2 Kata Koolent 11
11
Fool li alob mata kámalumuu koon kufootal koom
1A’! Kutuyom, jikiteenumuu jiyili jímuñ jatit buwelabu búmbaam. Eéhe’! Jímuñom li buwelabu búmbaam. 2Lifañuufañ ŋáa’ gay ifañut min jitahaay li an loon Ateemit humumool afañuulumuu ban afañut min atahaay li an. Anáyine ano lisenuul alako afañooluul. Okila ammuu Kilisita, ban lifañe min iŋaluul íhiisool loon ásungute ahaasut ánayine. 3Bale líkolikoli min ban li kukaanuul uyinoo wajakut li buyinum, min jítukaati lit ban li jíl̥egenaati li hujokoolahu hooluul li Kilisita loon no. Enuukayilaayi muñowu foof émalumuu min ebunt Eewa. 4Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.
5Lenseen kufootalaku umbuku káamakaku kuhaŋutom li wahoowah. 6Nakee mal̥egen íseeliwut li elob, bale lihahhaas wah. Jikaanuukaan min jihaas wahawu unwu jak li makaane manooman ban li wahoowah feh.
7Nan iwaalewuulumuu Hulimahu Hásuumaahu hata Ateemit, igel̥l̥enutuul bacaam banooban. Liwalenoolowalenoolo ínje humumom min itebenuul. Wáa fíle, min ikaanumuu loon muñaˈa, likankaan kahoofoo? 8Lilowenlowenumuu sijangu sakee li bacaamabu ban iyabumuu li so min ilok boot li bukuluul. 9Ban nan ilakomuu booluul, jokommuu li wah let iyoken an. Kutuyolaal kammuu li etaamayi yata Maseduwaan kunaake kulambenommuu li wahawu wan naake jokommuu li wo. Lijukejuke to jakum bil ilako búteb boot li bukuluul, ban let ikat min ilako búteb boot li bukuluul. 10Boot min ílobum li mal̥egenamu mata Kilisita ammuu lí ínje een: bajut an áami li áhilom ísaloolowum li halaabahu feh hata etaamayi yata Akaay. 11Ban wáa újiye li ilob loon muñaˈa? Waa, ínje fíle ifañutuul? Let mo! Ateemit lahaase aan lifañuufañ.
12Wahawu wan ikaanumuu, fan inaak ikaan wo foof, jakum bil isen bútin bukanabuku umbuku kammuu li huŋesahu hata bo min kusaloolo mata min kuloke loon áloli jilokemuu. 13Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom. 14Bajut to kajaahale kanookan, mata Sayitaane humumool lakaanekaan loon amalaka laam ata mawuŋe. 15Mó mújimuu, jáahaleniwut min kulokaabuku kata Sayitaane kukaan loon kuloka koom kakaane wahawu wacolumuu hákil Ateemit. Bale buloŋabu booliil fan buban ŋóoti naboo li bulokabu ban kukaanumuu bajakutumuu.
Fool li álaam mata min ammuu afootal
16Boot min ilaañen ilobuul: jakum an li bukuluul ajokom loon an awele. Nokoomuu foof loon mo jiyinoole, kama joon éehe’ min lako liwewwel bájum ínje humumom foof li iyili isaloolo jakee. 17Wahawu wan ilobumuu, ilobut wo loon Amaaŋenawu afañumuu, bale lilollob loon an awele, li kákangum kata min ibaj wah wan éetimuu ísaloolowum. 18Emmuu bukan kameeŋe kusaloolosaloolo humum hata bóono bata ál̥ahukowan, kama ínje foof boot min isaloolo. 19Kama bukuluul jayinoomuu li joon bukan kájallowe joom, bukuluul joonumuu éehe’ jiyilo jímuñ bukanabuku kasoŋetumuu. 20Li mal̥egenamu, bukuluul jonsoon éehe’ min bukan kukaanuul emiikeel, min kutiñ wahawu wooluul, min kúkuwet wahawu wooluul feh, min kubesuul, min kutekuul siheejen. 21Lisuusuumuu min ilob mo: kama áloli búgootowoli bújimuu jikaanutuul wahawu unwu.
