Фаалиет 7
7
Стефаннынъ нуткъу
1Баш руханий Стефандан:
– Бу сёзлер догърумы? – деп сорады. 2#Баш 11.31; 12.4Стефан сёз алып, бойле деди:
– Эй, дин къардашлар ве бабалар, мени динъленъиз! Ибраим бабамыз Харан шеэрине кочип, анда ерлешмезден эвель, даа Месопотамияда олгъанда, онъа шерефли Алла корюнди 3#Баш 12.1ве: «Озь юртунъдан чыкъып, сой-сопларынъны къалдыр да, Мен санъа косьтереджек ерге кет», – деди. 4#Баш 11.32О вакъыт Ибраим къасдийлилернинъ топрагъындан чыкъып, Харан шеэринде ерлешти. Бабасы ольген сонъ, Алла Ибраимни о ерден мында, сизлер яшагъан ерге кочюрди. 5#Баш 12.7; 13.15; 15.3, 18; 18.10Бу ерде онъа аякъ басмагъа оладжакъ бир парча топракъны биле бермеди. Лякин онынъ баласы даа олмаса да, Алла бу ерни онъа ве онынъ эвлядына береджегине сёз берди. 6#Баш 15.13; Чыкъ 12.40Алла онъа:
– Сенинъ эвлятларынъ гъурбетликте кельмешек оладжакълар;
оларны къул этип дёрт юз йыл зулум этеджеклер.
7 #
Баш 15.14; Чыкъ 3.12 Амма оларны къул эткен миллетни Мен махкеме этеджегим.
Бундан сонъ олар андан кетеджек,
бу ерде Манъа ибадет этеджеклер, – деди.
8 #
Баш 17.9-14; 21.2-4; 25.26; 29.31-35; 30.5-24 Сонъ Алла оларгъа сюннет васиетини берди. Ибраим Исхакънынъ бабасы олып, огълуны секиз куньлюк олгъанда сюннет этти. Исхакъ Якъупны, Якъуп он эки къабилемизнинъ бабаларыны сюннет этти.
9 #
Баш 37.11, 28; 39.2 Бабаларымыз Юсуфны пахыллап, оны Мысыргъа саттылар. Лякин онен Алла эди. 10#Баш 41.37-43О, Юсуфны бутюн белялардан азат этип, Мысыр падишасы фыравуннынъ козюнде онъа буюк мерамет ве акъыл берди. Фыравун Юсуфны Мысыр ве бутюн сарайы устюнде аким этип къойды. 11Ондан сонъ бутюн Мысыр ве Ханаан улькелеринде ачлыкъ ве буюк къайгъы девири башланды. Бабаларымызда ашамагъа аш къалмады. 12#Баш 42.1-5Якъуп, Мысырда богъдай олгъаныны эшитип, биринджи кере бабаларымызны анда ёллады. 13#Баш 43.1-15; 45.1-4Экинджи кере баргъанларында, Юсуф озюни агъа-къардашларына танытты. Бойлеликнен, фыравун Юсуфнынъ сой-сопларыны бильди. 14#Баш 45.9-10; 46.27Юсуф хабер ёллап, бабасы Якъупны ве етмиш беш адамдан олгъан бутюн сой-сопларыны чагъыртып алды. 15#Баш 46.5, 28; 49.33; Чыкъ 1.6Якъуп Мысыргъа барды, озю ве бабаларымыз о ерде кечинди. 16#Баш 50.25; Ехо 24.32Оларнынъ джесетлери Шекем шеэрине кетирилип, Ибраимнинъ Шекемде Хамор огъулларындан кумюш парагъа сатын алгъан къабринде дефн этильдилер.
