HAOKAPHOK 30
30
1Rachelna nao mapharāthuda achonva̱li yuishihaowa; chieina Jacobli hānga, “Ili nao milu, maningakha I thihaora!” 2Jacobna Rachelli malungvāthaoda hānga, “Ina Varewui pamli leida nawui naopamwui athei shungmikahaila?” 3Chieina preiva̱na hānga, “Iwui rao Bilhah hili leili, ali ngasopida ana iwui vang nao pharāmiranu, chieina awui mangā eina ina nao leira.” 4Chieina Rachelna rao Bilhahli apreiva̱ sākhavai mida Jacobna ngasopihaowa. 5Bilhahna nao vaida mayarnao akha Jacobli pharāmi. 6Chieina Rachelna hānga, “Varena mashungrik eina sāmihaira, kala iwui khon shāmida ili mayarnao akha mihaira”; chiwui vang aming Dan phokmi. 7Rachelwui rao Bilhahna nao vailuishitta Jacobli mayarnao kakhane pharāmi. 8Chieina Rachelna hānga, “Ishachonli panglāk eina ngaheida ina yuihaira”; chieina naowui ming Naphtali hoi.
9Leahna naothei kuphaira da kathei tharān awui rao Zilpahli apreiva̱ sākhavai Jacobli mi. 10Chiwui thili Leahwui rao Zilpahna Jacobli mayarnao akha pharāmi. 11Kala Leahna hānga, “Ka̱lā khamahai!” Chiwui vang aming Gad phokmi. 12Leahwui rao Zilpahna mayarnao kakhane pharāluishita. 13Kala Leahna hānga, “I ringkaphava̱na! Kaja preinaobingna ili ringkaphava̱ hora”; chiwui vang aming Asher phokmi.
14Kehu kahāt atamli Reubenna luili mandrake (ari-arai sākhavai thingnahyur) samphangda ava̱va̱ Leahli khuiungmi. Chieina Rachelna Leahli hānga, “Nanaomayarawui mandrake chi ilila khamilu” da poi. 15Kha ana hānga, “Nana igahara ngapaithui kahai chi kapai otnada khuila? Inaowui mandrake hila khuiluiga kajila?” Rachelna hānga, “Chithakha nanaomayarawui mandrakewui vang aja ngayā ana nali ngasopipaira.” 16Ngazinshong Jacob luiwui eina hankhaung tharān Leahna shoksamphangda hānga, “Na ili ngasopiphalungra, kaja inaomayarawui mandrake eina nali masākhuihaira.” Chiwui vang eina chithang ngayā ali ngasopi. 17Varena Leahli phaningmida nao vaihaowa, kala Jacobli naomayara kaphangā pharāmi. 18Leahna hānga, “Ina iwui rao igaharali khamiwui vang Varena iwui sāman mihaira”; chiwui vang aming Issachar phokmi. 19Leahna nao vailuishita kala mayarnao katharuka pharāmi. 20Chieina Leahna hānga, “Varena ili manho mathālak eina mihaira, ara igaharana ili khayāshihaora, kaja ali ina mayarnao tharuk pharāmihaira”; chiwui vang aming Zebulun phokmi. 21Chiwui thili sha̱nao akha pharai, kala aming Dinah phokmi.
22Chiwui thili Varena Rachelli phaningungda shākhamiwui vang awui naopam shomi. 23Ana nao vaida mayarnao akha pharai, chieina ana hānga, “Varena iwui sui khuithuimihaira”; 24kala ana aming Joseph phokmida hānga, “Varena ili mayarnao akha ngarumsangmiluiranu.”
25Rachelna Josephli pharā kahaiwui thili Jacobna Labanli hānga, “Iwui shim kala iwui ngaleili ungkhavai chihomilu. 26Ina otram ngatha̱kakhuiya ipreiva̱ ngarā kala naongarā ili mida zatngasakhaolu; kaja ina nali otram ngatha̱khami nana theihaira.” 27Kha Labanna ali hānga, “Ina hāngkhangai akha lei, kaja nawui mangā eina Prohona ili somihaira; 28nawui pokhangai chotman chi polu, ina nali mira.” 29Jacobna ali hānga, “Ina nali kathāda otram ngatha̱mihaira, kala nawui sha̱kei ina homda kayākha mataisanghaira kaji namāngna thei. 30Kaja I marāranglakha kateokhamāng leisāmaya, kha ara sorngasaihaira; iwui otsak kachida Varena nali somi. Kha iwui shimkhurwui vangla katharān ngarangsangrakhala?” 31Labanna hānga, “Nali khi milu jikhala?”
