Матта 13
13
Урлукъ сачыджы акъкъында кинаели икяе
1 #
Мк 4.1-9; Лк 8.4-8 Шу куню Иса эвден чыкъып, голь янында отурды. 2Онынъ этрафында баягъы адам топланды. Иса къайыкъкъа чыкъып отурмагъа меджбур олды, бутюн халкъ исе ялыда турды. 3Иса оларгъа чокъ шейлер акъкъында кинаели икяелер айтты:
– Бир урлукъ сачыджы тарлагъа чыкъа. 4О, урлукъ сачкъанда, базы урлукълар ёл кенарына тюше. Шу арада къушлар учып келелер де, урлукъларны чокъуп, ёкъ этелер. 5Башкъа урлукълар ташлы, топракъ аз олгъан ерге тюше ве тезден осип чыкъалар, чюнки топракъ бу ерде юфкъа экен. 6Кунеш чыкъкъан сонъ исе, оларны якъа ве яхшы тамыр атмагъанларындан, фиданлар къуруп къалалар.
7 #
Йрм 4.3
Башкъалары тикенлер арасына тюше, тикенлер тез осип урлукъларны богъып ташлайлар.
8Даа башкъа урлукълар исе яхшы топракъкъа тюшип, бир урлукъ – юз къат, башкъасы – алтмыш ве даа башкъасы – отуз къат арткъач берекет берелер.
9 #
Мт 11.15
Къулагъы барлар буны эшитсинлер!
Кинаели икяелернинъ макъсады
10 #
Мк 4.10-12; Лк 8.9-10 Шегиртлер Исанынъ янына келип:
– Сен не ичюн оларнен кинаели икяелер айтып лаф этесинъ? – деп сорадылар.
11 #
Мт 19.11
О, оларгъа джевап берип:
– Кок Падишалыгъынынъ сырлары сизге ачылгъан, оларгъа исе къапалы, – деди. 12#Икм 9.9; Мт 25.29– Кимде бар олса, онъа даа бериледжек, ве онда арткъач оладжакъ. Кимде ёкъ олса, олгъаны да тутып алынаджакъ. 13#Еш 42.20; Йрм 5.21Оларнен кинаели икяелер ярдымынен лаф этем, чюнки олар бакъа ве корьмейлер, динълей ве эшитмейлер, ве анъламайлар. 14Ешаянынъ пейгъамберлиги оларда эда этиле:
Къулакъларынъызнен эшитеджексиз,
амма анъламайджакъсыз,
козьлеринъизнен бакъаджакъсыз,
амма корип оламайджакъсыз.
15 #
Еш 6.9-10; Юх 12.40; Фаал 28.26-27 Бу халкънынъ юреги бир шей анълап оламай,
къулакълары агъыр эшите,
оларнынъ козьлери де юмулгъан.
Бойледже, олар козьлеринен корьмезлер,
къулакъларынен эшитмезлер,
акъылларынен анъламазлар.
Оларны тедавийлесин деп,
Аллагъа кельмезлер.
16 #
Лк 10.23-24
Сизинъ козьлеринъиз бахтлы, чюнки олар корелер. Къулакъларынъыз да бахтлы, чюнки эшителер.
17 #
Еуд 11.13; 1 Пётр 1.10-12 Сизге догърусыны айтам: чокъ пейгъамберлер ве инсафлы адамлар сиз корьгенинъизни корьмеге истей эдилер, лякин корьмедилер, сиз эшиткенлеринъизни эшитмеге истей эдилер, лякин эшитмедилер.
