1 Corintios 14
14
Nuu ka kaꞌan ñayiu inka saꞌan
1Nuu saa te vi nduku ndee ni ja vi kaꞌan too tnaꞌa ni, te suni vi ndioo ini ni ja vi niꞌi taꞌu ni in tniuu nuu Espíritu ia Dios, su ja kanuu ka kuu ja vi niꞌi taꞌu ni tniuu ja vi ndakani ni tnoꞌo ja taa maa ia Dios. 2Chi ñayiu ja kaꞌan inka saꞌan ja tu jini, kaꞌin nuu ia Dios, te masu nuu ñayiu, chi tu na in jinkuiꞌnu ini tnoꞌo kaꞌin, chi jin maꞌñu sagua Espíritu kaꞌin tnoꞌo oyuꞌu ja tu na jini. 3Su ñayiu ndakani tnoꞌo ni jiñaꞌa maa ia Dios, chi nuu ñayiu kaꞌin, nagua ja vi kuja ñayiu yun nuu tnoꞌo ya, vi ja xteku ñai, vi ja ndakuñaꞌi tnoꞌo ndee ini nuu ñayiu yun. 4Te ñayiu kaꞌan inka nuu saꞌan ja tu jini, chi maa ni mai jija nuu tnoꞌo ya. Su ñayiu ndakani tnoꞌo ni jiñaꞌa maa ia Dios, chi saꞌi ja ka jija ñayiu ka skuaꞌa nuu tnoꞌo ya.
5Te kuini san ja nuu suaꞌa te kuu, te ndiꞌi ni vi kaꞌan inka nuu saꞌan ja tu ka jini ni, su ndioo ka ini san ja vi ndakani ni tnoꞌo ni taa ia Dios, chi kaꞌnu ka kuu ñayiu ndakani tnoꞌo ni jiñaꞌa ia Dios, masu ñayiu kaꞌan inka nuu saꞌan ja tu jini, visi jiniuꞌu tnoꞌo kaꞌan ñayiu yaꞌa nuu ja kuu ja ndakaxtnoꞌi naxa kei tnoꞌo kaꞌin yun, nagua ja vi kuja ka ñayiu ka skuaꞌa nuu tnoꞌo ya.
6Te yun kuu, vi ñani vi kuaꞌa, ja nuu ja jaa san ja jakoto ña san, te kaꞌan san inka nuu saꞌan ja tu ka jinkuiꞌnu ini ni, te tu nagua jiniuꞌu saꞌun nuu in in ni, nuu ja ma kaxtnoꞌo kaji san nagua ni skuni ña ia Dios jin san, axi nuu ja ma kaxtnoꞌo san tnoꞌo ndichi axi tnoꞌo ja ni taa maa ia Dios ja ndakani san, axi inka tnoꞌo ja kaxtnoꞌo san. 7Na vi skintnaꞌa inuo inka saꞌan jin yutnu keneꞌe yaa. Te visi tu teku tnu, su kuu kata tnu, na kuinio tnu yoo ka tiuu axi yutnu kaxin, te nuu ja tu jita siin siin tnu, ¿te naxa kuu vi kunio na yaa ka jita in in tnu? 8Te nuu ka jaxin tnaꞌa, nuu ja ma tiuu kaji tee xtaꞌi trompeta yun, te ni in ñayiu ma saꞌa tuaꞌi ja kiꞌin kaxin tnaꞌi. 9Te suni saa ni ka kuu maa ni, nuu ka kaꞌan ni inka nuu saꞌan, nuu ja ma vi kaxtnoꞌo kaji ni ja vi jinkuiꞌnu ini ñayiu, ¿te naxa vi kuni na tnoꞌo ka kaꞌan ni? Te tnoꞌo ka kaꞌan ni yun, chi nani ja jiso tachi kuaꞌan kuu. 10Te jandaa ja kuaꞌa nuu saꞌan oo ñuyiu, te in in saꞌan, chi oo ja kei kaꞌan mamaa. 11Su nuu ja tu jinkuiꞌnu ini san naxa kaꞌan in ñayiu, te kuu san na kuinio ñayiu inka ñuu nui, te suni kui na kuinio ñayiu inka ñuu nuu san. 12Te yun guaa maa ni, ja ka ndioo ndevaꞌa ini ni ja vi niꞌi taꞌu ni in tniuu ja taa Espíritu ia Dios, vi nduku ndee ni ja vi konevaꞌa kuaꞌa ni tniuu ja taa ya, ja kuu vi chituu ni ñayiu ka skuaꞌa ja na vi kujai nuu tnoꞌo ya.