Boot min ilob loon an awele: wah wan kukee kukaañene kúsaloolowum li wo, ínje humumom foof liyilo ísaloolowum li wo. 22Koonumuu buko bukanabuku kan koonemuu Eébulo koom, ínje foof. Li koon buko bukan koom kata Isilayeel, ínje foof. Li koon buko bubukoolum koom bata Abulaham, ínje foof. 23Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe. 24Kusuwifaku kutekom ñoono ñatok kukaluwaas koono áyii li kaat li kubakii. 25Bukanabuku kata Lom li kutekom kukaluwaas ñoono ñáhaaji, ban li kutekom ñano kuyitik kucoken. Líyuwoye li busaana ñoono ñáhaaji. Ñakee, likaane etihunaka li ehuka li malamu mata halahu. 26Liñaahoole ñameeŋe li koot, ban li ilako li iket ñameeŋe: li kañaahoo li utunkawu, li káfimboo li ékuu yamuke bukan, li kuŋen kata bukanom li kata bukanabuku kaletumuu Kusuwif, li sísukasu sílunlumaayasu, li uyiinaayawu, li kusamuwaku, li kuŋen kata bukanabuku kámalumuu koon kutuyolaal koom. 27Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko. 28Ifanut ilob mata wah waawu feh wasaŋomuu: bútebabu búmbaam bata hunakoohunak, bo bommuu kayinoo mata sijanguwasu feh. 29An ágootomuu, ínje humumom foof li ígooto. An alomuu li kahoofoo, fan séngiwom kata láala ŋáa’.
30Nokoomuu loon boot min isaloolo, kama fan isaloolo mata búgootowabu búmbaam. 31Ateemit ammuu Atuubaawu ata Amaaŋenawu Yéesu, ban li asali boot nanoonan, lahaase aan ímalut. 32Nan ilakomuu li ésukayi yata Damaas, águubelunaalawu ata áyiiyawu an koonemuu Aletaas, lalollob bukan min kufooy wámbiilawu wata ésukayi bánum li kujokom. 33Bale li baj bukan kájufom li etekel, ban li kúwalenumulom li ejangeel búsol huteefahu hata ésukayi. Muñowu lífakummuu li kuŋenaku kata águubelunaalawu.
Currently Selected:
2 Kata Koolent 11: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
2 Kata Koolent 11
11
Fool li alob mata kámalumuu koon kufootal koom
1A’! Kutuyom, jikiteenumuu jiyili jímuñ jatit buwelabu búmbaam. Eéhe’! Jímuñom li buwelabu búmbaam. 2Lifañuufañ ŋáa’ gay ifañut min jitahaay li an loon Ateemit humumool afañuulumuu ban afañut min atahaay li an. Anáyine ano lisenuul alako afañooluul. Okila ammuu Kilisita, ban lifañe min iŋaluul íhiisool loon ásungute ahaasut ánayine. 3Bale líkolikoli min ban li kukaanuul uyinoo wajakut li buyinum, min jítukaati lit ban li jíl̥egenaati li hujokoolahu hooluul li Kilisita loon no. Enuukayilaayi muñowu foof émalumuu min ebunt Eewa. 4Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.
5Lenseen kufootalaku umbuku káamakaku kuhaŋutom li wahoowah. 6Nakee mal̥egen íseeliwut li elob, bale lihahhaas wah. Jikaanuukaan min jihaas wahawu unwu jak li makaane manooman ban li wahoowah feh.
7Nan iwaalewuulumuu Hulimahu Hásuumaahu hata Ateemit, igel̥l̥enutuul bacaam banooban. Liwalenoolowalenoolo ínje humumom min itebenuul. Wáa fíle, min ikaanumuu loon muñaˈa, likankaan kahoofoo? 8Lilowenlowenumuu sijangu sakee li bacaamabu ban iyabumuu li so min ilok boot li bukuluul. 9Ban nan ilakomuu booluul, jokommuu li wah let iyoken an. Kutuyolaal kammuu li etaamayi yata Maseduwaan kunaake kulambenommuu li wahawu wan naake jokommuu li wo. Lijukejuke to jakum bil ilako búteb boot li bukuluul, ban let ikat min ilako búteb boot li bukuluul. 10Boot min ílobum li mal̥egenamu mata Kilisita ammuu lí ínje een: bajut an áami li áhilom ísaloolowum li halaabahu feh hata etaamayi yata Akaay. 11Ban wáa újiye li ilob loon muñaˈa? Waa, ínje fíle ifañutuul? Let mo! Ateemit lahaase aan lifañuufañ.
