Матта 22
22
Той акъкъында кинаели икяе
1 #
Лк 14.15-24
#Мт 13.34Иса оларгъа даа кинаели икяелер айтты:
2 #
Мт 25.10; Сыр 19.7; 21.2 – Кок Падишалыгъы бунъа ошай: бир падиша озь огълуна никях тою япа. 3Тойгъа давет этильген адамларны чагъыртмакъ ичюн, хызметчилерини ёллай. Мусафирлер исе кельмеге истемейлер. 4Падиша башкъа хызметчилерини ёллап: «Давет этильгенлерге айтынъыз ки, мен зияфет софрасыны азырладым, огюзлерим ве башкъа бесленген айванларым союлгъан, эписи азыр. Никях тоюна келинъиз!» – дей. 5Амма мусафирлер даветке къулакъ асмай, озь ишлерини япалар: бириси озь тарласына, башкъасы – тюкянына кете. 6#Мт 21.35; 23.34; Еуд 11.36-37Къалгъанлары исе падишанынъ хызметчилерини тутып, хорлап ольдюрелер. 7#Мт 21.41Падиша пек ачувлана. Аскерлерини ёллап, адам ольдюрген джинаетчилерни ёкъ этип, шеэрни кульге чевире.
8 #
Мт 10.11; Фаал 13.46; Сыр 3.4 Сонъ хызметчилерине: «Никях тою азыр, лякин мусафирлер бунъа ляйыкъ дегиль экенлер. 9Ёллар айырылгъан ерлерге барып, кимни расткетирсенъиз, тойгъа чагъырынъыз», – деп буюра. 10Хызметчилер ёлгъа чыкъып, расткельгенлернинъ эписини алып келелер: яхшы адамларны да, яманларны да. Бутюн той одасы мусафирлерге тола. 11Падиша мусафирлерни корьмек ичюн киргенде, той урбасыны киймеген бир адамны коре. 12О онъа: «Достум, сен не ичюн бу ерге той урбасыз кельдинъ?» – деп сорай. Адам исе индемей. 13#Мт 8.12О вакъыт падиша хызметчилерине: «Онынъ къол-аякъларыны багълап, тышарыгъа, къаранлыкъкъа, агълав ве тиш гъыджыртысы ерине ташланъыз», – дей. 14Давет этильгенлер чокъ, амма сайлангъанлар аздыр.
Салым берюв акъкъында суаль
15 #
Мк 12.13-17; Лк 20.20-26 #Лк 11.54Шундан сонъ фериселер кетип, Исанынъ айткъан сёзюне насыл илишеджеклерини анълаштылар. 16#Текр 10.17; Кол 3.25Исанынъ алдына озь шегиртлеринен берабер Ироднынъ тарафдарларыны ёлладылар. Олар Исагъа:
– Оджа, биз билемиз ки, Сен догъру адамсынъ ве Алланынъ ёлуны догъру огретесинъ. Адамлар Сенинъ акъкъынъда не тюшюнгенлери, адам муим олгъаны я да муим олмагъаны Санъа эп бир. 17#Мт 17.24-25Энди бизлерге айт. Сенинъдже, Къанун боюнджа Римнинъ императорына салым бермек мумкюнми я да мумкюн дегильми? – деп сорадылар.
18 #
Мк 7.6; Лк 12.1 Лякин Иса оларнынъ яманлыгъыны билип:
– Экиюзьлюлер! Сиз Мени не ичюн сынайсыз? 19Къана, Манъа салым бериледжек параны косьтеринъиз, – деди. Олар Исагъа бир динар кетирдилер.
20– Бу ресим ве язылар кимнинъки? – деп сорады Иса.
21 #
Рим 13.7
– Императорнынъ, – деди олар.
– Ойле олса, императорнынъ акъкъыны императоргъа, Алланынъ акъкъыны Аллагъа беринъиз, – деди Иса. 22Олар, бу сёзлерни эшитип, шаштылар ве Исаны къалдырып кеттилер.