Jacobna hānga, “Ili khikhala mamilakmara; nana iwui vang chi sāmiakha I nawui yao homluishitra: 32ili aja nawui sha̱kei ashangva̱ katonga yangvā ngasaklaga khākhanāng kala chukpom yaobing kala kazika yaonaobing kala khākhanāng mebing ngateida khaishok ngasakmilu; laga chikathabing chi iwui chotman sāra. 33Chithāda sāda nana iwui chotman mikhavai rākhayang chitharān ina ning kathar eina kasā nana theihaora. Mewui ngachaili makhākhanang kala makachuk kala yaowui ngachaili makazik iwuili zangsaakha nawui leekakhuina jira.” 34Labanna hānga, “Phālakhaira, nana kahāng chitharanu.” 35Kha chithang Labanna khākhanang kala chukpom mevābing kala meva̱bing, kala kachar kakā kachiva̱, kazika yaonao kachiva̱ ngatei ngasakta, anaomayarali homngasaka; 36kala aniwui matakli kathumthangwui shongzā tāda vahai ngasakhaowa; Labanwui khangatei ashang chi Jacobna hompama.
37Chiwui thili Jacobna poplar, almond, kala khamatek thingphāng khuilaga thingkor hemhaida alungwui kachar chi theingasaka. 38Hemkakhai thingbing chi sha̱keibingwui vang rungmi kahai tara̱lungli sangmihai. Sha̱keibingna tara̱ ungkhamang tharān ngalāthaokada, 39thing chi katheiwui vang anao khānānglaga, kala chukpomlaga pharāhaowa. 40Kala Jacobna yaonaobing chi ngatei ngasaka, kala yaobingli akhān kakhānangwuishong ngareivā ngasaka, kala kazikbing Labanwuishong ngareivā ngasakta awui ngateida homa; kala Labanwuili ngarumda masanghaimana. 41Pangkhamei asā kaphābingna khangalāt tharān yaobingna theikhavai mangkhavai chili khākhanang thingbing chi Jacobna sangmihai, 42kha asā makaphābing chili masangmihaimana; chithāda Labanwuina ngazanmei kala Jacobwuina pangmei. 43Chithāda sāda mipā chi shānglakhaowa, kala sha̱keila chunglakhaowa; rao sha̱nao eina mayarnao, ut kala gadhā kachungkha leihaowa.
Currently Selected:
HAOKAPHOK 30: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
HAOKAPHOK 30
30
1Rachelna nao mapharāthuda achonva̱li yuishihaowa; chieina Jacobli hānga, “Ili nao milu, maningakha I thihaora!” 2Jacobna Rachelli malungvāthaoda hānga, “Ina Varewui pamli leida nawui naopamwui athei shungmikahaila?” 3Chieina preiva̱na hānga, “Iwui rao Bilhah hili leili, ali ngasopida ana iwui vang nao pharāmiranu, chieina awui mangā eina ina nao leira.” 4Chieina Rachelna rao Bilhahli apreiva̱ sākhavai mida Jacobna ngasopihaowa. 5Bilhahna nao vaida mayarnao akha Jacobli pharāmi. 6Chieina Rachelna hānga, “Varena mashungrik eina sāmihaira, kala iwui khon shāmida ili mayarnao akha mihaira”; chiwui vang aming Dan phokmi. 7Rachelwui rao Bilhahna nao vailuishitta Jacobli mayarnao kakhane pharāmi. 8Chieina Rachelna hānga, “Ishachonli panglāk eina ngaheida ina yuihaira”; chieina naowui ming Naphtali hoi.
9Leahna naothei kuphaira da kathei tharān awui rao Zilpahli apreiva̱ sākhavai Jacobli mi. 10Chiwui thili Leahwui rao Zilpahna Jacobli mayarnao akha pharāmi. 11Kala Leahna hānga, “Ka̱lā khamahai!” Chiwui vang aming Gad phokmi. 12Leahwui rao Zilpahna mayarnao kakhane pharāluishita. 13Kala Leahna hānga, “I ringkaphava̱na! Kaja preinaobingna ili ringkaphava̱ hora”; chiwui vang aming Asher phokmi.
