Kata Efées 5
5
Jiloŋ li mawuŋaamu
1Emmuu bukuluul bañiil joom ban Ateemit aboolaat, kama jikaan loon akila akaanemuu. 2Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.
3Bukuluul bukan kata Ateemit joom, mó mújimuu jakum baj li bukuluul húfulo bo muñaˈa, kákaanikoo kanookan kasuuneniye, li efañ sídalam. 4Jakut foof min jinaak jilob kulim kata búsunnikoo, kulim kata bul̥uuhoo, mantee foof kúmalla kásuumut bajam. Kulimaku kooluul koote kulako kulim kata kasal Ateemit. 5Mata joote jihaas kaanaku an áfulowe bó muñaˈa, an ákaanikoole suuneni, li an afañe sídalam, let anoken li Jáyiiyaju jata Kilisita li Ateemit. Li mal̥egenamu, efañ sídalam láalu kamanen kuteemit kalet mal̥egen.
6Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool. 7Kama jakum jookoo wahoowah li bukanabuku umbuku. 8Naanaŋ, bukuluul li élim jilakowe, bale muñeˈe bukuluul jumbuku li mawuŋaamu mata Amaaŋenawu. Jiloŋ loon bañiil báami li mawuŋe. 9Mawuŋaamu mukaanekaan bukanabuku kulako bukan kásuume, kacole li kata mal̥egen. 10Jiŋes min jihaas wahawu wásuumumuu Amaaŋenawu. 11Jakum butumuul bóomi ló li wahawu wakaaneyimuu li élimayi, wabajutumuu jáliŋ, bale joote jilob kaanaku ujakut, hákil bukanabuku feh. 12Li mal̥egenamu, wahawu wan bukanabuku umbuku kuyolowemuu min kukaan, usuunenisuuneni elob. 13Imban wahawu unwu ulobimuu hákil bukanabuku feh, ésukayi li ekit ejuk wo jak li mawuŋe. 14Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon:
«Ulíwo, awu jámoolimuu,
uyitowumul li kaketumuu,
min mawuŋamu mata Kilisita muhiiteni.»
15Kama joote jíkaanum buu jiloŋemuu eeno. Jakum jiloŋ loon bukan kahaasut wahoowah, bale jiloŋ loon bukan kájallowe. 16Nanoonan nan jiyilo jikaan majake, li jikaan mo, min jihaas joon taŋayi yan oomaamee ejakut. 17Mó mújimuu, jakum jikaan bukan kábaamowe, bale joote jínaanum waa Amaaŋenawu afañe min jikaan.
18Jakum jinaak jíkallenoo: kákallenoo lakaanekaan an min ákaan dó maayiiñ. Bale jikat Buyinumabu Banabaabu min bulako li bukuluul li sembaasu sata bo. 19Jiŋa’ ukijen, li kúwoolen, li úkim wabilume li Buyinumabu min jinaak jiwankulenoo. Jikijen ukijen min jisal Amaaŋenawu li uyinumuul feh. 20Jisal nanoonan Ateemit Atuubaawu mata wahawu feh wan akaanumuu boot li bukuluul, li kajawaku kata Amaaŋenawu oololaal Yéesu Kilisita.
Wahawu wan anaale li áyinool kóotimuu kukaan
21Jinaak jítuuloo humum hata kákoli kan jíkoliye Kilisita.
22Kanaalaabuku koote kútuul kúyiniil loon kútuulumuu Amaaŋenawu. 23Mata ánayinaawu okila ammuu anahaanawu ata anaalaawu, loon Kilisita ammuu húkowahu hata Ejanguwayi. Akila ammuu li mal̥egen Afakenaawu ata Ejanguwayi yáamimuu eniilayi yoola. 24Mó mújimuu, loon Ejanguwayi étuulumuu Kilisita, mo foof kaalaabuku kóotimuu kútuul kúyiniil li wahoowah feh.
25Káyinaabuku koote kúbooli kuseekiil, loon Kilisita áboolimuu Ejanguwayi ayok aket boot li yo, 26min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu. 27Lakankaan loon muñaˈa mata lafanfañ min aŋa’ Ejanguwayi áhiisoolo akila humool, loon anaale li matiineniyamu moola feh, mabajut humaw, mañootoolut, ban matilut foof tanootan, mantee li elako Ejangu yanabe, yan an ayilaat ajuk wah wajakut li yo. 28Muñowu foof ánayine áatimuu ábooli aseekool loon áboolimuu eniilayi yoola humum yo. Anáyine áboolimuu aseekool, akila humumool ábooliwoolowe. 29Bajut an ahoye eniilayi yoola, bale fan ákuumen yo, ban li acookoo yo, loon foof Kilisita akaanemuu Ejanguwayi, 30mata ololaal foofolaal feh oomaalumuu eniilayi yoola. 31«Wahawu unwu újimuu, ánayinaawu fan áfu’ bata atuubawool li jaawool, min ajow kukin li aseekool, min buko kúl̥uba kulako an ano#Húkitumahu 2:24.» 32Laalu wah wáamak wata mal̥egen wahaasuti mata wo. Injé lilollob kulimaku unku iya li Kilisita li Ejanguwayi. 33Bale kulimaku unke lilobumuu foof boot li bukuluul: ánayine anoowan laate ábooli aseekool loon ábooliwoolomuu akila humumool, ban anaale anoowan laate foof átuul áyinool.
