Kata Fílib 1
1
Kasaafoo
1Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita.
Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.
2Ateemit Atuubawolaal li Amaaŋenawu Yéesu Kilisita kujow kusenuul káji ban li kukatuul kásuumaay.
Fool li al̥aw boot li kata Fílib káyinenumuu li Yéesu
3Nanoonan nan iyinooluul, li isal Ateemit. 4Lil̥awel̥aw nanoonan boot li bukuluul feh, ban lil̥awel̥aw li ésuumansuum ló, 5mata jilambenonlamben li kawaaleyaku kata Hulimahu Hásuumaahu yaan no li hunakahu hútinaalahu boot yok muñeˈe. 6Líyinene li mal̥egenom kaanaku Ateemit, átoŋumuu kakaan li bukuluul bulokabu umbu bajak muñowu, fan akaan bo boot yok nan ammuu li ahabel bo li hunakahu nan Yéesu Kilisita ammuu li álaañul. 7Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen. 8Ateemit lahaase aan mal̥egen, líbooliwuubooli foofuul feh ŋáa’ loon Yéesu Kilisita ábooliyemuu bukan.
9Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak, 10mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul. 11Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.
Kilisita ammuu buloŋabu
12Kutuyom, lifañe min jihaas kaanaku wahawu wabajommee, újiji li mal̥egenamu Hulimahu Hásuumaahu li huhaŋ majamo. 13Muñowu kusollaaliyaku feh kafooyemuu eluufayi yata áyiiyawu áamakawu li bukan kaabuku feh, kúhaasummuu kaanaku bulokabu ban emmuu li bo boot li Kilisita bújiwommuu li eeno li hukul̥. 14Kameeŋe li kutuyolaal li Amaaŋenawu, nan kuhaasumuu koon ínje ummu li hukul̥ahu li kubaj kawankulen, muñeˈe li kuhaŋ mabaj kakaañen min kunaak kulob Hulimahu hata Ateemit, ban mabajut ekole yanooyan.
15Mal̥egen kukee li buko kásiibo li búhaŋoo bújiyiilumuu li kunaak kuwaale mata Kilisita, bale kaabuku kuwaaleyewaale mata Kilisita li buyinum bajake. 16Kawaaleyemuu mata Kilisita li buyinum bajake, húbooli hújiyiil li kukaan mo, mata kuhaase kaanaku elobayi yan ilobemuu bukanabuku eeniil Hulimahu Hásuumaahu mal̥egen, éjimuu li éemi taate. 17Kaabuku búhaŋoo bújiyiilumuu li kunaak kuwaale mata Kilisita. Buko umbuku uyinoolawu wooliil ucolut. Kayinooliil ko kommuu min kufamen sílaamasu súmbaam li hukul̥ahe.
18Kama waa? Uyinoolawu wooliil újakaatiwoo li újakoo, kaan min kaane kuwaaleye mata Kilisita bukanabuku. Wahawu unwu úsuumommuu ban fan unaak foof ukaanom ésuumansuum. 19Li mal̥egenamu, lihaase een wahawu unwumaa feh fan úbanum li kafakaku kúmbaam humum hata ul̥awawu wooluul li kalambenaku kata Buyinumabu bata Yéesu Kilisita kúji. 20Wahawu wan ikobemuu li wo ŋáa’ li wan íkangummuu li wo, wo wommuu jakum ibaj ñisuu li wahoowah, bale libaje kákangum káamak kaanaku muñeˈe loon foof nanoonan, maluukamu mata Kilisita fan múhiisi li eniilayi yúmbaam, lako li buloŋom mantee foof li eketom. 21Li mal̥egenamu, ínje buloŋabu bo bommuu Kilisita, eketayi hubaj húmbaam. 22Bale nokoomuu loon iloŋumuu fan iyili ilaañen ikaan bulok babaje jáliŋ, kama let ihaas waa léemi li iman. 23Wah úl̥uba uñakoole lí ínje: lifañe min ífu’ li buloŋabu umbe min ijow inaben Kilisita, ban foof fan súumom ŋáa’, 24bale kalako li buloŋabu umbe kuhaŋe majak mata bukuluul jíji. 25Mó mújimuu, hiitonhiit jak kaanaku fan ilako li buloŋabu umbe, min ilako li bukuluul foofuul feh boot mata bánkabu booluul, min jibaj ésuumahukow li káyinenaku kooluul, 26mantee nan ínje emmuu ilaañen ílaañul booluul, kasalaku kan jibajumuu li Yéesu Kilisita, li kuhaŋ maluuk mata ínje íji.
27Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen. 28Jakum jikat kulatoolawuul min kúkoyilenuul li wahoowah. Wahawu unwu wommuu li úhiisiil kaanaku kújinjim, bukuluul li úhiisuul kaanaku jumbuku li bútinabu bata kafakaku. Wahawu unwu li Ateemit ubilumulo. 29Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila. 30Muñeˈe bukuluul jumbuku ló li katajaku kan jijukumuu kaanaku ko lilakowe, ban jihaase joon liloŋe li ko.
