Éxodo 5
5
Ni jaꞌankuei Moisés jin Aarón ni ka kaꞌan de jin Faraón
1Yun te ni kiukuei Moisés jin Aarón nuu oo Faraón, te ka jiñaꞌa de:
―Suaꞌa kaꞌan Jitoꞌo, ia kuu Dios ñayiu Israel: “Kuandetu na kiꞌinkuei ñayiu ñuu rin ndee nuu ñuꞌu teꞌa nuu vi saꞌi in viko ja vi chiñuꞌu ñai jin rin, kachi ya” ―ka jiñaꞌa de.
2Te jiñaꞌa Faraón:
―¿Te na in kuu Jitoꞌo ja konini san tnoꞌo kaꞌan, te kokuandetu san ja kiꞌinkuei ñayiu Israel? Tu jini san na in kuu Jitoꞌo, te ni ma kuandetu san ja kiꞌinkuei ñayiu Israel ―jiñaꞌa de.
3Yun te ka jiñaꞌa de:
―Ni ndaniꞌi ña ia Dios ñayiu hebreo jin san, te yun kuu ja kuandetu ni joo vitna, na kiꞌinkuei san nuu ñuꞌu teꞌa nuu vi kaka san uni kiuu, te saa kentakuei san nuu vi soko san kiti nuu Jitoꞌo Dios san, nagua ja ma kanakau jakueꞌe siki in in san ja kaꞌni ña ya jin kueꞌe xeen axi jin yuchi kani ―ka jiñaꞌa de.
4Yun te jiñaꞌa rey Egipto:
―Maa ni Moisés vi Aarón, ¿nau ja ka jinkani ni ñayiu ñuu ni ja vi satniui? Vi ndajiokuiin ni nuu tniuu ka ndee nuu ni ja ka saꞌa ni.
5Te suni jiñaꞌa ka Faraón:
―Vitna te ni ka kaya kuaꞌa ñayiu Israel ja ka oi ñuu yaꞌa, te maa ni saa suaꞌa vajikuei ni ka jinkani ni jin tniuu ka ndee nui ja ka saꞌi ―jiñaꞌa de.
6Te vi kiuu yun ni tatnuni Faraón nuu tee ka tatnuni vi nuu tee ka jito taka grupo ñayiu ñuu Israel, te jiñaꞌa de:
7―Ndee vitna jin kiuu kuaꞌan ka yun ma vi kuñaꞌa ka ni paja triu nuu ñayiu Israel ja vi saꞌi adobe nagua vajikueio ka saꞌo, chi na kiꞌinkuei mai vi jinxtutui paja ja vi kuantniui. 8Te inuu ni adobe na vi taui nagua vajikuei ka saꞌi, te ma vi nuneꞌe saꞌun ka ni ni in adobe, chi chia inu kuꞌndui, yun kuu ja ka kana yuꞌi, te ka kachi: “Kuandetu ni na kiꞌinkuei san vi soko san kiti nuu ia Dios san”. 9Vi xtoꞌo ni jin ñayiu jian na vi satniuu ndee kai nagua ja na vi kondiꞌni jin tniuu ka saꞌi, te ma vi tanui taka tnoꞌo tnoꞌo ―jiñaꞌa de.
10Yun te ni kekuei tee ka tatnuni yun vi tee ka jito taka grupo ñayiu kuaꞌankuei de, te ka jiñaꞌa de nuu ñayiu Israel:
―Suaꞌa kaꞌan Faraón: “Ja ma vi taa ka san paja triu ja vi kuantniuu ni. 11Te yun kuu ja kuaꞌankuei maa ni vi jinduku ni paja vi kuantniuu ni ndenu vi niꞌi maa ni, su ja taria ni, chi inuu ni kokuu, tu nagua ndindee saꞌun” ―ka jiñaꞌa de.
12Yun te ni ka jitenuu ñayiu Israel nii ñuu Egipto ja ka xtutui ndayoꞌo ja vi kuantniui nuu tniuu paja yun. 13Te ni ka oxtnuu ña tee ka tatnuni yun, te ka jiñaꞌa de:
―Vi konuu ini ni te vi xndiꞌi ni taria ni, nagua ka saꞌa ni in kiuu in kiuu, nani ni ka osaꞌa ni nuu ni ka otaa san paja ―ka jiñaꞌa de.
14Te ni ka okani ña tee ka tatnuni ja ni chitniuu ña maa Faraón jin tee Israel ja ka jito de tnaꞌa de ja ni ka tau maa tee ka tatnuni yun, te ka jiñaꞌa de:
―¿Nau ja tu ka skunkuu ni taria ni ja ka tau ni adobe? Vini iku te ni vitna tu ka skunkuu ni nagua ni ka osaꞌa ni ama ka ―ka jiñaꞌa de.
15Yun te ni jaꞌankuei tee ka jito in in grupo ñayiu Israel ja ka kaꞌan kuechi de nuu Faraón, te ka jiñaꞌa de:
―¿Nau ja siun saꞌa ni tee ka jinokuechi nuu ni, vi tata rey? 16Ni tu ka taa ka de paja nuu san, te vini saa te ka tenini ña de ja vi saꞌa san adobe, te vaa nuu ja yun ni, te vi ka kuun ka kani ña de, te ñayiu ñuu maa ni guaa ka tavi kuechi ña jin san ―ka jiñaꞌa de.
