Kata Lom 9
9
Ateemit al̥use bukanabuku kata Isilayeel
1Fan ilob mal̥egen li kajaw kata Kilisita, ilet li ímal. Buyinumabu búmbaam banabumuu li Buyinumabu Banabaabu, bulobonlob kaanaku wahawu wan ilobumuu mal̥egen. 2Buyinaabu bammuu lí ínje bululluuk ŋáa’, jilum jayilaat jiban jóomi li buyinumabu búmbaam. 3Nokoomuu loon li ñúmbaam bale, Ateemit li ahoyom ínje humumom, min ígaatulooli li Kilisita mantee kutuyom li kufak, buko kammuu kusuwif loon ínje. 4Buko kommuu bukanabuku kata Isilayeel. Ateemit lajokiijok bañoolool, ban li aseniil máyiineniyamu moola, li ajokiil húfaalum, li aseniil eluwaayi, li áhiisiil buu kommuu kunaak kasal Ateemit, ban li alob kaseniil wah wajake, 5ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!#9:5 Situubayiil sihaan: so sommuu Abulaham, Isaak, Sakob li bañoolool
6Eenut mantee hulimahu han Ateemit alobumuu hulaañut hubaj jáliŋ. Li mal̥egenamu, let bubukoolumabu bata Isilayeel foof bo feh bóomi bukan kata Isilayeel yata mal̥egen#9:6 Unte Isilayeel akila kunaake kommuu Sakob (Húkitumahu 32:29). 7Ban foof bubukoolumabu bata Abulaham inti foof bo feh bóomi bañoolool bata mal̥egen, mata Ateemit lansaan Abulaham: «Bañiilabu ban ilobumuu kaseni, li Isaak lóomimuu li úbajumiil#Húkitumahu 21:12.» 8Yo yommuu: let bañiilabu babukimuu loon añiil abukeyimuu, kommuu li kulako bañiilabu bata Ateemit, bale bañiilabu ban Ateemit alobumuu kaseni buko bale kommuu kulako bubukoolumabu booli bata mal̥egen. 9Ateemit muñeˈe lalobumuu mata wahawu wan alobumuu kasen Abulaham: «Líiŋumuu li taŋayi inye bunak, fan ílaañul ban fan took Saala mabaje añiil#Húkitumahu 18:10-14.»
10Ban banut: Lobeka foof ummu. Bañolool búl̥uba ban abajumuu li atuubawolaal ahaan Isaak, mál̥uba. 11-12Wahawu wáhiisumuu kaanaku bal̥usabu bata ano li bañiilabu bulakolako li mal̥egen húnongumahu hata Ateemit, wo wommuu Ateemit humumool lansaan Lobeka: «Añiilawu ahaanawu fan alako amiikeel ata ahaŋumuu mañiilo.» Ateemit lalollob kulimaku unku tówum kubuki, tówum kuyili kukaan majake mantee foof majakut. Min lako, Ateemit al̥usumuu bukan, let ajuke li wahawu wan bukanabuku umbuku kukaanumuu, bale fan ahooñiil naboo li húnongumahu hoola#Húkitumahu 25:23. 13Wahawu unwu unaboonaboo li hulimahu han Ateemit alobumuu aan:
«Sakob lifañumuu,
min ihoy Esáyii#Malaki 1:2-3.»
14Muñeˈe boot min oonaal buu? Waa, Ateemit akaanut col? Let mo. 15Li mal̥egenamu, Ateemit lansaan Móyiis:
«Fan íyiyen anawu an ifañumuu min íyiyen,
ban li ibonket anawu an ifañumuu min ibonket#Húwuyahu 33:19.»
16Mó mújimuu, bal̥usabu bata Ateemit li káyiyenaku koola bubilume, bale bubilumut li húnongum hata an, bubilumut foof li bakaane bata an. 17Li Bakiicelabu, Ateemit lansaan ló áyiiyawu ata Ejíf: «Likaanikaan ulako áyii boot mata min íhiisum li awu sembaasu súmbaam, li boot mata min kajawaku kúmbaam kujamo tanootan li etaamayi#Húwuyahu 9:16.» 18Mó mújimuu, Ateemit fan áyiyen an an afañe, li al̥aal̥en buyinum bata an an súumool.
