HAOKAPHOK 50
50
1Chieina Josephna avāva̱li mai ngasunda chaplaga avāva̱wui mai maya̱ya. 2Kala Josephna awui khanongbingli avāva̱wui phasāli makashui ari neomi khavai kasoi. Chieina khanongbingna Israelwui phasāli ari neomi; 3chi khaneo zimiksho hangmatithang zanga, kaja chirankha zangphalunga. Kala Egyptnaobingna zimiksho hangshinithang chapngachai.
4Kala awui vang chapkhangachā atam peikahai eina Josephna Pharaohshi shimkhurli hānga, “Ili nathumwui mikyanli leishimiakha, ina kapona, Pharaohli hāngmilu, 5Ishāvāna ili khangashit akha sangasakta ‘I ara thiki jiura; Canaanli ina sākahai chikhur chili nana ili ungchifalu’ da hānghaili. Chiwui vang ara apam chili ishāvāli chifa khavai ili khamayā milu, ina kapona; chiwui thili ina hanungnaoga.” 6Pharaohna, “Navāna ngashit ngasak kahai athishurda achifahaolu.” da ngahānkai. 7Chieina Josephna avāva̱li chifa khavai vai; ali ngasoda Pharaohwui rao shimkhurwui khararabing, kala Egyptwui khararnaobing, 8kala Josephwui shimkhur saikorala, achinā ngarāla, avāva̱shi shimkhurla vāsera; naoshinaobing kala sha̱keibingmāng Goshenli haisai. 9Kala siguigari eina sigui katongabing khanini zangda ali ngasovai; hi mikazip kahaka akhana.
10Jordan kānda Atadwui lanpumli vākashung tharān apam chili athumna wukkhananglāk eina achapngachai; kala Josephna avāva̱wui vang shinithang chapngachai. 11Atadwui lanpumli malungringlak eina chapkhangachā chi Canaannaobingna theilaga athumna hānga, “Hi Egyptnaobingwui vang khananglāk kahai akhara.” da hānga. Chiwui vang apam chili Abel-mizraim hoi; hi Jordan kong kānlaga lei. 12Avāva̱na kaso kahai tākam eina anaomayarabingna sāmi; 13#Ots 7.16. kaja anaomayarana ali Canaan ngaleili khuishangda Mamrewui zingshoshong, Mach-pelahli khalei luiwukwui ngalungkhur, Hitpa Ephronwui eina Abrahamna lokakhui chikhur sāda haiching khavai lungkhur chili chifaya. 14Avāva̱li chifa kahaiwui thili Josephna achināngarā kala ali khangasobing saikorali ngasoda Egyptli hanunga.
Josephna Achināngarāli Ning Lumkhangasak
15Josephwui achinā ngarāna avāva̱ thikahai chi theilaga athum hāngngaroka, “Josephna ithumli ningkachaida ali ithumna makaphā sākahai chiwui vang athut khuipai.” 16Chieina athumna Josephli pao akha chiphunvāda hānga, “Nashavā mathiranglakha hithāda hānghaili, 17‘Josephli hānglu, achinā ngarāwui morei kala khayon pheomilu, kaja athumna nali makaphā sāhaida lei.’ Chieina ara navāwui Varewui rao ithumwui khayonkhamāng pheomilu.” Athumwui tui chi shālaga Josephna chapa. 18Kala achinā ngarāna awui mangāli vālaga mai mashunzangda hānga, “Yanglu, ithum nawui raosera.” 19Kha Josephna athumli hānga, “Mangacheelu, I Varivarawui pamli leila? 20Nathumna ili makaphā saga da phaningsālapai, kha Varena kaphā sāmihaowa, kaja aja hithāda mi kachungkhali ringngasak khavai kasāna. 21Chiwui vang eina mangacheelu; ina nathumli kala naoshinaobinglila mizāchingra.” Hithāda athumli ringphāda ninglum ngasaka.
Joseph Kathi
22Chithāda sāda Joseph kala avāva̱wui shimkhur saikora Egyptli pama; kala Josephna kum shākha tharā okthui. 23Anaomayara Ephraimwui naongarā, thot kathum eina tangda thei; kala Manassehwui naomayara Machirwui naongarā Josephwui makāli pharāsanga. 24Kala Josephna achināngarāli hānga, “I thiki jihaira; kha Varena nathumli ngasomida, Abrahamli, Isaacli, Jacobli ngashit kahai lam chili, apam hiwui eina thānshokra.” 25Chiwui thili Josephna Israelwui naomayarabingli khangashit akha sāngasakta hānga, “Varena nathumli ngasomira, kala iwui ara̱kui hiwui eina nathumna phungthuira.” 26Chithāda Josephna kum shākha tharā kākashung eina thihaowa; kala ari neolaga aphasā chi kathi okoli sangda Egyptli hai.
