ZECHARIAH 2
2
Tamkhavai Khara̱ Rākhamahā
1Kala ina mik yangkakā eina, yanglu, mi akha awui pāngli tamkhavai khara̱ singkasā thei!
2Chieina ina hānga, “Na kali vanikhala?” Kala ana ili hānga, “Jerusalem hi asān-aret kayākhakhala kaji tamkhui khavaina.”
3Kala yanglu, ili khangazeka kazingrao chi mangāli rānganaiya, kala khangatei kazingrao akhala ali samphang khavai rai 4kala ali hānga, “Yaronnaopā chili yongvāda ahānglu, ‘Jerusalemli mila, sha̱keila chungnā kahaiwui vang phākho makhalei kha̱nao thāda pānra. 5Khikhalajila ina kuimareida meiwui phākho ngasāmira, kala ina awui alungli tekhamatei ngasāra’ da Prohona hānga.”
Shimli Hanung khavai Raikathāli Khuithui kahaibingli Kaho
6Ah! ha! Atungshongwui ngalei eina yāmthulu, da Prohona hānga; kaja “Ina kazingram achikun matiwui masi thāda apam saikorali nathumli yaoyāngmi kahaina, da Prohona hānga. 7Ho! Babylonwui naongalāva̱li ngasoda kapambing, nathum Zionli yāmvaulu. 8Kaja saikorawui Proho china hithāda hānga, kaja awui tekhamatei china ili nathumli khangapona yurbingli chihokhavāwui thili hānga, kaja nathumli sākaza̱ a chi awui miktāli lumzailāk kahaiali sākaza̱na.” 9“Yanglu, ina athumwuitungli ipāng khāngkāra kala athum athumwui rao sākasābingwui vang ngapon khavai ngasāra.”
Chieina saikorawui Prohona ili kachihona kaji nathumna theira.
10“Laa sāda mathānlu, O Zionwui naongalāva̱; khikhalajila yanglu, ina nathumli ngasopamra,” da Prohona hānga.
11Kala chithang yur kachungkhana Proholi rāngarumra kala iwui miyur ngasāra; kala ina nathumli ngasopamra, kala saikorawui Prohona nathumli ili chihokharāna kaji nathumna theira. 12Kala kathara ngaleili Prohona Judah hi awui shimluikatwui yar thāda khuira, kala Jerusalemli kapangkhuiluira.
13 #
Hab 2.20; Zep 1.7. Phasā khavai saikora, Prohowui mangāli chingri eina pamlu, kaja katharapamwui eina ana rāmihaira.
Currently Selected:
ZECHARIAH 2: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
ZECHARIAH 2
2
Tamkhavai Khara̱ Rākhamahā
1Kala ina mik yangkakā eina, yanglu, mi akha awui pāngli tamkhavai khara̱ singkasā thei!
2Chieina ina hānga, “Na kali vanikhala?” Kala ana ili hānga, “Jerusalem hi asān-aret kayākhakhala kaji tamkhui khavaina.”
3Kala yanglu, ili khangazeka kazingrao chi mangāli rānganaiya, kala khangatei kazingrao akhala ali samphang khavai rai 4kala ali hānga, “Yaronnaopā chili yongvāda ahānglu, ‘Jerusalemli mila, sha̱keila chungnā kahaiwui vang phākho makhalei kha̱nao thāda pānra. 5Khikhalajila ina kuimareida meiwui phākho ngasāmira, kala ina awui alungli tekhamatei ngasāra’ da Prohona hānga.”
Shimli Hanung khavai Raikathāli Khuithui kahaibingli Kaho
6Ah! ha! Atungshongwui ngalei eina yāmthulu, da Prohona hānga; kaja “Ina kazingram achikun matiwui masi thāda apam saikorali nathumli yaoyāngmi kahaina, da Prohona hānga. 7Ho! Babylonwui naongalāva̱li ngasoda kapambing, nathum Zionli yāmvaulu. 8Kaja saikorawui Proho china hithāda hānga, kaja awui tekhamatei china ili nathumli khangapona yurbingli chihokhavāwui thili hānga, kaja nathumli sākaza̱ a chi awui miktāli lumzailāk kahaiali sākaza̱na.” 9“Yanglu, ina athumwuitungli ipāng khāngkāra kala athum athumwui rao sākasābingwui vang ngapon khavai ngasāra.”
Chieina saikorawui Prohona ili kachihona kaji nathumna theira.
10“Laa sāda mathānlu, O Zionwui naongalāva̱; khikhalajila yanglu, ina nathumli ngasopamra,” da Prohona hānga.
11Kala chithang yur kachungkhana Proholi rāngarumra kala iwui miyur ngasāra; kala ina nathumli ngasopamra, kala saikorawui Prohona nathumli ili chihokharāna kaji nathumna theira. 12Kala kathara ngaleili Prohona Judah hi awui shimluikatwui yar thāda khuira, kala Jerusalemli kapangkhuiluira.
13 #
Hab 2.20; Zep 1.7. Phasā khavai saikora, Prohowui mangāli chingri eina pamlu, kaja katharapamwui eina ana rāmihaira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.