2 Kata Koolent 13
13
Kulim kata kasaab li kata kasaafoo kúbanum
1Muñeˈe búhaajutom li éemi li ibil boot booluul. Loon Hulimahu hata Ateemit hulobumuu: «Wahoowah wan an akaane wóotimuu utiibi, fan ujandaal ujantenaal bukan kúl̥uba, mantee foof kúhaaji kamaate nan ukaanimuu#Dótelonom 19:15.» Boot min ilob bukanabuku kahoofoo nomuu li kaabuku feh ikat to. 2Lilobenlob mo nan ibilumuu booluul búl̥ubutabu, bale boot min ilaañen ilob mo muñeˈe, nan iletumuu li bukuluul eenuul: nan emmuu li ílaañul naana booluul, let íyiyen an li bukuluul, 3mata kama bukuluul huŋes jóomi li hó, wahawu wammuu li úhiisuul kaanaku Kilisita álobume lí ínje. Kilisita ágootowut li bukuluul, bale láhihhiis sembaasu soola li bukuluul. 4Mal̥egen, nan kubaaŋoolumuu li ekuluwaayi lanokoonokoo loon an ágootowe, bale muñeˈe ummu li buloŋ humum hata sembaasu sata Ateemit. Li mal̥egenamu, áloli foof jígootogooto li hujokoolahu hóololi li akila, bale hákiluul, áloli fan jíloŋ li akila li sembaasu sata Ateemit.
5Bukuluul humumuul joote jijukeloolo min jijuk mantee jíloŋe li káyinenaku. Bale waa, jihaasut fíle joon Yéesu Kilisita ummu li bukuluul? Mantee yo yommuu kama bukuluul jiyilaat jíhiis kaanaku jíyinenyinen. 6Bale lenseen bukuluul jihaase joon áloli jíhihhiis kaanaku jibabbaj káyinen. 7Alóli jil̥awe Ateemit jakum bil bukuluul jikaan wah wajakut. Let mantee jifanfañ min jíhiisuul kaanaku áloli jikooŋe, bale jifañe min bukuluul jikaan majake, maayeet min kite nokoo loon áloli jíhihhiis kaanaku jibajut káyinen. 8Wahawu wan áloli jiyilimuu jikaan wo wommuu kanab li mal̥egenamu, mata jiyilaat jikaan wah waate úhoogul mo. 9Súumewolisuum nanoonan, nan áloli jígootowe ban bukuluul li jibaj sembe. Wahawu wan áloli jil̥awemuu, wo wommuu min bukuluul jilaañen jilako jak. 10Wahawu unwu újimuu li ikiiculuul kulimaku unku nan íloyimee, jakum bil ilako li bukuluul, li íjowum li huhaanaahu han Amaaŋenawu asenommuu, min ilobuul kulim kal̥aal̥e. Huhaanaahu unhu lasenonsen ho boot kalitenuul, bale inti boot kakajenuul.
11Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.
12Jisaafoo kasaafoo kata kásuumaay. Bukanabuku feh kata Ateemit kusaafuluul.
13-14Kájiyaku kata Amaaŋenawu Yéesu Kilisita kulako li bukuluul, húbooliyahu hata Ateemit, li hujokoolahu hooluul li Buyinumabu Banabaabu kujow hulako li bukuluul foofuul feh.
Currently Selected:
2 Kata Koolent 13: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
2 Kata Koolent 13
13
Kulim kata kasaab li kata kasaafoo kúbanum
1Muñeˈe búhaajutom li éemi li ibil boot booluul. Loon Hulimahu hata Ateemit hulobumuu: «Wahoowah wan an akaane wóotimuu utiibi, fan ujandaal ujantenaal bukan kúl̥uba, mantee foof kúhaaji kamaate nan ukaanimuu#Dótelonom 19:15.» Boot min ilob bukanabuku kahoofoo nomuu li kaabuku feh ikat to. 2Lilobenlob mo nan ibilumuu booluul búl̥ubutabu, bale boot min ilaañen ilob mo muñeˈe, nan iletumuu li bukuluul eenuul: nan emmuu li ílaañul naana booluul, let íyiyen an li bukuluul, 3mata kama bukuluul huŋes jóomi li hó, wahawu wammuu li úhiisuul kaanaku Kilisita álobume lí ínje. Kilisita ágootowut li bukuluul, bale láhihhiis sembaasu soola li bukuluul. 4Mal̥egen, nan kubaaŋoolumuu li ekuluwaayi lanokoonokoo loon an ágootowe, bale muñeˈe ummu li buloŋ humum hata sembaasu sata Ateemit. Li mal̥egenamu, áloli foof jígootogooto li hujokoolahu hóololi li akila, bale hákiluul, áloli fan jíloŋ li akila li sembaasu sata Ateemit.
5Bukuluul humumuul joote jijukeloolo min jijuk mantee jíloŋe li káyinenaku. Bale waa, jihaasut fíle joon Yéesu Kilisita ummu li bukuluul? Mantee yo yommuu kama bukuluul jiyilaat jíhiis kaanaku jíyinenyinen. 6Bale lenseen bukuluul jihaase joon áloli jíhihhiis kaanaku jibabbaj káyinen. 7Alóli jil̥awe Ateemit jakum bil bukuluul jikaan wah wajakut. Let mantee jifanfañ min jíhiisuul kaanaku áloli jikooŋe, bale jifañe min bukuluul jikaan majake, maayeet min kite nokoo loon áloli jíhihhiis kaanaku jibajut káyinen. 8Wahawu wan áloli jiyilimuu jikaan wo wommuu kanab li mal̥egenamu, mata jiyilaat jikaan wah waate úhoogul mo. 9Súumewolisuum nanoonan, nan áloli jígootowe ban bukuluul li jibaj sembe. Wahawu wan áloli jil̥awemuu, wo wommuu min bukuluul jilaañen jilako jak. 10Wahawu unwu újimuu li ikiiculuul kulimaku unku nan íloyimee, jakum bil ilako li bukuluul, li íjowum li huhaanaahu han Amaaŋenawu asenommuu, min ilobuul kulim kal̥aal̥e. Huhaanaahu unhu lasenonsen ho boot kalitenuul, bale inti boot kakajenuul.
11Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.
12Jisaafoo kasaafoo kata kásuumaay. Bukanabuku feh kata Ateemit kusaafuluul.
13-14Kájiyaku kata Amaaŋenawu Yéesu Kilisita kulako li bukuluul, húbooliyahu hata Ateemit, li hujokoolahu hooluul li Buyinumabu Banabaabu kujow hulako li bukuluul foofuul feh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.