Урлукъ сачыджы акъкъында кинаели икяенинъ анълатувы
18 #
Мк 4.13-20; Лк 8.11-15 Энди урлукъ сачыджы акъкъында кинаели икяенинъ манасыны динъленъиз. 19Алланынъ Падишалыгъы акъкъында сёзни эшиткен, амма оны анъламагъан эр бир адамгъа яман Шейтан келип, онынъ юрегинде сачылгъан сёзни-урлукъларны хырсызлап кете. Бойле адамлар тюшкен урлукъны алгъан ёл кенарындаки топракъкъа ошайлар. 20Урлукъ сачылгъан ташлы топракъ исе – сёзни эшитир-эшитмез къуванчнен къабул эткен сою. 21#Гал 1.6; Еуд 6.4О, де бир шейге, де башкъа шейге дикъкъат этип, урлукъкъа озюнде тамыр атмагъа ёл бермей. Онынъ башына шу сёз ичюн къаза-беля кельсе ве оны къуваласалар, о бирден ёлундан къайта. 22#Мт 6.25; Мк 10.23; 1 Тим 6.10Башкъалары исе, урлукъны алгъан, тикенли топракъ киби: олар сёзни эшителер, амма оны аят къасеветлери ве зенгинликнен алданув басып богъа, ве урлукъ берекет бермей. 23#Юх 15.5Урлукъны алгъан яхшы топракъ исе сёзни эшиткен, онынъ манасына еткен адамларгъа ошай. Олардан базы адамлар – юз къат, башкъалары – алтмыш къат ве даа дигерлери – отуз къат зияде берекет берелер.
Зеэрли отлар акъкъында кинаели икяе
24Иса оларгъа даа бир кинаели икяе айтты:
– Кок Падишалыгъы неге ошай? Бир адам тарласына яхшы урлукъ сачты. 25Гедже, эписи ятып юкълагъанда, онынъ душманы келип, богъдай арасына зеэрли отларны сачып кетти. 26Богъдай осип, башакъ чыкъаргъанда, зеэрли отлар да пейда олдылар. 27Къуллары келип, эфендисинден: «Эфендимиз, сен тарланъа яхшы урлукъ сачтынъ да! Айса бу зеэрли отлар къайдан келип чыкъкъан?» – деп сорадылар. 28«Бу – душманнынъ ишидир», – деди о. «Истесенъ, биз барып оларны тартып чыкъарырмыз», – деди къуллар. 29«Керекмей. Зеэрли отларны ёкъ эткенде, оларнен берабер богъдайны да бозарсыз. 30#Мт 3.12Оракъ вакъты кельгендже, оларгъа тийменъиз, берабер осе берсинлер. Оракъ вакъты кельгенде, мен оракъчыларгъа: “Башта зеэрли отларны джыйынъыз ве обалап багъланъыз да, якъынъыз. Богъдайны исе меним анбарыма алып барынъыз”, – дейджем».
Хардал урлугъы акъкъында кинаели икяе
31 #
Мк 4.30-32; Лк 13.18-21 Иса оларгъа даа бир кинаели икяе айтып берди:
– Кок Падишалыгъы бир хардал урлугъына ошай. Адам оны алып, озь тарласына сача. 32#Ехез 17.23; 31.6; Дан 4.9; Мт 17.20; Лк 17.6Эписи урлукълардан кичкене олса да, осип чыкъкъан сонъ, бостандаки осюмликлер арасында энъ юксек ола. Терек киби оськен сонъ, къушлар учып келип, онынъ пытакъларында юва ясайлар.
Мая акъкъында кинаели икяе
33 #
1 Кор 5.6; Гал 5.9 Сонъ Иса оларгъа даа бир кинаели икяе айтты:
– Кок Падишалыгъы бир къашыкъ маягъа ошай. Къадын оны алып, учь буюк савут#13.33 Учь буюк савут – къ. юн. «учь сатон». унгъа ташлай ве бутюн хамырыны къабарта.
Иса адамларгъа кинаели икяелерни айта
34 #
Мк 4.33-34
Иса буларнынъ эписини адамларгъа кинаели икяелернен ачып анълатты. О оларгъа эр шейни кинаели икяелернен айта эди, 35#Збр 77.2чюнки пейгъамбер ярдымынен айтылгъан сёз беджериледжек эди:
Агъзымны ачып, кинаели икяелерни айтарым,
дюнья яратылгъандан берли гизли сырларны анълатаджагъым.
Зеэрли отлар акъкъындаки кинаели икяенинъ анълатувы
36Шундан сонъ Иса, адамларны йиберип, эвге къайтты. Шегиртлери Онынъ алдына барып:
– Бизлерге тарладаки зеэрли отлар акъкъында кинаели икяени анълатып берсе, – дедилер.