Currently Selected:
Kata Fílib 1: cskDBL
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Kata Fílib 1
1
Kasaafoo
1Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita.
Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.
2Ateemit Atuubawolaal li Amaaŋenawu Yéesu Kilisita kujow kusenuul káji ban li kukatuul kásuumaay.
Fool li al̥aw boot li kata Fílib káyinenumuu li Yéesu
3Nanoonan nan iyinooluul, li isal Ateemit. 4Lil̥awel̥aw nanoonan boot li bukuluul feh, ban lil̥awel̥aw li ésuumansuum ló, 5mata jilambenonlamben li kawaaleyaku kata Hulimahu Hásuumaahu yaan no li hunakahu hútinaalahu boot yok muñeˈe. 6Líyinene li mal̥egenom kaanaku Ateemit, átoŋumuu kakaan li bukuluul bulokabu umbu bajak muñowu, fan akaan bo boot yok nan ammuu li ahabel bo li hunakahu nan Yéesu Kilisita ammuu li álaañul. 7Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen. 8Ateemit lahaase aan mal̥egen, líbooliwuubooli foofuul feh ŋáa’ loon Yéesu Kilisita ábooliyemuu bukan.
9Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak, 10mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul. 11Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.
Kilisita ammuu buloŋabu
12Kutuyom, lifañe min jihaas kaanaku wahawu wabajommee, újiji li mal̥egenamu Hulimahu Hásuumaahu li huhaŋ majamo. 13Muñowu kusollaaliyaku feh kafooyemuu eluufayi yata áyiiyawu áamakawu li bukan kaabuku feh, kúhaasummuu kaanaku bulokabu ban emmuu li bo boot li Kilisita bújiwommuu li eeno li hukul̥. 14Kameeŋe li kutuyolaal li Amaaŋenawu, nan kuhaasumuu koon ínje ummu li hukul̥ahu li kubaj kawankulen, muñeˈe li kuhaŋ mabaj kakaañen min kunaak kulob Hulimahu hata Ateemit, ban mabajut ekole yanooyan.
15Mal̥egen kukee li buko kásiibo li búhaŋoo bújiyiilumuu li kunaak kuwaale mata Kilisita, bale kaabuku kuwaaleyewaale mata Kilisita li buyinum bajake. 16Kawaaleyemuu mata Kilisita li buyinum bajake, húbooli hújiyiil li kukaan mo, mata kuhaase kaanaku elobayi yan ilobemuu bukanabuku eeniil Hulimahu Hásuumaahu mal̥egen, éjimuu li éemi taate. 17Kaabuku búhaŋoo bújiyiilumuu li kunaak kuwaale mata Kilisita. Buko umbuku uyinoolawu wooliil ucolut. Kayinooliil ko kommuu min kufamen sílaamasu súmbaam li hukul̥ahe.
18Kama waa? Uyinoolawu wooliil újakaatiwoo li újakoo, kaan min kaane kuwaaleye mata Kilisita bukanabuku. Wahawu unwu úsuumommuu ban fan unaak foof ukaanom ésuumansuum. 19Li mal̥egenamu, lihaase een wahawu unwumaa feh fan úbanum li kafakaku kúmbaam humum hata ul̥awawu wooluul li kalambenaku kata Buyinumabu bata Yéesu Kilisita kúji. 20Wahawu wan ikobemuu li wo ŋáa’ li wan íkangummuu li wo, wo wommuu jakum ibaj ñisuu li wahoowah, bale libaje kákangum káamak kaanaku muñeˈe loon foof nanoonan, maluukamu mata Kilisita fan múhiisi li eniilayi yúmbaam, lako li buloŋom mantee foof li eketom. 21Li mal̥egenamu, ínje buloŋabu bo bommuu Kilisita, eketayi hubaj húmbaam. 22Bale nokoomuu loon iloŋumuu fan iyili ilaañen ikaan bulok babaje jáliŋ, kama let ihaas waa léemi li iman. 23Wah úl̥uba uñakoole lí ínje: lifañe min ífu’ li buloŋabu umbe min ijow inaben Kilisita, ban foof fan súumom ŋáa’, 24bale kalako li buloŋabu umbe kuhaŋe majak mata bukuluul jíji. 25Mó mújimuu, hiitonhiit jak kaanaku fan ilako li buloŋabu umbe, min ilako li bukuluul foofuul feh boot mata bánkabu booluul, min jibaj ésuumahukow li káyinenaku kooluul, 26mantee nan ínje emmuu ilaañen ílaañul booluul, kasalaku kan jibajumuu li Yéesu Kilisita, li kuhaŋ maluuk mata ínje íji.
27Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen. 28Jakum jikat kulatoolawuul min kúkoyilenuul li wahoowah. Wahawu unwu wommuu li úhiisiil kaanaku kújinjim, bukuluul li úhiisuul kaanaku jumbuku li bútinabu bata kafakaku. Wahawu unwu li Ateemit ubilumulo. 29Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila. 30Muñeˈe bukuluul jumbuku ló li katajaku kan jijukumuu kaanaku ko lilakowe, ban jihaase joon liloŋe li ko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.