Kata Galasi 1
1
Kasaafoo
1Injé Fool áamimuu afootal ata Yéesu Kilisita ikiiculo eleetalayi inye, ban inti li búkaanum bata bukan, inti foof bata an léemum afootal, bale li búkaanum bata Yéesu Kilisita li bata Ateemit Atuubaawu ayitenumuloomuu li eketayi. 2Injé li kutuyolaal#1:2 Kutuyolaal: Inti yo yommuu kánayine bale, kanaale foof kumbuku ló feh kammee baabe jikiiculo eleetalayi inye min jisaaf bukanabuku kata sijanguwasu sammuu li etaamayi yata Galasi. 3Ateemit Atuubawolaal li Amaaŋenawu Yéesu Kilisita kujow kusenuul kúji ban li kukatuul kásuumaay. 4Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal. 5Máyiineniyamu mujow mulako mata Ateemit boot nanoonan! Aameen.
Hulim Hásuume hano bale hubaje
6Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume#1:6 Hulim Hásuume Lomeŋ. 1:6; Galat. 1:15; 5:8. Kanaake kuliikenumuu bukanabuku Hulimahu unhu han koonemuu Hásuume, koone an afañumuu min afak, min abaj buloŋ bábaneliit, anawu ummu laate áyinen li Yéesu, bale foof laate anab li siluwaasu sata kusuwifaku, háŋum yalobumuu mata katey búkut li yalobumuu foof mata káfunnako li bukanabuku kaletumuu kusuwif. Hulimahu unhu Fool aanumuu “Hulim Hásuume” hakee» hukee. 7Li mal̥egenamu, «hulim hásuume» hakee hubajut, bale lilobuulob loon muñowu mata baje bukan káami li kalillimenuul, min kufañ kutiiw Hulimahu Hásuumaahu hata Kilisita. 8Bale kaanumuu loon akee — maayeet min kite lako áloli, mantee foof amalaka ata emitayi — alobuul Hulim Hásuume hábuto li han áloli jilobuulumuu, katek kujow kulako li anawu ummu! 9Jilobeenuulob mo, ban muñeˈe boot min jilaañen jilobuul kaanaku: an alobuulumuu Hulim Hásuume húbuti li han jiyabumuu, Ateemit ajow abeten anawu ummu li sambun.
10Muñeˈe buu jiyinoole? Mantee ínje huŋes léemi li ho min bukanabuku kusalom, mantee min Ateemit asalom? Mantee huŋes léemi li ho min ikaan bukanabuku súumiil? Nokoomuu loon ínje liloŋe li iŋes min ikaan bukanabuku súumiil, kama ilet aloka ata Kilisita.
Ateemit li al̥us Fool alako afootal
11Kutuyom, fan ilobuul: Hulimahu Hásuumaahu han ilobuulumuu, hubilumuloot li an. 12Inti li an líyabum hó, an foof aliikenutom ho, bale Yéesu Kilisita humumool alobom ho.
13Li mal̥egenamu, jijanjam buu linaake ikaanumuu nan ilakomuu li bútinabu bata kusuwifaku. Jihaase buu lihankenumuu min ílaamen Ejanguwayi yata Ateemit, ban li ikaan manooman mantee li iyiis yo. 14Kameeŋe li kufaalom kusuwif kata jamaanewom, ínje ihaŋiil no mahanken li bútinabu bata kusuwifaku, li ihaŋiil no máyikil̥o ŋáa’ li múkaaniinamu mata situubawom sihaan.
15Bale Ateemit, li kájiyaku koola lal̥usumom ítowum ibuki, ban li ahooñom boot bulok boot li akila. 16Muñeˈe nan anongumuu min akaanom ihaas Añoolool mantee li ikaan bukanabuku kaletumuu kusuwif min kuhaasool, iyaanut ijow igel̥l̥en an min asaabom. 17Ijowut foof boot Yeelusalem ijow ijuk bukanabuku kajandommuu kulako kufootal, bale liyansaan ijow boot li etaamayi yata Aalabi#1:17 Aalabi: inti etaamayi yata Aalabi yata síyaat, etaamayi yata jáyiiyaju jata kunabeteyeŋaku (2 Koolentiyeŋ 11:32). Kusuwif kameeŋe bo kukin no. Wahawu unwu újimuu Fool li ajow no boot bo ajow awaale Hulimahu Hásuumaahu kusuwifaku. Wahawu unwu foof úhiisumuu wáa újimuu áyiiyawu Aletaas li atiik Fool (2 Koolentiyeŋ 11:32), ban li ílaañumul bo boot li ésukayi yata Damaas. 18Nan fú’ tómuu, jow baj simit síhaaji, li ijow boot Yeelusalem ijow bahaas Fiyeel, ban li ilako boola kunak koono kaat bale. 19Ijukut afootal akee. Saak bale lijuke ammuu atuyawu ata Amaaŋenawu. 20Wahawu wan ikiiculuulumuu mal̥egen. Ateemit lahaase aan ímalut.
21Fúlum tó, li ijow boot li etaamayi yata Siili li yata Silisi. 22Bukanabuku káyinenumuu li Kilisita kata sijanguwasu sammuu li etaamayi yata Súde kuhaasutom li buul. 23Kujanjam bale bukan li kulobiil kooniil: «Anawu anaake álaamenolaalumuu naanaŋ, ummu muñeˈe li kawaale káyinenaku li Yéesu Kilisita, kan afañeenumuu akajen.» 24Ban li kusal Ateemit mata ínje íji.