Currently Selected:
Kata Efées 5: cskDBL
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Kata Efées 5
5
Jiloŋ li mawuŋaamu
1Emmuu bukuluul bañiil joom ban Ateemit aboolaat, kama jikaan loon akila akaanemuu. 2Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.
3Bukuluul bukan kata Ateemit joom, mó mújimuu jakum baj li bukuluul húfulo bo muñaˈa, kákaanikoo kanookan kasuuneniye, li efañ sídalam. 4Jakut foof min jinaak jilob kulim kata búsunnikoo, kulim kata bul̥uuhoo, mantee foof kúmalla kásuumut bajam. Kulimaku kooluul koote kulako kulim kata kasal Ateemit. 5Mata joote jihaas kaanaku an áfulowe bó muñaˈa, an ákaanikoole suuneni, li an afañe sídalam, let anoken li Jáyiiyaju jata Kilisita li Ateemit. Li mal̥egenamu, efañ sídalam láalu kamanen kuteemit kalet mal̥egen.
6Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool. 7Kama jakum jookoo wahoowah li bukanabuku umbuku. 8Naanaŋ, bukuluul li élim jilakowe, bale muñeˈe bukuluul jumbuku li mawuŋaamu mata Amaaŋenawu. Jiloŋ loon bañiil báami li mawuŋe. 9Mawuŋaamu mukaanekaan bukanabuku kulako bukan kásuume, kacole li kata mal̥egen. 10Jiŋes min jihaas wahawu wásuumumuu Amaaŋenawu. 11Jakum butumuul bóomi ló li wahawu wakaaneyimuu li élimayi, wabajutumuu jáliŋ, bale joote jilob kaanaku ujakut, hákil bukanabuku feh. 12Li mal̥egenamu, wahawu wan bukanabuku umbuku kuyolowemuu min kukaan, usuunenisuuneni elob. 13Imban wahawu unwu ulobimuu hákil bukanabuku feh, ésukayi li ekit ejuk wo jak li mawuŋe. 14Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon:
«Ulíwo, awu jámoolimuu,
uyitowumul li kaketumuu,
min mawuŋamu mata Kilisita muhiiteni.»
15Kama joote jíkaanum buu jiloŋemuu eeno. Jakum jiloŋ loon bukan kahaasut wahoowah, bale jiloŋ loon bukan kájallowe. 16Nanoonan nan jiyilo jikaan majake, li jikaan mo, min jihaas joon taŋayi yan oomaamee ejakut. 17Mó mújimuu, jakum jikaan bukan kábaamowe, bale joote jínaanum waa Amaaŋenawu afañe min jikaan.
18Jakum jinaak jíkallenoo: kákallenoo lakaanekaan an min ákaan dó maayiiñ. Bale jikat Buyinumabu Banabaabu min bulako li bukuluul li sembaasu sata bo. 19Jiŋa’ ukijen, li kúwoolen, li úkim wabilume li Buyinumabu min jinaak jiwankulenoo. Jikijen ukijen min jisal Amaaŋenawu li uyinumuul feh. 20Jisal nanoonan Ateemit Atuubaawu mata wahawu feh wan akaanumuu boot li bukuluul, li kajawaku kata Amaaŋenawu oololaal Yéesu Kilisita.
Wahawu wan anaale li áyinool kóotimuu kukaan
21Jinaak jítuuloo humum hata kákoli kan jíkoliye Kilisita.
22Kanaalaabuku koote kútuul kúyiniil loon kútuulumuu Amaaŋenawu. 23Mata ánayinaawu okila ammuu anahaanawu ata anaalaawu, loon Kilisita ammuu húkowahu hata Ejanguwayi. Akila ammuu li mal̥egen Afakenaawu ata Ejanguwayi yáamimuu eniilayi yoola. 24Mó mújimuu, loon Ejanguwayi étuulumuu Kilisita, mo foof kaalaabuku kóotimuu kútuul kúyiniil li wahoowah feh.
25Káyinaabuku koote kúbooli kuseekiil, loon Kilisita áboolimuu Ejanguwayi ayok aket boot li yo, 26min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu. 27Lakankaan loon muñaˈa mata lafanfañ min aŋa’ Ejanguwayi áhiisoolo akila humool, loon anaale li matiineniyamu moola feh, mabajut humaw, mañootoolut, ban matilut foof tanootan, mantee li elako Ejangu yanabe, yan an ayilaat ajuk wah wajakut li yo. 28Muñowu foof ánayine áatimuu ábooli aseekool loon áboolimuu eniilayi yoola humum yo. Anáyine áboolimuu aseekool, akila humumool ábooliwoolowe. 29Bajut an ahoye eniilayi yoola, bale fan ákuumen yo, ban li acookoo yo, loon foof Kilisita akaanemuu Ejanguwayi, 30mata ololaal foofolaal feh oomaalumuu eniilayi yoola. 31«Wahawu unwu újimuu, ánayinaawu fan áfu’ bata atuubawool li jaawool, min ajow kukin li aseekool, min buko kúl̥uba kulako an ano#Húkitumahu 2:24.» 32Laalu wah wáamak wata mal̥egen wahaasuti mata wo. Injé lilollob kulimaku unku iya li Kilisita li Ejanguwayi. 33Bale kulimaku unke lilobumuu foof boot li bukuluul: ánayine anoowan laate ábooli aseekool loon ábooliwoolomuu akila humumool, ban anaale anoowan laate foof átuul áyinool.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.