13Nuu saa te ñayiu kaꞌan inka saꞌan ja tu jini, na ndakuatui nuu ia Dios ja na kuñaꞌa ya in jakaꞌnu ja kuu ndakaxtnoꞌi tnoꞌo kaꞌin yun. 14Chi nuu ja ndakuatu san inka saꞌan ja tu jini san, te jandaa ja ndakuatu san jin anu san, su tu nagua jinkuiꞌnu ini san. 15¿Naxa saꞌa san nuu saa? Ndakuatu san jin anu san vi suni ndakuatu san jin ja jinkuiꞌnu ini san. Kata san jin anu san vi suni kata san jin ja jinkuiꞌnu ini san. 16Chi nuu ja ndakuatu ni nuu ia Dios maa ni tnoꞌo ja vaji nuu anu ni, te tu jinkuiꞌnu ini ni, te oo in ñayiu ni kiunduu jaa nini tnoꞌo ja ndakuantaꞌu ni yun, ma kuu kaꞌin “saa na kokuu”, chi tu jinkuiꞌnu ini na tnoꞌo kaꞌan ni. 17Chi jandaa ja guaꞌa ndakuantaꞌu ni nuu ia Dios, su tu chituu ni inka ñayiu ja kujai nuu tnoꞌo ya. 18Te ndakuantaꞌu san nuu ia Dios ja kuaꞌa ka jichi kaꞌan san inka nuu saꞌan ja tu jini san, saa ndiꞌi maa ni. 19Su visi ni saa, su nuu ka ndututu ñayiu ka skuaꞌa, jintnaꞌa ini ka san ja kaꞌan san uꞌun ni tnoꞌo ja jinkuiꞌnu ini san, nagua ja kuu kaxtnoꞌo san nuu sava ka ñayiu, masu ja kaꞌan san uxi mil tnoꞌo jin inka saꞌan ja tu ka jinkuiꞌnu ini ñayiu.
20Ma vi ndakani ini ni, vi ñani vi kuaꞌa, nagua ka ndakani ini suchi kueli, chi suaꞌa vi kuja ni jin ja ka ndakani ini ni. Su vi kokuu ni na kuinio suchi kueli jin jakueꞌe ja oo ñuyiu. 21Chi suaꞌa yoso nuu Ley: “Kaꞌan rin nuu ñayiu ñuu yaꞌa jin maꞌñu sagua ñayiu inka ñuu vi jin inka saꞌan ja tu ka jini, te visi ni saa, te ma vi konini tnoꞌo kaꞌan rin, kachi Jitoꞌo”. 22Yun guaa nuu ka kaꞌan ñayiu inka nuu saꞌan ja tu ka jini, te jin yun xneꞌe ia Dios ja tetniuu ya tnundoꞌo siki ñayiu tu ka kandija, te masu siki ñayiu ka kandija. Su tnoꞌo jiñaꞌa ia Dios nuu ñayiu ja ndakani tnoꞌo ya xneꞌe jakaꞌnu ya nuu ñayiu ka kandija, te masu nuu ñayiu tu ka kandija. 23Chi nuu ja ndiꞌi ni ja ka skuaꞌa ni ni ka ndututu ni in ni nuu, te ndiꞌi ni ka kaꞌan inka nuu saꞌan ja tu ka jini ni, te na kiuu in ñayiu ni kiunduu jaa axi ñayiu tu kandija, te vi kachi ja ka ndukueꞌe ni. 24Su nuu ja ndiꞌi ni ka ndakani tnoꞌo ni taa ia Dios, te kiuu in ñayiu tu kandija axi in ñayiu ni kiunduu jaa, te jino ini, chi ndachikuaꞌi naxa oo mai jin tnoꞌo ka kaꞌan ni. 25Yun te ndakuni ndiꞌi jakueꞌe oo ini anui, te jinkuiin jiti, te chiñuꞌi ia Dios, te kaꞌin ja jandaa kuiti ja oo Dios neꞌu ni.