Currently Selected:
Kata Galasi 1: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Kata Galasi 1
1
Kasaafoo
1Injé Fool áamimuu afootal ata Yéesu Kilisita ikiiculo eleetalayi inye, ban inti li búkaanum bata bukan, inti foof bata an léemum afootal, bale li búkaanum bata Yéesu Kilisita li bata Ateemit Atuubaawu ayitenumuloomuu li eketayi. 2Injé li kutuyolaal#1:2 Kutuyolaal: Inti yo yommuu kánayine bale, kanaale foof kumbuku ló feh kammee baabe jikiiculo eleetalayi inye min jisaaf bukanabuku kata sijanguwasu sammuu li etaamayi yata Galasi. 3Ateemit Atuubawolaal li Amaaŋenawu Yéesu Kilisita kujow kusenuul kúji ban li kukatuul kásuumaay. 4Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal. 5Máyiineniyamu mujow mulako mata Ateemit boot nanoonan! Aameen.
Hulim Hásuume hano bale hubaje
6Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume#1:6 Hulim Hásuume Lomeŋ. 1:6; Galat. 1:15; 5:8. Kanaake kuliikenumuu bukanabuku Hulimahu unhu han koonemuu Hásuume, koone an afañumuu min afak, min abaj buloŋ bábaneliit, anawu ummu laate áyinen li Yéesu, bale foof laate anab li siluwaasu sata kusuwifaku, háŋum yalobumuu mata katey búkut li yalobumuu foof mata káfunnako li bukanabuku kaletumuu kusuwif. Hulimahu unhu Fool aanumuu “Hulim Hásuume” hakee» hukee. 7Li mal̥egenamu, «hulim hásuume» hakee hubajut, bale lilobuulob loon muñowu mata baje bukan káami li kalillimenuul, min kufañ kutiiw Hulimahu Hásuumaahu hata Kilisita. 8Bale kaanumuu loon akee — maayeet min kite lako áloli, mantee foof amalaka ata emitayi — alobuul Hulim Hásuume hábuto li han áloli jilobuulumuu, katek kujow kulako li anawu ummu! 9Jilobeenuulob mo, ban muñeˈe boot min jilaañen jilobuul kaanaku: an alobuulumuu Hulim Hásuume húbuti li han jiyabumuu, Ateemit ajow abeten anawu ummu li sambun.
10Muñeˈe buu jiyinoole? Mantee ínje huŋes léemi li ho min bukanabuku kusalom, mantee min Ateemit asalom? Mantee huŋes léemi li ho min ikaan bukanabuku súumiil? Nokoomuu loon ínje liloŋe li iŋes min ikaan bukanabuku súumiil, kama ilet aloka ata Kilisita.
Ateemit li al̥us Fool alako afootal
11Kutuyom, fan ilobuul: Hulimahu Hásuumaahu han ilobuulumuu, hubilumuloot li an. 12Inti li an líyabum hó, an foof aliikenutom ho, bale Yéesu Kilisita humumool alobom ho.
13Li mal̥egenamu, jijanjam buu linaake ikaanumuu nan ilakomuu li bútinabu bata kusuwifaku. Jihaase buu lihankenumuu min ílaamen Ejanguwayi yata Ateemit, ban li ikaan manooman mantee li iyiis yo. 14Kameeŋe li kufaalom kusuwif kata jamaanewom, ínje ihaŋiil no mahanken li bútinabu bata kusuwifaku, li ihaŋiil no máyikil̥o ŋáa’ li múkaaniinamu mata situubawom sihaan.
15Bale Ateemit, li kájiyaku koola lal̥usumom ítowum ibuki, ban li ahooñom boot bulok boot li akila. 16Muñeˈe nan anongumuu min akaanom ihaas Añoolool mantee li ikaan bukanabuku kaletumuu kusuwif min kuhaasool, iyaanut ijow igel̥l̥en an min asaabom. 17Ijowut foof boot Yeelusalem ijow ijuk bukanabuku kajandommuu kulako kufootal, bale liyansaan ijow boot li etaamayi yata Aalabi#1:17 Aalabi: inti etaamayi yata Aalabi yata síyaat, etaamayi yata jáyiiyaju jata kunabeteyeŋaku (2 Koolentiyeŋ 11:32). Kusuwif kameeŋe bo kukin no. Wahawu unwu újimuu Fool li ajow no boot bo ajow awaale Hulimahu Hásuumaahu kusuwifaku. Wahawu unwu foof úhiisumuu wáa újimuu áyiiyawu Aletaas li atiik Fool (2 Koolentiyeŋ 11:32), ban li ílaañumul bo boot li ésukayi yata Damaas. 18Nan fú’ tómuu, jow baj simit síhaaji, li ijow boot Yeelusalem ijow bahaas Fiyeel, ban li ilako boola kunak koono kaat bale. 19Ijukut afootal akee. Saak bale lijuke ammuu atuyawu ata Amaaŋenawu. 20Wahawu wan ikiiculuulumuu mal̥egen. Ateemit lahaase aan ímalut.
21Fúlum tó, li ijow boot li etaamayi yata Siili li yata Silisi. 22Bukanabuku káyinenumuu li Kilisita kata sijanguwasu sammuu li etaamayi yata Súde kuhaasutom li buul. 23Kujanjam bale bukan li kulobiil kooniil: «Anawu anaake álaamenolaalumuu naanaŋ, ummu muñeˈe li kawaale káyinenaku li Yéesu Kilisita, kan afañeenumuu akajen.» 24Ban li kusal Ateemit mata ínje íji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.