17 #
Чыкъ 1.7, 12 Алла Ибраимге сёз бергенини беджермек вакъты якъынлашкъанда, Исраиль халкъы Мысырда осе ве чокълаша эди. 18#Чыкъ 1.8О вакъыт Мысырда Юсуфны бильмеген башкъа бир падиша тахткъа чыкъты. 19#Чыкъ 1.10-11, 16Бу падиша халкъымызгъа къаршы зулум, бабаларымызгъа хаинлик япа башлады, янъы догъгъан балаларны ташлатып, оларны олюм панджасына берди. 20#Чыкъ 2.2-3; Еуд 11.23Шу вакъыт Алла пек гузель этип яраткъан Муса догъды, учь ай бабасынынъ эвинде бакъылды. 21#Чыкъ 2.3-10Мусаны ташлап кеткенлерден сонъ, оны фыравуннынъ къызы тапты ве озь огълу киби тербие этти. 22Мусагъа мысырлыларнынъ бутюн илимини огреттилер; о эм сёзде, эм иште усталыкъ косьтере эди.
23Муса къыркъ яшыны толдургъанда, онынъ юрегинде къардашларыны, Исраиль огъулларыны барып корьмек арзусы догъды. 24#Чыкъ 2.11-12Котек ашагъан бир адамны корьгенде, онынъ тарафыны алып, мысырлыны ольдюрди, джаны агъырткъаннынъ акъкъыны алды. 25О, Алла меним ярдымымнен оларгъа къуртулыш береджегини агъа-къардашларым анълар, деп тюшюне эди. Лякин олар анъламадылар. 26Эртеси куню Муса базыларнынъ котеклешкенлерини корьди. Оларны муаббетлештирмеге истеп:
– Акъайлар, сизлер агъа-къардаш олып, не ичюн бир-биринъизнинъ джанынъызны агъыртасынъыз? – деди. 27Лякин къардашынынъ джаныны агъырткъан адам Мусаны итеп:
– Сени бизге башлыкъ ве къады этип ким къойды? 28#Чыкъ 2.13-14Тюневин мысырлыны ольдюргенинъ дайын, мени де ольдюрмеге истейсинъми? – деди. 29#Чыкъ 2.15, 22; 18.3-5Бу сёзлерни эшитип, Муса къачып кетти. Мидьян деген ерде ябанджы олып яшады, ве анда онынъ эки огълу догъды.
30 #
Чыкъ 3.2
Къыркъ йыл кечкен сонъ, Синай дагъы янындаки сахрада янаяткъан чалынынъ алеви ичинден Мусагъа Мелек корюнди. 31Муса бу аджайип шейни корип, пек тааджипленди. Оны яхшыджа бакъмакъ ичюн якъынлашкъанда, Раббининъ сеси эшитильди.
32 #
Чыкъ 3.6
– Мен бабаларынънынъ Алласы, Ибраимнинъ, Исхакънынъ ве Якъупнынъ Алласы олам, – деди О. Муса къоркъудан къалтырап, козьлерини котерип бакъмагъа джесарет этмеди. 33#Ехо 5.15Рабби онъа:
– Аякъларынъдан аякъкъапларынъны чыкъар. Сен тургъан ер – мукъаддес ердир. 34#Чыкъ 3.5, 8-10Мен Мысырда олгъан халкъымнынъ зулумыны корип, инъильтисини эшиттим ве оларны къуртармакъ ичюн коктен тюштим. Энди бар, Мен сени Мысыргъа ёллайджагъым, – деди.
