ROMEMIKO 9
9
Jihova Israelmi keda keyi
1I Khrista zalü jütho poyo, I cejü mozo, akelümedo sheri süsüzo ziba m Kemesa Rüpü sheri azhopo zo. 2Kemeshi kezhopü ayota m amelülü lüzhepü ba. 3Kekrelamori a kemenyü Khrista po a khreko (asazüjürako) sülü areshu va veze, athi a za lü a cekroko. 4Somi Israelmiko ta, somi nuthonu kethi khatsü, m zapozale, m kejükho keyi, thezho kha kesü, Jihova choyi kethi, m reshüko. 5Somi uponeko, uthi uzalü Khrista hü kevori, somi metükopi thejo kepü Jihova kechothela kha kesü, Amen. 6Süsü Jihova jü mhathiyi ho ketala mo. Kekrelamori Israelmi metü Israelmi mo. 7Mori uko Abraham shuye metü pünune zomo, vele Isaac yo nshuye mehü süto. 8Püco süo, uthiumo nuneko Jihova nuneko mo, rele reshupü meta keti nuneko pü shuye. 9Kekrelamori khapü kemeta jüo, I pütü hice vorito; m Sara thepu nupü ngoyito. 10Sülebi kemo, Rebecca sheri mi püyono nu hükeyi, uko potsa Isaac yono. 11Uko mipüri menuyi kemolü, mori mhakeve sheri mori mhakesu sheri mhathopüri thisü kemolü; Jihova po kedakeyi mhathoo lamo vele cükeyi thisü ketola. 12Thenopüce pokesü, pethiopo natsio choyi thito. 13Hibide thopü meta, I Jacob ngo anü, vele I Esau ngometsü. 14Süsa uko kedipü pota? Jihova mezikemo huneme? Sizi mozo. 15Kekrelamori pü Mosesce kepo, I phimezhe süketomiyo phimezhe süto; kekhrü mhatho thisü ketomiyo kekhrü mhatho khasüto. 16Süla thümayomo thitole medo keta mori süsü huzo kevo, vele Jihova tho phikemezhe kha kesü. 17Ketholesilü Pharoahce pokesü, mhatho hila I nmehüsü, n-yono akekupü mengosü m cejümetülü azapü mesesü ketola. 18Süla pütho sopü phi mezhe süto kedayi sheri pü sümi tsü süyo, m pütho somi lü thi merü süto sheri sümi lü thi merü vayo. (Jihova lekhu m phi kemezhe). 19No ace hizi poto, Dipülü akejo ngoyi tade? Sopüno pümedo varhüyi veta? 20Vele nothümao, nosopüle Jihova züde kemeliyi veta? Thikesüo (mhathoo) püthi kesüoce no ditono athipü hihi bisüva? Sizi potome. 21Le kethio leyo pü keku ba mome? Renyopü khipü therholeri m zhoshüleri thiyiyo. 22Mhace Jihova pülekhu mengo sütori, pükeku mesesü tori; sügüsühede pütü kecho thade khapü lekhulü meka keva zhükozo. 23Pü zapozale kene khipü leko mese mengo sü ketola, mejümera kesüpü meta de ukopo zapozale thito. 24Sübi uko cüyi ketakori, Judahmi lebimo vele u Judah kemokori samo tome? 25Pü Hosealü kepobi, athüma kemoko cüpü athüma thito; I khrüyo kemoko khrü süto. 26Neko athümakomo, sizi keta sülü, neko rhüketa Jihova mako sizide potato. 27Isaiah sheri Israelmikola setayo, Israelko thono kropü tesünyo jükezholü keba bita zori mikedopü lebi meha keyi zo tato. 28Pü mhatho thitsü süto, kemezilü thi mejü vato; cejülü mhatho Niepoo thi meze sütato. 29Isaiah hijü saju poketabi, Niepoo krodeko mhace uko meha sükemo sa uko Sodom m Gomorrah bitato.
Israel melükemo
30Uko süsa kedipü pota? Israel kemoko mezi kemo kemejiko kemezi meji vorita, kemelü kemeziko zo sheri mejita. 31Vele Israelmi kemezi thezho kezüko kemezi thezholü ba mote. 32Dipüla mota? Kekrelamori uko kemelü khimo ketala, vele uko mhathoko lebi lizu thezhoko thita. Phezi kemesü tsüoyo uko phe meshü ve. 33Hizi tho meta, Hihe, I Zionlü ketsüpü shümeta, süolü miko phe meshü tato, minümo kethi tsü; somi pü melüyi mo sheri thenga thi taho.