Etindihuuñayi yata Ateemit lí káyiyenaku koola
19Manooman nakee fan oonom: «Kama muñowu waa wommuu li úji Ateemit lí áati alaañ awatatenolaal? Ayimaa ayilo ahoy húnongumahu hata Ateemit?» 20Awu ammuu ál̥ahukowan, awu ommuu ayi boot mata min úhoogul Ateemit? Mantee ateefaay layilo aan ateefa ubala: «Wáa újimuu li uteefom inokoo loon muñeˈe?» 21Ateefa ubala layilo akaan enuncaayayi loon afañumuu. Layilo aŋa’ enuncaayayi yanolayi min ateef kabala katiineniye, layilo foof aŋa’ yo min ateef kabala kaŋooto.
22Ateemit ammuu ateefaawu, lafanfañ min áhiis bukanabuku etindihuuñayi yoola, ban li akaaniil min kuhaas sembaasu soola. Mó mújimuu bukanabuku katookeenumuu min aniileniil li etindihuuñayi yoola, lámuñiimuñ ŋáa’ li hujokoo ló. 23Lakankaan loon muñaˈa min áhiis maluukamu mata máyiineniyamu moola bukanabuku kan áyiyenumuu, kan afimmuu min afaleˈe yaan no boot mata min kulako li máyiineniyamu moola. 24Bukanabuku umbuku buko kommuu ololaal jan Ateemit áhooñulumuu, ban let li kusuwifaku bale láhooñumulolaal, bale foof li bukanabuku kaletumuu kusuwif. 25Wahawu unwu Ateemit alobumuu li éliibalayi yata afulofetawu Oóse kaanaku:
«Bukanabuku kaletumuu kúmbaam,
fan ihooñiil bukanom,
ehet yan ifañeenut,
fan ihooñ yo ehet yan íbooliye ŋáa’#Oóse 2:25.
26Ban tan kooneeniilumuu:
“Jilet bukan kúmbaam”,
fan kuhooñiil to bañiil bata Ateemitawu
aloŋumuu#Oóse 2:1.»
27 Esay okila li alob butiya mata Isilayeel aan: «Maayeet min kata Isilayeel kukite kumeeŋ loon mul̥uyisamu mammuu bata katantaku kata halahu, bale bukan kafamut bale kóomi li kufak li buko, 28mata wahawu wan Amaaŋenawu alobumuu fan akaan wo boot to li mahile li etaamayi#Esay 10:22-23.» 29Loon foof Esay alob nomuu ákibben:
«Ateemit áwuwenumuu wahawu feh,
akateenutolaamu bubukoolum,
fan unokooleenaal li ésukayi yata Sodom,
fan unokooleenaal foof li ésukayi yata Gomool#Esay 1:9.»
30Muñeˈe boot kama min oonaal buu? Boot min oonaal: bukan kalet kusuwif ban kalakowut huŋes min kulako bukan kacole hákil Ateemit, Ateemit lakaaniikaan kulako bukan kacole hákilool, humum hata káyinenaku kooliil. 31Bale bukanabuku kata Isilayeel kalakomuu huŋes min kújowum li eluwaayi min kulako bukan kacole hákil Ateemit, kubilut kuyili kújowum lí yó min kulako bukan kacole. 32Wáa újimuu kuyilaat? Mata kusuwifaku kuyinoolut kaanaku macolamu ummu li káyinen muyilimuu mubilumul, min buko kuyinoo li koon kuyilo kulako bukan kacole humum hata bakaanelabu booliil. Li kujonten li huyitikahu hájiyiilumuu li kulo, 33loon Bakiicelabu bulobumuu:
«Boot min ikaan li ésukayi yata Siyoŋ huyitik dán
bukanabuku kóomi li kunaak kujonten,
húlankiin hájiye bukanabuku li kunaak kulo.
Bale an áyinenumuu li ho, let áyeko#Esay 28:16; 8:14.»
