HAOKAPHOK 48
48
Jacobna Ephraim eina Manassehli Sokhami
1Chiwui thili Josephli, “Navā kazādalei”; da kahāng eina ana anaomayara khani, Manasseh eina Ephraimli thānda vai. 2Kala Jacobli, “Nanaomayara Joseph rāhaira.” da kahāng eina Israelna zingarāda petli thuipama. 3#Hao 28.13-14. Kala Jacobna Josephli hānga, “Pangshap sāshapa Varena Canaan ngaleiwui Luzli ili rāchitheida somi, 4kala ili hānga, ‘Yanglu, ina nali athei mathei ngasakta kachungkha mataisangmira, kala nawui eina miyur akha sākhuira, kala nawui thili kharā ara̱-azāli ngalei hi metchangra.’ da hānga.
5“Ara nanao khani ina Egypt ngaleili marāranglakha kapharā chi iwuina; Reuben eina Simeon iwui khangasā thāda Ephraim eina Manassehla iwui ngasāra. 6Aniwui thili kapharābing chi nawui sāra, kala athumwui achinā ngarāwui shimlui khararwui ming eina phokra. 7#Hao 35.16-19. Kaja ina Paddanwui eina kazat chitharān, Canaan ngaleili zatlakha, Ephrath mavāshungranglakha Rachel thihaida I wukkhananglakhaowa; kala ina ali Ephrath (chiya, Bethlehem) vākhavai shongfali chifahaowa.”
8Israelna Josephwui nao khanili kathei eina, “Hi khipālongkhala?” da ngahāna, 9Josephna avāva̱li hānga, “Ili Varena hili khami inaomayara khanina.”
Chieina ana hānga, “Ina anili somi khavai iwui ngalemli khuirālu.” 10Chitharān sārnahaida Israelna mikla matheirarthuwa. Chieina Josephna anili nganaida awuili thānvai; kala ana anili maya̱khuida vamkhuiya. 11Kala Israelna Josephli hānga, “Ina nali theiluira da maphaningsāmana; kha yanglu, Varena ili nanao ngarālila theingasakhaira.” 12Chieina Josephna anili amakāwui eina tāngasakhailaga akhalatta ngaleili ngakhumshāmzanga. 13Kala Josephna anili, Ephraimli awui yāshong eina thara̱laga Israelwui uishong kala Manassehli uishong eina thara̱laga Israelwui yāshong da khuirai. 14Kala Israelna awui pāng chākreita katingshok laga paisho Ephraimwui kuitungli awui yāpang para kala awui uishong kharara Manassehwui kuitungli para. 15Kala ana Josephli somida hānga,
“Ishāvā Abraham eina Isaacna shitsangda ringkharā Vare,
iwui mirinli aja rāshungda thānkhame Vare;
16Ili makaphā saikorawui eina ngatangkhame,
kazingrao china nao khanili somilu;
kala aniwuitungli iwui, kala ishāvā ngarā
Abraham, Isaacwui ming leichingranu;
kala okathuili mataisangda,
kachungkha ngasāranu.”
17Avāva̱wui yāpang Ephraimwui kuitungli kapar chi theilaga Joseph maringphāthuwa; chieina avāva̱wui pāng chi khuilaga Ephraimwui eina Manassehwui kuitungli parkhavai sai. 18Kala Josephna avāva̱li hānga, “Maningmana avā; kaja hipāna khararana, awui kuitungli nawui yāpāng parmilu.” 19Kha avāva̱na mamayāmada hānga, “Ina thei, inaomayara, ina thei; ala yur akha ngasāra, kahaka akha ngasāra; chithālala agatona ali reimeira, kala awui ara̱-azāna yur kachungkha ngasāra.” 20#Heb 11.21. Chithāda chithang ana anili somida hānga,
“Nathumwui ming singda Israelnaobingna
somida hithāda hāngra;
‘Varena nali Ephraim eina Manasseh thāda somiranu’”;
chithāda ana Manassehwui mangāli Ephraimpāli ringasaka.
21Chiwui thili Israelna Josephli hānga, “Yanglu, I thiki jiura, kha Varena nali ngasomira kala navā ngarāwui ngaleili thānshokmiluira. 22Chili lāngda nachinā ngarāli mamila napāli, ina raighai eina malā singlaga Amornaobingwui eina kakhui kaphungwui amai akha mihaira.”