35 #
Чыкъ 2.14
Адамлар: «Сени бизге башлыкъ ве къады этип ким къойды?» – деп ред эткен мына бу Муса эди. Чалыда Мусагъа корюнген Мелекнинъ ярдымынен Алла Мусаны башлыкъ ве къуртарыджы этип ёллады. 36#Чыкъ 14.27-31; Текр 1.3; 8.2Бу адам Мысыр топрагъында, Къызыл денъизде, эм де къыркъ йыл девамында сахрада аджайип шейлер япып ве бельгилер косьтерип, Исраиль халкъыны чыкъарып юрсете эди. 37#Текр 18.15; Фаал 3.22Кене де Муса Исраиль огъулларына деди ки, Алла оны чагъырып кетиргени киби, бойле де этип, оларгъа агъа-къардашлары арасындан Пейгъамберни чагъырып кетиреджек эди. 38#Чыкъ 19.3; Текр 5.27Шу Муса сахрада халкъ топлашувы огюнде турып, Синай дагъында Мелекнен берабер лаф этти, бизим баба-деделеримизнен юре эди ве бизге еткизмек ичюн джанлы сёзлерни алды. 39#Чыкъ 16.3; Сай 11.4-6Онъа да баба-деделеримиз бойсунмагъа истемейип, оны ред эттилер, гонъюллерини Мысыр тарафкъа айландырдылар, 40#Чыкъ 32.1, 23Харунгъа: «Бизге огюмизден кетеджек аллаларны яп, чюнки бизни Мысыр топрагъындан чыкъаргъан бу Мусанен не олгъаныны бильмеймиз», – дедилер. 41#Чыкъ 32.4-6; Еш 2.8О куньлерде бир бугъаны ясадылар, путкъа къурбан чалып, озь къолларынен яраткъанына къувандылар. 42#Текр 4.19; Збр 80.13Алла исе юзь чевирип, оларгъа коктеки кунешке, айгъа ве йылдызлар ордусына ибадет этмеге ёл берди. Пейгъамберлер китабында язылгъаны киби:
– Эй, Исраиль эви! Къыркъ йыл сахрада кезгенлеринъизде, къурбан чалып, Манъа бахшыш бердинъизми?
43 #
3 Пад 11.5-7; 4 Пад 23.13; Ам 5.25-27 Сиз Молохнынъ чадырыны ве алланъыз Рефаннынъ йылдызыны котерип юре эдинъиз.
Озьлеринъизге пут эйкеллерини ясап, оларгъа бель буктинъиз.
Шу себептен Мен сизлерни Вавилондан узакъча сюргюн этеджегим.
44 #
Чыкъ 25.40; 38.21; Сыр 15.5 Сахрада бабаларымызда Шаатлыкъ Чадыры бар эди. Бу Чадырны Алла Мусагъа, онъа косьтерильген орьнекке коре ясамагъа буюргъан эди. 45#Ехо 3.10, 14-17Бабаларымыз Ехошуанен берабер Чадырны алды да, Алла деделеримизнинъ огюнден къувгъан халкъларнынъ топракъларына алып бардылар. Давутнынъ куньлерине къадар Чадыр оларнынъ араларында къалды. 46#2 Пад 7.1-2; 3 Пад 8.17; Збр 88.20-21Алланынъ хайырыны тапкъан Давут, Якъупнынъ несилине бир Мескен къурып берейим деп, разылыкъ сорады. 47#3 Пад 6.1-38Амма Аллагъа Сулейман эв курып берди.
48 #
3 Пад 8.27; Фаал 17.24 Лякин Юдже Алла инсан къолунен япылгъан эвлерде яшамай. О пейгъамбер агъзы иле айткъаны киби:
49– Коклер – тахтым, ер юзю – аякъларыма таяма.
Сизлер Манъа насыл эв къурарсынъыз? – деп сорай Рабби. –
Я да Манъа раатланмакъ ичюн насыл ер бар экен?
50 #
Еш 66.1-2
Буларнынъ эписини яраткъан Меним къолум дегильми?
51 #
Чыкъ 32.9; Текр 10.16; Йрм 4.4; 9.26; Еш 63.10; Мал 3.6 Эй, энъсеси къаткъанлар! Юреги ве къулакълары сюннет олмагъанлар! Бабаларынъыз киби сизлер де эр вакъыт Мукъаддес Рухкъа къаршы чыкъасынъыз. 52#3 Пад 18.4; 2 Тар 24.21; Йрм 2.30; Мт 23.37Бабаларынъыз пейгъамберлерден къайсы бирисини къувмадылар? Олар Инсафлы Олгъаннынъ келеджегини хабер эткенлерни ольдюрдилер. Сизлер де энди Оны саткъан ве ольдюрген адамлар олдынъыз! 53#Текр 33.2; Гал 3.19; Еуд 2.2Алладан мелеклер сизге Къанунны кетирдилер, амма сиз оны беджермединъиз! – деди.
