ROMEMIKO 12
12
Khrista yo kehü kesa
1Süla akhrüko, Jihova phikemezhe zalü nekoce choyo; nethi nepho khapü merhü rütho, kemesa, Therüopo yikeshü kethi, süosü neyitholü rüpü kereshü thite. 2Cejülü zhorüleko züta hite, sitimole nekehü redepü nelüri kesa salayite; vekethoti mipo nengote: yikeshükethi, m vetsüketi Jihova medo bide. 3Kekrelamori ngokemezhe kha aketsübi I nekoce kepo kehopüri ulüpü utho uce rekrüku ta hite, vele mhalü metsü Jihova kemelü medepü kha kesü dü. 4Kekrelamori umoyo zatho kekreti kekro kebabi, zatho metü mhatho kemha phrümo. 5Sübi uko metü Khristayo zatho kekroba, zathopüpü ti themopüyo ba. 6Ngokemezhelü mhaphrü kekre keti kha uko tsüsü, saju kepo sheri ukemelü didüpü ba sheri südü poyi khe. 7Mori yitho kethi sheri, kemetha kethilü mimetha ti sheri. 8Mori ketarholü mitarhoti sheri, kha miketsülü püpo jükemelulü khasüte; pü mikekha ketimipo menu keti, miphimezhe ketipo unüsayi de kha kesü.
Khristanmi ketho zasi
9Kekhrüpo kethüra kemo, kesu keretsü, mhakeve chotsükeyi. 10Sazüjüra hunehu kekhrü khi hunehu khrüyite, hunehu rho kekayite. 11Nelü thathi tahi, rüpülü lümü thinyü hühü bayi; Niepoo choyi thiba zote. 12Kemerilü rechü bazote, kemezhe zori sügüsühe bazoyi; kecho thimetü vahi. 13Mhakhapü kemesako khimo kesüko tsüba zoyi, mi meso ba zote. 14Jopü nekemeshuko tsüte, reliphri tsüte, reshuhi. 15Somi rechü tasheli sümüzü rechüte, somi krata sheri sümizüde krayite. 16Hunehu züde lüdo kerhüyite, ulü rekrü tahi de mizü kemhayite; renuki ketsakhumi zü hüyite. Nthonlü nve tahi. 17Mhakesu khi mhakesu khüpo thihi, mimhüjülü mhakeve thipü mi mengo süte. 18Mhace thiyi ve toze no thüma metü zü kezüve hüte. 19Akhrüko, nekhüpo thihi zote; vele khapü Jihova meri süte: kekrelamori thopü metati, “Khüpo sü azhü, I shusüto,” Niepoo side poyo. 20Siti moli, mhace nengomumi khü meri talize mhapü püpo tiyite, theri ta süze jüpü pü mekra süte; süsü no keto meyikrapü hipü püpiyo kesü bi zoto. 21Mhakesupo nce kuketamoli, mhakeve po mhakesukopi kuyi moze su.
Currently Selected:
ROMEMIKO 12: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
ROMEMIKO 12
12
Khrista yo kehü kesa
1Süla akhrüko, Jihova phikemezhe zalü nekoce choyo; nethi nepho khapü merhü rütho, kemesa, Therüopo yikeshü kethi, süosü neyitholü rüpü kereshü thite. 2Cejülü zhorüleko züta hite, sitimole nekehü redepü nelüri kesa salayite; vekethoti mipo nengote: yikeshükethi, m vetsüketi Jihova medo bide. 3Kekrelamori ngokemezhe kha aketsübi I nekoce kepo kehopüri ulüpü utho uce rekrüku ta hite, vele mhalü metsü Jihova kemelü medepü kha kesü dü. 4Kekrelamori umoyo zatho kekreti kekro kebabi, zatho metü mhatho kemha phrümo. 5Sübi uko metü Khristayo zatho kekroba, zathopüpü ti themopüyo ba. 6Ngokemezhelü mhaphrü kekre keti kha uko tsüsü, saju kepo sheri ukemelü didüpü ba sheri südü poyi khe. 7Mori yitho kethi sheri, kemetha kethilü mimetha ti sheri. 8Mori ketarholü mitarhoti sheri, kha miketsülü püpo jükemelulü khasüte; pü mikekha ketimipo menu keti, miphimezhe ketipo unüsayi de kha kesü.
Khristanmi ketho zasi
9Kekhrüpo kethüra kemo, kesu keretsü, mhakeve chotsükeyi. 10Sazüjüra hunehu kekhrü khi hunehu khrüyite, hunehu rho kekayite. 11Nelü thathi tahi, rüpülü lümü thinyü hühü bayi; Niepoo choyi thiba zote. 12Kemerilü rechü bazote, kemezhe zori sügüsühe bazoyi; kecho thimetü vahi. 13Mhakhapü kemesako khimo kesüko tsüba zoyi, mi meso ba zote. 14Jopü nekemeshuko tsüte, reliphri tsüte, reshuhi. 15Somi rechü tasheli sümüzü rechüte, somi krata sheri sümizüde krayite. 16Hunehu züde lüdo kerhüyite, ulü rekrü tahi de mizü kemhayite; renuki ketsakhumi zü hüyite. Nthonlü nve tahi. 17Mhakesu khi mhakesu khüpo thihi, mimhüjülü mhakeve thipü mi mengo süte. 18Mhace thiyi ve toze no thüma metü zü kezüve hüte. 19Akhrüko, nekhüpo thihi zote; vele khapü Jihova meri süte: kekrelamori thopü metati, “Khüpo sü azhü, I shusüto,” Niepoo side poyo. 20Siti moli, mhace nengomumi khü meri talize mhapü püpo tiyite, theri ta süze jüpü pü mekra süte; süsü no keto meyikrapü hipü püpiyo kesü bi zoto. 21Mhakesupo nce kuketamoli, mhakeve po mhakesukopi kuyi moze su.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.