Currently Selected:
HAOKAPHOK 50: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
HAOKAPHOK 50
50
1Chieina Josephna avāva̱li mai ngasunda chaplaga avāva̱wui mai maya̱ya. 2Kala Josephna awui khanongbingli avāva̱wui phasāli makashui ari neomi khavai kasoi. Chieina khanongbingna Israelwui phasāli ari neomi; 3chi khaneo zimiksho hangmatithang zanga, kaja chirankha zangphalunga. Kala Egyptnaobingna zimiksho hangshinithang chapngachai.
4Kala awui vang chapkhangachā atam peikahai eina Josephna Pharaohshi shimkhurli hānga, “Ili nathumwui mikyanli leishimiakha, ina kapona, Pharaohli hāngmilu, 5Ishāvāna ili khangashit akha sangasakta ‘I ara thiki jiura; Canaanli ina sākahai chikhur chili nana ili ungchifalu’ da hānghaili. Chiwui vang ara apam chili ishāvāli chifa khavai ili khamayā milu, ina kapona; chiwui thili ina hanungnaoga.” 6Pharaohna, “Navāna ngashit ngasak kahai athishurda achifahaolu.” da ngahānkai. 7Chieina Josephna avāva̱li chifa khavai vai; ali ngasoda Pharaohwui rao shimkhurwui khararabing, kala Egyptwui khararnaobing, 8kala Josephwui shimkhur saikorala, achinā ngarāla, avāva̱shi shimkhurla vāsera; naoshinaobing kala sha̱keibingmāng Goshenli haisai. 9Kala siguigari eina sigui katongabing khanini zangda ali ngasovai; hi mikazip kahaka akhana.
10Jordan kānda Atadwui lanpumli vākashung tharān apam chili athumna wukkhananglāk eina achapngachai; kala Josephna avāva̱wui vang shinithang chapngachai. 11Atadwui lanpumli malungringlak eina chapkhangachā chi Canaannaobingna theilaga athumna hānga, “Hi Egyptnaobingwui vang khananglāk kahai akhara.” da hānga. Chiwui vang apam chili Abel-mizraim hoi; hi Jordan kong kānlaga lei. 12Avāva̱na kaso kahai tākam eina anaomayarabingna sāmi; 13#Ots 7.16. kaja anaomayarana ali Canaan ngaleili khuishangda Mamrewui zingshoshong, Mach-pelahli khalei luiwukwui ngalungkhur, Hitpa Ephronwui eina Abrahamna lokakhui chikhur sāda haiching khavai lungkhur chili chifaya. 14Avāva̱li chifa kahaiwui thili Josephna achināngarā kala ali khangasobing saikorali ngasoda Egyptli hanunga.
Josephna Achināngarāli Ning Lumkhangasak
15Josephwui achinā ngarāna avāva̱ thikahai chi theilaga athum hāngngaroka, “Josephna ithumli ningkachaida ali ithumna makaphā sākahai chiwui vang athut khuipai.” 16Chieina athumna Josephli pao akha chiphunvāda hānga, “Nashavā mathiranglakha hithāda hānghaili, 17‘Josephli hānglu, achinā ngarāwui morei kala khayon pheomilu, kaja athumna nali makaphā sāhaida lei.’ Chieina ara navāwui Varewui rao ithumwui khayonkhamāng pheomilu.” Athumwui tui chi shālaga Josephna chapa. 18Kala achinā ngarāna awui mangāli vālaga mai mashunzangda hānga, “Yanglu, ithum nawui raosera.” 19Kha Josephna athumli hānga, “Mangacheelu, I Varivarawui pamli leila? 20Nathumna ili makaphā saga da phaningsālapai, kha Varena kaphā sāmihaowa, kaja aja hithāda mi kachungkhali ringngasak khavai kasāna. 21Chiwui vang eina mangacheelu; ina nathumli kala naoshinaobinglila mizāchingra.” Hithāda athumli ringphāda ninglum ngasaka.
Joseph Kathi
22Chithāda sāda Joseph kala avāva̱wui shimkhur saikora Egyptli pama; kala Josephna kum shākha tharā okthui. 23Anaomayara Ephraimwui naongarā, thot kathum eina tangda thei; kala Manassehwui naomayara Machirwui naongarā Josephwui makāli pharāsanga. 24Kala Josephna achināngarāli hānga, “I thiki jihaira; kha Varena nathumli ngasomida, Abrahamli, Isaacli, Jacobli ngashit kahai lam chili, apam hiwui eina thānshokra.” 25Chiwui thili Josephna Israelwui naomayarabingli khangashit akha sāngasakta hānga, “Varena nathumli ngasomira, kala iwui ara̱kui hiwui eina nathumna phungthuira.” 26Chithāda Josephna kum shākha tharā kākashung eina thihaowa; kala ari neolaga aphasā chi kathi okoli sangda Egyptli hai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.