17Te jiñaꞌa Faraón:
―Seꞌe tee kuꞌndu vi ja inu kuꞌndu ni, yun kuu ja ka kachi ni: “Kuandetu ni na kiꞌinkuei san vi soko san kiti nuu Jitoꞌo”. 18Kuaꞌankuei ni vitna, te vi satniuu ni, te visi ma vi taa de paja nuu ni, su vi ndakuñaꞌa ni na kuaꞌa adobe kuu maa in taria ja in kiuu ―jiñaꞌa de.
19Yun te ni ka jini tee Israel ka jito de tnaꞌa de ja oo tnundoꞌo siki de nuu ni kaꞌan Faraón ja ma ndindee saꞌun ka adobe nagua kuaꞌa ka saꞌa de in in kiuu. 20Te nuu ni ndekuei de veꞌe tniuu nuu oo Faraón, te ni ka nukuntnaꞌa de jin Moisés vi Aarón ja ka oo de ka ndetu ña de. 21Te ka jiñaꞌa de:
―Maa Jitoꞌo Dios na kondiaꞌa ya ja ka saꞌa ni, te na kaꞌnde ndaa ya yika kuechi ni. Chi ja kuechi maa ni kuu, te ni ka kaꞌan uꞌu ña Faraón jin tee ka tatnuni nuu ñayiu, te na kuinio ja vi maa ni, ni ka chiꞌi yuchi kani ndaꞌa de, nagua ja vi kaꞌni ña de jin in in san ―ka jiñaꞌa de.
Ni ndakuatu Moisés nuu Jitoꞌo
22Yun te ni ndakuatu Moisés nuu Jitoꞌo, te jiñaꞌa de:
―Jitoꞌo san, ¿nau ja jiñaꞌa ni tnundoꞌo ka tnaꞌa ñayiu ñuu yaꞌa? ¿Te nagua jiniuꞌu ja ni tetniuu ña ni? 23Chi ndee kiuu ja ni kenta san nuu Faraón ja kaꞌan san jin sivi ni, te ni jinkondee de ndevaꞌa ndetnuni saꞌa de ñayiu ñuu maa ni, te tu saꞌun nagua saꞌa ni ja skaku niꞌnu ni jin ―jiñaꞌa de.
Currently Selected:
Éxodo 5: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Éxodo 5
5
Ni jaꞌankuei Moisés jin Aarón ni ka kaꞌan de jin Faraón
1Yun te ni kiukuei Moisés jin Aarón nuu oo Faraón, te ka jiñaꞌa de:
―Suaꞌa kaꞌan Jitoꞌo, ia kuu Dios ñayiu Israel: “Kuandetu na kiꞌinkuei ñayiu ñuu rin ndee nuu ñuꞌu teꞌa nuu vi saꞌi in viko ja vi chiñuꞌu ñai jin rin, kachi ya” ―ka jiñaꞌa de.
2Te jiñaꞌa Faraón:
―¿Te na in kuu Jitoꞌo ja konini san tnoꞌo kaꞌan, te kokuandetu san ja kiꞌinkuei ñayiu Israel? Tu jini san na in kuu Jitoꞌo, te ni ma kuandetu san ja kiꞌinkuei ñayiu Israel ―jiñaꞌa de.
3Yun te ka jiñaꞌa de:
―Ni ndaniꞌi ña ia Dios ñayiu hebreo jin san, te yun kuu ja kuandetu ni joo vitna, na kiꞌinkuei san nuu ñuꞌu teꞌa nuu vi kaka san uni kiuu, te saa kentakuei san nuu vi soko san kiti nuu Jitoꞌo Dios san, nagua ja ma kanakau jakueꞌe siki in in san ja kaꞌni ña ya jin kueꞌe xeen axi jin yuchi kani ―ka jiñaꞌa de.
4Yun te jiñaꞌa rey Egipto:
―Maa ni Moisés vi Aarón, ¿nau ja ka jinkani ni ñayiu ñuu ni ja vi satniui? Vi ndajiokuiin ni nuu tniuu ka ndee nuu ni ja ka saꞌa ni.
5Te suni jiñaꞌa ka Faraón:
―Vitna te ni ka kaya kuaꞌa ñayiu Israel ja ka oi ñuu yaꞌa, te maa ni saa suaꞌa vajikuei ni ka jinkani ni jin tniuu ka ndee nui ja ka saꞌi ―jiñaꞌa de.
