Хагъгъай 1
1
Рабби Сарайны гъайрыдан къурмагъа буюра
1 #
1 Тар 3.19; 6.15; Узеир 3.2; 4.24; 5.1; 6.14; Нех 12.1; Хагъ 2.20-23; Зек 1.1; 4.6-10 Падиша Дарьявешнинъ падишалыгъынынъ экинджи йылында, алтынджы айнынъ биринджи куню Хагъгъай пейгъамберге РАББИден бойле хабер кельди. О, Ехуда акимине Шеалтиэлнинъ огълу Зеруббавелге ве баш руханийге Ехоцадакънынъ огълу Ехошуагъа шуны айтты:
2Бу – Ордулар РАББИсининъ сёзлери:
– Шу халкъ: «РАББИнинъ Эвини гъайрыдан къурмагъа вакъыт даа кельмеди», – деди.
3РАББИ Хагъгъай пейгъамбернен исраиллилерден шойле сорады:
4 #
Нех 2.3; Збр 131.3-5 – Бу Эв йыкъылып яткъанда, сиз гузель эвлерде яшагъанынъыз яхшымы?
5Шунынъ ичюн Ордуларнынъ РАББИси шимди шойле дей:
– Япкъан ишлеринъизни яхшы тюшюнинъиз. 6#Лев 26.16; Текр 28.38; Хош 4.10; Микъа 6.15Сиз чокъ сачтынъыз, амма аз берекет алдынъыз. Ашайсынъыз, амма тоймайсыз. Ичесиз, амма даа ичмеге истейсиз. Кийинесинъиз, амма къызынмайсынъыз. Пара къазанасынъыз, лякин оны тешик кисеге къоясынъыз.
7Ордуларнынъ РАББИси шойле дей:
– Япкъан ишлеринъизни яхшы тюшюнинъиз. 8Дагъларгъа чыкъыныз, агъач кетиринъиз, Меним Эвимни гъайрыдан къурунъыз. Сонъра анда Меним разылыгъым ве Шуретим оладжакъ, – дей РАББИ.
9– Чокъ беклединъиз, амма аз алдынъыз, эвлеринъизге кетиргенинъизни Мен ельге савурдым. Не ичюн? Чюнки Меним Эвим йыкъылып ята, – дей Ордуларнынъ РАББИси. – Сизлер исе эр биринъиз озь эвинъизнен огърашасынъыз. 10#3 Пад 8.35Шу себептен де коктен ягъмур ягъмай, чыкъ тюшмей, топракъ да озь махсулыны бермей. 11#3 Пад 17.1Мен топракъкъа ве дагъларгъа къургъакълыкъ ёлладым. Шунынъ ичюн топракънынъ ич бир берекети – не богъдай, не янъы шарап, не тазе зейтюн ягъынынъ берекети ёкъ. Эм адамлар, эм айванлар къыйнала, къолларынъызнынъ ишлери де файдасыз.
Халкъ Раббининъ эмирини беджере
12 #
Узеир 5.2
Шеалтиэлнинъ огълу Зеруббавел, баш руханий Ехоцадакънынъ огълу Ехошуа ве бутюн къалгъан халкъ Алласы РАББИнинъ сёзлерини ве Алласы РАББИ ёллагъан Хагъгъай пейгъамбернинъ сёзлерини динъледилер. Халкъ РАББИден къоркъып башлады.
13 #
Ехо 1.5, 9; Хагъ 2.4 Сонъ РАББИ ёллагъан РАББИнинъ хаберджиси Хагъгъай халкъкъа шойле деди:
– «Мен сизлернен!» – дей РАББИ.
14РАББИ Ехуданынъ акими Шеалтиэл огълу Зеруббавелнинъ рухуны, баш руханий Ехоцадакъ огълу Ехошуанынъ рухуны ве бутюн къалгъан халкънынъ юрегини котерди. Олар келип, озь Алласынынъ, Ордулар РАББИсининъ Эвинде ишни башладылар. 15Бу, падиша Дарьявеш падишалыгъынынъ экинджи йылында, алтынджы айнынъ 24-юнджи куню олып кечти.