37Иса оларгъа джевап берип:
– Яхшы урлукъны сачкъан – Инсан Огълудыр. 38#Юх 8.44Тарла исе – дюнья. Яхшы урлукълар – Алла Падишалыгъынынъ огъуллары, зеэрли отлар исе – яман Шейтаннынъ огъулларыдыр. 39#Ёэль 3.13; Сыр 14.15-16Оларны сачкъан – Шейтандыр. Оракъ вакъты – дюньянынъ сонъу, оракъчылар исе – мелеклер. 40Зеэрли отларны насыл джыйып атеште якъсалар, бу дюньянынъ сонъунда да шойле оладжакъ. 41#Мт 24.31Инсан Огълу Озь мелеклерини ёллайджакъ, ве олар гунагъа себеп олгъан ве яманлыкъ япып юргенлерни Онынъ Падишалыгъындан сайлап алып, 42#Дан 3.6; Мт 8.12; Юх 15.6; Сыр 20.15алевленип тургъан оджакъкъа ташлайджакълар. О ерде агълав ве тиш гъыджыртысы оладжакъ.
43 #
Икм 4.18; Дан 12.3 О вакъытта инсафлы адамлар озь Бабаларынынъ Падишалыгъында кунеш киби парылдайджакълар. Къулагъы барлар буны эшитсинлер! – деди.
Сакълангъан хазине акъкъында кинаели икяе
44– Кок Падишалыгъы тарлада сакълангъан хазинеге ошай. Бир адам оны тапып, кене сакълай ве къувана-къувана барып, бутюн мал-мулькюни сата да, шу тарланы ала.
Инджи акъкъында кинаели икяе
45Кок Падишалыгъы даа неге ошай? О бунъа ошай: бир алыш-веришнен огърашкъан адам яхшы инджилер къыдыра. 46Бир къыйметли инджини тапкъанда, о барып, бутюн мал-мулькюни сатып, оны ала.
Балыкъ сачмасы акъкъында кинаели икяе
47 #
Мт 4.19
Кок Падишалыгъы даа денъизге атылгъан балыкъ сачмасына ошай. О чешит тюрлю балыкъларны тута. 48#Юх 21.11Сачма балыкъкъа толгъан сонъ, оны ялыгъа тартып чыкъаралар ве отурып, яхшы балыкъларны сайлап, сепетлерге къоялар, ярамай сойларыны исе котерип аталар. 49#Мт 25.32Дюньянынъ сонъунда да ойле оладжакъ: мелеклер чыкъып, яман адамларны инсафлы адамларнынъ арасындан айырып, 50#Мт 8.12; Дан 3.6оларны алевленип тургъан оджакъкъа ташлайджакълар. О ерде агълавлар ве тиш гъыджыртысы оладжакъ. 51Буларнынъ эписини анъладынъызмы? – деп сорады Иса.
– Эбет, – деди олар.
52Иса оларгъа:
– Демек, Кок Падишалыгъы акъкъында огретювни къабул эткен эр бир Къанун оджасы озь хазинесинден янъы ве эски шейлерни чыкъаргъан эв саибине ошай, – деди.
Исаны Назарет шеэринде ред этелер
53 #
Мк 6.1-6; Лк 4.16-30 Иса бу кинаели икяелерни айткъан сонъ, о ерден кетти. 54#Мт 2.23; Мк 1.21; Лк 2.39; 4.23Озюнинъ юртуна келип, ерли халкънынъ синагогасында огрете башлады. Оны динълегенлер шашып къала эдилер.
– О къадар акъыл ве къудрет Онъа къайдан кельген? – дей эди олар. 55#Мт 12.46; Юх 6.42– Дюльгернинъ огълу дегильми О? Анасынынъ ады Мерьем, къардашлары исе Якъуп, Юсуф#13.55 Юсуф – базы эльязмаларда «Йосе» ве «Юхан» адларынен косьтериле., Симон ве Иуда дегильми? 56Онынъ эписи къызкъардашлары мында, бизим янымызда яшамайлармы?
57 #
Мт 11.6; Юх 4.44 Шунынъ ичюн олар Оны ред эттилер. Иса исе оларгъа:
– Пейгъамберге эр ерде урьмет этелер, тек озь ветанында ве озь эвинде онынъ къадрине етмейлер, – деди.
58Оларнынъ иманы олмагъаны ичюн, о ерде Иса чокъ аджайип шейлер япмады.
