TITUS 2
2
1Vele no thezho keve zhüko pote. 2Pethimiko rhorhüte, meshishü, pemetü mete, thegigü krokrü kemelü keve, miva phise, sügü sühe, 3Theno pethi ketako sübite, mesati zhokomi mejo nyükemo, hezo kranyü ba kemo, mhakeve kemetha kethimi. 4Side theno natsiko (relimiko) methapü rhorhü, unopune khrü, uneko khrüti; 5Metsümetse, uzho matho, ukrouce khimeve keyive mu unopu füzüthi, side Jihova jü thimerho va kemo; 6Khresamiko sheri sübi rhorhü ti metha süte; 7M mhametükolü nekhapü mhakeve kethilü thaka thisüte, thezho keve thi merho va kemo, metüte, mu sürhü sürho tilü. 8U jüpojüli kevepo, mipo thalice va kemo, size kemoko ketherü ketasa thenga thitayo, mhakesu mipo n yo pota kemo. 9Mi thekü kethiko tarhopü ukopo u niepomiko jüzü thi yite, mu mhametükolü ukonü kethi, thi meve kesü, mu umezi pota kemo. 10U be pü mha rego kevatahiri, vele mhakeve metülü melüyi keve thisüte, side uko thezho kevekhi bemene keyila therüo uko kelakeyio zhoreleko thitsosü ketola. 11Kekrelamori kekhrü ngokemezhe uko kelakeyio khapü thüma metüko mengo süte. 12U methakesü mesakemo kehü, cejülü menyüko, khava de uko metsümetse, kemezi, kemesa zho, hiko khiyi cejülü kehüce. 13Thejo kepü kemeri Therü kezhoo, u kelakeyi Jisu Khrista zapozazle thi lavori ketoce. 14Pü pükhapü uko tsüsü, pü uko mesakemo metülü uko rhayi, uthi kemesa pü thüma uhü kekre kropü, mhatho kevelü ulüni phite. 15Mhahiko khipo, tarho, lekhu keku metü khide, mi püpori nkhapü mhapüri kemo thiva hite.
Currently Selected:
TITUS 2: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
TITUS 2
2
1Vele no thezho keve zhüko pote. 2Pethimiko rhorhüte, meshishü, pemetü mete, thegigü krokrü kemelü keve, miva phise, sügü sühe, 3Theno pethi ketako sübite, mesati zhokomi mejo nyükemo, hezo kranyü ba kemo, mhakeve kemetha kethimi. 4Side theno natsiko (relimiko) methapü rhorhü, unopune khrü, uneko khrüti; 5Metsümetse, uzho matho, ukrouce khimeve keyive mu unopu füzüthi, side Jihova jü thimerho va kemo; 6Khresamiko sheri sübi rhorhü ti metha süte; 7M mhametükolü nekhapü mhakeve kethilü thaka thisüte, thezho keve thi merho va kemo, metüte, mu sürhü sürho tilü. 8U jüpojüli kevepo, mipo thalice va kemo, size kemoko ketherü ketasa thenga thitayo, mhakesu mipo n yo pota kemo. 9Mi thekü kethiko tarhopü ukopo u niepomiko jüzü thi yite, mu mhametükolü ukonü kethi, thi meve kesü, mu umezi pota kemo. 10U be pü mha rego kevatahiri, vele mhakeve metülü melüyi keve thisüte, side uko thezho kevekhi bemene keyila therüo uko kelakeyio zhoreleko thitsosü ketola. 11Kekrelamori kekhrü ngokemezhe uko kelakeyio khapü thüma metüko mengo süte. 12U methakesü mesakemo kehü, cejülü menyüko, khava de uko metsümetse, kemezi, kemesa zho, hiko khiyi cejülü kehüce. 13Thejo kepü kemeri Therü kezhoo, u kelakeyi Jisu Khrista zapozazle thi lavori ketoce. 14Pü pükhapü uko tsüsü, pü uko mesakemo metülü uko rhayi, uthi kemesa pü thüma uhü kekre kropü, mhatho kevelü ulüni phite. 15Mhahiko khipo, tarho, lekhu keku metü khide, mi püpori nkhapü mhapüri kemo thiva hite.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.