2 Kata Koolent 6
6
1Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to. 2Li mal̥egenamu, Ateemit lansaan:
«Nan taŋayi yajakumuu éliiŋumuu,
lísooniyensooniyen kal̥awaku kooli.
Nan hunakahu húliiŋumuu boot min ifakeni,
lilambenilamben.»
Jijanten! Muñeˈe taŋayi yajakumuu kayab kájiyaku kata Ateemit, éliiŋe; muñeˈe taŋayi nan Ateemit ammuu li kafaken bukanabuku, eŋeje. 3Alóli jifañut min jíji an li ajonten min alo li kahoofoo, jakum bil an ayili alob majakut aya li bulokabu bóololi. 4Bale, li wahawu feh wan áloli jikaanemuu, jíhihhiis kaanaku áloli húmumoli kuloka joom kata Ateemit, jówum li húmuñ háamak hata sílaam, hata buyok, li hata buyina. 5Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum. 6Li jiloŋ buloŋ basete, ban li jibaj ehaasemiñ yabilumulo li Ateemit; li jiyili húmuñ ban li jísuum li bukanabuku; Buyinumabu Banabaabu bumbu li áloli, ban li jíbooli bukanabuku li mal̥egen. 7Jilollob bukanabuku hulimahu hata mal̥egenamu, ban li sembaasu sata Ateemit. Butiikumaabu bóololi bata katek li bata kafangen, bo bommuu wahawu wacolumuu hákil Ateemit. 8Bukan kukee fan kúbinkenoli, kaabuku li kúbesoli; kukee li kúgeloli, kaabuku li kúsuuwoli. Kukee li kújokoli kúmalamiñ, ban mal̥egen jilobemuu. 9Li kújokoli loon bukan kan kuhaasut ban kúhaasoli feh; loon bukan káami li eket, ban fan jijuke, áloli jumbuku li buloŋ. Li kunaak kútekoli, bale let kúmukoli. 10Li kúkaanoli buyina, bale áloli jumbuku nanoonan li ésuumansuum. Li kújokoli loon bukan kagaye ŋáa’, bale áloli jumbuku min jikaanemuu bukan kameeŋe kulako kusaanum. Alóli li jinokoo li bukan kabajut wahoowah, bale jibaje wahawu feh.
11Bukuluul jata Koolent, áloli jilobuulob li mál̥egenoli. Jilobuulob wahawu feh wammuu li úyinumoli. 12Alóli jihoyut min jíhiisuul húbooliyahu hóololi, bale bukuluul humumuul jíhoyolimuu li uyinumawu wooluul. 13Muñeˈe boot min ilob li bukuluul loon bañoolom joom: jíbooliwoli foof loon áloli jíbooliwuulumuu, ban li jíbabul uyinumawu wooluul.
Jakum jookoo wahoowah li bukanabuku káyinetumuu li Amaaŋenawu
14Jakum jíyuukoo li bukanabuku káyinenutumuu li Amaaŋenawu. Li mal̥egenamu, buu wah wacole woote uyili unaboo li wah wajakut? Buu mawuŋe moote muyili munaboo li élim? 15Buu Kilisita kuyilo kujamoo li Sayitaane? Waa an áyinene li Kilisita kookoole li an áyinenut li akila? 16Hujamoo buu huyilo hubaj li tutoo eluufayi yata Ateemit li úciinawu? Li mal̥egenamu, alolaal oomaalumuu eluufayi yata Ateemit aloŋumuu; mata loon Ateemit humumool alobumuu:
«Fan ikin, ban li iloŋ li tutiil.
Fan ilako Ateemit ooliil, ban buko fan kulako bukanabuku kúmbaam.»
17Wahawu unwu újimuu Amaaŋenawu li aan:
«Jífu’ li buko,
ban jikatoo li buko.
Jakum jigo wah wasetut.
Jikaan momuu ínje fan iyabuul.
18Fan ilako atuubawuul,
bukuluul li jilako kuñoolom káyine li kanaale.»
Amaaŋenawu ata sembe alobe loon muñaˈa.