Currently Selected:
Матта 13: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
Матта 13
13
Урлукъ сачыджы акъкъында кинаели икяе
1 #
Мк 4.1-9; Лк 8.4-8 Шу куню Иса эвден чыкъып, голь янында отурды. 2Онынъ этрафында баягъы адам топланды. Иса къайыкъкъа чыкъып отурмагъа меджбур олды, бутюн халкъ исе ялыда турды. 3Иса оларгъа чокъ шейлер акъкъында кинаели икяелер айтты:
– Бир урлукъ сачыджы тарлагъа чыкъа. 4О, урлукъ сачкъанда, базы урлукълар ёл кенарына тюше. Шу арада къушлар учып келелер де, урлукъларны чокъуп, ёкъ этелер. 5Башкъа урлукълар ташлы, топракъ аз олгъан ерге тюше ве тезден осип чыкъалар, чюнки топракъ бу ерде юфкъа экен. 6Кунеш чыкъкъан сонъ исе, оларны якъа ве яхшы тамыр атмагъанларындан, фиданлар къуруп къалалар.
7 #
Йрм 4.3
Башкъалары тикенлер арасына тюше, тикенлер тез осип урлукъларны богъып ташлайлар.
8Даа башкъа урлукълар исе яхшы топракъкъа тюшип, бир урлукъ – юз къат, башкъасы – алтмыш ве даа башкъасы – отуз къат арткъач берекет берелер.
9 #
Мт 11.15
Къулагъы барлар буны эшитсинлер!
Кинаели икяелернинъ макъсады
10 #
Мк 4.10-12; Лк 8.9-10 Шегиртлер Исанынъ янына келип:
– Сен не ичюн оларнен кинаели икяелер айтып лаф этесинъ? – деп сорадылар.
11 #
Мт 19.11
О, оларгъа джевап берип:
– Кок Падишалыгъынынъ сырлары сизге ачылгъан, оларгъа исе къапалы, – деди. 12#Икм 9.9; Мт 25.29– Кимде бар олса, онъа даа бериледжек, ве онда арткъач оладжакъ. Кимде ёкъ олса, олгъаны да тутып алынаджакъ. 13#Еш 42.20; Йрм 5.21Оларнен кинаели икяелер ярдымынен лаф этем, чюнки олар бакъа ве корьмейлер, динълей ве эшитмейлер, ве анъламайлар. 14Ешаянынъ пейгъамберлиги оларда эда этиле:
Къулакъларынъызнен эшитеджексиз,
амма анъламайджакъсыз,
козьлеринъизнен бакъаджакъсыз,
амма корип оламайджакъсыз.
15 #
Еш 6.9-10; Юх 12.40; Фаал 28.26-27 Бу халкънынъ юреги бир шей анълап оламай,
къулакълары агъыр эшите,
оларнынъ козьлери де юмулгъан.
Бойледже, олар козьлеринен корьмезлер,
къулакъларынен эшитмезлер,
акъылларынен анъламазлар.
Оларны тедавийлесин деп,
Аллагъа кельмезлер.
16 #
Лк 10.23-24
Сизинъ козьлеринъиз бахтлы, чюнки олар корелер. Къулакъларынъыз да бахтлы, чюнки эшителер.
17 #
Еуд 11.13; 1 Пётр 1.10-12 Сизге догърусыны айтам: чокъ пейгъамберлер ве инсафлы адамлар сиз корьгенинъизни корьмеге истей эдилер, лякин корьмедилер, сиз эшиткенлеринъизни эшитмеге истей эдилер, лякин эшитмедилер.
