MATHAI SINIRWMUNG
SINIRWMUNG
Jisu wng kha mwthangna bagwi swmai tangjak a mwthangnaisa, bini bising tẃi kheno Kaitor Swmai kwchamo bini bororokno swmai tangmani abo nang phai-o, o kókno Mathai Kothoma Kahamo sa-o. O Kothoma kaham le bo achai phaimani a Judai dopharokni bagwi simi ya, tamo khe omo ha sakani bebak bororokni bagwi se.
Mathai kaham khe khropsa khe snamjak kha. Omo Jisu achai phuruni simi chengjago, bini baptisma wngma tei belokjakma tei ulo bini pírmani samung tangmano sajak kha, Galili-o phrwngmani tei hamya ham rwmani samungrok. Aboni ulo khe kothoma kahamo Jisu Galilini simi Jerusalemo thángma kók tei Jisuni páithak nokha salsni-o aswk wngmarokni kók, kruso rwjak phuruni kók tei thangwi bachamani kókrok swijak kha.
Kothoma kahamo Jisuno khoroksa phrwngnai kotor khe phunukjago, Kaitorni Kerongno swbaiwi sanani bini suar tongo tei bo Kaitorni hani kókno phrwngo. Bini aswk phrwngmarokno bwkhak khakba khe khakjago: (1) Hathái saka-o phrwngmani, abo tongmungrokno, tangthairok, lama manmarok tei Kaitorni ha bwswk jora sógwinairokno sa-o (Rem 5-7); (2) Khorok chinwi sagrirokno bórokni Misonni kókbitino samani (Rem 10); (3) Kaitorni hani tẃi rwngthomarok (Rem 13); (4) Sagri khe bahai tamo abono tẃi phrwngmani, (Rem 18); (5) Tabukni o jora páinani kókno tei Kaitorni ha phaina hwnmani kókrokno phrwngmani (Rem 24-25).
Buro tamo Kóktháirok
Bosongni kók tei Jisu Khristo achaima 1.1-2.23
Baptisma rwnai Johon samung tangma 3.1-12
Jisu baptisma wngma tei belokjakma 3.13-4.11
Jisu Galili-o samung tangmani 4.12-18.35
Galilini simi Jerusalem jora 19.1-20.34
Páithak salsni tei Jerusalemni samo 21.1-27.66
Kwthang wngwi bachama tei Subrai nukjakmani 28.1-20
Currently Selected:
MATHAI SINIRWMUNG: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.