1 Kata Koolent 13
13
Húbooli lahaŋe wahoowah feh
1Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene. 2Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah. 3Li bil nokoo loon liŋaŋŋa’ wahawu wan ibajumuu feh igaben bukan, ban li isen eniilayi yúmbaam min ésuli#13:3 Síliibal sakee li sihaanasu sikaane: «…ban li isen eniilayi yúmbaam min ésuli mantee li isaloolo», ibajutumuu húbooli, wahawu unwu feh let újaliŋom wahoowah.
4Húbooli húmuñ, húbooli másuum. Húbooli inti batii, húbooli inti kasaloolo, húbooli inti katebenoolo. 5Húbooli ákaanoliit wah wasuuneniye, húbooli áŋeseliit majake moola bale, húbooli áwuñeteliit, áŋaleliit an atilene akaan li huuñool. 6Húbooli ábajoliit ésuumansuum li wah wacolut, bale mal̥egen akaanewool ésuumansuum. 7Húbooli latojooletojoo wahawu feh, láyineneyinen wahawu feh, lákangumekangum li wahawu feh, lámuñemuñ wahawu feh.
8Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj. 9Li mal̥egenamu, uhaasutaal wahawu feh, Ateemit álobumemuu li bukanabuku, álobeliitiil wahawu feh. 10Bale nan Ateemit ammuu li akaanolaal únaanumaal wahawu feh, wahawu wánaanumimuu muñeˈe tíj, fan újim.
11Nan ilakomuu añiil, linaanaak ilob loon añiil, li inaak iyinoo loon añiil, li inaak ínaanum wah loon añiil. Bale nan ikaanumuu anahaan, li ikat wah wata huñiileto. 12Muñeˈe wahawu wan ujukaalemuu, újukeliitaal wo jak. Nokoonokoo loon li kajuuloolum kálime ujukeli. Bale fan bil ujukaal wo jak bújooŋoo. Muñeˈe, ihaasut wahawu feh, bale fan ibil ihaas wahawu jak loon Ateemit ahaasommuu.
13Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.
Currently Selected:
1 Kata Koolent 13: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
1 Kata Koolent 13
13
Húbooli lahaŋe wahoowah feh
1Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene. 2Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah. 3Li bil nokoo loon liŋaŋŋa’ wahawu wan ibajumuu feh igaben bukan, ban li isen eniilayi yúmbaam min ésuli#13:3 Síliibal sakee li sihaanasu sikaane: «…ban li isen eniilayi yúmbaam min ésuli mantee li isaloolo», ibajutumuu húbooli, wahawu unwu feh let újaliŋom wahoowah.
4Húbooli húmuñ, húbooli másuum. Húbooli inti batii, húbooli inti kasaloolo, húbooli inti katebenoolo. 5Húbooli ákaanoliit wah wasuuneniye, húbooli áŋeseliit majake moola bale, húbooli áwuñeteliit, áŋaleliit an atilene akaan li huuñool. 6Húbooli ábajoliit ésuumansuum li wah wacolut, bale mal̥egen akaanewool ésuumansuum. 7Húbooli latojooletojoo wahawu feh, láyineneyinen wahawu feh, lákangumekangum li wahawu feh, lámuñemuñ wahawu feh.
8Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj. 9Li mal̥egenamu, uhaasutaal wahawu feh, Ateemit álobumemuu li bukanabuku, álobeliitiil wahawu feh. 10Bale nan Ateemit ammuu li akaanolaal únaanumaal wahawu feh, wahawu wánaanumimuu muñeˈe tíj, fan újim.
11Nan ilakomuu añiil, linaanaak ilob loon añiil, li inaak iyinoo loon añiil, li inaak ínaanum wah loon añiil. Bale nan ikaanumuu anahaan, li ikat wah wata huñiileto. 12Muñeˈe wahawu wan ujukaalemuu, újukeliitaal wo jak. Nokoonokoo loon li kajuuloolum kálime ujukeli. Bale fan bil ujukaal wo jak bújooŋoo. Muñeˈe, ihaasut wahawu feh, bale fan ibil ihaas wahawu jak loon Ateemit ahaasommuu.
13Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.