Vi saꞌa yukun ni nuu ka ndututu ni ja vi skuaꞌa ni
26Nuu saa, vi ñani vi kuaꞌa, ¿te naxa vi saꞌo jin ndiꞌi tnoꞌo yaꞌa? Nuu ka ndututu ni, te vi kata sava ni yaa ja vaji nuu Salmo, te sava ni vi kaxtnoꞌo tnoꞌo ya, te sava ni vi ndakani tnoꞌo ni skuni ña ia Dios, te sava ni vi kaꞌan inka nuu saꞌan ja tu ka jini ni, te sava ni vi ndakaxtnoꞌo naxa kei inka nuu saꞌan yun. Te ndiꞌi yaꞌa vi saꞌa ni nagua ja na vi kuja ñayiu ka skuaꞌa nuu tnoꞌo ya. 27Te nuu ka oo ñayiu ja ka kaꞌin inka saꞌan ja tu ka jini, te na kokuu uu axi uni, te ndi in ndi in na kaꞌan, te na koo in ñayiu ja ndakaxtnoꞌo naxa kei tnoꞌo ja ka kaꞌan ñayiu yun. 28Te nuu ja tu na ñayiu ja ndakaꞌan naxa kei, te guaꞌa ka kuu ja ma vi kaꞌin nuu ñayiu ka skuaꞌa, te na vi kaꞌan maa ni mai jin ia Dios. 29Te suni ñayiu ka ndakani tnoꞌo ni jiñaꞌa ia Dios, na vi kaꞌan uu a uni, te sava ka ñayiu na vi skuaꞌa guaꞌa tnoꞌo ka kaꞌin yun. 30Su nuu ja skuni ña ia Dios tnoꞌo ya jin in ñayiu nukoo, te na junkuiin ñayiu kaꞌan yun, nagua ja na kuu kaꞌan mai. 31Chi saa te kuu vi kaꞌan ndi in ndi in ni tnoꞌo ja ni taa ia Dios ja vi ndakani ni, nagua ja ndiꞌi ni vi kutuaꞌa, te vi nukuꞌun ndee ini ni. 32Te ñayiu ka ndakani tnoꞌo ni jiñaꞌa ia Dios kuu vi junkuiin, chi ka jini vi kaꞌnu niꞌnui mai. 33Chi ia mani ini kuu Dios, masu ia skunu nuu ini ña.
Te nagua ka saꞌa ndiꞌi ñayiu ka skuaꞌa, ja ka kui ñayiu maa ia Dios, 34ja nuu ka ndututu ñasiꞌi nuu ka skuaꞌa ni, ma kuu vi kaꞌan ña, chi na vi kasi yuꞌu ña, te na vi kuanyuꞌu vi kuandetu ña nagua yoso nuu Ley Moisés. 35Te nuu ja kuini ña ja kukanu ini ña na in tnoꞌo, te veꞌe ña na kakan tnoꞌo ña nuu yii ña, chi naꞌa kanoo ja kaꞌan in ñasiꞌi nuu ka oo tutu ñayiu ka skuaꞌa.
36Chi vi konaꞌa ni ja tu ni jinkondee tnoꞌo ia Dios nuu in in maa ni, te ni masu maintnoꞌo maa ni ni ka niꞌi tnoꞌo ya. 37Su nuu ja ndee in ñayiu ndakani ini ja kuu ndakani tnoꞌo ni jiñaꞌa ia Dios axi ndakani ini ja ni niꞌi taꞌui Espíritu ya, nuu saa te na ndakuni ja tnoꞌo tee san yaꞌa kuu in tnoꞌo ja tatnuni maa Jitoꞌo. 38Su nuu ja tu jantaꞌui tnoꞌo yaꞌa, te suni ma vi kuantaꞌu ña jin.
39Nuu saa, vi ñani vi kuaꞌa, te vi ndioo ini ni vi ndakani ni tnoꞌo ja taa ia Dios, te ma vi kasi niꞌnu ni ja vi kaꞌan ñayiu inka saꞌan ja tu ka jini. 40Su ndiꞌi ja ka saꞌa ni vi saꞌa ndaa ni, te vi saꞌa yukun ni nuu ka ndututu ni.