Currently Selected:
Kata Lom 9: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Kata Lom 9
9
Ateemit al̥use bukanabuku kata Isilayeel
1Fan ilob mal̥egen li kajaw kata Kilisita, ilet li ímal. Buyinumabu búmbaam banabumuu li Buyinumabu Banabaabu, bulobonlob kaanaku wahawu wan ilobumuu mal̥egen. 2Buyinaabu bammuu lí ínje bululluuk ŋáa’, jilum jayilaat jiban jóomi li buyinumabu búmbaam. 3Nokoomuu loon li ñúmbaam bale, Ateemit li ahoyom ínje humumom, min ígaatulooli li Kilisita mantee kutuyom li kufak, buko kammuu kusuwif loon ínje. 4Buko kommuu bukanabuku kata Isilayeel. Ateemit lajokiijok bañoolool, ban li aseniil máyiineniyamu moola, li ajokiil húfaalum, li aseniil eluwaayi, li áhiisiil buu kommuu kunaak kasal Ateemit, ban li alob kaseniil wah wajake, 5ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!#9:5 Situubayiil sihaan: so sommuu Abulaham, Isaak, Sakob li bañoolool
6Eenut mantee hulimahu han Ateemit alobumuu hulaañut hubaj jáliŋ. Li mal̥egenamu, let bubukoolumabu bata Isilayeel foof bo feh bóomi bukan kata Isilayeel yata mal̥egen#9:6 Unte Isilayeel akila kunaake kommuu Sakob (Húkitumahu 32:29). 7Ban foof bubukoolumabu bata Abulaham inti foof bo feh bóomi bañoolool bata mal̥egen, mata Ateemit lansaan Abulaham: «Bañiilabu ban ilobumuu kaseni, li Isaak lóomimuu li úbajumiil#Húkitumahu 21:12.» 8Yo yommuu: let bañiilabu babukimuu loon añiil abukeyimuu, kommuu li kulako bañiilabu bata Ateemit, bale bañiilabu ban Ateemit alobumuu kaseni buko bale kommuu kulako bubukoolumabu booli bata mal̥egen. 9Ateemit muñeˈe lalobumuu mata wahawu wan alobumuu kasen Abulaham: «Líiŋumuu li taŋayi inye bunak, fan ílaañul ban fan took Saala mabaje añiil#Húkitumahu 18:10-14.»
10Ban banut: Lobeka foof ummu. Bañolool búl̥uba ban abajumuu li atuubawolaal ahaan Isaak, mál̥uba. 11-12Wahawu wáhiisumuu kaanaku bal̥usabu bata ano li bañiilabu bulakolako li mal̥egen húnongumahu hata Ateemit, wo wommuu Ateemit humumool lansaan Lobeka: «Añiilawu ahaanawu fan alako amiikeel ata ahaŋumuu mañiilo.» Ateemit lalollob kulimaku unku tówum kubuki, tówum kuyili kukaan majake mantee foof majakut. Min lako, Ateemit al̥usumuu bukan, let ajuke li wahawu wan bukanabuku umbuku kukaanumuu, bale fan ahooñiil naboo li húnongumahu hoola#Húkitumahu 25:23. 13Wahawu unwu unaboonaboo li hulimahu han Ateemit alobumuu aan:
«Sakob lifañumuu,
min ihoy Esáyii#Malaki 1:2-3.»
14Muñeˈe boot min oonaal buu? Waa, Ateemit akaanut col? Let mo. 15Li mal̥egenamu, Ateemit lansaan Móyiis:
«Fan íyiyen anawu an ifañumuu min íyiyen,
ban li ibonket anawu an ifañumuu min ibonket#Húwuyahu 33:19.»
16Mó mújimuu, bal̥usabu bata Ateemit li káyiyenaku koola bubilume, bale bubilumut li húnongum hata an, bubilumut foof li bakaane bata an. 17Li Bakiicelabu, Ateemit lansaan ló áyiiyawu ata Ejíf: «Likaanikaan ulako áyii boot mata min íhiisum li awu sembaasu súmbaam, li boot mata min kajawaku kúmbaam kujamo tanootan li etaamayi#Húwuyahu 9:16.» 18Mó mújimuu, Ateemit fan áyiyen an an afañe, li al̥aal̥en buyinum bata an an súumool.