Currently Selected:
ROMEMIKO 9: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
ROMEMIKO 9
9
Jihova Israelmi keda keyi
1I Khrista zalü jütho poyo, I cejü mozo, akelümedo sheri süsüzo ziba m Kemesa Rüpü sheri azhopo zo. 2Kemeshi kezhopü ayota m amelülü lüzhepü ba. 3Kekrelamori a kemenyü Khrista po a khreko (asazüjürako) sülü areshu va veze, athi a za lü a cekroko. 4Somi Israelmiko ta, somi nuthonu kethi khatsü, m zapozale, m kejükho keyi, thezho kha kesü, Jihova choyi kethi, m reshüko. 5Somi uponeko, uthi uzalü Khrista hü kevori, somi metükopi thejo kepü Jihova kechothela kha kesü, Amen. 6Süsü Jihova jü mhathiyi ho ketala mo. Kekrelamori Israelmi metü Israelmi mo. 7Mori uko Abraham shuye metü pünune zomo, vele Isaac yo nshuye mehü süto. 8Püco süo, uthiumo nuneko Jihova nuneko mo, rele reshupü meta keti nuneko pü shuye. 9Kekrelamori khapü kemeta jüo, I pütü hice vorito; m Sara thepu nupü ngoyito. 10Sülebi kemo, Rebecca sheri mi püyono nu hükeyi, uko potsa Isaac yono. 11Uko mipüri menuyi kemolü, mori mhakeve sheri mori mhakesu sheri mhathopüri thisü kemolü; Jihova po kedakeyi mhathoo lamo vele cükeyi thisü ketola. 12Thenopüce pokesü, pethiopo natsio choyi thito. 13Hibide thopü meta, I Jacob ngo anü, vele I Esau ngometsü. 14Süsa uko kedipü pota? Jihova mezikemo huneme? Sizi mozo. 15Kekrelamori pü Mosesce kepo, I phimezhe süketomiyo phimezhe süto; kekhrü mhatho thisü ketomiyo kekhrü mhatho khasüto. 16Süla thümayomo thitole medo keta mori süsü huzo kevo, vele Jihova tho phikemezhe kha kesü. 17Ketholesilü Pharoahce pokesü, mhatho hila I nmehüsü, n-yono akekupü mengosü m cejümetülü azapü mesesü ketola. 18Süla pütho sopü phi mezhe süto kedayi sheri pü sümi tsü süyo, m pütho somi lü thi merü süto sheri sümi lü thi merü vayo. (Jihova lekhu m phi kemezhe). 19No ace hizi poto, Dipülü akejo ngoyi tade? Sopüno pümedo varhüyi veta? 20Vele nothümao, nosopüle Jihova züde kemeliyi veta? Thikesüo (mhathoo) püthi kesüoce no ditono athipü hihi bisüva? Sizi potome. 21Le kethio leyo pü keku ba mome? Renyopü khipü therholeri m zhoshüleri thiyiyo. 22Mhace Jihova pülekhu mengo sütori, pükeku mesesü tori; sügüsühede pütü kecho thade khapü lekhulü meka keva zhükozo. 23Pü zapozale kene khipü leko mese mengo sü ketola, mejümera kesüpü meta de ukopo zapozale thito. 24Sübi uko cüyi ketakori, Judahmi lebimo vele u Judah kemokori samo tome? 25Pü Hosealü kepobi, athüma kemoko cüpü athüma thito; I khrüyo kemoko khrü süto. 26Neko athümakomo, sizi keta sülü, neko rhüketa Jihova mako sizide potato. 27Isaiah sheri Israelmikola setayo, Israelko thono kropü tesünyo jükezholü keba bita zori mikedopü lebi meha keyi zo tato. 28Pü mhatho thitsü süto, kemezilü thi mejü vato; cejülü mhatho Niepoo thi meze sütato. 29Isaiah hijü saju poketabi, Niepoo krodeko mhace uko meha sükemo sa uko Sodom m Gomorrah bitato.
Israel melükemo
30Uko süsa kedipü pota? Israel kemoko mezi kemo kemejiko kemezi meji vorita, kemelü kemeziko zo sheri mejita. 31Vele Israelmi kemezi thezho kezüko kemezi thezholü ba mote. 32Dipüla mota? Kekrelamori uko kemelü khimo ketala, vele uko mhathoko lebi lizu thezhoko thita. Phezi kemesü tsüoyo uko phe meshü ve. 33Hizi tho meta, Hihe, I Zionlü ketsüpü shümeta, süolü miko phe meshü tato, minümo kethi tsü; somi pü melüyi mo sheri thenga thi taho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.