14Kehu kahāt atamli Reubenna luili mandrake (ari-arai sākhavai thingnahyur) samphangda ava̱va̱ Leahli khuiungmi. Chieina Rachelna Leahli hānga, “Nanaomayarawui mandrake chi ilila khamilu” da poi. 15Kha ana hānga, “Nana igahara ngapaithui kahai chi kapai otnada khuila? Inaowui mandrake hila khuiluiga kajila?” Rachelna hānga, “Chithakha nanaomayarawui mandrakewui vang aja ngayā ana nali ngasopipaira.” 16Ngazinshong Jacob luiwui eina hankhaung tharān Leahna shoksamphangda hānga, “Na ili ngasopiphalungra, kaja inaomayarawui mandrake eina nali masākhuihaira.” Chiwui vang eina chithang ngayā ali ngasopi. 17Varena Leahli phaningmida nao vaihaowa, kala Jacobli naomayara kaphangā pharāmi. 18Leahna hānga, “Ina iwui rao igaharali khamiwui vang Varena iwui sāman mihaira”; chiwui vang aming Issachar phokmi. 19Leahna nao vailuishita kala mayarnao katharuka pharāmi. 20Chieina Leahna hānga, “Varena ili manho mathālak eina mihaira, ara igaharana ili khayāshihaora, kaja ali ina mayarnao tharuk pharāmihaira”; chiwui vang aming Zebulun phokmi. 21Chiwui thili sha̱nao akha pharai, kala aming Dinah phokmi.
22Chiwui thili Varena Rachelli phaningungda shākhamiwui vang awui naopam shomi. 23Ana nao vaida mayarnao akha pharai, chieina ana hānga, “Varena iwui sui khuithuimihaira”; 24kala ana aming Joseph phokmida hānga, “Varena ili mayarnao akha ngarumsangmiluiranu.”
25Rachelna Josephli pharā kahaiwui thili Jacobna Labanli hānga, “Iwui shim kala iwui ngaleili ungkhavai chihomilu. 26Ina otram ngatha̱kakhuiya ipreiva̱ ngarā kala naongarā ili mida zatngasakhaolu; kaja ina nali otram ngatha̱khami nana theihaira.” 27Kha Labanna ali hānga, “Ina hāngkhangai akha lei, kaja nawui mangā eina Prohona ili somihaira; 28nawui pokhangai chotman chi polu, ina nali mira.” 29Jacobna ali hānga, “Ina nali kathāda otram ngatha̱mihaira, kala nawui sha̱kei ina homda kayākha mataisanghaira kaji namāngna thei. 30Kaja I marāranglakha kateokhamāng leisāmaya, kha ara sorngasaihaira; iwui otsak kachida Varena nali somi. Kha iwui shimkhurwui vangla katharān ngarangsangrakhala?” 31Labanna hānga, “Nali khi milu jikhala?”
Jacobna hānga, “Ili khikhala mamilakmara; nana iwui vang chi sāmiakha I nawui yao homluishitra: 32ili aja nawui sha̱kei ashangva̱ katonga yangvā ngasaklaga khākhanāng kala chukpom yaobing kala kazika yaonaobing kala khākhanāng mebing ngateida khaishok ngasakmilu; laga chikathabing chi iwui chotman sāra. 33Chithāda sāda nana iwui chotman mikhavai rākhayang chitharān ina ning kathar eina kasā nana theihaora. Mewui ngachaili makhākhanang kala makachuk kala yaowui ngachaili makazik iwuili zangsaakha nawui leekakhuina jira.” 34Labanna hānga, “Phālakhaira, nana kahāng chitharanu.” 35Kha chithang Labanna khākhanang kala chukpom mevābing kala meva̱bing, kala kachar kakā kachiva̱, kazika yaonao kachiva̱ ngatei ngasakta, anaomayarali homngasaka; 36kala aniwui matakli kathumthangwui shongzā tāda vahai ngasakhaowa; Labanwui khangatei ashang chi Jacobna hompama.
37Chiwui thili Jacobna poplar, almond, kala khamatek thingphāng khuilaga thingkor hemhaida alungwui kachar chi theingasaka. 38Hemkakhai thingbing chi sha̱keibingwui vang rungmi kahai tara̱lungli sangmihai. Sha̱keibingna tara̱ ungkhamang tharān ngalāthaokada, 39thing chi katheiwui vang anao khānānglaga, kala chukpomlaga pharāhaowa. 40Kala Jacobna yaonaobing chi ngatei ngasaka, kala yaobingli akhān kakhānangwuishong ngareivā ngasaka, kala kazikbing Labanwuishong ngareivā ngasakta awui ngateida homa; kala Labanwuili ngarumda masanghaimana. 41Pangkhamei asā kaphābingna khangalāt tharān yaobingna theikhavai mangkhavai chili khākhanang thingbing chi Jacobna sangmihai, 42kha asā makaphābing chili masangmihaimana; chithāda Labanwuina ngazanmei kala Jacobwuina pangmei. 43Chithāda sāda mipā chi shānglakhaowa, kala sha̱keila chunglakhaowa; rao sha̱nao eina mayarnao, ut kala gadhā kachungkha leihaowa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.