Стефанны ташларнен уралар
54 #
Фаал 5.33
Шура азалары бу сёзлерни эшиткенде, къутурдылар ве Стефангъа къаршы тишлерини гъыджырдаттылар. 55#Чыкъ 24.16; Еш 6.1; Збр 109.1; Мк 16.19Мукъаддес Рухкъа толгъан Стефан исе кокке тикилип бакъты да, Алланынъ парылдагъан Шуретини ве Онынъ онъ тарафында тургъан Исаны корьди.
56 #
Збр 109.1; Дан 7.13; Мк 1.10; 16.19; Фаал 7.56; Еуд 1.3 – Мына, мен кокнинъ ачылып кеткенини ве Алланынъ онъ тарафында тургъан Инсан Огълуны корем! – деди о.
57Олар исе къулакъларыны къапатып, эписи къычыра-къычыра бирлешип, Стефаннынъ устюне атылдылар, 58#Лев 24.14-16; Сай 15.35-36; 3 Пад 21.13; Фаал 8.1; 22.20оны шеэрден тышарыгъа сюйреклеп чыкъардылар ве ташларнен урып башладылар. Онъа къаршы шаатлыкъ эткен адамлар усть урбаларыны Саул деген бир огъланнынъ аякълары алдына ташладылар. 59#Збр 30.6; Лк 23.46Ташларнен урулгъан вакъытта, Стефан дува окъуп:
– Рабби Иса, рухумны къабул эт! – деди.
60 #
Лк 22.41; 23.34 Ахырында тиз чёкип, къатты сеснен къычырып:
– Рабби, бу гунаны оларнынъ бойнуна юклеме! – деди.
Буны айтып, джан берди.
Currently Selected:
Фаалиет 7: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
Фаалиет 7
7
Стефаннынъ нуткъу
1Баш руханий Стефандан:
– Бу сёзлер догърумы? – деп сорады. 2#Баш 11.31; 12.4Стефан сёз алып, бойле деди:
– Эй, дин къардашлар ве бабалар, мени динъленъиз! Ибраим бабамыз Харан шеэрине кочип, анда ерлешмезден эвель, даа Месопотамияда олгъанда, онъа шерефли Алла корюнди 3#Баш 12.1ве: «Озь юртунъдан чыкъып, сой-сопларынъны къалдыр да, Мен санъа косьтереджек ерге кет», – деди. 4#Баш 11.32О вакъыт Ибраим къасдийлилернинъ топрагъындан чыкъып, Харан шеэринде ерлешти. Бабасы ольген сонъ, Алла Ибраимни о ерден мында, сизлер яшагъан ерге кочюрди. 5#Баш 12.7; 13.15; 15.3, 18; 18.10Бу ерде онъа аякъ басмагъа оладжакъ бир парча топракъны биле бермеди. Лякин онынъ баласы даа олмаса да, Алла бу ерни онъа ве онынъ эвлядына береджегине сёз берди. 6#Баш 15.13; Чыкъ 12.40Алла онъа:
– Сенинъ эвлятларынъ гъурбетликте кельмешек оладжакълар;
оларны къул этип дёрт юз йыл зулум этеджеклер.
7 #
Баш 15.14; Чыкъ 3.12 Амма оларны къул эткен миллетни Мен махкеме этеджегим.
Бундан сонъ олар андан кетеджек,
бу ерде Манъа ибадет этеджеклер, – деди.
8 #
Баш 17.9-14; 21.2-4; 25.26; 29.31-35; 30.5-24 Сонъ Алла оларгъа сюннет васиетини берди. Ибраим Исхакънынъ бабасы олып, огълуны секиз куньлюк олгъанда сюннет этти. Исхакъ Якъупны, Якъуп он эки къабилемизнинъ бабаларыны сюннет этти.