Currently Selected:
Хагъгъай 1: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
Хагъгъай 1
1
Рабби Сарайны гъайрыдан къурмагъа буюра
1 #
1 Тар 3.19; 6.15; Узеир 3.2; 4.24; 5.1; 6.14; Нех 12.1; Хагъ 2.20-23; Зек 1.1; 4.6-10 Падиша Дарьявешнинъ падишалыгъынынъ экинджи йылында, алтынджы айнынъ биринджи куню Хагъгъай пейгъамберге РАББИден бойле хабер кельди. О, Ехуда акимине Шеалтиэлнинъ огълу Зеруббавелге ве баш руханийге Ехоцадакънынъ огълу Ехошуагъа шуны айтты:
2Бу – Ордулар РАББИсининъ сёзлери:
– Шу халкъ: «РАББИнинъ Эвини гъайрыдан къурмагъа вакъыт даа кельмеди», – деди.
3РАББИ Хагъгъай пейгъамбернен исраиллилерден шойле сорады:
4 #
Нех 2.3; Збр 131.3-5 – Бу Эв йыкъылып яткъанда, сиз гузель эвлерде яшагъанынъыз яхшымы?
5Шунынъ ичюн Ордуларнынъ РАББИси шимди шойле дей:
– Япкъан ишлеринъизни яхшы тюшюнинъиз. 6#Лев 26.16; Текр 28.38; Хош 4.10; Микъа 6.15Сиз чокъ сачтынъыз, амма аз берекет алдынъыз. Ашайсынъыз, амма тоймайсыз. Ичесиз, амма даа ичмеге истейсиз. Кийинесинъиз, амма къызынмайсынъыз. Пара къазанасынъыз, лякин оны тешик кисеге къоясынъыз.
7Ордуларнынъ РАББИси шойле дей:
– Япкъан ишлеринъизни яхшы тюшюнинъиз. 8Дагъларгъа чыкъыныз, агъач кетиринъиз, Меним Эвимни гъайрыдан къурунъыз. Сонъра анда Меним разылыгъым ве Шуретим оладжакъ, – дей РАББИ.
9– Чокъ беклединъиз, амма аз алдынъыз, эвлеринъизге кетиргенинъизни Мен ельге савурдым. Не ичюн? Чюнки Меним Эвим йыкъылып ята, – дей Ордуларнынъ РАББИси. – Сизлер исе эр биринъиз озь эвинъизнен огърашасынъыз. 10#3 Пад 8.35Шу себептен де коктен ягъмур ягъмай, чыкъ тюшмей, топракъ да озь махсулыны бермей. 11#3 Пад 17.1Мен топракъкъа ве дагъларгъа къургъакълыкъ ёлладым. Шунынъ ичюн топракънынъ ич бир берекети – не богъдай, не янъы шарап, не тазе зейтюн ягъынынъ берекети ёкъ. Эм адамлар, эм айванлар къыйнала, къолларынъызнынъ ишлери де файдасыз.
Халкъ Раббининъ эмирини беджере
12 #
Узеир 5.2
Шеалтиэлнинъ огълу Зеруббавел, баш руханий Ехоцадакънынъ огълу Ехошуа ве бутюн къалгъан халкъ Алласы РАББИнинъ сёзлерини ве Алласы РАББИ ёллагъан Хагъгъай пейгъамбернинъ сёзлерини динъледилер. Халкъ РАББИден къоркъып башлады.
13 #
Ехо 1.5, 9; Хагъ 2.4 Сонъ РАББИ ёллагъан РАББИнинъ хаберджиси Хагъгъай халкъкъа шойле деди:
– «Мен сизлернен!» – дей РАББИ.
14РАББИ Ехуданынъ акими Шеалтиэл огълу Зеруббавелнинъ рухуны, баш руханий Ехоцадакъ огълу Ехошуанынъ рухуны ве бутюн къалгъан халкънынъ юрегини котерди. Олар келип, озь Алласынынъ, Ордулар РАББИсининъ Эвинде ишни башладылар. 15Бу, падиша Дарьявеш падишалыгъынынъ экинджи йылында, алтынджы айнынъ 24-юнджи куню олып кечти.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016