Currently Selected:
1 Corintios 14: xtnNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
1 Corintios 14
14
Nuu ka kaꞌan ñayiu inka saꞌan
1Nuu saa te vi nduku ndee ni ja vi kaꞌan too tnaꞌa ni, te suni vi ndioo ini ni ja vi niꞌi taꞌu ni in tniuu nuu Espíritu ia Dios, su ja kanuu ka kuu ja vi niꞌi taꞌu ni tniuu ja vi ndakani ni tnoꞌo ja taa maa ia Dios. 2Chi ñayiu ja kaꞌan inka saꞌan ja tu jini, kaꞌin nuu ia Dios, te masu nuu ñayiu, chi tu na in jinkuiꞌnu ini tnoꞌo kaꞌin, chi jin maꞌñu sagua Espíritu kaꞌin tnoꞌo oyuꞌu ja tu na jini. 3Su ñayiu ndakani tnoꞌo ni jiñaꞌa maa ia Dios, chi nuu ñayiu kaꞌin, nagua ja vi kuja ñayiu yun nuu tnoꞌo ya, vi ja xteku ñai, vi ja ndakuñaꞌi tnoꞌo ndee ini nuu ñayiu yun. 4Te ñayiu kaꞌan inka nuu saꞌan ja tu jini, chi maa ni mai jija nuu tnoꞌo ya. Su ñayiu ndakani tnoꞌo ni jiñaꞌa maa ia Dios, chi saꞌi ja ka jija ñayiu ka skuaꞌa nuu tnoꞌo ya.
5Te kuini san ja nuu suaꞌa te kuu, te ndiꞌi ni vi kaꞌan inka nuu saꞌan ja tu ka jini ni, su ndioo ka ini san ja vi ndakani ni tnoꞌo ni taa ia Dios, chi kaꞌnu ka kuu ñayiu ndakani tnoꞌo ni jiñaꞌa ia Dios, masu ñayiu kaꞌan inka nuu saꞌan ja tu jini, visi jiniuꞌu tnoꞌo kaꞌan ñayiu yaꞌa nuu ja kuu ja ndakaxtnoꞌi naxa kei tnoꞌo kaꞌin yun, nagua ja vi kuja ka ñayiu ka skuaꞌa nuu tnoꞌo ya.
6Te yun kuu, vi ñani vi kuaꞌa, ja nuu ja jaa san ja jakoto ña san, te kaꞌan san inka nuu saꞌan ja tu ka jinkuiꞌnu ini ni, te tu nagua jiniuꞌu saꞌun nuu in in ni, nuu ja ma kaxtnoꞌo kaji san nagua ni skuni ña ia Dios jin san, axi nuu ja ma kaxtnoꞌo san tnoꞌo ndichi axi tnoꞌo ja ni taa maa ia Dios ja ndakani san, axi inka tnoꞌo ja kaxtnoꞌo san. 7Na vi skintnaꞌa inuo inka saꞌan jin yutnu keneꞌe yaa. Te visi tu teku tnu, su kuu kata tnu, na kuinio tnu yoo ka tiuu axi yutnu kaxin, te nuu ja tu jita siin siin tnu, ¿te naxa kuu vi kunio na yaa ka jita in in tnu? 8Te nuu ka jaxin tnaꞌa, nuu ja ma tiuu kaji tee xtaꞌi trompeta yun, te ni in ñayiu ma saꞌa tuaꞌi ja kiꞌin kaxin tnaꞌi. 9Te suni saa ni ka kuu maa ni, nuu ka kaꞌan ni inka nuu saꞌan, nuu ja ma vi kaxtnoꞌo kaji ni ja vi jinkuiꞌnu ini ñayiu, ¿te naxa vi kuni na tnoꞌo ka kaꞌan ni? Te tnoꞌo ka kaꞌan ni yun, chi nani ja jiso tachi kuaꞌan kuu. 10Te jandaa ja kuaꞌa nuu saꞌan oo ñuyiu, te in in saꞌan, chi oo ja kei kaꞌan mamaa. 11Su nuu ja tu jinkuiꞌnu ini san naxa kaꞌan in ñayiu, te kuu san na kuinio ñayiu inka ñuu nui, te suni kui na kuinio ñayiu inka ñuu nuu san. 12Te yun guaa maa ni, ja ka ndioo ndevaꞌa ini ni ja vi niꞌi taꞌu ni in tniuu ja taa Espíritu ia Dios, vi nduku ndee ni ja vi konevaꞌa kuaꞌa ni tniuu ja taa ya, ja kuu vi chituu ni ñayiu ka skuaꞌa ja na vi kujai nuu tnoꞌo ya.