6Te vi kiuu yun ni tatnuni Faraón nuu tee ka tatnuni vi nuu tee ka jito taka grupo ñayiu ñuu Israel, te jiñaꞌa de:
7―Ndee vitna jin kiuu kuaꞌan ka yun ma vi kuñaꞌa ka ni paja triu nuu ñayiu Israel ja vi saꞌi adobe nagua vajikueio ka saꞌo, chi na kiꞌinkuei mai vi jinxtutui paja ja vi kuantniui. 8Te inuu ni adobe na vi taui nagua vajikuei ka saꞌi, te ma vi nuneꞌe saꞌun ka ni ni in adobe, chi chia inu kuꞌndui, yun kuu ja ka kana yuꞌi, te ka kachi: “Kuandetu ni na kiꞌinkuei san vi soko san kiti nuu ia Dios san”. 9Vi xtoꞌo ni jin ñayiu jian na vi satniuu ndee kai nagua ja na vi kondiꞌni jin tniuu ka saꞌi, te ma vi tanui taka tnoꞌo tnoꞌo ―jiñaꞌa de.
10Yun te ni kekuei tee ka tatnuni yun vi tee ka jito taka grupo ñayiu kuaꞌankuei de, te ka jiñaꞌa de nuu ñayiu Israel:
―Suaꞌa kaꞌan Faraón: “Ja ma vi taa ka san paja triu ja vi kuantniuu ni. 11Te yun kuu ja kuaꞌankuei maa ni vi jinduku ni paja vi kuantniuu ni ndenu vi niꞌi maa ni, su ja taria ni, chi inuu ni kokuu, tu nagua ndindee saꞌun” ―ka jiñaꞌa de.
12Yun te ni ka jitenuu ñayiu Israel nii ñuu Egipto ja ka xtutui ndayoꞌo ja vi kuantniui nuu tniuu paja yun. 13Te ni ka oxtnuu ña tee ka tatnuni yun, te ka jiñaꞌa de:
―Vi konuu ini ni te vi xndiꞌi ni taria ni, nagua ka saꞌa ni in kiuu in kiuu, nani ni ka osaꞌa ni nuu ni ka otaa san paja ―ka jiñaꞌa de.
14Te ni ka okani ña tee ka tatnuni ja ni chitniuu ña maa Faraón jin tee Israel ja ka jito de tnaꞌa de ja ni ka tau maa tee ka tatnuni yun, te ka jiñaꞌa de:
―¿Nau ja tu ka skunkuu ni taria ni ja ka tau ni adobe? Vini iku te ni vitna tu ka skunkuu ni nagua ni ka osaꞌa ni ama ka ―ka jiñaꞌa de.
15Yun te ni jaꞌankuei tee ka jito in in grupo ñayiu Israel ja ka kaꞌan kuechi de nuu Faraón, te ka jiñaꞌa de:
―¿Nau ja siun saꞌa ni tee ka jinokuechi nuu ni, vi tata rey? 16Ni tu ka taa ka de paja nuu san, te vini saa te ka tenini ña de ja vi saꞌa san adobe, te vaa nuu ja yun ni, te vi ka kuun ka kani ña de, te ñayiu ñuu maa ni guaa ka tavi kuechi ña jin san ―ka jiñaꞌa de.
17Te jiñaꞌa Faraón:
―Seꞌe tee kuꞌndu vi ja inu kuꞌndu ni, yun kuu ja ka kachi ni: “Kuandetu ni na kiꞌinkuei san vi soko san kiti nuu Jitoꞌo”. 18Kuaꞌankuei ni vitna, te vi satniuu ni, te visi ma vi taa de paja nuu ni, su vi ndakuñaꞌa ni na kuaꞌa adobe kuu maa in taria ja in kiuu ―jiñaꞌa de.
19Yun te ni ka jini tee Israel ka jito de tnaꞌa de ja oo tnundoꞌo siki de nuu ni kaꞌan Faraón ja ma ndindee saꞌun ka adobe nagua kuaꞌa ka saꞌa de in in kiuu. 20Te nuu ni ndekuei de veꞌe tniuu nuu oo Faraón, te ni ka nukuntnaꞌa de jin Moisés vi Aarón ja ka oo de ka ndetu ña de. 21Te ka jiñaꞌa de:
―Maa Jitoꞌo Dios na kondiaꞌa ya ja ka saꞌa ni, te na kaꞌnde ndaa ya yika kuechi ni. Chi ja kuechi maa ni kuu, te ni ka kaꞌan uꞌu ña Faraón jin tee ka tatnuni nuu ñayiu, te na kuinio ja vi maa ni, ni ka chiꞌi yuchi kani ndaꞌa de, nagua ja vi kaꞌni ña de jin in in san ―ka jiñaꞌa de.
Ni ndakuatu Moisés nuu Jitoꞌo
22Yun te ni ndakuatu Moisés nuu Jitoꞌo, te jiñaꞌa de:
―Jitoꞌo san, ¿nau ja jiñaꞌa ni tnundoꞌo ka tnaꞌa ñayiu ñuu yaꞌa? ¿Te nagua jiniuꞌu ja ni tetniuu ña ni? 23Chi ndee kiuu ja ni kenta san nuu Faraón ja kaꞌan san jin sivi ni, te ni jinkondee de ndevaꞌa ndetnuni saꞌa de ñayiu ñuu maa ni, te tu saꞌun nagua saꞌa ni ja skaku niꞌnu ni jin ―jiñaꞌa de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.