Олюлернинъ тирилюви акъкъында суаль
23 #
Мк 12.18-27; Лк 20.27-40 #Фаал 4.1; 23.8Шу куню де олюлер тирильмей деген саддукийлер Исанынъ алдына келип, Онъа суаль бердилер:
24 #
Баш 38.8; Текр 25.5 – Оджа! Муса бизге деди ки, эгер бир адам, бала корьмейип, ольсе, къардашы агъасынынъ апайына эвленсин ве агъасынынъ ерине онъа бала берсин. 25Мында еди агъа-къардаш бар экен. Биринджиси эвленип, бала корьмей ольген, апайыны исе къардашына къалдыргъан. 26Экинджисинен, учюнджисинен ве единджисинедже эписинен ойле олгъан. 27Олардан сонъ къадын да ольген. 28Тирилюв куню кельгенде, бу къадын едисинден къайсы бирисининъ апайы оладжакъ? Оларнынъ эписи де онъа эвленген эдилер!
29Иса оларгъа джевап берип:
– Сизлер пек янълышасыз. Не Языларны, не Алланынъ къудретини билесиз. 30Тирилюв куню кельгенде, адамлар не эвленеджеклер, не акъайгъа чыкъаджакълар. Олар коктеки мелеклер киби оладжакълар. 31Олюлернинъ тирилювини алсакъ исе, Алла сизге айткъаныны окъумадынъызмы? 32#Чыкъ 3.2, 6О: «Мен Ибраимнинъ Алласым, Исхакънынъ Алласым ве Якъупнынъ Алласы олам», – деген. Алла олюлернинъ дегиль, тирилернинъ Алласыдыр, – деди.
33Халкъ буны эшитип, Исанынъ огретювине пек шашты.
Энъ муим эмир
34 #
Мк 12.28-34; Лк 10.25-28 Фериселер, Иса саддукийлернинъ агъызларыны къапаткъаныны билип, эписи топландылар. 35Олардан бириси, Къанун оджасы, Исаны сынамакъ ниетинде Ондан:
36– Оджа! Къанунда энъ муим эмир къайсыдыр? – деп сорады. 37#Текр 6.5; 11.13; Ехо 22.5Иса онъа:
– Рабби-Таалянъны бутюн юрегинънен, бутюн джанынънен ве бутюн акъылынънен сев. 38Мына бу биринджи ве энъ муим эмирдир. 39#Лев 19.18; Мт 19.19Экинджиси де шойле: якъын адамны озюнъни севгенинъ киби сев. 40#Мт 7.12; Гал 5.14Шу эки эмирде бутюн Къанун ве Пейгъамберлернинъ Язылары тура, – деп джевап берди.
Месих акъкъында суаль
41 #
Мк 12.35-37; Лк 20.41-44 Фериселер Исанынъ янында топлангъанда, О олардан:
42 #
2 Пад 7.12-16; Мт 9.27 – Месих акъкъында насыл фикиринъиз бар? О, кимнинъ огълу? – деп сорады.
– Давутнынъ, – деп джевап бердилер. 43Иса оларгъа:
– Ойле олса, не ичюн Давут Мукъаддес Рухтан ильхамланып, Онъа «Рабби» дей? О бойле деген:
44 #
Збр 109.1; Фаал 2.34-35 РАББИ меним Раббиме айтты:
– Душманларынъны аякъларынъ астына йыкътырмагъанымдже,
Меним онъ тарафымда отур!
45Демек, Давут Онъа «Рабби» дей. Насыл олып О, Давутнынъ огълу олур? – деди.
46 #
Лк 20.40
Кимсе Исагъа бир сёз айтып джевап берип оламады. Шу куньден башлап, ич бир адамнынъ Онъа суаль бермеге джесарети етмеди.
