiu. Su nuu ka oo ni maa ya jin tee ka skuaꞌa jin ya, te ni ondakaxtnoꞌo ndiꞌi ya.
Ni junkani Jesús tikacha vi ola ndute mar
35Te nuu ni kunee kiuu yun, te jiñaꞌa ya nuu tee ka skuaꞌa jin ya:
―Na vi yaꞌo inka jioo ndute mar.
36Yun te ni ka ndakuantaꞌu de nuu ñayiu kuaꞌa yun, te ni kekuei de nuu barco nuu ja inee Jesús, te kuaꞌankuei de jin ya, te suni ka jata ndikin ña sava ka barco kuaꞌankuei jin de. 37Su ni jinkiꞌi in tikacha niꞌi ndevaꞌa nuu ndute yun, te ni ndonta sukun ndevaꞌa ola ndute yun ja ni kee de ndee nuu barco, te machitu de nuu barco yun. 38Te Jesús, chi ni yaꞌa ya ichi yata barco yun, te yun ni kixin ya siki in saꞌun tikani, te ni ka xndoto ña de jin ya, te ka jiñaꞌa de:
―Mastru, ¿a tu ndiꞌni ni ja makekueio nuu ndute yaꞌa ja vi nao? ―ka jiñaꞌa de.
39Yun te ni ndakoo ya, te ni kuxeen ya nuu tachi yiꞌi yun, te jiñaꞌa ya nuu ndute mar yun:
―Kasi yuꞌu, koo titiꞌi.
Te ni jinkuiin tachi yun, te na in kuiti ni kuu. 40Yun te jiñaꞌa Jesús:
―¿Nau ja ni ka yuꞌu ndevaꞌa ni? ¿A vini tu ka kandija ni ja skaku niꞌnu ña san? ―jiñaꞌa ya.
41Su ni ka yuꞌu ndevaꞌa de, te ka ndatnoꞌo tnaꞌa de:
―¿Na in kuu tee yaꞌa ja vi ndee tikacha vi ndute mar, te ka jantnoꞌo ña jin de? ―ka kachi de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.