Урлукъ сачыджы акъкъында кинаели икяенинъ анълатувы
18 #
Мк 4.13-20; Лк 8.11-15 Энди урлукъ сачыджы акъкъында кинаели икяенинъ манасыны динъленъиз. 19Алланынъ Падишалыгъы акъкъында сёзни эшиткен, амма оны анъламагъан эр бир адамгъа яман Шейтан келип, онынъ юрегинде сачылгъан сёзни-урлукъларны хырсызлап кете. Бойле адамлар тюшкен урлукъны алгъан ёл кенарындаки топракъкъа ошайлар. 20Урлукъ сачылгъан ташлы топракъ исе – сёзни эшитир-эшитмез къуванчнен къабул эткен сою. 21#Гал 1.6; Еуд 6.4О, де бир шейге, де башкъа шейге дикъкъат этип, урлукъкъа озюнде тамыр атмагъа ёл бермей. Онынъ башына шу сёз ичюн къаза-беля кельсе ве оны къуваласалар, о бирден ёлундан къайта. 22#Мт 6.25; Мк 10.23; 1 Тим 6.10Башкъалары исе, урлукъны алгъан, тикенли топракъ киби: олар сёзни эшителер, амма оны аят къасеветлери ве зенгинликнен алданув басып богъа, ве урлукъ берекет бермей. 23#Юх 15.5Урлукъны алгъан яхшы топракъ исе сёзни эшиткен, онынъ манасына еткен адамларгъа ошай. Олардан базы адамлар – юз къат, башкъалары – алтмыш къат ве даа дигерлери – отуз къат зияде берекет берелер.
Зеэрли отлар акъкъында кинаели икяе
24Иса оларгъа даа бир кинаели икяе айтты:
– Кок Падишалыгъы неге ошай? Бир адам тарласына яхшы урлукъ сачты. 25Гедже, эписи ятып юкълагъанда, онынъ душманы келип, богъдай арасына зеэрли отларны сачып кетти. 26Богъдай осип, башакъ чыкъаргъанда, зеэрли отлар да пейда олдылар. 27Къуллары келип, эфендисинден: «Эфендимиз, сен тарланъа яхшы урлукъ сачтынъ да! Айса бу зеэрли отлар къайдан келип чыкъкъан?» – деп сорадылар. 28«Бу – душманнынъ ишидир», – деди о. «Истесенъ, биз барып оларны тартып чыкъарырмыз», – деди къуллар. 29«Керекмей. Зеэрли отларны ёкъ эткенде, оларнен берабер богъдайны да бозарсыз. 30#Мт 3.12Оракъ вакъты кельгендже, оларгъа тийменъиз, берабер осе берсинлер. Оракъ вакъты кельгенде, мен оракъчыларгъа: “Башта зеэрли отларны джыйынъыз ве обалап багъланъыз да, якъынъыз. Богъдайны исе меним анбарыма алып барынъыз”, – дейджем».
Хардал урлугъы акъкъында кинаели икяе
31 #
Мк 4.30-32; Лк 13.18-21 Иса оларгъа даа бир кинаели икяе айтып берди:
– Кок Падишалыгъы бир хардал урлугъына ошай. Адам оны алып, озь тарласына сача. 32#Ехез 17.23; 31.6; Дан 4.9; Мт 17.20; Лк 17.6Эписи урлукълардан кичкене олса да, осип чыкъкъан сонъ, бостандаки осюмликлер арасында энъ юксек ола. Терек киби оськен сонъ, къушлар учып келип, онынъ пытакъларында юва ясайлар.
Мая акъкъында кинаели икяе
33 #
1 Кор 5.6; Гал 5.9 Сонъ Иса оларгъа даа бир кинаели икяе айтты:
– Кок Падишалыгъы бир къашыкъ маягъа ошай. Къадын оны алып, учь буюк савут#13.33 Учь буюк савут – къ. юн. «учь сатон». унгъа ташлай ве бутюн хамырыны къабарта.
Иса адамларгъа кинаели икяелерни айта
34 #
Мк 4.33-34
Иса буларнынъ эписини адамларгъа кинаели икяелернен ачып анълатты. О оларгъа эр шейни кинаели икяелернен айта эди, 35#Збр 77.2чюнки пейгъамбер ярдымынен айтылгъан сёз беджериледжек эди:
Агъзымны ачып, кинаели икяелерни айтарым,
дюнья яратылгъандан берли гизли сырларны анълатаджагъым.
Зеэрли отлар акъкъындаки кинаели икяенинъ анълатувы
36Шундан сонъ Иса, адамларны йиберип, эвге къайтты. Шегиртлери Онынъ алдына барып:
– Бизлерге тарладаки зеэрли отлар акъкъында кинаели икяени анълатып берсе, – дедилер.
