ROMEMIKO 7
7
Kesükeri ti ju
1Neko semome, (I thezho kesekoce kepo) thezho khi mipü kehüthe pü kekhapü taya? 2Kekrelamori thenomipü pünopu rhükebathe thezhopo pü kekhapü tayo, vele pünopu sataze; thezhopo pü kekhapü ketao pünopu ceco phrüve. 3Süla mhace, pünopu rhüba zori thepu kekrepüce nhita lize sükhapü thepukezüpü ziyo; vele pünopu sata lize thezho pü phati ba mote: süla pü thepukezüpü mo, pü thepu kekrece nezori. 4Sübide akhreazüko, nekori Khrista moyola thezholü sate; neko mikekrepüce nhi ceyo ri vete, süsü kesalü rhüla keyio, Jihova yo use zhüyi ketola. 5Kekrelamori uko uthiumo medolü hü ketace thezhoko uthipü kephoma reyo ketila umoyo zathoko khi kesa mhathoko thi tayo. 6Vele tsühi uko thezhoo mhüjü uko süphrayite, uko tüphapü keta-olü sa tayo; thezho kevü thopü kemeta yo mori kehü kesa rüpülü hü keti mesü. 7Süsa uko kedipü pota? Thezhoo kephoma me? Motozo, I kephoma sü semo, vele thezho ace süo po süyo: uthi upho kemenyüsü I kedipü sheri semo, vele thezholü süsü po kesü, “No mha meho menyü ho” sisü. 8Vele thezho süsü kesela pütü keve süpü apo mhakemeho kemenyü metü thi süyo. Thezhoo zo kemosa kephoma sü kesa zo. 9Kekrelamori I vapü thezho sa mode hü, vele thezho kha kesü vorita, sizi kephoma sü ayo rhü vorita, sizi I sata. 10Thezho khakesü mipo hüyi ketola zo vele ala süsü kesa thita. 11Kekrelamori kephoma thezho khakesüo khipü akedova de adokhri va. 12Thezho sü mesazo, thezho thinzü no khakesü ri mesazo; mezi m ve zo. 13Mhakeve thinode khakesü athi mesa vame? Simozo, vele kephoma sü kephoma hü mengo süyo; mhakevelü kesa mhatho ayo mesü süyo: thinzüno thezho kha kesülü kephoma umha keti kekro vori tayo. 14Kekrelamori u sekeba thezho sü rüpü zhüzo, vele Ino themo (uthiumo) pü kephomalü zhu keva. 15Süla I thinyü kemoko thi tayo, kekrelamori I thi kenyüko thi yo mo; I ngo kemetsüko anü de thi tayo. 16Mhace I thinyü kemoko thita yosüze, I thezho keve se m anü keti ba. 17Tsü süsa, thi kebakosü I thiba mote; vele kephoma ayo hü ketao tho thi tate. 18Kekrelamori I se keba athi amoyo mha keve hüta mozo, kemezi sü I thinyüzo vele I süsü thiyi hota yole. 19Kekrelamori mhakeve sü I menyüzo vele I süko thiyi yomo, vele mhakesuko thinyümo zori I süko thi tayo. 20Tsühi mhace I thinyü kemo thita yo ze, süosü I thi ba motazo; vele kephoma ayo hü ketao tho thi tate. 21Mhakeve thi kenyü süsü ala thezho püzo, mhakesu-o akemenoce ta süyo. 22Kekrelamori I Jihova zho anü alü keta thümao samejide. 23Vele ayo zathoko la thezhopü tati ngoyi, ayo zathoko thezho metsuta akelüce; de süko atüpü thejü thiva kephoma thezholü ayo zathoko yo. 24I thüma hesheherü, sopüno kesamo hi-olü asüphra süta? 25I Jisu Khrista yono Jihova meza thorile. Süla I akelüpü Jihova zho choyi thiyo, vele athi amo khi kephoma zholü thejü thiyo.