Currently Selected:
Матта 22: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
Матта 22
22
Той акъкъында кинаели икяе
1 #
Лк 14.15-24
#Мт 13.34Иса оларгъа даа кинаели икяелер айтты:
2 #
Мт 25.10; Сыр 19.7; 21.2 – Кок Падишалыгъы бунъа ошай: бир падиша озь огълуна никях тою япа. 3Тойгъа давет этильген адамларны чагъыртмакъ ичюн, хызметчилерини ёллай. Мусафирлер исе кельмеге истемейлер. 4Падиша башкъа хызметчилерини ёллап: «Давет этильгенлерге айтынъыз ки, мен зияфет софрасыны азырладым, огюзлерим ве башкъа бесленген айванларым союлгъан, эписи азыр. Никях тоюна келинъиз!» – дей. 5Амма мусафирлер даветке къулакъ асмай, озь ишлерини япалар: бириси озь тарласына, башкъасы – тюкянына кете. 6#Мт 21.35; 23.34; Еуд 11.36-37Къалгъанлары исе падишанынъ хызметчилерини тутып, хорлап ольдюрелер. 7#Мт 21.41Падиша пек ачувлана. Аскерлерини ёллап, адам ольдюрген джинаетчилерни ёкъ этип, шеэрни кульге чевире.
8 #
Мт 10.11; Фаал 13.46; Сыр 3.4 Сонъ хызметчилерине: «Никях тою азыр, лякин мусафирлер бунъа ляйыкъ дегиль экенлер. 9Ёллар айырылгъан ерлерге барып, кимни расткетирсенъиз, тойгъа чагъырынъыз», – деп буюра. 10Хызметчилер ёлгъа чыкъып, расткельгенлернинъ эписини алып келелер: яхшы адамларны да, яманларны да. Бутюн той одасы мусафирлерге тола. 11Падиша мусафирлерни корьмек ичюн киргенде, той урбасыны киймеген бир адамны коре. 12О онъа: «Достум, сен не ичюн бу ерге той урбасыз кельдинъ?» – деп сорай. Адам исе индемей. 13#Мт 8.12О вакъыт падиша хызметчилерине: «Онынъ къол-аякъларыны багълап, тышарыгъа, къаранлыкъкъа, агълав ве тиш гъыджыртысы ерине ташланъыз», – дей. 14Давет этильгенлер чокъ, амма сайлангъанлар аздыр.
Салым берюв акъкъында суаль
15 #
Мк 12.13-17; Лк 20.20-26 #Лк 11.54Шундан сонъ фериселер кетип, Исанынъ айткъан сёзюне насыл илишеджеклерини анълаштылар. 16#Текр 10.17; Кол 3.25Исанынъ алдына озь шегиртлеринен берабер Ироднынъ тарафдарларыны ёлладылар. Олар Исагъа:
– Оджа, биз билемиз ки, Сен догъру адамсынъ ве Алланынъ ёлуны догъру огретесинъ. Адамлар Сенинъ акъкъынъда не тюшюнгенлери, адам муим олгъаны я да муим олмагъаны Санъа эп бир. 17#Мт 17.24-25Энди бизлерге айт. Сенинъдже, Къанун боюнджа Римнинъ императорына салым бермек мумкюнми я да мумкюн дегильми? – деп сорадылар.
18 #
Мк 7.6; Лк 12.1 Лякин Иса оларнынъ яманлыгъыны билип:
– Экиюзьлюлер! Сиз Мени не ичюн сынайсыз? 19Къана, Манъа салым бериледжек параны косьтеринъиз, – деди. Олар Исагъа бир динар кетирдилер.
20– Бу ресим ве язылар кимнинъки? – деп сорады Иса.
21 #
Рим 13.7
– Императорнынъ, – деди олар.
– Ойле олса, императорнынъ акъкъыны императоргъа, Алланынъ акъкъыны Аллагъа беринъиз, – деди Иса. 22Олар, бу сёзлерни эшитип, шаштылар ве Исаны къалдырып кеттилер.