Currently Selected:
HAOKAPHOK 48: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
HAOKAPHOK 48
48
Jacobna Ephraim eina Manassehli Sokhami
1Chiwui thili Josephli, “Navā kazādalei”; da kahāng eina ana anaomayara khani, Manasseh eina Ephraimli thānda vai. 2Kala Jacobli, “Nanaomayara Joseph rāhaira.” da kahāng eina Israelna zingarāda petli thuipama. 3#Hao 28.13-14. Kala Jacobna Josephli hānga, “Pangshap sāshapa Varena Canaan ngaleiwui Luzli ili rāchitheida somi, 4kala ili hānga, ‘Yanglu, ina nali athei mathei ngasakta kachungkha mataisangmira, kala nawui eina miyur akha sākhuira, kala nawui thili kharā ara̱-azāli ngalei hi metchangra.’ da hānga.
5“Ara nanao khani ina Egypt ngaleili marāranglakha kapharā chi iwuina; Reuben eina Simeon iwui khangasā thāda Ephraim eina Manassehla iwui ngasāra. 6Aniwui thili kapharābing chi nawui sāra, kala athumwui achinā ngarāwui shimlui khararwui ming eina phokra. 7#Hao 35.16-19. Kaja ina Paddanwui eina kazat chitharān, Canaan ngaleili zatlakha, Ephrath mavāshungranglakha Rachel thihaida I wukkhananglakhaowa; kala ina ali Ephrath (chiya, Bethlehem) vākhavai shongfali chifahaowa.”
8Israelna Josephwui nao khanili kathei eina, “Hi khipālongkhala?” da ngahāna, 9Josephna avāva̱li hānga, “Ili Varena hili khami inaomayara khanina.”
Chieina ana hānga, “Ina anili somi khavai iwui ngalemli khuirālu.” 10Chitharān sārnahaida Israelna mikla matheirarthuwa. Chieina Josephna anili nganaida awuili thānvai; kala ana anili maya̱khuida vamkhuiya. 11Kala Israelna Josephli hānga, “Ina nali theiluira da maphaningsāmana; kha yanglu, Varena ili nanao ngarālila theingasakhaira.” 12Chieina Josephna anili amakāwui eina tāngasakhailaga akhalatta ngaleili ngakhumshāmzanga. 13Kala Josephna anili, Ephraimli awui yāshong eina thara̱laga Israelwui uishong kala Manassehli uishong eina thara̱laga Israelwui yāshong da khuirai. 14Kala Israelna awui pāng chākreita katingshok laga paisho Ephraimwui kuitungli awui yāpang para kala awui uishong kharara Manassehwui kuitungli para. 15Kala ana Josephli somida hānga,
“Ishāvā Abraham eina Isaacna shitsangda ringkharā Vare,
iwui mirinli aja rāshungda thānkhame Vare;
16Ili makaphā saikorawui eina ngatangkhame,
kazingrao china nao khanili somilu;
kala aniwuitungli iwui, kala ishāvā ngarā
Abraham, Isaacwui ming leichingranu;
kala okathuili mataisangda,
kachungkha ngasāranu.”
17Avāva̱wui yāpang Ephraimwui kuitungli kapar chi theilaga Joseph maringphāthuwa; chieina avāva̱wui pāng chi khuilaga Ephraimwui eina Manassehwui kuitungli parkhavai sai. 18Kala Josephna avāva̱li hānga, “Maningmana avā; kaja hipāna khararana, awui kuitungli nawui yāpāng parmilu.” 19Kha avāva̱na mamayāmada hānga, “Ina thei, inaomayara, ina thei; ala yur akha ngasāra, kahaka akha ngasāra; chithālala agatona ali reimeira, kala awui ara̱-azāna yur kachungkha ngasāra.” 20#Heb 11.21. Chithāda chithang ana anili somida hānga,
“Nathumwui ming singda Israelnaobingna
somida hithāda hāngra;
‘Varena nali Ephraim eina Manasseh thāda somiranu’”;
chithāda ana Manassehwui mangāli Ephraimpāli ringasaka.
21Chiwui thili Israelna Josephli hānga, “Yanglu, I thiki jiura, kha Varena nali ngasomira kala navā ngarāwui ngaleili thānshokmiluira. 22Chili lāngda nachinā ngarāli mamila napāli, ina raighai eina malā singlaga Amornaobingwui eina kakhui kaphungwui amai akha mihaira.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.