9 #
Баш 37.11, 28; 39.2 Бабаларымыз Юсуфны пахыллап, оны Мысыргъа саттылар. Лякин онен Алла эди. 10#Баш 41.37-43О, Юсуфны бутюн белялардан азат этип, Мысыр падишасы фыравуннынъ козюнде онъа буюк мерамет ве акъыл берди. Фыравун Юсуфны Мысыр ве бутюн сарайы устюнде аким этип къойды. 11Ондан сонъ бутюн Мысыр ве Ханаан улькелеринде ачлыкъ ве буюк къайгъы девири башланды. Бабаларымызда ашамагъа аш къалмады. 12#Баш 42.1-5Якъуп, Мысырда богъдай олгъаныны эшитип, биринджи кере бабаларымызны анда ёллады. 13#Баш 43.1-15; 45.1-4Экинджи кере баргъанларында, Юсуф озюни агъа-къардашларына танытты. Бойлеликнен, фыравун Юсуфнынъ сой-сопларыны бильди. 14#Баш 45.9-10; 46.27Юсуф хабер ёллап, бабасы Якъупны ве етмиш беш адамдан олгъан бутюн сой-сопларыны чагъыртып алды. 15#Баш 46.5, 28; 49.33; Чыкъ 1.6Якъуп Мысыргъа барды, озю ве бабаларымыз о ерде кечинди. 16#Баш 50.25; Ехо 24.32Оларнынъ джесетлери Шекем шеэрине кетирилип, Ибраимнинъ Шекемде Хамор огъулларындан кумюш парагъа сатын алгъан къабринде дефн этильдилер.
17 #
Чыкъ 1.7, 12 Алла Ибраимге сёз бергенини беджермек вакъты якъынлашкъанда, Исраиль халкъы Мысырда осе ве чокълаша эди. 18#Чыкъ 1.8О вакъыт Мысырда Юсуфны бильмеген башкъа бир падиша тахткъа чыкъты. 19#Чыкъ 1.10-11, 16Бу падиша халкъымызгъа къаршы зулум, бабаларымызгъа хаинлик япа башлады, янъы догъгъан балаларны ташлатып, оларны олюм панджасына берди. 20#Чыкъ 2.2-3; Еуд 11.23Шу вакъыт Алла пек гузель этип яраткъан Муса догъды, учь ай бабасынынъ эвинде бакъылды. 21#Чыкъ 2.3-10Мусаны ташлап кеткенлерден сонъ, оны фыравуннынъ къызы тапты ве озь огълу киби тербие этти. 22Мусагъа мысырлыларнынъ бутюн илимини огреттилер; о эм сёзде, эм иште усталыкъ косьтере эди.
23Муса къыркъ яшыны толдургъанда, онынъ юрегинде къардашларыны, Исраиль огъулларыны барып корьмек арзусы догъды. 24#Чыкъ 2.11-12Котек ашагъан бир адамны корьгенде, онынъ тарафыны алып, мысырлыны ольдюрди, джаны агъырткъаннынъ акъкъыны алды. 25О, Алла меним ярдымымнен оларгъа къуртулыш береджегини агъа-къардашларым анълар, деп тюшюне эди. Лякин олар анъламадылар. 26Эртеси куню Муса базыларнынъ котеклешкенлерини корьди. Оларны муаббетлештирмеге истеп:
– Акъайлар, сизлер агъа-къардаш олып, не ичюн бир-биринъизнинъ джанынъызны агъыртасынъыз? – деди. 27Лякин къардашынынъ джаныны агъырткъан адам Мусаны итеп:
– Сени бизге башлыкъ ве къады этип ким къойды? 28#Чыкъ 2.13-14Тюневин мысырлыны ольдюргенинъ дайын, мени де ольдюрмеге истейсинъми? – деди. 29#Чыкъ 2.15, 22; 18.3-5Бу сёзлерни эшитип, Муса къачып кетти. Мидьян деген ерде ябанджы олып яшады, ве анда онынъ эки огълу догъды.