Currently Selected:
2 Kata Koolent 6: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
2 Kata Koolent 6
6
1Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to. 2Li mal̥egenamu, Ateemit lansaan:
«Nan taŋayi yajakumuu éliiŋumuu,
lísooniyensooniyen kal̥awaku kooli.
Nan hunakahu húliiŋumuu boot min ifakeni,
lilambenilamben.»
Jijanten! Muñeˈe taŋayi yajakumuu kayab kájiyaku kata Ateemit, éliiŋe; muñeˈe taŋayi nan Ateemit ammuu li kafaken bukanabuku, eŋeje. 3Alóli jifañut min jíji an li ajonten min alo li kahoofoo, jakum bil an ayili alob majakut aya li bulokabu bóololi. 4Bale, li wahawu feh wan áloli jikaanemuu, jíhihhiis kaanaku áloli húmumoli kuloka joom kata Ateemit, jówum li húmuñ háamak hata sílaam, hata buyok, li hata buyina. 5Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum. 6Li jiloŋ buloŋ basete, ban li jibaj ehaasemiñ yabilumulo li Ateemit; li jiyili húmuñ ban li jísuum li bukanabuku; Buyinumabu Banabaabu bumbu li áloli, ban li jíbooli bukanabuku li mal̥egen. 7Jilollob bukanabuku hulimahu hata mal̥egenamu, ban li sembaasu sata Ateemit. Butiikumaabu bóololi bata katek li bata kafangen, bo bommuu wahawu wacolumuu hákil Ateemit. 8Bukan kukee fan kúbinkenoli, kaabuku li kúbesoli; kukee li kúgeloli, kaabuku li kúsuuwoli. Kukee li kújokoli kúmalamiñ, ban mal̥egen jilobemuu. 9Li kújokoli loon bukan kan kuhaasut ban kúhaasoli feh; loon bukan káami li eket, ban fan jijuke, áloli jumbuku li buloŋ. Li kunaak kútekoli, bale let kúmukoli. 10Li kúkaanoli buyina, bale áloli jumbuku nanoonan li ésuumansuum. Li kújokoli loon bukan kagaye ŋáa’, bale áloli jumbuku min jikaanemuu bukan kameeŋe kulako kusaanum. Alóli li jinokoo li bukan kabajut wahoowah, bale jibaje wahawu feh.
11Bukuluul jata Koolent, áloli jilobuulob li mál̥egenoli. Jilobuulob wahawu feh wammuu li úyinumoli. 12Alóli jihoyut min jíhiisuul húbooliyahu hóololi, bale bukuluul humumuul jíhoyolimuu li uyinumawu wooluul. 13Muñeˈe boot min ilob li bukuluul loon bañoolom joom: jíbooliwoli foof loon áloli jíbooliwuulumuu, ban li jíbabul uyinumawu wooluul.
Jakum jookoo wahoowah li bukanabuku káyinetumuu li Amaaŋenawu
14Jakum jíyuukoo li bukanabuku káyinenutumuu li Amaaŋenawu. Li mal̥egenamu, buu wah wacole woote uyili unaboo li wah wajakut? Buu mawuŋe moote muyili munaboo li élim? 15Buu Kilisita kuyilo kujamoo li Sayitaane? Waa an áyinene li Kilisita kookoole li an áyinenut li akila? 16Hujamoo buu huyilo hubaj li tutoo eluufayi yata Ateemit li úciinawu? Li mal̥egenamu, alolaal oomaalumuu eluufayi yata Ateemit aloŋumuu; mata loon Ateemit humumool alobumuu:
«Fan ikin, ban li iloŋ li tutiil.
Fan ilako Ateemit ooliil, ban buko fan kulako bukanabuku kúmbaam.»
17Wahawu unwu újimuu Amaaŋenawu li aan:
«Jífu’ li buko,
ban jikatoo li buko.
Jakum jigo wah wasetut.
Jikaan momuu ínje fan iyabuul.
18Fan ilako atuubawuul,
bukuluul li jilako kuñoolom káyine li kanaale.»
Amaaŋenawu ata sembe alobe loon muñaˈa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.