13Nuu saa te ñayiu kaꞌan inka saꞌan ja tu jini, na ndakuatui nuu ia Dios ja na kuñaꞌa ya in jakaꞌnu ja kuu ndakaxtnoꞌi tnoꞌo kaꞌin yun. 14Chi nuu ja ndakuatu san inka saꞌan ja tu jini san, te jandaa ja ndakuatu san jin anu san, su tu nagua jinkuiꞌnu ini san. 15¿Naxa saꞌa san nuu saa? Ndakuatu san jin anu san vi suni ndakuatu san jin ja jinkuiꞌnu ini san. Kata san jin anu san vi suni kata san jin ja jinkuiꞌnu ini san. 16Chi nuu ja ndakuatu ni nuu ia Dios maa ni tnoꞌo ja vaji nuu anu ni, te tu jinkuiꞌnu ini ni, te oo in ñayiu ni kiunduu jaa nini tnoꞌo ja ndakuantaꞌu ni yun, ma kuu kaꞌin “saa na kokuu”, chi tu jinkuiꞌnu ini na tnoꞌo kaꞌan ni. 17Chi jandaa ja guaꞌa ndakuantaꞌu ni nuu ia Dios, su tu chituu ni inka ñayiu ja kujai nuu tnoꞌo ya. 18Te ndakuantaꞌu san nuu ia Dios ja kuaꞌa ka jichi kaꞌan san inka nuu saꞌan ja tu jini san, saa ndiꞌi maa ni. 19Su visi ni saa, su nuu ka ndututu ñayiu ka skuaꞌa, jintnaꞌa ini ka san ja kaꞌan san uꞌun ni tnoꞌo ja jinkuiꞌnu ini san, nagua ja kuu kaxtnoꞌo san nuu sava ka ñayiu, masu ja kaꞌan san uxi mil tnoꞌo jin inka saꞌan ja tu ka jinkuiꞌnu ini ñayiu.
20Ma vi ndakani ini ni, vi ñani vi kuaꞌa, nagua ka ndakani ini suchi kueli, chi suaꞌa vi kuja ni jin ja ka ndakani ini ni. Su vi kokuu ni na kuinio suchi kueli jin jakueꞌe ja oo ñuyiu. 21Chi suaꞌa yoso nuu Ley: “Kaꞌan rin nuu ñayiu ñuu yaꞌa jin maꞌñu sagua ñayiu inka ñuu vi jin inka saꞌan ja tu ka jini, te visi ni saa, te ma vi konini tnoꞌo kaꞌan rin, kachi Jitoꞌo”. 22Yun guaa nuu ka kaꞌan ñayiu inka nuu saꞌan ja tu ka jini, te jin yun xneꞌe ia Dios ja tetniuu ya tnundoꞌo siki ñayiu tu ka kandija, te masu siki ñayiu ka kandija. Su tnoꞌo jiñaꞌa ia Dios nuu ñayiu ja ndakani tnoꞌo ya xneꞌe jakaꞌnu ya nuu ñayiu ka kandija, te masu nuu ñayiu tu ka kandija. 23Chi nuu ja ndiꞌi ni ja ka skuaꞌa ni ni ka ndututu ni in ni nuu, te ndiꞌi ni ka kaꞌan inka nuu saꞌan ja tu ka jini ni, te na kiuu in ñayiu ni kiunduu jaa axi ñayiu tu kandija, te vi kachi ja ka ndukueꞌe ni. 24Su nuu ja ndiꞌi ni ka ndakani tnoꞌo ni taa ia Dios, te kiuu in ñayiu tu kandija axi in ñayiu ni kiunduu jaa, te jino ini, chi ndachikuaꞌi naxa oo mai jin tnoꞌo ka kaꞌan ni. 25Yun te ndakuni ndiꞌi jakueꞌe oo ini anui, te jinkuiin jiti, te chiñuꞌi ia Dios, te kaꞌin ja jandaa kuiti ja oo Dios neꞌu ni.