Олюлернинъ тирилюви акъкъында суаль
23 #
Мк 12.18-27; Лк 20.27-40 #Фаал 4.1; 23.8Шу куню де олюлер тирильмей деген саддукийлер Исанынъ алдына келип, Онъа суаль бердилер:
24 #
Баш 38.8; Текр 25.5 – Оджа! Муса бизге деди ки, эгер бир адам, бала корьмейип, ольсе, къардашы агъасынынъ апайына эвленсин ве агъасынынъ ерине онъа бала берсин. 25Мында еди агъа-къардаш бар экен. Биринджиси эвленип, бала корьмей ольген, апайыны исе къардашына къалдыргъан. 26Экинджисинен, учюнджисинен ве единджисинедже эписинен ойле олгъан. 27Олардан сонъ къадын да ольген. 28Тирилюв куню кельгенде, бу къадын едисинден къайсы бирисининъ апайы оладжакъ? Оларнынъ эписи де онъа эвленген эдилер!
29Иса оларгъа джевап берип:
– Сизлер пек янълышасыз. Не Языларны, не Алланынъ къудретини билесиз. 30Тирилюв куню кельгенде, адамлар не эвленеджеклер, не акъайгъа чыкъаджакълар. Олар коктеки мелеклер киби оладжакълар. 31Олюлернинъ тирилювини алсакъ исе, Алла сизге айткъаныны окъумадынъызмы? 32#Чыкъ 3.2, 6О: «Мен Ибраимнинъ Алласым, Исхакънынъ Алласым ве Якъупнынъ Алласы олам», – деген. Алла олюлернинъ дегиль, тирилернинъ Алласыдыр, – деди.
33Халкъ буны эшитип, Исанынъ огретювине пек шашты.
Энъ муим эмир
34 #
Мк 12.28-34; Лк 10.25-28 Фериселер, Иса саддукийлернинъ агъызларыны къапаткъаныны билип, эписи топландылар. 35Олардан бириси, Къанун оджасы, Исаны сынамакъ ниетинде Ондан:
36– Оджа! Къанунда энъ муим эмир къайсыдыр? – деп сорады. 37#Текр 6.5; 11.13; Ехо 22.5Иса онъа:
– Рабби-Таалянъны бутюн юрегинънен, бутюн джанынънен ве бутюн акъылынънен сев. 38Мына бу биринджи ве энъ муим эмирдир. 39#Лев 19.18; Мт 19.19Экинджиси де шойле: якъын адамны озюнъни севгенинъ киби сев. 40#Мт 7.12; Гал 5.14Шу эки эмирде бутюн Къанун ве Пейгъамберлернинъ Язылары тура, – деп джевап берди.
Месих акъкъында суаль
41 #
Мк 12.35-37; Лк 20.41-44 Фериселер Исанынъ янында топлангъанда, О олардан:
42 #
2 Пад 7.12-16; Мт 9.27 – Месих акъкъында насыл фикиринъиз бар? О, кимнинъ огълу? – деп сорады.
– Давутнынъ, – деп джевап бердилер. 43Иса оларгъа:
– Ойле олса, не ичюн Давут Мукъаддес Рухтан ильхамланып, Онъа «Рабби» дей? О бойле деген:
44 #
Збр 109.1; Фаал 2.34-35 РАББИ меним Раббиме айтты:
– Душманларынъны аякъларынъ астына йыкътырмагъанымдже,
Меним онъ тарафымда отур!
45Демек, Давут Онъа «Рабби» дей. Насыл олып О, Давутнынъ огълу олур? – деди.
46 #
Лк 20.40
Кимсе Исагъа бир сёз айтып джевап берип оламады. Шу куньден башлап, ич бир адамнынъ Онъа суаль бермеге джесарети етмеди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016