Etindihuuñayi yata Ateemit lí káyiyenaku koola
19Manooman nakee fan oonom: «Kama muñowu waa wommuu li úji Ateemit lí áati alaañ awatatenolaal? Ayimaa ayilo ahoy húnongumahu hata Ateemit?» 20Awu ammuu ál̥ahukowan, awu ommuu ayi boot mata min úhoogul Ateemit? Mantee ateefaay layilo aan ateefa ubala: «Wáa újimuu li uteefom inokoo loon muñeˈe?» 21Ateefa ubala layilo akaan enuncaayayi loon afañumuu. Layilo aŋa’ enuncaayayi yanolayi min ateef kabala katiineniye, layilo foof aŋa’ yo min ateef kabala kaŋooto.
22Ateemit ammuu ateefaawu, lafanfañ min áhiis bukanabuku etindihuuñayi yoola, ban li akaaniil min kuhaas sembaasu soola. Mó mújimuu bukanabuku katookeenumuu min aniileniil li etindihuuñayi yoola, lámuñiimuñ ŋáa’ li hujokoo ló. 23Lakankaan loon muñaˈa min áhiis maluukamu mata máyiineniyamu moola bukanabuku kan áyiyenumuu, kan afimmuu min afaleˈe yaan no boot mata min kulako li máyiineniyamu moola. 24Bukanabuku umbuku buko kommuu ololaal jan Ateemit áhooñulumuu, ban let li kusuwifaku bale láhooñumulolaal, bale foof li bukanabuku kaletumuu kusuwif. 25Wahawu unwu Ateemit alobumuu li éliibalayi yata afulofetawu Oóse kaanaku:
«Bukanabuku kaletumuu kúmbaam,
fan ihooñiil bukanom,
ehet yan ifañeenut,
fan ihooñ yo ehet yan íbooliye ŋáa’#Oóse 2:25.
26Ban tan kooneeniilumuu:
“Jilet bukan kúmbaam”,
fan kuhooñiil to bañiil bata Ateemitawu
aloŋumuu#Oóse 2:1.»
27 Esay okila li alob butiya mata Isilayeel aan: «Maayeet min kata Isilayeel kukite kumeeŋ loon mul̥uyisamu mammuu bata katantaku kata halahu, bale bukan kafamut bale kóomi li kufak li buko, 28mata wahawu wan Amaaŋenawu alobumuu fan akaan wo boot to li mahile li etaamayi#Esay 10:22-23.» 29Loon foof Esay alob nomuu ákibben:
«Ateemit áwuwenumuu wahawu feh,
akateenutolaamu bubukoolum,
fan unokooleenaal li ésukayi yata Sodom,
fan unokooleenaal foof li ésukayi yata Gomool#Esay 1:9.»
30Muñeˈe boot kama min oonaal buu? Boot min oonaal: bukan kalet kusuwif ban kalakowut huŋes min kulako bukan kacole hákil Ateemit, Ateemit lakaaniikaan kulako bukan kacole hákilool, humum hata káyinenaku kooliil. 31Bale bukanabuku kata Isilayeel kalakomuu huŋes min kújowum li eluwaayi min kulako bukan kacole hákil Ateemit, kubilut kuyili kújowum lí yó min kulako bukan kacole. 32Wáa újimuu kuyilaat? Mata kusuwifaku kuyinoolut kaanaku macolamu ummu li káyinen muyilimuu mubilumul, min buko kuyinoo li koon kuyilo kulako bukan kacole humum hata bakaanelabu booliil. Li kujonten li huyitikahu hájiyiilumuu li kulo, 33loon Bakiicelabu bulobumuu:
«Boot min ikaan li ésukayi yata Siyoŋ huyitik dán
bukanabuku kóomi li kunaak kujonten,
húlankiin hájiye bukanabuku li kunaak kulo.
Bale an áyinenumuu li ho, let áyeko#Esay 28:16; 8:14.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.