Vi saꞌa yukun ni nuu ka ndututu ni ja vi skuaꞌa ni
26Nuu saa, vi ñani vi kuaꞌa, ¿te naxa vi saꞌo jin ndiꞌi tnoꞌo yaꞌa? Nuu ka ndututu ni, te vi kata sava ni yaa ja vaji nuu Salmo, te sava ni vi kaxtnoꞌo tnoꞌo ya, te sava ni vi ndakani tnoꞌo ni skuni ña ia Dios, te sava ni vi kaꞌan inka nuu saꞌan ja tu ka jini ni, te sava ni vi ndakaxtnoꞌo naxa kei inka nuu saꞌan yun. Te ndiꞌi yaꞌa vi saꞌa ni nagua ja na vi kuja ñayiu ka skuaꞌa nuu tnoꞌo ya. 27Te nuu ka oo ñayiu ja ka kaꞌin inka saꞌan ja tu ka jini, te na kokuu uu axi uni, te ndi in ndi in na kaꞌan, te na koo in ñayiu ja ndakaxtnoꞌo naxa kei tnoꞌo ja ka kaꞌan ñayiu yun. 28Te nuu ja tu na ñayiu ja ndakaꞌan naxa kei, te guaꞌa ka kuu ja ma vi kaꞌin nuu ñayiu ka skuaꞌa, te na vi kaꞌan maa ni mai jin ia Dios. 29Te suni ñayiu ka ndakani tnoꞌo ni jiñaꞌa ia Dios, na vi kaꞌan uu a uni, te sava ka ñayiu na vi skuaꞌa guaꞌa tnoꞌo ka kaꞌin yun. 30Su nuu ja skuni ña ia Dios tnoꞌo ya jin in ñayiu nukoo, te na junkuiin ñayiu kaꞌan yun, nagua ja na kuu kaꞌan mai. 31Chi saa te kuu vi kaꞌan ndi in ndi in ni tnoꞌo ja ni taa ia Dios ja vi ndakani ni, nagua ja ndiꞌi ni vi kutuaꞌa, te vi nukuꞌun ndee ini ni. 32Te ñayiu ka ndakani tnoꞌo ni jiñaꞌa ia Dios kuu vi junkuiin, chi ka jini vi kaꞌnu niꞌnui mai. 33Chi ia mani ini kuu Dios, masu ia skunu nuu ini ña.
Te nagua ka saꞌa ndiꞌi ñayiu ka skuaꞌa, ja ka kui ñayiu maa ia Dios, 34ja nuu ka ndututu ñasiꞌi nuu ka skuaꞌa ni, ma kuu vi kaꞌan ña, chi na vi kasi yuꞌu ña, te na vi kuanyuꞌu vi kuandetu ña nagua yoso nuu Ley Moisés. 35Te nuu ja kuini ña ja kukanu ini ña na in tnoꞌo, te veꞌe ña na kakan tnoꞌo ña nuu yii ña, chi naꞌa kanoo ja kaꞌan in ñasiꞌi nuu ka oo tutu ñayiu ka skuaꞌa.
36Chi vi konaꞌa ni ja tu ni jinkondee tnoꞌo ia Dios nuu in in maa ni, te ni masu maintnoꞌo maa ni ni ka niꞌi tnoꞌo ya. 37Su nuu ja ndee in ñayiu ndakani ini ja kuu ndakani tnoꞌo ni jiñaꞌa ia Dios axi ndakani ini ja ni niꞌi taꞌui Espíritu ya, nuu saa te na ndakuni ja tnoꞌo tee san yaꞌa kuu in tnoꞌo ja tatnuni maa Jitoꞌo. 38Su nuu ja tu jantaꞌui tnoꞌo yaꞌa, te suni ma vi kuantaꞌu ña jin.
39Nuu saa, vi ñani vi kuaꞌa, te vi ndioo ini ni vi ndakani ni tnoꞌo ja taa ia Dios, te ma vi kasi niꞌnu ni ja vi kaꞌan ñayiu inka saꞌan ja tu ka jini. 40Su ndiꞌi ja ka saꞌa ni vi saꞌa ndaa ni, te vi saꞌa yukun ni nuu ka ndututu ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.