12Wahawu wan ikaanumuu, fan inaak ikaan wo foof, jakum bil isen bútin bukanabuku umbuku kammuu li huŋesahu hata bo min kusaloolo mata min kuloke loon áloli jilokemuu. 13Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom. 14Bajut to kajaahale kanookan, mata Sayitaane humumool lakaanekaan loon amalaka laam ata mawuŋe. 15Mó mújimuu, jáahaleniwut min kulokaabuku kata Sayitaane kukaan loon kuloka koom kakaane wahawu wacolumuu hákil Ateemit. Bale buloŋabu booliil fan buban ŋóoti naboo li bulokabu ban kukaanumuu bajakutumuu.
Fool li álaam mata min ammuu afootal
16Boot min ilaañen ilobuul: jakum an li bukuluul ajokom loon an awele. Nokoomuu foof loon mo jiyinoole, kama joon éehe’ min lako liwewwel bájum ínje humumom foof li iyili isaloolo jakee. 17Wahawu wan ilobumuu, ilobut wo loon Amaaŋenawu afañumuu, bale lilollob loon an awele, li kákangum kata min ibaj wah wan éetimuu ísaloolowum. 18Emmuu bukan kameeŋe kusaloolosaloolo humum hata bóono bata ál̥ahukowan, kama ínje foof boot min isaloolo. 19Kama bukuluul jayinoomuu li joon bukan kájallowe joom, bukuluul joonumuu éehe’ jiyilo jímuñ bukanabuku kasoŋetumuu. 20Li mal̥egenamu, bukuluul jonsoon éehe’ min bukan kukaanuul emiikeel, min kutiñ wahawu wooluul, min kúkuwet wahawu wooluul feh, min kubesuul, min kutekuul siheejen. 21Lisuusuumuu min ilob mo: kama áloli búgootowoli bújimuu jikaanutuul wahawu unwu.
Boot min ilob loon an awele: wah wan kukee kukaañene kúsaloolowum li wo, ínje humumom foof liyilo ísaloolowum li wo. 22Koonumuu buko bukanabuku kan koonemuu Eébulo koom, ínje foof. Li koon buko bukan koom kata Isilayeel, ínje foof. Li koon buko bubukoolum koom bata Abulaham, ínje foof. 23Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe. 24Kusuwifaku kutekom ñoono ñatok kukaluwaas koono áyii li kaat li kubakii. 25Bukanabuku kata Lom li kutekom kukaluwaas ñoono ñáhaaji, ban li kutekom ñano kuyitik kucoken. Líyuwoye li busaana ñoono ñáhaaji. Ñakee, likaane etihunaka li ehuka li malamu mata halahu. 26Liñaahoole ñameeŋe li koot, ban li ilako li iket ñameeŋe: li kañaahoo li utunkawu, li káfimboo li ékuu yamuke bukan, li kuŋen kata bukanom li kata bukanabuku kaletumuu Kusuwif, li sísukasu sílunlumaayasu, li uyiinaayawu, li kusamuwaku, li kuŋen kata bukanabuku kámalumuu koon kutuyolaal koom. 27Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko. 28Ifanut ilob mata wah waawu feh wasaŋomuu: bútebabu búmbaam bata hunakoohunak, bo bommuu kayinoo mata sijanguwasu feh. 29An ágootomuu, ínje humumom foof li ígooto. An alomuu li kahoofoo, fan séngiwom kata láala ŋáa’.
30Nokoomuu loon boot min isaloolo, kama fan isaloolo mata búgootowabu búmbaam. 31Ateemit ammuu Atuubaawu ata Amaaŋenawu Yéesu, ban li asali boot nanoonan, lahaase aan ímalut. 32Nan ilakomuu li ésukayi yata Damaas, águubelunaalawu ata áyiiyawu an koonemuu Aletaas, lalollob bukan min kufooy wámbiilawu wata ésukayi bánum li kujokom. 33Bale li baj bukan kájufom li etekel, ban li kúwalenumulom li ejangeel búsol huteefahu hata ésukayi. Muñowu lífakummuu li kuŋenaku kata águubelunaalawu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.