30 #
Чыкъ 3.2
Къыркъ йыл кечкен сонъ, Синай дагъы янындаки сахрада янаяткъан чалынынъ алеви ичинден Мусагъа Мелек корюнди. 31Муса бу аджайип шейни корип, пек тааджипленди. Оны яхшыджа бакъмакъ ичюн якъынлашкъанда, Раббининъ сеси эшитильди.
32 #
Чыкъ 3.6
– Мен бабаларынънынъ Алласы, Ибраимнинъ, Исхакънынъ ве Якъупнынъ Алласы олам, – деди О. Муса къоркъудан къалтырап, козьлерини котерип бакъмагъа джесарет этмеди. 33#Ехо 5.15Рабби онъа:
– Аякъларынъдан аякъкъапларынъны чыкъар. Сен тургъан ер – мукъаддес ердир. 34#Чыкъ 3.5, 8-10Мен Мысырда олгъан халкъымнынъ зулумыны корип, инъильтисини эшиттим ве оларны къуртармакъ ичюн коктен тюштим. Энди бар, Мен сени Мысыргъа ёллайджагъым, – деди.
35 #
Чыкъ 2.14
Адамлар: «Сени бизге башлыкъ ве къады этип ким къойды?» – деп ред эткен мына бу Муса эди. Чалыда Мусагъа корюнген Мелекнинъ ярдымынен Алла Мусаны башлыкъ ве къуртарыджы этип ёллады. 36#Чыкъ 14.27-31; Текр 1.3; 8.2Бу адам Мысыр топрагъында, Къызыл денъизде, эм де къыркъ йыл девамында сахрада аджайип шейлер япып ве бельгилер косьтерип, Исраиль халкъыны чыкъарып юрсете эди. 37#Текр 18.15; Фаал 3.22Кене де Муса Исраиль огъулларына деди ки, Алла оны чагъырып кетиргени киби, бойле де этип, оларгъа агъа-къардашлары арасындан Пейгъамберни чагъырып кетиреджек эди. 38#Чыкъ 19.3; Текр 5.27Шу Муса сахрада халкъ топлашувы огюнде турып, Синай дагъында Мелекнен берабер лаф этти, бизим баба-деделеримизнен юре эди ве бизге еткизмек ичюн джанлы сёзлерни алды. 39#Чыкъ 16.3; Сай 11.4-6Онъа да баба-деделеримиз бойсунмагъа истемейип, оны ред эттилер, гонъюллерини Мысыр тарафкъа айландырдылар, 40#Чыкъ 32.1, 23Харунгъа: «Бизге огюмизден кетеджек аллаларны яп, чюнки бизни Мысыр топрагъындан чыкъаргъан бу Мусанен не олгъаныны бильмеймиз», – дедилер. 41#Чыкъ 32.4-6; Еш 2.8О куньлерде бир бугъаны ясадылар, путкъа къурбан чалып, озь къолларынен яраткъанына къувандылар. 42#Текр 4.19; Збр 80.13Алла исе юзь чевирип, оларгъа коктеки кунешке, айгъа ве йылдызлар ордусына ибадет этмеге ёл берди. Пейгъамберлер китабында язылгъаны киби:
– Эй, Исраиль эви! Къыркъ йыл сахрада кезгенлеринъизде, къурбан чалып, Манъа бахшыш бердинъизми?
43 #
3 Пад 11.5-7; 4 Пад 23.13; Ам 5.25-27 Сиз Молохнынъ чадырыны ве алланъыз Рефаннынъ йылдызыны котерип юре эдинъиз.
Озьлеринъизге пут эйкеллерини ясап, оларгъа бель буктинъиз.
Шу себептен Мен сизлерни Вавилондан узакъча сюргюн этеджегим.