Currently Selected:
ROMEMIKO 7: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
ROMEMIKO 7
7
Kesükeri ti ju
1Neko semome, (I thezho kesekoce kepo) thezho khi mipü kehüthe pü kekhapü taya? 2Kekrelamori thenomipü pünopu rhükebathe thezhopo pü kekhapü tayo, vele pünopu sataze; thezhopo pü kekhapü ketao pünopu ceco phrüve. 3Süla mhace, pünopu rhüba zori thepu kekrepüce nhita lize sükhapü thepukezüpü ziyo; vele pünopu sata lize thezho pü phati ba mote: süla pü thepukezüpü mo, pü thepu kekrece nezori. 4Sübide akhreazüko, nekori Khrista moyola thezholü sate; neko mikekrepüce nhi ceyo ri vete, süsü kesalü rhüla keyio, Jihova yo use zhüyi ketola. 5Kekrelamori uko uthiumo medolü hü ketace thezhoko uthipü kephoma reyo ketila umoyo zathoko khi kesa mhathoko thi tayo. 6Vele tsühi uko thezhoo mhüjü uko süphrayite, uko tüphapü keta-olü sa tayo; thezho kevü thopü kemeta yo mori kehü kesa rüpülü hü keti mesü. 7Süsa uko kedipü pota? Thezhoo kephoma me? Motozo, I kephoma sü semo, vele thezho ace süo po süyo: uthi upho kemenyüsü I kedipü sheri semo, vele thezholü süsü po kesü, “No mha meho menyü ho” sisü. 8Vele thezho süsü kesela pütü keve süpü apo mhakemeho kemenyü metü thi süyo. Thezhoo zo kemosa kephoma sü kesa zo. 9Kekrelamori I vapü thezho sa mode hü, vele thezho kha kesü vorita, sizi kephoma sü ayo rhü vorita, sizi I sata. 10Thezho khakesü mipo hüyi ketola zo vele ala süsü kesa thita. 11Kekrelamori kephoma thezho khakesüo khipü akedova de adokhri va. 12Thezho sü mesazo, thezho thinzü no khakesü ri mesazo; mezi m ve zo. 13Mhakeve thinode khakesü athi mesa vame? Simozo, vele kephoma sü kephoma hü mengo süyo; mhakevelü kesa mhatho ayo mesü süyo: thinzüno thezho kha kesülü kephoma umha keti kekro vori tayo. 14Kekrelamori u sekeba thezho sü rüpü zhüzo, vele Ino themo (uthiumo) pü kephomalü zhu keva. 15Süla I thinyü kemoko thi tayo, kekrelamori I thi kenyüko thi yo mo; I ngo kemetsüko anü de thi tayo. 16Mhace I thinyü kemoko thita yosüze, I thezho keve se m anü keti ba. 17Tsü süsa, thi kebakosü I thiba mote; vele kephoma ayo hü ketao tho thi tate. 18Kekrelamori I se keba athi amoyo mha keve hüta mozo, kemezi sü I thinyüzo vele I süsü thiyi hota yole. 19Kekrelamori mhakeve sü I menyüzo vele I süko thiyi yomo, vele mhakesuko thinyümo zori I süko thi tayo. 20Tsühi mhace I thinyü kemo thita yo ze, süosü I thi ba motazo; vele kephoma ayo hü ketao tho thi tate. 21Mhakeve thi kenyü süsü ala thezho püzo, mhakesu-o akemenoce ta süyo. 22Kekrelamori I Jihova zho anü alü keta thümao samejide. 23Vele ayo zathoko la thezhopü tati ngoyi, ayo zathoko thezho metsuta akelüce; de süko atüpü thejü thiva kephoma thezholü ayo zathoko yo. 24I thüma hesheherü, sopüno kesamo hi-olü asüphra süta? 25I Jisu Khrista yono Jihova meza thorile. Süla I akelüpü Jihova zho choyi thiyo, vele athi amo khi kephoma zholü thejü thiyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.