37Иса оларгъа джевап берип:
– Яхшы урлукъны сачкъан – Инсан Огълудыр. 38#Юх 8.44Тарла исе – дюнья. Яхшы урлукълар – Алла Падишалыгъынынъ огъуллары, зеэрли отлар исе – яман Шейтаннынъ огъулларыдыр. 39#Ёэль 3.13; Сыр 14.15-16Оларны сачкъан – Шейтандыр. Оракъ вакъты – дюньянынъ сонъу, оракъчылар исе – мелеклер. 40Зеэрли отларны насыл джыйып атеште якъсалар, бу дюньянынъ сонъунда да шойле оладжакъ. 41#Мт 24.31Инсан Огълу Озь мелеклерини ёллайджакъ, ве олар гунагъа себеп олгъан ве яманлыкъ япып юргенлерни Онынъ Падишалыгъындан сайлап алып, 42#Дан 3.6; Мт 8.12; Юх 15.6; Сыр 20.15алевленип тургъан оджакъкъа ташлайджакълар. О ерде агълав ве тиш гъыджыртысы оладжакъ.
43 #
Икм 4.18; Дан 12.3 О вакъытта инсафлы адамлар озь Бабаларынынъ Падишалыгъында кунеш киби парылдайджакълар. Къулагъы барлар буны эшитсинлер! – деди.
Сакълангъан хазине акъкъында кинаели икяе
44– Кок Падишалыгъы тарлада сакълангъан хазинеге ошай. Бир адам оны тапып, кене сакълай ве къувана-къувана барып, бутюн мал-мулькюни сата да, шу тарланы ала.
Инджи акъкъында кинаели икяе
45Кок Падишалыгъы даа неге ошай? О бунъа ошай: бир алыш-веришнен огърашкъан адам яхшы инджилер къыдыра. 46Бир къыйметли инджини тапкъанда, о барып, бутюн мал-мулькюни сатып, оны ала.
Балыкъ сачмасы акъкъында кинаели икяе
47 #
Мт 4.19
Кок Падишалыгъы даа денъизге атылгъан балыкъ сачмасына ошай. О чешит тюрлю балыкъларны тута. 48#Юх 21.11Сачма балыкъкъа толгъан сонъ, оны ялыгъа тартып чыкъаралар ве отурып, яхшы балыкъларны сайлап, сепетлерге къоялар, ярамай сойларыны исе котерип аталар. 49#Мт 25.32Дюньянынъ сонъунда да ойле оладжакъ: мелеклер чыкъып, яман адамларны инсафлы адамларнынъ арасындан айырып, 50#Мт 8.12; Дан 3.6оларны алевленип тургъан оджакъкъа ташлайджакълар. О ерде агълавлар ве тиш гъыджыртысы оладжакъ. 51Буларнынъ эписини анъладынъызмы? – деп сорады Иса.
– Эбет, – деди олар.
52Иса оларгъа:
– Демек, Кок Падишалыгъы акъкъында огретювни къабул эткен эр бир Къанун оджасы озь хазинесинден янъы ве эски шейлерни чыкъаргъан эв саибине ошай, – деди.
Исаны Назарет шеэринде ред этелер
53 #
Мк 6.1-6; Лк 4.16-30 Иса бу кинаели икяелерни айткъан сонъ, о ерден кетти. 54#Мт 2.23; Мк 1.21; Лк 2.39; 4.23Озюнинъ юртуна келип, ерли халкънынъ синагогасында огрете башлады. Оны динълегенлер шашып къала эдилер.
– О къадар акъыл ве къудрет Онъа къайдан кельген? – дей эди олар. 55#Мт 12.46; Юх 6.42– Дюльгернинъ огълу дегильми О? Анасынынъ ады Мерьем, къардашлары исе Якъуп, Юсуф#13.55 Юсуф – базы эльязмаларда «Йосе» ве «Юхан» адларынен косьтериле., Симон ве Иуда дегильми? 56Онынъ эписи къызкъардашлары мында, бизим янымызда яшамайлармы?
57 #
Мт 11.6; Юх 4.44 Шунынъ ичюн олар Оны ред эттилер. Иса исе оларгъа:
– Пейгъамберге эр ерде урьмет этелер, тек озь ветанында ве озь эвинде онынъ къадрине етмейлер, – деди.
58Оларнынъ иманы олмагъаны ичюн, о ерде Иса чокъ аджайип шейлер япмады.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016