44 #
Чыкъ 25.40; 38.21; Сыр 15.5 Сахрада бабаларымызда Шаатлыкъ Чадыры бар эди. Бу Чадырны Алла Мусагъа, онъа косьтерильген орьнекке коре ясамагъа буюргъан эди. 45#Ехо 3.10, 14-17Бабаларымыз Ехошуанен берабер Чадырны алды да, Алла деделеримизнинъ огюнден къувгъан халкъларнынъ топракъларына алып бардылар. Давутнынъ куньлерине къадар Чадыр оларнынъ араларында къалды. 46#2 Пад 7.1-2; 3 Пад 8.17; Збр 88.20-21Алланынъ хайырыны тапкъан Давут, Якъупнынъ несилине бир Мескен къурып берейим деп, разылыкъ сорады. 47#3 Пад 6.1-38Амма Аллагъа Сулейман эв курып берди.
48 #
3 Пад 8.27; Фаал 17.24 Лякин Юдже Алла инсан къолунен япылгъан эвлерде яшамай. О пейгъамбер агъзы иле айткъаны киби:
49– Коклер – тахтым, ер юзю – аякъларыма таяма.
Сизлер Манъа насыл эв къурарсынъыз? – деп сорай Рабби. –
Я да Манъа раатланмакъ ичюн насыл ер бар экен?
50 #
Еш 66.1-2
Буларнынъ эписини яраткъан Меним къолум дегильми?
51 #
Чыкъ 32.9; Текр 10.16; Йрм 4.4; 9.26; Еш 63.10; Мал 3.6 Эй, энъсеси къаткъанлар! Юреги ве къулакълары сюннет олмагъанлар! Бабаларынъыз киби сизлер де эр вакъыт Мукъаддес Рухкъа къаршы чыкъасынъыз. 52#3 Пад 18.4; 2 Тар 24.21; Йрм 2.30; Мт 23.37Бабаларынъыз пейгъамберлерден къайсы бирисини къувмадылар? Олар Инсафлы Олгъаннынъ келеджегини хабер эткенлерни ольдюрдилер. Сизлер де энди Оны саткъан ве ольдюрген адамлар олдынъыз! 53#Текр 33.2; Гал 3.19; Еуд 2.2Алладан мелеклер сизге Къанунны кетирдилер, амма сиз оны беджермединъиз! – деди.
Стефанны ташларнен уралар
54 #
Фаал 5.33
Шура азалары бу сёзлерни эшиткенде, къутурдылар ве Стефангъа къаршы тишлерини гъыджырдаттылар. 55#Чыкъ 24.16; Еш 6.1; Збр 109.1; Мк 16.19Мукъаддес Рухкъа толгъан Стефан исе кокке тикилип бакъты да, Алланынъ парылдагъан Шуретини ве Онынъ онъ тарафында тургъан Исаны корьди.
56 #
Збр 109.1; Дан 7.13; Мк 1.10; 16.19; Фаал 7.56; Еуд 1.3 – Мына, мен кокнинъ ачылып кеткенини ве Алланынъ онъ тарафында тургъан Инсан Огълуны корем! – деди о.
57Олар исе къулакъларыны къапатып, эписи къычыра-къычыра бирлешип, Стефаннынъ устюне атылдылар, 58#Лев 24.14-16; Сай 15.35-36; 3 Пад 21.13; Фаал 8.1; 22.20оны шеэрден тышарыгъа сюйреклеп чыкъардылар ве ташларнен урып башладылар. Онъа къаршы шаатлыкъ эткен адамлар усть урбаларыны Саул деген бир огъланнынъ аякълары алдына ташладылар. 59#Збр 30.6; Лк 23.46Ташларнен урулгъан вакъытта, Стефан дува окъуп:
– Рабби Иса, рухумны къабул эт! – деди.
60 #
Лк 22.41; 23.34 Ахырында тиз чёкип, къатты сеснен къычырып:
– Рабби, бу гунаны оларнынъ бойнуна юклеме! – деди.
Буны айтып, джан берди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016